المساعد الشخصي الرقمي

مشاهدة النسخة كاملة : اكسبلورر 2006 6ساندر.... لاتبخل بمعلومة.....رأيك يهمني


راعي المجاهيم
28/12/2009, 01:28 PM
ياشباب وش رايكم في قطع الاكسبلورر 2006 6 سلندر

ودي اشتري امريكي:s

هل 6 سلندر نشيط وعزمة ممتاز

هل يمكن رفعة من الخلف و دي اثبت فيه العدة و التانكي

وش رايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سيد الجو
28/12/2009, 11:17 PM
السته عزمه منتااااز مره


بس شكلك انت تبي ثمانيه صح ولالا ومتردد ؟؟؟؟؟


انا اقول لك لو ان السته ماجاز لك الموت مع الجماعه ارحم

والتانكي ما اتوقع انه يجي تحت لأني دورت مكان ابثبت فيه خزان هوا مالقيت

والعده وش قصدك بها

ان كانك تقصد عدة طبخ ماطبخ وعزب فخذ لك ثلاث مراتب واصفط الثالثه ويطلع لك كنه ابو مرتبتين بزيادة المكيف المركزي واذا بغيت تشيل اوادم ولا المرته موجوده

وميزه ابو ثلاث مراتب انك اذا صفطتها ورفعت اللوح يطلع عندك مساحه حلوه مره ولا يطلع فيه حفر زي المواتر الثانيه




الخلاصه


6 سرندل مناسب جدا من ناحية القوه صحيح ان ال8 اقوى وانشط بس ماتدري عن قطع الغيار
sami2003
29/12/2009, 12:03 AM
اخي العزيز
السلام عليكم
بالنسبة ل 8 سلندر عزم قوي وصرفية البنزين متقاربة جدا مع 6 سلندر لان 8 سلندر المكينة مايكون عليها حمل كبير مثل 6 سلندر ، طبعا هذا من واقع تجربة مع 8 سلندر موديل 2005 استخدام امريكي.
بخصوص قطع الغيار متوفرة ونفس الاسعار بالنسبة ل 6سلندر وهي متوفرة في توكيلات الجزيزة بطريق خريص بالرياض .
فلا داعي للخوف والقلق .
تمنياتي لك بالتوفيق,
ابو صقر 111
29/12/2009, 01:11 AM
اذا تقدر تشتري تويوتا او نيسان ترى اكسبلورر مايقارن بها انا معي 2004 وابتلشت عند ادنى ميلان يتعلق كفر ويدور بوش في الهواء ويضيع الوقت وكأن ما معي سياره دبل اما اذا كان 2006 فيه دفلوك فأعتقد ان شراءه مناسب لرخص سعره مقارنة بالياباني وترى 6سلندر نشيط والسلام
راعي المجاهيم
30/12/2009, 02:18 AM
جعلكم تسلمون والله ماقصروا اي و الله اني متردد

دام ان الدارج مع الناس 6 سلندر


باتوكل على الله و اشتري 6 سلندر


من يخبر لي صالة ممتازة في الاسعار و السيارات
خشم العرمة
30/12/2009, 09:28 AM
اذا تقدر تشتري تويوتا او نيسان ترى اكسبلورر مايقارن بها انا معي 2004 وابتلشت عند ادنى ميلان يتعلق كفر ويدور بوش في الهواء ويضيع الوقت وكأن ما معي سياره دبل اما اذا كان 2006 فيه دفلوك فأعتقد ان شراءه مناسب لرخص سعره مقارنة بالياباني وترى 6سلندر نشيط والسلام

كلا سليم:good2::good2::good2::good2: مافية مقارنة ابد ابد مابين 2004 و 2006 فما فوق
لأن 2006 فما فوق في لنظم ثبت وسلامة متطورة وفيها نظام ديف لوك وناظ توزيع الاحمال ونظام عدم انقلاب السيارة او ميلانها غير ان اللي مطور انظمة السلامة فيها شركة فولفو
خشم العرمة
30/12/2009, 09:30 AM
ياشباب وش رايكم في قطع الاكسبلورر 2006 6 سلندر

ودي اشتري امريكي:s

هل 6 سلندر نشيط وعزمة ممتاز

هل يمكن رفعة من الخلف و دي اثبت فيه العدة و التانكي

وش رايكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تانكي ماله مكان من تحت انسى
الا في حالت انك تركب مواصير ستة بوصة بطول 1 متر وسدة وحنفية على اليمين واليسار يعطيك كل واحد تقريبا 25 لتر
او تحط تانكي داخل الموتر فيبر وترص العفش فوقة

ستة سلندر نشيط مافية كلام ابد وعلى قولة سيد الجو موت مع الجماعة رحمة
ابوسعد النجدي
30/12/2009, 04:22 PM
الله ييسر لك الخير اخوي
راعي المجاهيم
30/12/2009, 08:54 PM
جزاكم الله خير


هل فيه دفلك وفي اي فئة يكون الدفلك


من يخبر لي صالة ممتازة في الاسعار والسيارات ممكن رقم