كيفية إستخراج الاطار الاحتياطي من السلك للجمس

[أبوعبدالله77]

السلام عليكم أبي أسأل الاخوان عن طريقة إخراج الاطار بعد إنزال السلك ناشبه الحديده ولا تطلع جلست ساعتين أقلبها لين مليت ورديت رفعت الاطار علما أن السيارة جمس سوبربان 2005 وشكرا للعموم مقدما

[أمير الكشته]

هلا اخوي ... ابيك اذا نزلت الاستبنه على الارض
ابيك ترفعها بشويش وتدخل يدك من تحت الاستبنه جهة الارض وتفرررر الحديده عشان تجي الحديده بشكل مااايل يسمح لها بالخروج من فتحة الجنط
يارب فهمت اللي اقوووله
يعني المسألة فقط انك بحركة خفيفه من يدك تفر الحديده من تحت جهة الاررررررررض عشان تطلع لفووووق مع مع فتحة الجنط

[أبوعبدالله77]

الله يجزاك خير على الرد لكن المشكله الحديده ما تطلع من الجنط لأنها كبيره أنا عارف طريقة الدداسن وكيف تطلع الحديده بس حقت الجمس ماتطلع لأنها كبيره على فتحت الجنط

[لن أمل من العطاء]

ابو عبدالله الطريق بسيط جدا جدا

وهي مفيده لكي لا يسقط الكفر عليك


الطريقة هي

شوف الحديده الدائرية اللي ماسكه الجنط وشوف نهاية الواير
نهاية الواير فيه حديده

افصل الحديده اللي بنهاية الواير عن الحديده الدائرية اللي تمسك الكفر

وخرج كل واحده لوحدها اولا تخرج الدائرة وبعدها تخرج نهاية الواير بالحديده الطويله المحمه فيه

الفكره ان شاء الله واضحة

[أبوعبدالله77]

>أشكرك كل الشكر لن أمل من العطاء راح أجرب الطريقة وانشاءالله تضبط اللي فهمته أن السلك يطلع من السياره وبعدها من الكفر صح]

[ابوعقل]

وعليكم السلام

ابو عبد الله

اذا الكتالوج موجود اللي بالغه الأنجليزيه

افتح القسم الخامس صفحه 90,89,88

بتلقا ان شاء الله الأجابه

[محب النيسان]

خلك على الدداسن ازين لك

[أبوعبدالله77]

أشكرك أبو عقل فتحت الكتلوج بس المشكله لا أعرف أنقلش

[al faris]

ما اتوقع انها تكون صعبه الا في حالة ان الحديدة التي بنهاية السلك ملحمة بالجنط لكن
بعد ان تنزل الكفرة الى الارض اسحبها خارج ثم ارفع طرف الكفره عن الارض وبسهوله حرك قاعدة الواير (السلك) واسحبها شوي تحت الكفره ثم ميلها وطلعها من الجنط وهي مايله بسهوله لكن ممكن تقول بالضبط وش سويت، اتوقع مع الوقت مسكت الحديده بالجنط مع الغبار والتراب اكرم الله وجوهكم ومجلسكم

[أبوعبدالله77]

أشكرك يا أخي على المشاركه أنا لما بنشرة كنت أضن السالفه سهله أستخرجت العده ونزلت الكفر لين صار بلأرض ورفعة الكفر علشان أطلع الحديده من الكفر قلبة الحديده يمين يسار لايمكن تطلع لانها أكبر من فتحت الجنط جلست ساعتين أقلب بلكفر ما يطلع وبعدين رفعته وطلعت الكفر اللي مبنشر رحت بدلت الكفر ورديت ركبته والأسبير مانزل إلى هذه اللحظة

[kald66]

ابو عبدالله كيف حالك انا صارت لي نفس المشكلة ينزل الواير والحديدة ثابتة فوق وياكثر ماحاول وفي اخرشي فكيت المكرة كاملة ونزلتها بي الارض ولا انفكت الحديدة وفي اخر شي اكتشفت انة اول شي لازم يكون الواير مشدود ومن ثم تقوم بانزالة على مهل واذا نزل الواير من غير الحديدة ارجع وشد علية واحاول انك تسحب الكفر بيداك على اسفل وقم بعملية النزل ببط لكي يفتح القفل الي بلحديدة ومن بعدها تنزل الكفر بكل يسر وسهول والله يوفقك

[لن أمل من العطاء]

ابو عبدالله كيف حالك انا صارت لي نفس المشكلة ينزل الواير والحديدة ثابتة فوق وياكثر ماحاول وفي اخرشي فكيت المكرة كاملة ونزلتها بي الارض ولا انفكت الحديدة وفي اخر شي اكتشفت انة اول شي لازم يكون الواير مشدود ومن ثم تقوم بانزالة على مهل واذا نزل الواير من غير الحديدة ارجع وشد علية واحاول انك تسحب الكفر بيداك على اسفل وقم بعملية النزل ببط لكي يفتح القفل الي بلحديدة ومن بعدها تنزل الكفر بكل يسر وسهول والله يوفقك



فعلا هذا بالضبط مكتوب في الكاتلوج

[أبوعبدالله77]

أشكرك الاخ خالد ولن أمل من العطاء كل الشكر على المساعده والتجاوب مع الموضوع