عطيت الوالد بكت الدخان

[ابن الراوي]

:l أخواني حياكم ربي أليكم هذه السالفة التي حصلت لي مع الوالد رحمة الله وربما اكثر قصصي وحديثي مع الوالد فهو بمثابة والدي وصديقي لاان ليس لي اصدقاء لطلعات البر خوفا ان اطلع معهم وهوفي البيت ويرغب الطلعة واتركه وهولايعرف يسوق السيارة فكانت طلعاتي معه فالسالفة التي حصلت لي مع الوالد لاتخلو من الطرافة والاحراج وقوة الأرادة ففي يوم من الايام كنا عايدين من البر وكنت مما بلاني الله به شرب الدخان فكان الوالد لايعرف ذلك ونحن في طريقنا للمنزل قال لي اذا شفت صيدلية وقف جب لي حبوب الروماتزم فقلت سم واقرب صيدلية اشوفه انزل عنده والوالد بالسيارة فشريت العلاج ووضعته في جيبي وجلست احاسب الصيدلي الوالد نزل من السيارة يريد التأكد من العلاج فسألن لقيت العلاج فقلت نعم قال وينه فأدخلت يدي في جيبي وأعطيتة علبة الدخان بدل علبة العلاج وانا انظرللصيدلي الوالد شاهد علبة الدخان وهو يكرر وين العلاج وانا اقول هذا اخر شي مسك يدي بقوة وهو يقول اقولك مهوب ذا فلما نظرت للعلبة فاذا هي علبة الدخان ألي معطيه اياه فعلى طول اعطية علبة العلاج من جيبي ويطلع للسيارة أخينا الصيدلي يشاهد الموقف ولايدري وش القصة فقال وش سالفك دخان ورجال تعطيه دخان فقلت تدري مين ذا هذا الوالد عطيته علبة الدخان وهو مايدري اني ادخن فأخذ يضحك بقوة قال والله نكته حلوه فيه واحد يعطي ابوه علبة الدخان قلت نعم قال مين قلت انا ولكن كلن على همه سرى وش ابغى اقول للوالد المهم طلعت وركبت السيارة بخجل وكأنني اول مره اسوق السيارة مادري اي الرجلين ألي للكلتش او الفرامل المهم مشينا وما قال اي كلمة كأنني بحلم ولكن اتذكر ضحك الصيدلي واتأكد بأن الموقف حقيقي ونحن في الطريق دخلت يدي في جيبي واخرجت بكت الدخان ورميته دون ان يشعر بذلك حتى اني اذكر ان فيه ز قارتين لااني قبل هالموقف افكر بقرب مكان يبيع دخان بعد مانزل الوالد 1ذهب و اشتري منه المهم استمريت على تركي الدخان إلى يومنا هذا رغم مضي قرابة ربع قرن على هذا الموقف وبعد مده اخبرت الوالد بذلك فحمد الله وقلت له السبب علاج الروماتزم قال بل مشية الله وقوة الاراده سقت هذه السالفة لااقول ان الله يهيي للشخص اسباب تمنعه من فعل بعض الاعمال والاستمرار فاجعل ثقتك بالله قويه ولا تقول حاولت وعجزت بل قل حاولت وسوف احاول واحاول أسف على الأطالة :s :f
تحياتي

[فهد الهلالي]

اخي ابن الراوي الله يمسيك بالخير
بحكم معرفتي فيك وفي والدك رحمه الله نعالى
تخيلت موقفك فضحكت كثيرا
بالصراحه موقف لاينسى
تعجبني فيك الصراحه
سالفه الطير وسالفه الدخان
والثالثه ماندري ويش تبي تصير
ونستناء يابو سلطان بهذه السالفه
الله يؤنس قلبك بالايمان
تحيتي لك

[العريني1]

موقف محرج للغاية...
ولعل من توفيق الله لك بترك التدخين..برك بوالدك وحرصك على عدم الخروج للبر خوفا ان يكون له رغبة في طلعة بر...
لله درك .. وغفر الله لابيك

[ياعين ابوي]

الله يحييك أخوي ابن الراوي ,


وأضحك الله سنك , والله يرحم الوالد ويجمعنا فيهم بالجنه ,


ماشاء الله أحس الوالد شخصيته قويه الله يرحمه ,


والحمدلله الي صار هالموقف , وفكك الله من شر الدخان ,


وهاذي ردة فعل للموقف , انك كرهت الدخان .


الله يحمي شباب المسلمين من كل شر ,,


استمتعنا بالقصه وبإنتظار الجديد .

[فكس أر]

اخوي ابن الراوي
الله يسلمك على السرد الرائع
موقف مؤثروالله يهدي من يشاء سبحانه وانت باين معدنك طيب ونيتك صالحه وربي عطاك على نيتك
والله يغفر ويرحم ابوك ويجمعك واياه في جنة الفردوس
أن شاءالله ...

[كساب الطيب]

بارك الله فيك يابن الراوي
وبيض الله وجهك
والموقف لحاله محرج

[راشد الحربي]

موقف مؤثر بارك الله فيك ورزقك بر ابنائك بك ... وثبت وإياك على طاعته

[حاتم البدراني]

الله يرحم الوالد
وماقصرت على هالقصه الي كلها فواد

وتركت الدخان يبغالها عزيمه واصرار فقط
لانه من انجس العادات
وتراه ماهو ادمان ولا يحزنون عاده فقط

[الكايف 1]

السلام عليكم ورحمة الله وبركاته :
حياك الله يا /ابن الراوي
الله يسعدك بالدنيا والاخره
انت وش سويت هذى موقف تريلات تعديت موقف النقل الجماعي هههههههههههه
اسأل الله العظيم ان يقوي ثباتك وان يعصمك من الشرور
الله يبربك مثل مابريت بالوالد الله يرحمه
الله يجعلك في عليين يارب العالمين

[كاسر الأمواج]

بيض الله وجهك ورحم الله والديك

[مدمن مرقوق]

ههههههههههههههه

اي والله موقف محرج

والحمدلله انك تركته

شكرا لك

[صقر الحراملة]

الله يرحم الوالد و يجعل مثواه الجنة و جميع موتى المسلمين

الله يثبتك على الحق و هذا شيء يدل على مدى احترامك لأبوك الله يرحمه و تربيته لك تربية حسنة

تقبل تحياتي

[بدرسرور]

الله يرحم الشايب والله يبارك فيك

[خوي الساري]

صراحه موقف محج ولكن بنفس الوقت نتيجته كانت جيده0000000000

[القطاوي 2008]

موقف محرج للغاية

[ابو اسامه 2]

موقف محرج جداً

وهذا يدل على ان الوالد رجل رائع

رحمه الله رحمه واسعه واسكنه فسيح جناته

والله يسعدك يا ابن الراوي على هذه الروايه الرائع

تحياتي لك

[سطام F15]

أخوي ابن الراوي لاهنت على الموقف المحرج صراحة والله إني أتخيل شكلك وأنت تسوق ناشف ريقك والسيارة تناتع من الموقف

والحمد لله ياخوك هالموقف صار لك سبب لترك الدخان وياليته صار من أول يوم تعلمت الدخان فيه

لاهنت يالغالي وبإنتظار الموقف الثالث بشوق ولهفة

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
تسلم اخوي بوسلطان على سردك الطيب للسالفتك مع الدخان
صدق سالفتك تموته من ضحك .. سبحان الله الخيره لك بتركك لدخان
والله يكفي شباب المسلمين من شر الدخان..
والله يرحم والدك وجعله الجنه ..

[رئيس اعلى]

ابن الراوي
اضحك الله سنك ووسع رزقك ورحم الله والدك
والله اني ضحكت ضحك من جد الجد
اما بكت دخان قويه قويه لو انا يبيلي ساعه في الصيدليه عشان استوعب اللي صار بس الله يرحم الوالد اكيد كان اب وخوي.

[ذيب طي]

الحمدلله على عافيتك اخوي .. ورب ضرة نافعه

[وطن النهار]

تبارك الرحمن

الفال لأخوي الصغير

[الهداد2010]

ههههههههه
موقف محرج ولا يحسد علية

والله يغفر لوالدك وللمسلمين اجمعين

[فهد الهلالي]

ابو
سلطان تحياتي

لك
الاحراج عليك والضحك علينا
قراتها اكثر من مره
موقف
لاتحسد عليه
ننتظرمنك موقف ثاني
عطنا الله لايهينك
عارفك راعي مواقف
عطنا سالفة اللي
دعست
معاميله بالسياره
تحياتي لشخصك

[ابن الراوي]

حياكم ربي واشكر الجميع على مرورهم ويعطيكم العافية وابشر ياشيخ باللي يرضيك
تحياتي

[الدكتور 2007]

كنت اتمني ان يحدث معي هذا الموقف كي اقلع عن التدخين

[ابوناصر السهلي]

بارك الله فيك

[سليمان الربيعان]

جزأك الله خير
الله يعطيك العافية ما قصرت
أبو يوسف

[الذيب ذيب .]

الله يرحم والدك
وأن يغفر له الله ويسكنة فسيح جناته

بصراحة موقف محرج

مشكور

لاهنت

[مسستر أي]

قصة أكثر من رآآعهـ الله يوفقك ويثبتك تقبل مروري ....!