هل انت مثلي؟؟ تسمع بـ (الخرخرير) ولم تراها من قبل (هذه صورها )!!

[بركان]

بسم الله الرحمن الرحيم

انا دائما ما اسمع ب مدينة ( الخرخير) وخصوصا في نشرة الاحوال الجوية مع انها مدينة عزيزة كسائر مدن وطننا الغالي ويفترض ان نزورها ونزور سائر مدننا التي لم يسبق لنا زيارتها . قد يكون لنا بعض العذر في التقصير بسبب بعدها ووقوعها وسط رمال الربع الخالي الذي لم يعد خاليا.
بالنسبة لي لم اكن اتصور انها بهذا الجمال الساحر.!!!
واترككم مع بعض الصور التي نقلتها لكم من احد المواقع للتعريف بهذه المدينة الوادعة في اكناف الرمال.
وللعلم( يقولون القواله ) بانها تعوم فوق بحيرة من النفط !!!!

-موقع الخرخير على الخارطه:
http://www.mekshat.com/pix/upload/images6/mk6587_kkk4.jpg



http://www.mekshat.com/pix/upload/images6/mk6587_kkk 1.jpg

http://www.mekshat.com/pix/upload/images6/mk6587_kkk2.jpg

http://www.mekshat.com/pix/upload/images6/mk6587_kkk3.jpg

وترى الشهر فيها بشهرين والسنه فيها بسنتين والراتب براتبين والرتبه برتبتين والقرض بقرضين.!!! واللي يبي ينقل لها يحط عندي خبر!!!

[هواوي]

بسم الله الرحمن الرحيم
اخي العزيز بركان
صور رائعه وموضوع رائع جدا
ولي اصدقا في الخرخير من جد يمدحونها للي يحب الصحاري حيث انها في الربع الخالي
وصراحه انا اقترح انهم يستخدمون الدبابات بدل السيارات في تنقلاتهم لان حولهم طعوس والله مالها الا رابرات وبانشيات ويالله بعد تمشي

عموما احس انها متعه رغم اني اتوقع لو هبت رياح قويه بتختفي خرخير ولا يبقالها اثر

[البوصلة]

الله يعطيك الف عافيه على تعريفنا بمدينة الخرخير وخصوصاً التوضيح الاخير على لن الخدمة فيها السنة بسنتين
لكن سؤالى هل كل شيء عندهم مدبول مرتين مثل الزوجة بزوجتين والسجن السنه بسنتين ؟!!!

[بركان]

اخي الغالي/ هواوي
هالديره تصلح للي يحبون المطاعس لانهم اصلا ينومون ويقومون الصبح وهم متوسدين ( طعس ) رمل!!!!

اخوي البوصله
ورا بوصلتك تدور على طول؟؟؟
فضلا ثبتها باتجاه الخرخير.

كلا مك صحيح
اذا تزوجت وحده ( خرخيريه ) يزوجونك الثانيه مجانا ( طبعا على سنة الله ورسوله.).
اما السجن فالسنة بستة اشهر وليس بسنتين.

كما ان سن التقاعد هو النصف عشرين سنه وغيرك اربعين.
ومخالفة المرور يشجعونها ويكافئون المخالف على مخالفته 100 ريال علىشان يشجعون الناس تطلع في الشوارع ,ما تلاحظ في الصور ما تشوف ولا سياره حتى البعارين معدومه.

شكرا على المرور ..... والشرطه والمطافيء. هههههه

[رسلان]

مشكووور أخوي : بركان على الموضوع الجيد والروح المرحة :good: :)
والخرخير جيدة خاصة لكن أهلها مايملون من الطعوس :rolleyes: مافيه شعبان ولا حزوم (هههههههههه) :)
وشكرا لك اخوي على هذا الطرح ..
والسلام عليكم ورحمة الله وبركاته..

[ريف النشاما]

:D :D :D :D
:D :D :D
:D :D
:D

وها أنا ذاهبٌ إليها على بعيريhttp://www.mekshat.com/pix/upload/images6/mk8178_wcamel1xxxxx.gif بعد أن هيج شجوني بركان

بهذه الكلمات المعسوله

[الســـاري]

بركان

تسلم على هالموضوع ..وتعريفنا بالخرخير ...وعلى قولتك ما نعرف منها الا اسمها بنشرات الاحوال الجويه

بركان وش رايك تنظم رحله للخرخير :D والقطه بقطتين ..وفايض القطه نتقاسمه حنا الاثنين ؟ :D

[هواوي]

يقول بركان

((((ومخالفة المرور يشجعونها ويكافئون المخالف على مخالفته 100 ريال على شان يشجعون الناس تطلع في الشوارع ,ما تلاحظ في الصور ما تشوف ولا سياره حتى البعارين معدومه)))))

من جد والله انك صادق يا بركان ما ما تشوف سياره ولا حتى زفلت اصلا

عز الله الي انها تنفع منفى للي يحبون التفحيط لا زفلت ولا شوارع عريضه ومهيئه للسرعه

[ملاعب الريح]

السلام عليكم
مشكور اخوي (بركان) على المعلومات والصور الاكثر من رائـــــــــــــــــــــ :hot: ــــــــــــــــــعتين
وتقبل خالص تحيات أخوك ومحبك في الله (بـــــــــــــــــــــــو ســـــــــــــــــــــــــــــيــــف)

[جاروود]

بسم الله الرحمن الرحيم

الله يعطيك العافية على هالصور :good2: وصراحة الخرخير موقعها بين النفود جميل جدا

[هاوي نفود]

تسلم والله أخوي البركان :good2: بصراحة الصور تجر الواحد على خشته لذيك الديار



http://www.mekshat.com/pix/upload/sign/images/mk9302.gif

[بركان]

هلا بالاخ/ رسلان
معرفك يذكرني بالمهيله دلة رسلان واذا شفته صكني راسي.

ملاحظة جيده فعلا لو اذهب هناك اصبت بالهبال لان ما فية شجر ولا شعبان.

تحياتي


الاخ/ ريف النشاما
صح لسانك
هلا وسهلا
ما ودك نشد على هالبعارين اللي في توقيعك ونتجه صوب الخرخير بشرط يخاوينا الاخ/ البوصله على شان يدلنا انا عندي قارمن جديد بس وشلون بنشبكه وحنا على البعير لو غَرزنا سلك القارمن في سنام البعير ضنك ما ينفع الشحم اللي في السنام كطاقه للقارمن ههههههه, ومتى ضنك نوصل؟؟؟

[أبو يوسف]

صراحة شكل المدينة كذا تحت الطعوس منظر جمالي ودك تصوره وتعلقه بالمجلس

أما على الشهر بشهرين على قولتك هذا منول
الحين الغوا هالخاصية على ما أظن

مشكور اخوي بركان على الصور

مع التحية

[شاص]

أقول عساكم ماتتعينون بها ولا من نحب :j
عز الله من عين بها أنه بيخيس ما أحد درى عنه إلا أن يفرجها الله
أعرف واحد سمع بهالميزات وهالعلوم وطلب نقل وشرط عليهم أربع سنوات بس وهي الروحة الضعيف يفحط يبي يرجع ويقول خذوا ميزاتكم ما عاد أبيها رجعوني بس :p

[ظلال الشمس]

الله يعطيك العافية
الصور واضحة وممتازة

[shababi]

الخرخير أهلها كلهم مناهيل جمع (منهالي)

الي أعرفه معظمهم رحل للامارات والي باقي منهم فيها ماعندهم بطاقات أحول (عندهم فقط جوازات سفر)

المدينه مروعه في الصيف حرارتها تصل الى درجة الغليان
وسلاااامتكم

[اخو عنقا]

انا عملت فيها ستة شهوروصراحة ديرة يبغالها واحد عزابي ويحب القنص بالليل ويبغالك جيب شاص وتحمل العجة وناسها طيبن وكل شي فية دبل من ناحية الراتب :bounce: