لاصحـــاب الهليــــات

[زبون الصمايل]

معي هايلكس 2008 غمارتين ماشيه 155000
وعزمـها مره تعبان كني على هايلكس 88 مو 2008
وش الحل اللي تشوفونه مناسب على اني مغير البواجي قبل اربعه الى خمسه شهور
السياره تغيرت علي بعد ما ركبت كفر يوكوهاما
اول كفراتها دانلوب خط والله خفيفه تمشي على الفصله وغيرتها نفس المقاس بس انا ما اتوقع انها هي المشكله
افيدوني الله يجزاكم بالخير
وعلى فكره البنزين :mad: 95
اذا تأخرت ما رديت عليكم يمكن يكونما عندي نت هذا رقمي ابي رساله تعلموني وش الحل:good2: ...
0555591923

[باث 3]

بعها واشتر ددسن احسن لك من التايلنديه:good2: :good2: :good2: :good2: :good2: :good2: :good2: :good2:

[أبو لينا]

جرب غير فلتر البنزين + فلتنر الهواء

[مكسر الشوك]

اذا عزمها مثل ماقلت هاذا مو من الكفرات هاذي مشكلة اخرى
حاول تشيك عليها كمبيوتر افضل لك وتسوي لها صاينه كامله
وترا بترجع مثل الجديدة بس تحتاج الى صيانه

[زبون الصمايل]

اما تايلنــــــــديه ...... شكللك متحيــــز مع الددسن قصدي النيسان
تويوتا ورح لاهلك شيك بالمخبا
اما نيسان ما اقول الله يعينكم

ونشكر اخواني الثانيين وعسى المشكله بسيطه
او يا شباب اللي عنـــده جيب ربع تويوتا لا تنسووون تويوتا ماهوب نيسان الله يكرمكم
ويبي يبادل انا جاهز

[باث 3]

:no2: :no2: :no2: :no2: :no2: أستغفر الله العظيم

[Z i y a d]

انت شكلك مركب كفرات مقاسه كبير جداً علشان كذا

ركب جنوط وكفرات البلد وادعس كل الدعسه طلع رجلك مع الشبك وشف العزم

[زبون الصمايل]

يا شبـــاب انتم شكلكم ما فهمتوني الموتر فيــــه كتمـــــه
حتى والموتر واقف اذا دعست له يكتم في بداية الدعسه

[الرياضي1111]

هل سبق لك وفصلت العداد؟

[الباحث_6610]

مساكم الله بخير وعافية
بالنسبة للمشكلة ياخوي أنا معي هايلكس 2009 وماشية 78000 كم وصار فيها تكتيمة مثل ماتقول وتجي اذا بدلت ناقل الحركة من سرعة الى سرعة أو اذا دعست على البنزين وهي واقفة
احس ان فيها قطعة ، وديتها لشركة الغنام بسكاكا وقالولي تنظيف بخاخات ودخلتها وكلفت علي 280 ريال لكن ماضبطت ثم فحصها الكهربائي وقال لازم تغير الكويلات ماسمعت كلامة وديتها لكهربائي معروف بسكاكا وفحص الكويلات وقال سليمة( للمعلومية قيمة الكويل الواحد 220 ريال ، قيمة البخاخ كامل بعد الخصم 385 ريال) وإلى الأن وانا اعاني من المشكلة
لكن جرب سولها صيانة كاملة غير فلتر الهواء + فلتر النزين + افحص البطارية + افحص زيت القير والدفرنس
هذا اللي عندي ولا يهونون الربع
وأسف على الايطاله

[زبون الصمايل]

اخوي الرياضي ما بعد فصلتها ولله الحمـــد...
اما انت يالباحث يعطيك العافيـــه ( كمل جميلك والله لا يزيلك وجمل الله حالك على كل حال )

[العزوبي711]

الخلل فى تغير البطاريه
هل تم تغيير البطاريه
من قبل
لأن وحسب علمى الافضل لك ان تغير البطاريه والسياره شغاله
لانك عند استبدال البطاريه وهى طافيه تعمل كتمة فى الدعسه والاشتغال
هذا اللى عندى من معرفة
وعسا ان تعم الفائده الجميع

[فيصل التميمي]

انت اخوي كانك راعي تدعيس من قبل او راعي طعوس فالمشكلة من الدزق والكلتش يمكن يبي له اصلاح

[السد الغزير]

صحيح -- صحيح !

خذيت سيارة خويي هايلكس2008 . ولاحظت فيها التكتيمة هذي في بداية دعسة البنزين(اللبنص) مع العلم أنه كفراته شد بلد والجنوط شد بلد ولا مغير فيها أي شي من يوم طلعها من الوكالة .

عسانا نلقى المشكلة بالضبط عشان أخذ السيارة من خويي وأضبطها له .


وعلى فكرة ترى لو موضوعك هذا ينتقل لخيمة أعطال السيارات . كان عطوك العلاج فورا . من غير قصور في الموجودين .

[عرق الأرطى]

اخوي حياك الله التفتفه والكتمه الي فيه مالها دخل
في البطاريه ناظر فلتر البنزين . الكويلات حقات البواجي وسلامك ون شاء الله يظبط الموتر .

[shoshanco]

انا ألحين معي كورولا كانت مع السواق من اول كان الموتر ما أقول طياره بس فيه حيل
يعني اذا بغيت الــ190 الطبلون على طول يصفق
أما يوم استلمها السواق الكلتش مابقى فيه الا الطرف والعزم طاااايح ويبغى لها تغيير طقم كلتش من اول علشان ترجع زي اول

[زبون الصمايل]

الله يعطيكــم العافيـــه اخواني المشاركين واللي ما شاركوا بعــــد على شان تعم الدعوه
من ناحية البطــــاريه ما بعد غيرتها ولله الحمــــد والشكر...
والطعــــوس الجيب موجود ــــ اما الهلـــي فهي للبـــلد فقط
ولانيب راعي تقطيع في كل شارع مثل ما يسون اخونا اللـــه يهديهم ...
لكن المشكله ما ادري وش اسوي ,,,
الظاهر اني ببيعها وارتاح ...