مكرة السحب للونوش وطريقة استعمالها

[خشم الحصان]

الاخوه الغالين
السلام عليكم
اخواني في الله الموضوع يتكلم عن مكرة السحب وهي تستعمل مع الونش وميزتها انها تخفف من الضغط علي الونش حيث ان محور الارتكاز ينتقل الي المكره ويصبح الونش هو القوه اي السحب وحسب ماهو في الكتلوج
ونش warn انها تزيد من قوة الونش تقريبآ لي الضعف
وهذي صوره للبكره
http://www.mekshat.com/pix/upload/images6/mk2673_mekshat3.jpg
الادوات الكامله للبكره هي
1- البكره
2- سلسله طويله من النوع القوي جدآ
3- ادسوس(قفازات) من النوع الجلد
4- واير صغير طول 5متر حسب الطول الذي تريد
5- قفيز سبير 2 طن 3 طن 4 طن لي تبي
6- مجموعة هوكات
وهذي هي الصوره للمجموعه
http://www.mekshat.com/pix/upload/images6/mk2673_makshat1.jpg
وهذي صورة القفيز

http://www.mekshat.com/pix/upload/images6/mk2673_mekshat4.jpg
وفيمة العده كامله لدي الوكيل 500 ريال تقريبآ او ازود وقد قمت بشراء المكره فقط والباقي قمت بتجميعه ووفرة الباقي قينة البكره تقريبآ 270 وهي من النوع الوسط فهنالك نوع للسحب الخفيف والوسط والثقيل
عملية استعمال المكره
1- قم بسحب الواير الونش بمقدار ماتحتاجه بوسطة تحرير الوير بالكلتش من الونش كما في الصوره
http://www.mekshat.com/pix/upload/images6/mk2673_mekshat9.jpg
2- قم بادخال الواير في البكره بعملية الزحلقه المعاكسه كما في الصوره
http://www.mekshat.com/pix/upload/images6/mk2673_mekshat5.jpg
3- قم بشد البكره مع الواير الصغير الذي تم تثبيته في الشجره او سياره اخري او اي شي يمكن ان يكون مساعد في عملية السحب وذلك بوسطة القفيز وليكن الجهه المنحنيه يم البكره ولا تجعل المسمار يم البكره كما في الصوره
http://www.mekshat.com/pix/upload/images6/mk2673_mekshat7.jpg
4- قم برجاع هوك الواير السحب الي السياره المغرزه المراد سحبها
5- قم بشد الواير ببطي حتي تتاكد من عملية الربط وان كل شي تمام كما في الصوره
http://www.mekshat.com/pix/upload/images6/mk2673_mekshat8.jpg
6- عند التاكد من ان كل شي ان شاء الله تمام ابعد الاشخاص عن الواير والشخص الذي معه جهاز التحكم للونش(الرموت كنترول) من الافضل ان يكون داخل السياره وليس خارجها خشية ان ينقطع الواير لا قدر الله فيضر احد
وفي هذه الصوره نشاهد عملية السحب ولاخوان عيو يوخرون يقلون كلها تصوير يعني منتاب ساز
http://www.mekshat.com/pix/upload/images6/mk2673_mekshat10.jpg
هذا ياخوان موجز بسيط عن عملية استعمال المكره وعذروني لو حصل تقصير وعدم تنسيق او ترتيب لكن هذي اول مره اكتب موضوع ومعه صور
وهذي صورة السياره وفي وجهه الونش بس لا تناضرون الجحه ترها مهيب تبع البكره او الونش

http://www.mekshat.com/pix/upload/images6/mk2673_mekshat2.jpg
ويمكن انكم شفتوها في موضوع الاخ الغالي (بركان)
مشكورين يالغالين
مشرفنا الفاضل
السمح
مشرفنا الفاضل
ايمن
الاخ الغالي
مشغول :mad:
علي المساعده الله يغفر لنا ولكم
اخوكم
خشم الحصان

[الدبل الثقيل]

جزاك الله خير ... الله يرفع قدرك دنيا واخره.... هل هذه الادوات موجوده عند السليماني... وبالنسبة للجيب الشاص موديل 2002 وش افضل ونش له وكم قوته؟

[السمح]

إيه يا حيي هذا الشغل السنع .. صور وربيع وجيب فوقه جحه :bounce:

نبارك لأنفسنا إنك صرت تعرف تدرج الصور لأن الموضوعات بتصير فائدتها مضاعفة

ونبارك لأنفسنا إننا شفنا هالموضوع عن البكرة .. وكلام الكتالوج صح كونها تقريباً تضاعف قوة السحب فقد جربتها في سحب عايدي مغرز

وباستخدام البكرة ما كأنك ساحب إلإ شاة :D

لك التحية والتقدير على هذا الموضوع

[بركان]

اخوي/ خشم الحصان
مشكور وما قصرت
رحم الله والديك
استفدت كثيرا
من هالمكره
وانا زاهب دي الوأتي اشتريها.

مشكور.

[Bader-M]

مشاء الله
تبارك الله

كذا :good: المواضيع ولا بلى

تسلم اناملك يالذيب


..........
الموضوع مثبت

[كشوتي]

=FA0309]قائمة المبدعين في مكشات تتباهى بانضمام خشم الحصان :BUTT1: :BUTT1:

تصوير شرح تنسيق باختصار شغل متعوب علية لالالالا ... مايكفي
هاذا موموضوع هاذي لوحة فنية متكامله خطتها انامل المبدع خشم الحصان
وكلما تتمعن في اللوحه اكثر كل ماتاخذك اكثر كانك تقلب الماس يتوهج من كل جانب
السلاسة المفردات (الزحلقه المعاكسه) شف كيف دقة الوصف ووضوح المعنى

انا بكل بساطه اقترح انه تدرج ها اللوحه ضمن المواضيع المميزه وتكون مرجع لكل من ينشد الابداع [/align]

[ابو درع]

فكره جدا ممتازة ..

لكن يخوي عندي سؤال ..

نفترض انك مغرز . .. المهم المسافة إلي بتعلق بها السنا ره ( الشن كار) طويلة (بعيده ) .

يعني لو بتمد الواير 6 متر ببغالك الضعف 12 متر . وهذه ألعمليه ما تؤثر علي الونش

بعني يزيد الضغط .. لان القوه تكمن أو تزيد حسب المسافة .. وكلما استطال الواير قلت

القوه .. وزاد الضغط علي الونش ..

هذا باعتقادي ..

[أيمن]

يا جعلك تسلم يا أبو جراح ..
موضوع عملي وصور تبهج وتفتح النفس ..
خرجت منها بفائدة غير سهلة في طريقة مضاعفة قوة الونش .. وكيفية استخدامه، لكن وين الونش النظيف! :( ..

وأنا مع كلام أبو تركي أننا على موعد مع مواضيع حافلة بالصور التوضيحية بعدما مات العائن وأصبح الكاتب الكريم ياستطاعته إنزال الصور ..

تحيتي

[خشم الحصان]

الاخوه الغالين
السلام عليكم
وحياكم الله كلم بسمه الله يغفر لنا ولكم ويجزاكم عنا كل خير علي مروركم والمشاركه والتشجيع ولاهيب غريبه من هالوجيه الطيبه الله لايحرمكم الاجر والمثوبه.
.......................
الاخ الحبيب
الدبل الثقيل
مشكور ياخلفهم علي الدعاء وانت بعد مثل الله يغفر لنا ولك ويرفع من قدرك في جناته مع من تحب وحنا معك امين يارب العرش العظيم
شف يالغالي بنسبه للعده نعم موجوده لدي السليماني لي في الغرابي عن الدوريات سابقآ شرق اي بعد حدود 150الي 200 متر تلقاه علي يدك اليسار بس تراها غاليه حدود 500 ريال او ازود الله واعلم لكن شور اخو خذ منهم المكره
وكاسرهم مره والبازي مر دور الخرج وخذ لي تبي ارخص من الوكيل بكثير السلسله القفزان الواير الدسوس وغيرها ومر الغرلبي وخذلك شنطه شراع 20 لي25 ريال ويالله لك الحمد
بنسبه للشاص كان عند واحد قريب لي وعليه ونش 4 طن تقريبآ مثل لي في الصوره ولكن قيه ونوش جديده عندهم
واخر مره نشتهم قالو انهم بيوردون ونش قوي مره حولي 7 طن سحب مباشر (سنقل لاين) اي خط واحد وقيمته الله وعلم اما نسيت فهو في حدود4500 لي 5000 حسب قول الهندي لاكن لا دخل في ذمتي شي
انا والله اعلم اشور عليك 4 طن ورهم له قاعده عند الحداد (جسور) (I )
لئن الشاص ثقيل بدون حموله واذا حملته عفش ومويه وبنزين وعده وحطب هذولا وش بيجرهن اذا شقص في رمل او مطينه وطق لك مكره و يالله من فضلك
ارجو ان اكون ساعتك يابعدهم الله يثيبك
اخوك
خشم الحصان
...................................
الاخ الغالي
ومشرفنا الفاضل
ابو تركي (السمح)
حياك الله يابعدهم والله يجزاك عنا بدخول الجنه امين علي سعة صديرك و مغثتنا لك كل ما طق عود عود اتصلنا علي وسيع الصدر (السمح)
ياخيي ان شاء الله اني متفول خير بعد من فكت عقدة الصور والقادم ان شاء الله اخير من الرايح
مشكور يابعدهم علي مرورك والمشاركه والمساعده الله لايحرمك الاجر والمثوبه
اخوك
خشم الحصان
...........................
الاخ الحبيب
بركان
هلا والله بك كل الهلا وابرك الحزات يوم مريت يابعدهم ومشكور يالغالي علي الدعاء ويجعل والديك في جناته امين
بس ياخيي (وانا زاهب دي الوأتي اشتريها) وين جت معه هالكلمه او متاثر اذا انت ناوي ان شاء الله خذ مكره ام 4600 كجم لاياك تاخذ الصغيره
عموم مشكور علي مرورك والمشاركه الله يثيبك
اخوك
خشم الحصان
............................
الاخ الغالي
ومشرفنا الفاضل
طاير بالعجه
الله يجزاكم عنا كل خير وانت راعي الاوله يابعدهم ولا ننسا فزعتك في موضوع توضيب الجيب يالغالي بتزويدنا بالصور الله يغفر لنا ولك مشكور علي التشجيع الله يبارك فيك
عموم مشكور يالغالي علي مرورك والمشاركه والله لايحرمك الاجر والمثوبه
اخوك
خشم الحصان
...................
الاخ العزيز
كشزتي
الله يرفع قدرك دنيا واخره يابعدهم ويجعل من جابوك في جنات النعيم امين يارب العرش العظيم
بس ياخيي الله ياحسيك يخلي الواحد يتشقق سنه دفتر ابو 40 يلعبه الهواء في السور
مشاء الله عليك ياخيي لسانك يزلق فيه القطو :good2: والدليل
(هاذا موموضوع هاذي لوحة فنية متكامله خطتها انامل المبدع خشم الحصان
وكلما تتمعن في اللوحه اكثر كل ماتاخذك اكثر كانك تقلب الماس يتوهج من كل جانب
السلاسة المفردات (الزحلقه المعاكسه) شف كيف دقة الوصف ووضوح المعنى
انا بكل بساطه اقترح انه تدرج ها اللوحه ضمن المواضيع المميزه وتكون مرجع لكل من ينشد الابداع [/color]
كشوتي الله يجزاك عنا بدخول الجنه علي هالوصف
اخوك
خشم الحصان
..........................
الاخ الكريم
ابو درع
حياك اله يالغالي وياهلا بك الله يغفر لنا ولك علي مرورك والمشاركه يابعدهم
جواب سوالك يالغالي هو حسب كتلوج الشركه المصنعه للونش warn ان طول الواير هذا الونش الذي في الصوره 46 متر وسمك الواير 8 مم وقوت السحب بهذا الطول اي ان الواير مفلول كله 90سم في الدقيقه
و كلما قرب الواير من الونش زاد من سرعته في لفه
هذا الكلام من كتلوج الشركه
وكلامك في محله (صح) يعني كل ماطال الواير زد الضغط علي الونش والبكره تخفف من الضغط علي الونش
عموم تشرفنا بك يابعدهم والله يزيدك من علمه وخيره
اخوك
خشم الحصان
..................
الاخ الغالي
ومشرفنا الفاضل
ابو حمد (ايمن)
يجعلك تسلم يابعدهم الله يغفر لنا ولك يالغالي و مشكور الله يجزاك عنا بدخول الجنه علي تعبك وتحملك لنا لكن عاد وش نسوي قروي وده يتعلم وتعرف علي واحد يعرف لصقه مايفكه ولا لحام الاكسجين :) لكن اسال الله ان يجعلها في ميزان حسناتك يوم الحساب
يبي يرزقك الله ان شاء الله بونش ولانت خابر الله كريم
اوه مشرفين وندمجو مع بعض رحنا طبق بيض طايح من يد ارفل ان شاء الله ان الله كتبه ان المزبل اخير من الرايح
والله يعين امين
ابو حمد ماش ترا الدمجه ياسرع ما تفلت اخاف انس وشلون نزلتهن :j واحد خايف لايرجمون من اسبوع وهم يدرسون فيه وفي الاخير يقول ابنسا
عموم الله يثيبك ويرفع قدرك
اخوك
خشم الحصان

[بركان]

اخوي /خشم الحصان
حيا الله راعي الجيب ابو جحه ( يا حمرها حمراه ).

اولا مبروك تثبيت الموضوع الله يثبتنا على طاعته وترى حنا المستفيدين مهوب انت. وهذا الموضوع اللي يستاهل التثبيت يعني كل ما نفتح الصفحة والى موضوعك مرتز قدامنا يستاهل وتستاهل انت الثناء والتقدير والاعجاب.!!!

انا الله يسلمك عندي ونش اللي تسميه انت ( مكره ) ذكرتني بمكرة الخياطه اللي يلفون عليها اسلاك الخياطه ايام زمااااااان. وقوته 4 طن وفوقها 300 اشتريته من السليماني اللي في شمال طريق الملك عبد العزيز طبعا في الرياض على شان الاخوان اللي في خارج الرياض يعرفون مهوب يبلشون وهم يلفون يدورون طريق الملك عبد العزيز عندهم ولا يحصلون بعدين يزعلون علي. المهم شريته وركبته عندهم وشغلهم عال العال شغل فلبينيين ولا عليه كلام الشي اللي فات علي اني ما طلبت منهم ان يغيروا الواير من 8 مل الى 12 حيث ان 8 ملم ضعيف شوي المهم يالغالي ركبته وسافرت وانا اتشوف احد حولي يبي مساعده على شان اجرب فيه وانتله. مالقيت احد فكتب الله اعلي ان اغرز في طينه ومعي جماعة الربع قلت لهم لا تهتمون وانزل كانني عنتر بن شداد ويوم نزلت واتلفت يمين يسار والا ما حول اخوك شي يربطه فيه , واخرتها اطوي وايري واستعين بالشيول اللي صورته لكم في موضوع الفيكس آر والشيول. وسلامتك وسلامة كل من قرأ هذا الموضوع.

وما قصرت والله يرحم والديك عن النار.

[مشغول]

هلا بك يا ابو محمد يا بعد حيي .

وش ذا الموضوع الحلو ماشاء الله عليك .. اظاهر الراتب الجاي بطقلي ونش وبكرة في وقت واحد .

وبعدين وش ذا التصوير والكاميرا الحلوة ما شاء الله صافيه .. شكل المصور فنان .. :heart: :) :hot:

ما قصرة يابوجراح .

[خشم الحصان]

الاخ الغالي
مشغول
السلام عليكم
حياك الله يابعدهم الله يغفر لنا ولك ومشكور علي المرور وانا داري ليش مار
لا ياخيي لا تقول (بطقلي ونش وبكرة في وقت واحد ) ثم تشكيك الشركه قل ابشتري وهين الا ياشاري :p
وانت عارق لبش ................عرفت ولا اعلمك
وبعدين وش قصدك بهالحسي(وبعدين وش ذا التصوير والكاميرا الحلوة ما شاء الله صافيه .. شكل المصور فنان .. )
المثل يقول (مايمدح السوق ياكود لي رابحآ فيه)..............
يعني انت لي مصورها ..........ارتحت هذا لي تبي وينك (يالموحد) :D ياقلب ف..................
حياك الله ياخلفهم الله يثيبك ويرفع من قدرك دنيا واخره امين
اخوك
خشم الحصان

[شايب الصمان]

تسلم أخوي على الشرح المفيد ...
ركبت ونش وارن 4طن على دوج رام حجم 1500.الحقيقه انه ممتاز . وكنت ابغى واحد يشرح بالضيط الطريقه
ولكن مع محبي مكشات لايمكن تضيع. مشكور وجزاك الله كل خير.

[خشم الحصان]

الاخوه الغالين
السلام عليكم
وحياكم الله كلن بسمه
الاخ الغالي
والحبيب بركان الله مير يبارك فيك وفي عمرك يابعدهم ويغفر لنا ولك ومشكور كل الشكر علي مرورك والمشاركه
والله ينفع بك المسلمين
بنسبه للواير 8مم هذا هو المقياس لي حاطته الشركه لنوع هذا من الونوش واذا غيرته الي 12 مم راح يتغير عليك طول الواير لئن البكره حقة الونش (مهيب بكرة هذي حقة السحب لا بكرة لف الوير للونش) مارح تاخذ 12مم بطول 48 م اي يجب انك تقصره عن 48 متر هذا الكلام مهوب من عندي هذا من الشركه المصنعه حسب كتلوجهم الموجود لدي والله اعلم
بنسبه لعملية تطليع نفسك تنفسك بدون مساعده من احد بعد العون من الله سبحانه هي انك تجيب (صيخ) حديد جبر مره قطره تقريبآ 5سم بطول 1 متر و تقوم بطقه في الارض متماسكه بمطرقه وزن 5 الي 6 كيلو وشبك الواير فيه
وان شاء الله انك تبي تطلع من الغراز او احفر للستبنه ودفنها عموم انا مرهم لي( صيخ) بنفس المقاس المذكور
واستعمله زي (نمر السكري) مع القهوه وان شاء الله ابنزل صور كامله عن معدات الغراز الخاصه بي في موضوع اخر او مع هالموضوع اضن احسن هذا مالدي اخي الفاضل بركان
غفر الله لي ولك والاخوان
اخوك
خشم الحصان
عذرآ علي التاخير في عدم الرد وذالك لسبب اني مانتبهة احسب انس راد عليك كل هالفتره وارجو ان تقبل عذري يالغالي
.........................................
الاخ الحبيب
والرفيق شايب الصمان
حياك الله يابعدهم وياهلا بك ومبارك عليك الونش الله يطعمك من خير ويكفيك شره وشر الحاسدين امين يارب العرش العظيم والمكره تري مجربها مع شاص طايح في خفره وطلعته ولله الحمد والمنه
اخوك
خشم الحصان