يا جماعة الخير مرتين اكتب الموضوع ولا احد يعطيني علم يبرد القلب وانتم اهل الخبرة

[yazeed999]

عندي لاندكروزر2003جي اكس ار في اصوات القزازه الخلفيه والمراتب والبيبان ومن تحت الموتر اصوات وصرصه والموتر متفكك ومشيه صار ثقيل بعد120 ابي واحد من الي فاهم في هالمواتر يدلني على ورشه في الرياض يكون فاهم وثقه وسعره معقول
لي اكثر من الشهر ما احد عطاني علم وهو واثق

[قرناس 14]

في الرياض ماعندي علم ياالخوي

في الاحساء في الصناعيه ياكثر الورش عندك البراهيم والحداد

اتمنى اني ماقصرت معك

والله يعينك

[حسين ابو فيصل]

اخي الغالي ان شاء الله اني اكون قد قدمت لك ولكل من يقراء ردي اكبر فائده في هذا الخصور .

ورشة مشعل العتيبي في الصناعية القديمه في الرياض جنبها بضبط ورشة الكردي وهي تابعه لمشعل العتيبي عندهم تربيط من جد لا يعلا عليه ولكن سعرهم شوي غالي .
واذا خليت ورشة العتيبي على يسارك ونت متجه جنوب ثاني تقاطع تجيك ورشه على اليسار على شارعين الشارع الي انت فيه تكون في الزاويه اليسار فيها فلبيني وباكستاني وصاحبه حضرمي شغلهم ممتاز في الترفيع وترهيم السست والمساعدات وتلحيم الشاص .
وصف ورشة العتيبي ونت متجه شمال بعد اشارة السالم للزجاج يجيك بنك الراجحي على نفس الشارع ادخل معه يمين اول تقاطع رح يسار تجي ورشه العتيبي على يمينك , والورشه الثانيه رح يمين مع التقطع نفسه تجي في زاوية التقاطع الثاني على اليسار ورشة الحضرمي ولكن ليسي اسمها ورشة الحضرمي ماعرف اسمها .
تقبل مرور وتحياتي

[yazeed999]

ما قصرتو وجزاكم الله خير

[جزاء الشمري]

كان الله في عونك .... أنا بحائل وأنا مستعد إذا بتجي لحائل أني أساعدك

[الوافي0]

انت لف بالصناعيه واسأل أكيد بتلاقي وانتبه من النصب
او انت اعمل تربيط بنفسك بقدر المستطاع ترى مهي صعبه حفره وطقم مفاتيح اوتو وانتهت السالفة