اسعااار معقوله تركيب بطاريه اضافيه +تسليك افياش مع انوار .تدري ادخل للفايده وفر فلوس

[طارد سحاب]

السلام عليكم على الجميع
بختصار شديد
انا عندي سياره كنت بجهزها للبير من بطاريه اضافيه وفياش والامور الى تعرفونها
المهم رحت لورشة عرفتها من هنا كثير يتكلمون عنها ورحت لها بدون ذكر اسماء
صراحه انصدمة بسعر شي مو طبيعي
المهم قلت الدعوه ماتستاهل رحت لكهرباء وقلت ابي كذا وكذا قالى مافيه مشكله وانا جايه عن طريق واحد يقولى صراحه جيد بس قال مدري عنه عن امر البطاريه الاضافيه والاشياء الباقيه قلت عطني رقمه المهم رحت لها قلت لها ابي كذا وكذا قالى مافيه مشكله جبلى البطريه والقاعده يعني يبيني اجيبها جهزه له مركبه ومثبته
المهم جبتها وقالى باخذ منك 300ريال مع الغراض
وبنسبه للقاعده رحت الورشه وفصلها لى 70 ريال شغل نظيف
المهم جهزت الموتر من كل شي بنسبه للكهرب كلف مع البطاريه 700 ريال وشغل صح والى يبي يشوف موتري وشغله انا برياض انا تحت امره
وانا والله مالي اي فايده بس صراحه انقهرت من الاسعار الى على شي مايستاهل

وبعد بنسبه للي يبي يركب دبه او يولف شكامين اضافيه للجمس او اي سياره فيه ورشه صراحه كويسه
كلفني تركيب دبه رياضيه وركب شكمانين للجمس 550ريال بدون الدبه بس شغل يمكن 6 ساعات وانا واقف عندهم

انا انسان كانت عندي ورشه واعرف في الامور هاذي وكل شغلى والله عند محلات ماهي مشهور بس المشكله حنا ندفع افلوس على شي مايستاهل ودعوه ماتسوى
المحل الى شريت منه الدبه قالى بعطيك رقم واحد دايم الناس تركب عنده قالت عطني رقمه دقيت عليه
قالى شغلى بدون القطع 500 ومع القطع 850 قالت له خير ان شالله هذا الطمع والستغفال
سويتها 550 مع القطع وضمان قالى لو بعد شهرين يصير شي اصلحه لك بلاش
على العموم انا حبيت انصح الشباب ورقام المحلات عندي وانا بالخدمه اذا احد يبي يشوف موتري وشغله
وكل واحد براحته

مع العلم سيارتي جمس غماره 2500
على فكره ماعرف انزل صور الى يبي شي يرسلى على الخاص وانا جاهز

[هوي المكشات]

بيض الله وجهك

[ابوسعد النجدي]

يعطيك العافية

[طير آلفلآء]

بيض الله وجهك
والله انك كفو
يعجبني الي كذا
يلعبون على الناس (والله ياهم يصرقون الناس )يعني عينك
مشكور وما قصرت
والله يعطيك الف عافيه

[السنع كله]

جزيت لجنة ووالديك

[عاشق البدون]

هذا دليل حرصك على منفعة أخوانك

بارك الله فيك وبارك لك في موترك

[عشاق الجيوب]

شكراً على حرصك اخوي طارد السحاب ممكن ترسل لي رقم تليفونك علشان استفسر منك على الخاص
وين موقع الورشة وكم رقم التليفون ممكن ترسله لي على الخاص

[طارد سحاب]

هلا وسهلا بالجميع
وحيالله كل واحد رد وشاهد الموضوع
اي استفسار هذا رقمي بعد اذن المشرفين
598000087
الى يبي يدق يدق ترا مافيها شي ياربع انا لو اني شايف احد كذا بدق عليه وانا عرضت خدمتي وهلا وسهلا باي وقت
تحياتي

[هبــ حريملاااء ـبوب]

السلام عليكم
الله يعطيك العافيه اخوي طارد السحاب
انا والله ابي الورشه هذي وانت تضمنها بالنظافه
بركب شكامين لموتري لا هنت وعليها كم شغيله الله يسلمك
هذي صوره الموتر وابي شغل نظيف .. وعطنا خبرها لا عدمتك

http://img709.imageshack.us/img709/3724/kug69660.jpg (http://img709.imageshack.us/my.php?image=kug69660.jpg)

[خيال الغلبا]

تصدق ضحك علي راعي ورشة سوافي اخذ علي الفين ريال والدعوة ماتستاهل كل هالمبلغ
علما بان البطاريه انا اللي شاريها ماهوب هو

[مقلع الرمث]

شوكرن على المعلومي الذهبيي بس هل تركب للباترول بطاريه اضافيه

[ALBDRANE]

أنتبه ترهيم بطارية أضافيه قد يسبب لك لا سمح الله حريق أو عطل في السيارة كن حذر

[ابوطاقية]

جزاك الله خير على التنبيه
والله اني مركبها بالبيت وانا ما افقه بالكهرباء شي
اخذت مني تقريبا اربع ساعات وكله من الله ثم موقع مكشات وموضوع واحد من الاخوان اذا ماخانتني الذاكره الماسترو الله يجزاه خير
المقادير كا الاتي

دقمة جمس اصليه قيمتها 150 ريال
قاعده كلفتني 70 ريال
سلك 50 ملي 5 امتار 50 ريال
اصابع نحاس 10 ريال
مسامير 10 ريال
شطرطون ياباني 2 ريال
فاصل كهرباء 10 ريال
المجموع 312 ريالا لاغير
البطاريه عندي من زمان وتقريبا سعرها 230 ريال
مجموع التكلفه 542 ريالا لاغير

[سرهيد]

السلام عليكم

ترى امر البطارية سهل وبالامكان اي كهربائي يضبطه

وفعلا ان سوافي اخذ دعاية وبدال ما يخدم الناس اصبح يزيد في الاسعار

انا توني مركبها لجمس مع ولاعات وتوصيلة كنود ومحول ولمبة في الكبوت وولاعة في الطبق ولمبتين خارج الشد

مع اشتراك ثابت يعطي البطارية الاصل اشتراك عن طريق الفر

كل هذا ما كلفت مع البطارية 900 ريال اي سي ديلكو

لو كان سوافي قال بالفين او اكثر بعد

وشغل عدل وذمة بعد

تقبلوا احترامي

[عاشق الشعبيات]

جزاك الله خير

والله انك كفو

والله يكثر من أمثالك اللي يحبون الخير

[شامخ ألهيلا]

اخوي ابو طاقيه لاهنت يالذيب
انا فررريت الرياض قبل شهرين كنت مابي اروح لسواافي
مريت على بن مرضاح قال شغل يدي 900 ريال بدون قطع
ومريت على ورشة التركي باترول قال تايوتا مانشتغل
ومريت كذا كهربائي عليهم علم قالوا مانعرف لها
ومريت الدفع الرباعي قال نركبها كامله بدون تمديدات 1200 مع البطارية وقطع الغيار

واخر شي عند السوافي ركبتها بدون تمديد ولا اي شي بس بطارية ودقمة بـ 850
وصراحة المبلغ مايسوى الشغله كلها
تمديد لمبة للكبوت عند السوافي بـ 120 ريال :mad:
لو تقول لهم انقل السلك الفلاني على البطارية الثانيه قاال بـ 100 ريال
مريت محل في الغرابي وعمل لي تمديدات وكل شي من عنده وانارة للكبوت وتوصيل محول لداخل الغمارة ونقل كتاوت النور الى البطارية الاضافيه وكم من شغله
بـ 130 ريال

[عزبة بر]

يا ليت اخوي تنزل لنا الصور الله لا يهينك
ووين موقع الورشه
؟؟

[..: ابو يوسف :..]

السلام عليكم ورحمة الله وبركاتة

ماشاء الله تبارك الله

وكلامكم كله صحيح سوافي وغيره من المحلات الي سوينالها دعاية

ونشرنا لشغلهم صور ومدحناهم هم الان يستغلوننا ومثل ماقالو الاخوان

اسعارهم نااااااااار واستغلال عيني عينك والي يرفع الضغط ويخليك تنقهر

انه فيه ناس جالسه تدفع وتصلح عندهم وهذا الي يزيدهم الله يهديهم

انا بكلامي هذا ماحسدهم بس الشي بالمعقول وهم باسعارهم تعدوا المعقول

ولو تجتمع ونكون يد واحده ومانروح لمهم صدقوني هم الي راح يجون لمتا ويسوون

دعايات لشغلهم ويرجعون الاسعار للاسعار الحقيقية المعقولة .

وانصح اي شخص يبي يركب اي شي بموترة او يجهز اي شي انه يبحث في المنتدى

ماشاء الله تبارك الرحمن منتدانا يمتلك من هالمواضيه هذي والشروحات والتقارير

الشيء الكثير الذي نفخر به جميعاً.

آسف على الاطاله ولكن احببت ان اعلق.

وشكراً

[اكزت]

بيض الله وجهك وانا اخوك ، وهذا النصح من طيبك ، وخوفك على اخوانك المكشاتية من الاستغلال شكراً جزيلاً اخوي

[ربع 909]

السلام عليكم

ترى امر البطارية سهل وبالامكان اي كهربائي يضبطه

وفعلا ان سوافي اخذ دعاية وبدال ما يخدم الناس اصبح يزيد في الاسعار

انا توني مركبها لجمس مع ولاعات وتوصيلة كنود ومحول ولمبة في الكبوت وولاعة في الطبق ولمبتين خارج الشد

مع اشتراك ثابت يعطي البطارية الاصل اشتراك عن طريق الفر

كل هذا ما كلفت مع البطارية 900 ريال اي سي ديلكو

لو كان سوافي قال بالفين او اكثر بعد

وشغل عدل وذمة بعد

تقبلوا احترامي


الله لا يهينك ارسلي رقم الورشة وموقعة لاهنت

[محواش]

جزيت للجنة ووالديك

[man2008]

مشكورين ياشباب زودون بارقم الورش ومواقعها

[ابو ذياب444]

الله لايهينك اخوي طارد سحاب
ممكن رقم الورشه؟ والموقع؟

[مطيعيس]

مشكور وماقصرت

[عشاق الجيوب]

السلام عليكم

ترى امر البطارية سهل وبالامكان اي كهربائي يضبطه

وفعلا ان سوافي اخذ دعاية وبدال ما يخدم الناس اصبح يزيد في الاسعار

انا توني مركبها لجمس مع ولاعات وتوصيلة كنود ومحول ولمبة في الكبوت وولاعة في الطبق ولمبتين خارج الشد

مع اشتراك ثابت يعطي البطارية الاصل اشتراك عن طريق الفر

كل هذا ما كلفت مع البطارية 900 ريال اي سي ديلكو

لو كان سوافي قال بالفين او اكثر بعد

وشغل عدل وذمة بعد

تقبلوا احترامي

اخوي سرهيد السلام عليكم والله اعلم انك قريب مني من ناحية السكن دليل على ذلك التوقيع ابراج والهجلة
ياليت توضح لي الورشة ورقم التليفون او رقم تليفونك للاستفسار ترسل على الخاص اكون لك من الشاكرين

[طارد سحاب]

السلام عليكم
والله لا يهينكم على التفاعل بس نبي الفعل اي محل يرفع اسعاره نقاطعه ليش كل الطمع هذا
الواحد مافيها شي انه يكسب الله يرزق بس ياااصل مرحلة استغفال
والله ياجماعة الخير الدعوه ماتستاهل كل الاسعار هاذي
على العموم انا راح احط الارقام اليوم لجميع الورش عشان تستفيدون
وشكرا

[عزبة بر]

طيب ممكن تنزل لنا صور لسيارتك

[محمد بن سعيد]

جزاك الله خير على الافادة

[هويدي]

جزاك الله خير يالغالي

للأسف ربعنا ( بدون ذكر اسماء ) طماعين وعجازين

اغترو بالزحمه اللي عندهم وخلوها عذر لرفع الاسعار !!

يادرج افتحلك فروع وخل اسعارك مثل ماكنت ـ يحسبونها بتدوم لهم

وتصرفك لاعليه غبار ولكن من وجهة نظري ان الواحد يتعلم على سيارته ويشتغل بيده

احسن مما يتعلم عليها الاجنبي اللي همه يلهف اللي بجيبك دون ادنى هتمام بالجوده او الحرص على ظفيره السياره
خصوصاً حقين الغرابي اللي بالشوارع تلقاه فوال ولا مليس شراله زراديتين وسلك وقال انا كهربائي ويتعلم على سيارات خلق الله


والشغله سهله وممتعه بنفس الوقت مع الممارسه صدقني بتخرم تركب لمبات او تركب كتاوت وغيره

[sam-58]

الله ولي التوفيق

ياليت يكون فيه صور لتوضيح الغرض والتركيب ....الخ

[الــفــيــصــــل]

يعطيك العافية والله يكثر من أمثالك اللي يحبون الخير

[المكشات]

الله يكثر أمثالك

الوقت الحين متأخر، بكره ان شاء الله باكلمك

واللي يتغلى ويضرب بأرقام فلكية ويستغل حاجة الناس، يستحق ينضرب سوقه

[عجمي]

البطارية الاضافية تحتاج لواحد فاهم الشغلة صح حتى يتم الاستفادة منها بشكل ممتاز
بعض الاخوان يظن الدعوى اشبك الاسلاك بين البطاريتين وانتهى الموظوع
وقد يتسبب لاسمح الله الى حريق او التماس او غيرة

الفاصل والحكم بشغل البطارية اذا اردت الشغل الصح انك تفصل وتزيل اصابع البطارية الاصلية تماما وتشغل السيارة على الاضافية اذا اشتغل الموتر شغلك تماما وماعدا ذلك
-اي في حالة عدم اشتغال السيارة - يكون كل شغل البطارية غلط بغلط ولا لة اي داعي لأن الاصلية بتسحب من الاضافية بحالة تركة مدة طويلة اذا كنت بالبر والسيارة لن تشتغل لنعدام الكهرباء بكليهما


جربنا شغل الكهربائيين وتوهقنا بالبر والله سهلة بوقتة


القظية ليست قظية توفير انما اتقان شغلة وفائدة مرجوة
مالفائدة اذا وفرت ريالين وتوهقت بالبر بكرة


اما بخصوص رفع الاسعار والطمع فنعم هذا ملاحظ وقد استغلوا الشهرة باسعار مبالغة

[طارد سحاب]

السلام عليكم
يااااجماعة الله لايهينكم رجاااااء خاص بدون ذكر اسماء الله يرحم والديكم
ونشالله بكره بنزل كل الارقم مع العناوين مع السعر
لا يصير خاطركم لا طيب
تحاتي

[قلبي طيب]

البطارية الاضافية تحتاج لواحد فاهم الشغلة صح حتى يتم الاستفادة منها بشكل ممتاز

بعض الاخوان يظن الدعوى اشبك الاسلاك بين البطاريتين وانتهى الموظوع
وقد يتسبب لاسمح الله الى حريق او التماس او غيرة


الفاصل والحكم بشغل البطارية اذا اردت الشغل الصح انك تفصل وتزيل اصابع البطارية الاصلية تماما وتشغل السيارة على الاضافية اذا اشتغل الموتر شغلك تماما وماعدا ذلك
-اي في حالة عدم اشتغال السيارة - يكون كل شغل البطارية غلط بغلط ولا لة اي داعي لأن الاصلية بتسحب من الاضافية بحالة تركة مدة طويلة اذا كنت بالبر والسيارة لن تشتغل لنعدام الكهرباء بكليهما


جربنا شغل الكهربائيين وتوهقنا بالبر والله سهلة بوقتة


القظية ليست قظية توفير انما اتقان شغلة وفائدة مرجوة
مالفائدة اذا وفرت ريالين وتوهقت بالبر بكرة



اما بخصوص رفع الاسعار والطمع فنعم هذا ملاحظ وقد استغلوا الشهرة باسعار مبالغة




كلالالالالامك سلللللللليم

[مضاد]

مره من المرات كنت عند احد هولاء الجشعين الطماعين الغير حامدين الله على ماارزقهم الله جاء راعي شاص توه الظاهر مطلعه من الوكاله وقالهم وش عندكم من تجهيزات قامو يقولون كل شي
قال الرجال حطو كل التجهيزات يااساتر يعني كم تطلع عليه كل التجهيزات اشك انه انصرع يوم عرف السعر.

وبفضل من الله ثم هذا المنتدى الذي اشتغل مسوق لهولاء الجشعين الا انهم لم يشبعوا بل زادو اسعارهم رغم

الاقبال عليهم بشكل لايصدق لدرجة انهم صارو يعطون مواعيد للتركيب




السلام عليكم
يااااجماعة الله لايهينكم رجاااااء خاص بدون ذكر اسماء الله يرحم والديكم
ونشالله بكره بنزل كل الارقم مع العناوين مع السعر
لا يصير خاطركم لا طيب
تحاتي

يعطيك العافيه ياذيبان على ماتنفع به اخوانك الذين محتاجين لبعض الاشياء ومحتدين على بعض الجشعين

وبنتظار الاسعار والعناوين مع السعر

[طارد سحاب]

السلام عليكم
اول شي اعتذر لتاخير بسبب انشغالى
ندخل في الموضوع مابي اطول عليكم
1_ بنسبه للكهربائي وشغله بسيارتي مع الاسعار
1- ركب لى بطاريه اضافيه(مع العلم انا الى جايب البطاريه والقاعده ومركبها برا وجبت له السياره)
2-ركب محول كهرب 220
3-ركب لبات عدد 2 في الكبوت
4 - تسليك كنود
5 وصل السلاك فيش ل 220 عشرين عشان كان مركب في سيارتي من اول بس وصل له الكهرب
6- وصل الكهرب لى افياش ولاعه عدد 2 مع انها موجوده من اول بسيارتي بس مقطعه الاسلاك
7- سوالى بعض الشغلات بسياره خفيفه كان اتفاقي انا وهو على 250 ريال بس اجيب البطريه وثبتها له بس ب 250 ريال
وقالت له اذا تشوف فيه اشياء غاليه عليك بس ضروريه يعني افياش او اسلاك ماعندك مشكل اهم شي ابي شغل يكون مافيه مشكله يعني بالعربي لا تبخل لو ادفع لك من جيبي قالى مافيه مشكل
المهم اخر شي عطيته 300 وعليه كل شي ماعد البطريه والقاعده والمحول انا جبيته بس
(ملاحظه ترا انا اشيك عليه وعطيته بعض الافكار الى اخذتها من المنتدى يعني ترا هو كهربائى ممتاز بس انتم تعرفون اهل البر يبون اشياء معينه مثال المحول يوم جيته حاطه مكان بايخ وقريب من الرجلين قلت له لا وغيرت مكانه المهم الواحد يصير يتابع سيارته
يعني انا من عندي الافكار وهو عليه الشغل )
على العموم موقع المحل الروضه مخرج 11
هذا رقمه0501921321 سليم
اذا اتصلت عليه قاله جايك من طرف خالد صاحب الجمس
او لا تقول شي بس يعني عشان السعر لا يرفعه
ورجاء ياشباب لا تخربونه على غيرنا اهم شي لا يكون خسران ولا يبخل على السياره


2_البطاريه الاضافيه ركبتها عند سوداني رايق صراحه ب 70 ريال
ترا باله وسيع مره
شريت البطاريه وهو سوالى القاعده بس صراحه مخه نظيف
موقعه صناعية الخليج وهذا رقمه
0554312105اسمه وقيع الله
الى يتصل يقوله انا من طرف خالد صاحب الجمس


3- بنسبه لشكامين
شريت دبه
وكبوها الى مع ترهيم شكمانين يعني الموتر كان شكمان واحد وخليتهم يفكون شكمان الوكاله ورهمو شكامين جديده
550 ريال بس تعاملهم مره كويس
موقعه صناعية الخليج
هذا رقمه 0507033039 اسمه عبدان اليماني
الى يتصل يقوله من طرف خالد صاحب الجمس

انشالله اني وفقة بشرح وانا يااعالم ترا مالى اي شي بس حبيت اوضح الى يتصل يقول من طرفي عشان السعر انا رحت اليوم كلمتهم كلهم كل واحد فيه محله وقالت لا تفشلوني والله الله بشباب
مانبي غير دعواتكم

والله الله بالمعامله الزين ياشباب عشان نكسبهم

تقبلو تحياتي

[أبو مسفر]

بيض الله وجهك ياطارد سحاب
وخير الناس انفعهم للناس
وانت إن شاء الله منهم ياطارد سحاب

[البوعينين99]

بيض الله وجهك وكثر الله من أمثالك

[مفرق النجوم]

السلام عليكم
والله انا ماعلق على كلام الشباب واللي وضحوه لاكن قيه بعض الامور تحتاج تعقيب
انا ركبت بطاريه اضافيه+محول كهرب+تمديد للمحول خط 220
من 3سنوات تقريب ولله الحمد ماتعقبة شغل اللي اشتغل لي صحيح انه غالي واخذ علي مبلغ وقدره تمديد افياش داخل الغمار وتمديد للثلاجه غالي شوي مااذكر كم بالضبط لاكن العاقيه في الشغل والجوده وهذا تمديد كهرب يعني موهب لعب قلت انا شاري موتر جديد وباحوس في الكهر ماتسوى راحت الايام
وقبل يمكن شهر خربت عندي البطاريه ماعاد تجمع كهر غيرة بطاريه عند واحد راعي بطاريات
المشكله انه ماشيك على الدقمه حقة البطاريه
صارة البطاريه الجديده ماتجمع كهرب رجعت للي ركب لي البطاريه والمحول
طبعا المحل مشهور ومعروف
قال انت متى مغيرها قلت في كذا وكذا قال نسويلك صيانه
غير الدقمه قيمتها بر 200 حسبها ب150
وشيك على اللمبات غير 2 لمبات ولمبة تانكي وطفاي واحد وماخذا علي لا قيمة اللمبات ولا الطفايات بس اخذ قيمة الدقمه
في نظري ان المده اللي استهلكتها والفتره اللي مازرت الورشه ولله الحمد كافيه انك تزيد شوي في السعر بس شغل ماتتعقبهه واسلاك جبره وكبيره يعني تتحمل كهرب وترتيب فيوز لكل لمبه وفيش فيوز
عط الخباز خبزه ولو كلى نصفه

[العابر]

والله انا صار لي مدة ادور على سلك 14ملم في الرياض
لفيت محلات قطع الغيار ومحلات الكهرباء اللي للبيوت

وما لقيت

رحت للصناعية وام الحمام ومخرج18 والغرابي وشارع الريل

وما لقيت هالسلك يا ليت لو احد من الاخوان متأكد وين يباع يفزع لي

[wafian]

الله ينفع بكم جميع

مشكووووووووووووورين

[طارد سحاب]

السلام عليكم
شكرا على مروركم اخواني الكرام
اشوف بعض الشباب متخوف
طيب الواحد قبل لا يروح يجمع المعلومات الصح بنسبه الى توصيل الكهرب المنتدى غني بناس الفنانه والى مسوين سياراتهم يسئل ويروح للمحلات الى ذكرتها وانا ماجبر احد او اقول انهم احسن ناس بس بنسبه الى مره كويس سعرهم
يعني ياااروح الورشه تاخذ الدبل بالقيمه
طيب الورشه الى مشهوره وتاخذ اسعار ماهي معقوله العمال الى فيها متعلمين من هنا ومن الشباب في المنتدى
طيب فيه حل ممكن احد الاخوان الى مسوي سيارته عند الورش المشهوره يتبرع ويوديها للمحل الى ذكرت يقوله سوي زيهم مافيها شي اذا الواحد ماهو مطمئن

على العموم انا ماجبر احد حبيت افيد وكل واحد على راحته بس اتوقع جميع المعلومات وتجارب الى تبيها راح تحصلها في المنتدى

وياااليت من الشباب الى يرحون للمحل الى وصفته انهم يعطونا انطباعهم عنه عشان الشباب يستفدون واهم شي الكهربائى
وتقبلو تحياتي

[سوبر VTC]

ركبت عند ورشة التركي طبعا شفر م2005
التالي
بطارية اضافيه + قاعدة + زاوية تمسك الرفرف + علبة فيوزات + دقمة جمس + سلكين ماص و (كهرب على السويتش) للدقمه او تحط معه فاصل عشان تفصل الدقمه عشان مايكون الدينمو شحن البطارية و هي اساسا مشحونه نص او 1ملي + كيبل 10ملي + روس كيبل + عوزال + فواصل + لمبات خلف و امام
كلف حول 1200ريال
اذا بغيت تمديد داخلي للغمارة مثل محول + اسلاك كنود + افياش ولاعات
يزود عليك حول 200ريال
و للي عنده خبرة لو بسيطة يقدر يشتغل بيده
سبق اني سلكت هالشغلات لكورولا :D من الى
+ جيب
لا تصعبون الشغله

ان الله يسر بعد كم راح انزل صور للشفر :good:

[سوبر VTC]

والله انا صار لي مدة ادور على سلك 14ملم في الرياض
لفيت محلات قطع الغيار ومحلات الكهرباء اللي للبيوت

وما لقيت

رحت للصناعية وام الحمام ومخرج18 والغرابي وشارع الريل

وما لقيت هالسلك يا ليت لو احد من الاخوان متأكد وين يباع يفزع لي



مر على ورشة التركي بالصناعيه القديمه
تحصل الكهربائي سليمان يعطيك من عنده كيبل او يدلك على محل
طيب ليش تبي 16ملي ؟؟؟
على فكرة ال10ملي تشغل سلف الموتر مرتاح عن تجربة
يعني تقدر تشغل الموتر من خلال البطارية الاضافيه لوحده :good:

[العابر]

شكرا لك اخوي

السلك 14 مو 16

انا عندي جهاز يوصل بين البطاريتين ويسوي كل الشغل بدون كتاوت او دقمة او توصيلات

احتاج بس اوصل بينهم فقط

ومكتوب في الكاتلوج السلك 14 ملم

وحست في الرياض ادور عليه ما لقيت اما سالفة ان 10 ملم يركب ويؤدي الغرض فما ادري عنها

ما عندي خبرة انا اطبق التعليمات

[ابوهيون]

الله يجزاك خير توني اتصلت به بس الغريبه مايركب دقمه يقول ركبتها لكم سياره بدون دقمه وتراه مايضر اتوقع انه تهور احس الموضوع خطا بدون دقمه

[mr.majid]

السلام عليكم ورحمة الله

انا معي لاندكروزر 2010 ، ركبت بطارية إضافية ، وتمديد ثلاجه وتمديد قاعدة كنود مع القاعدة، وتثبيت محول كهرب
وتركيب أفاش في الخلف وفيش قدام يعطي كهرب 220 ، وتثبيت المحول في مكان جداً ممتاز، وتركيب فيش مركزي للمحول يشغله ويطفيه جنب السواق. وكذلك تركيب لمبات وحده بالكبوت ووحده ورى ، وشغل ماشاء الله وكالة ما تشوف ولا سلك التمديد كله مخفي.
كلفني 1000 ريال.
اللي ضبط الشغل المنديل بالسلي.

[ملهاب]

انا خابر واحد من الشباب ركب بطاريه اضافيه مع محول عند ورشه معروفه وكلف 2000 ريال

نحسب التكلفه من واقع التجربه
بطاريه 280 ريال
قاعدة بطاريه 70 ريال
محول من 12 الى 220 اصلي 480 يال
كتاوت 45 يال
اسلاك وافياش ولنبه 90 ريال
شغل يد من 200 ـ 300
نحسب التكلفه
1265 ريال
شفتوا الفرق يعني ناس تاكل بشراهه وحنا وجبه شهيه

تحياتي للجميع

[سوبر VTC]

شكرا لك اخوي

السلك 14 مو 16

انا عندي جهاز يوصل بين البطاريتين ويسوي كل الشغل بدون كتاوت او دقمة او توصيلات

احتاج بس اوصل بينهم فقط

ومكتوب في الكاتلوج السلك 14 ملم

وحست في الرياض ادور عليه ما لقيت اما سالفة ان 10 ملم يركب ويؤدي الغرض فما ادري عنها

ما عندي خبرة انا اطبق التعليمات


حياك اخوي
وش هالجهاز اللي عندك ؟ ياليت تعطينا نبذة عنه :)
منك نستفيد :good:
عموما انصحك ب16ملي :good:
غالبية سلف السيارات يجي كيبل السلف 16ملي بلد

[أنس بن فهد]

بارك الله فيك يالغالي

[سوبر VTC]

الله يجزاك خير توني اتصلت به بس الغريبه مايركب دقمه يقول ركبتها لكم سياره بدون دقمه وتراه مايضر اتوقع انه تهور احس الموضوع خطا بدون دقمه



اذا تسليك ظفيرة الكهرب للبطارية الثانية تمام
فما عندك مشكلة باذن الله
بدليل
اصحاب الجيوب التويوتا و الباترول الديزل
يحطون بطارية اضافية بدون دقمه
عشان تكون دقة السلف اطول و اقوى :good:
لان سلف الديزل ثقيل + قومة المكينه ثقيلة
بمعنى
انك تبتل تدق سلف و لا تضعف البطاريات :good2:
90امبير + 90 امبير = 180امبير :good:

[طارد سحاب]

السلام عليكم
الله يجزاكم خير ياشباب
ممكن توضيح سالفة الدقمه ليش تنحط الدقمه وياليت يوضح السبب
للاستفاده
وشكرا

[سوبر VTC]

السلام عليكم
الله يجزاكم خير ياشباب
ممكن توضيح سالفة الدقمه ليش تنحط الدقمه وياليت يوضح السبب
للاستفاده
وشكرا



عليكم السلام
وظيفة الدقمه فصل الكهرب بين البطاريتين
بمعنى اذا طفيت الموتر تقوم الدقمة بالفصل بين البطارية الاساسية و البطارية الاضافية
من اجل ان تشغل اللمبات او المحول او الكنود على الاضافية و انت مرتاح

ياخوان المسالة مهب صعبة :good:
انا مسويها بنفسي :good2:
4متر كيبل 10ملي ب36ريال
ان بغيت حط 6ملي مثل حق دينمو السيارة شد البلد
اللي يشحن البطارية
روس كيبل من محلات العدد ب4ريال
جرجور عازل 5متر ب20ريال
سيم معلاقة :p
عشان تسحب الكيبل من صدر الغمارة الى داخل الموتر
عن طريق الفرشة الارضية من عند الابواب
(اذا بغيت تحط البطارية بالداخل)
كرسي بطارية ب60ريال تقريبا
دقمه جمس ب150ريال قبل فترة كانت ب200ريال
الدقمه تسحب له كهرب من اي سلك يشتغل مع فتح السويتش
ماص الدقمه تسحبه من البدي
توصل الكيبل 10ملي من البطارية الاساسية الى الدقمه
الطرف الاخر من الدقمه توصله الى البطارية الاضافية
عند فتح السويتش تشتغل الدقمه :good:
عند الاطفاء تفصل بين الكيبلين :good:

اللمبات حط 50وات صفراء اوسرام على البطارية مباشرة :good:
و احسن من اللمبة البيضاء => عيت تدخل مخي هاللمبة
البيضاء ظلام دامس ماتشوف و تنعمي تقز بعيونك :eek:
المحول ركب ياباني ذهبي ب180ريال
من اجل شحن الجوال او اللابتوب

هذا كرتون الدقمه

http://www.mekshat.com/vb/../pix/upload01/prof005/mk53291_dj.jpg


هذي صورته و هي راكبه
للعلم
فيه كتاوت بالسوق مدبول مضاعف
سعره ب80ريال
لكن لا اعرف مكانه

شاهد الدقمة في الاسفل
كهرب سويتش + ماص => اسلاك صغيرة عليه عازل ازرق
الكيبل العريض هذا موصل بين البطاريتين
لو تفصل السلك الصغير الكهرب او الماص
على طول تطفى الدقمة مثل القاطع حق البيت


http://www.mekshat.com/vb/../pix/upload03/images120/mk53291_aaaaa.jpg


شف هالرابط

http://www.mekshat.com/vb/images/misc/subscribed.gif مارايكم بدور البطارية الاضافية (http://www.mekshat.com/vb/showthread.php?t=251778)

[طارد سحاب]

الله يعطيك العافيه سوبر
طيب اخوي لو ماركب دقمه فيه مشكله مع اني مركب بطاريه اضافيه بدون دقمه
ساحب كيبل من الدنمو للبطاريه الاضافيه
وساحب من البطاريه الاضافيه كل الاضفات وحاط لها فيوزات على كل جهاز
مع العلم كل البطريات نعطي 14 انبير الاضافيه وشد البلاد واذا فصلت حقت شد البلاد اقدر اشغل السياره على الاضافيه
وشكرا على رحابة صدرك وطولت بالك
تقبل تحياتي

[زيــآدِ]

ياليت صورة لشغلك

[طارد سحاب]

هلا اخوي كامري
والله ماعرف انزل الصور
بس اذا تبي تشوف الموتر انا تحت امرك
شف الموتر بكبره
واي عضو حاب يشوف الشغل ترا ماعندي مانع يتصل ويبشر
تحياتي للجميع

[العابر]

حياك اخوي

وش هالجهاز اللي عندك ؟ ياليت تعطينا نبذة عنه :)
منك نستفيد :good:
عموما انصحك ب16ملي :good:
غالبية سلف السيارات يجي كيبل السلف 16ملي بلد



انا شاري هالجهاز اللي على الرابط

http://www.mekshat.com/vb/showthread.php?t=251132

وقاعد احاول اركبه وباقي لي السلك ما حصلته حست الرياض كلها وما لقيته

[طارد سحاب]

انا شاري هالجهاز اللي على الرابط

http://www.mekshat.com/vb/showthread.php?t=251132

وقاعد احاول اركبه وباقي لي السلك ما حصلته حست الرياض كلها وما لقيته

هلا اخوي العابر
طيب الجهاز هذا امس شفته مع رجال ويبي يركبه عادي مايحتاج اسلاك معينه

ياليت توضح طلبك وش نوع السلاك الى تبيها
تحياتي

[ابو نايف 111]

السلام عليكم
انا يا شباب ركبت بطاريه اضافيه و فرار اشتراك ومحول كهرب 220 وكلفني 1070 ريال
لو يكلفني 2000 ريال ادفعها
ولا اروح لم الطماعين (عباد الدراهم ) :mad: وهم المعروفين
في مكشات وغيره
وحبيت اشكر الله سبحانه
ثم .. ابو عنقاء
ثم ابو عبد الله .... سرهيد
على الجميل والمعروف الي قدموه لي
:good2: :good2: :good2:

[العابر]

هلا اخوي العابر
طيب الجهاز هذا امس شفته مع رجال ويبي يركبه عادي مايحتاج اسلاك معينه

ياليت توضح طلبك وش نوع السلاك الى تبيها
تحياتي
شكرا لك اخوي

حصلت في شارع الكهرباء في الملز سلك16 ملم ومشيت حالي فيه وابشرك ركبت الجهاز وهو مبدئيا شغال تمام

لحد الان وراح اجربة في البر نهاية الاسبوع

[سوبر VTC]

شكرا لك اخوي

حصلت في شارع الكهرباء في الملز سلك16 ملم ومشيت حالي فيه وابشرك ركبت الجهاز وهو مبدئيا شغال تمام

لحد الان وراح اجربة في البر نهاية الاسبوع


ليش انت متخوف ؟؟؟
للعلم فقط
اللي يركب بطارية اضافية يستطيع ان يوصل بين البطاريتين كيبل سواء
1 6ملي
2 او 10ملي
3 او 16ملي
4 او 25ملي
5 او 50ملي
راعين الجيوب الديزل يحطون 25 او 50 لضمان دقة السلف تكون قوية
اذا لاقدر الله ضعفت البطارية الاساسية
اما
البنزين او الجهاز اللي انت مركب
ما عندك مشكلة لو حطيت 6 او 10 او 16

[ابو نواف المطرفي]

عليكم السلام

وظيفة الدقمه فصل الكهرب بين البطاريتين
بمعنى اذا طفيت الموتر تقوم الدقمة بالفصل بين البطارية الاساسية و البطارية الاضافية
من اجل ان تشغل اللمبات او المحول او الكنود على الاضافية و انت مرتاح


ياخوان المسالة مهب صعبة :good:
انا مسويها بنفسي :good2:
4متر كيبل 10ملي ب36ريال
ان بغيت حط 6ملي مثل حق دينمو السيارة شد البلد
اللي يشحن البطارية
روس كيبل من محلات العدد ب4ريال
جرجور عازل 5متر ب20ريال
سيم معلاقة :p
عشان تسحب الكيبل من صدر الغمارة الى داخل الموتر
عن طريق الفرشة الارضية من عند الابواب
(اذا بغيت تحط البطارية بالداخل)
كرسي بطارية ب60ريال تقريبا
دقمه جمس ب150ريال قبل فترة كانت ب200ريال
الدقمه تسحب له كهرب من اي سلك يشتغل مع فتح السويتش
ماص الدقمه تسحبه من البدي
توصل الكيبل 10ملي من البطارية الاساسية الى الدقمه
الطرف الاخر من الدقمه توصله الى البطارية الاضافية
عند فتح السويتش تشتغل الدقمه :good:
عند الاطفاء تفصل بين الكيبلين :good:


اللمبات حط 50وات صفراء اوسرام على البطارية مباشرة :good:
و احسن من اللمبة البيضاء => عيت تدخل مخي هاللمبة
البيضاء ظلام دامس ماتشوف و تنعمي تقز بعيونك :eek:
المحول ركب ياباني ذهبي ب180ريال
من اجل شحن الجوال او اللابتوب


هذا كرتون الدقمه


http://www.mekshat.com/vb/../pix/upload01/prof005/mk53291_dj.jpg



هذي صورته و هي راكبه
للعلم
فيه كتاوت بالسوق مدبول مضاعف
سعره ب80ريال
لكن لا اعرف مكانه


شاهد الدقمة في الاسفل
كهرب سويتش + ماص => اسلاك صغيرة عليه عازل ازرق
الكيبل العريض هذا موصل بين البطاريتين
لو تفصل السلك الصغير الكهرب او الماص
على طول تطفى الدقمة مثل القاطع حق البيت



http://www.mekshat.com/vb/../pix/upload03/images120/mk53291_aaaaa.jpg



شف هالرابط


http://www.mekshat.com/vb/images/misc/subscribed.gif مارايكم بدور البطارية الاضافية (http://www.mekshat.com/vb/showthread.php?t=251778)






يعطيك العافية ,,, كفيت ووفيت

والشكر موصول لصاحب الموضوع

[طارد سحاب]

شكرا لك اخوي

حصلت في شارع الكهرباء في الملز سلك16 ملم ومشيت حالي فيه وابشرك ركبت الجهاز وهو مبدئيا شغال تمام

لحد الان وراح اجربة في البر نهاية الاسبوع

ماشالله مبروك
بس لا تخلينا جربه وعطنى اخباره تكفي يمكن اركب واحد
واذا عندك جهاز او تعطيني خبر وين المحل الله لا يهينك

يااااشباب اي علوم جديده عن الكهرب او المحلات الى وصفتها عطونا اخباره وش يصير معكم الله لايهينكم
عشان الفايده للجميع وشكرا

[الشمالي 2010]

الله يعطيك العافية

[العابر]

ماشالله مبروك
بس لا تخلينا جربه وعطنى اخباره تكفي يمكن اركب واحد
واذا عندك جهاز او تعطيني خبر وين المحل الله لا يهينك

يااااشباب اي علوم جديده عن الكهرب او المحلات الى وصفتها عطونا اخباره وش يصير معكم الله لايهينكم
عشان الفايده للجميع وشكرا

الله يبارك فيك

ابشر ياخوي الجهاز شريته من محلات رفيق الدرب في الدمام ولهم موزعين في الرياض وهي موجوده في الموقع هنا عندنا

والجهاز يباع في النت

وانشاء الله بعلمك بنتيجة التجربة بس عساه يجمل وما يفشلني مع الزملاء ويبض وجهي معهم

[هوايتي مكشات]

جزاك الله خير ورحم الله والديك

[؟؟؟ياعيني؟؟؟]

جزاك الله خير كفيت ووفيت

[العابر]

ليش انت متخوف ؟؟؟



للعلم فقط
اللي يركب بطارية اضافية يستطيع ان يوصل بين البطاريتين كيبل سواء
1 6ملي
2 او 10ملي
3 او 16ملي
4 او 25ملي
5 او 50ملي
راعين الجيوب الديزل يحطون 25 او 50 لضمان دقة السلف تكون قوية
اذا لاقدر الله ضعفت البطارية الاساسية
اما
البنزين او الجهاز اللي انت مركب
ما عندك مشكلة لو حطيت 6 او 10 او 16





متخوف لانه ما عندي زود خبره في الكهرباء والمواصفات لكن حسب الكتالوج يقول السلك 14ملم للسيارات الصغيرة و25 للتريلات

مع العلم انه انا اللي ركبت البطارية والجهاز وكل شي حسب الكتالوج سويت جميع التعليمات وضبطت الامور

بس احتاج فيوز 150 امبير اذا تعرف وين احصله اكون شاكر جدا لاني حاليا مركبه بدون فيوز

[طائر الإمارات]

الله يعطيك العافيه اخوي طارد السحاب

[ذيب الزور]

طيب يالربع انا عندي باترول سفاري ابي اركب له بطارية اضافيه وبركب محول كهربا اذا فيه محل يضبطها ويكون سعره زين يرسل رقمه على الخااص ويكون بالقصيم

[ابو محمد سعود]

مشششششششكور والله يعطيك العافية ,,,,

[عزبة بر]

الله يبارك فيك

ابشر ياخوي الجهاز شريته من محلات رفيق الدرب في الدمام ولهم موزعين في الرياض وهي موجوده في الموقع هنا عندنا

والجهاز يباع في النت

وانشاء الله بعلمك بنتيجة التجربة بس عساه يجمل وما يفشلني مع الزملاء ويبض وجهي معهم
ننتظر تجربتك اخي الغالي
::
علشان نشتريه ونريح
:)

[باترول 4500]

طيب يالربع انا عندي باترول سفاري ابي اركب له بطارية اضافيه وبركب محول كهربا اذا فيه محل يضبطها ويكون سعره زين يرسل رقمه على الخااص ويكون بالقصيم

فيه العثيم في صناعية الرواف

[طارد سحاب]

السلام عليكم
وين الشباب عطونا الاخبار وش صار معكم
فيه شي جديد مع الشباب الى راحو وشافو الورش

[تيمون2]

الله يجزاكم خير انشاله


اخي الكريم
لاتكتب انشاءالله
بل الصحيح ان شاء الله
المشرف

[طارد سحاب]

شكرا على المرور والله يجزاكم الف خير
بس نبي تجارب الشباب ماشوف احد عطاني تجربته اذا صلح عندهم
تحياتي للجميع

[خزان الوادي]

الاخوة الاعضاء

ويسرنا دعوتكم للمشاركة فى مسابقة خزان الوادي الشهرية لافضل 3 مواضيع , على الرابط :

http://www.mekshat.com/vb/showthread.php?t=253688

مع تحيات ادارة
خزان الوادي

[m-a-z-d]

أخ سرهيد ياليت تفيدي وين مشتغل عنده البطارية والتسليك ..

[الصحافة 15]

الموضوع قديم له أكثر من ثلاث سنوات

[الوافي.]

صحيح الموضوع قديم ولكن فائدته مازالت مطلوبة

[hbobnjd]

الموقع وينه