المساعد الشخصي الرقمي

مشاهدة النسخة كاملة : التريل بليزر ، اشلونه من موتر ؟


الهولي
04/12/2004, 11:33 PM
السلام عليكم


يا اخواان ، احتاج الى اهل الخبره بالمواتر يعطوني رايهم بالتريل بليزر ، لأن عندي موديل 2002 ، والصراحه جربته مره وحده بالبر (( بالصبخه صوب الخور المفتح بالزور جنوب الكويت يوم الاربعا الماضي )) ودخلته بالطين ، ولمن الطين تمكن من الموتر ووقفه مكانه شغلت الدبل الخفيف وطلع بدون مشاكل .

علماً أن الموتر يعتبر من اقوى المواتر (( على الورق -أقصد بالتقييم النظري- )) لكن الكلام باللي مجربه وعارفه ومثل ما يقولون اسأل مجرب ولا تسأل طبيب .

لأن احتمال اطلع فيه البر وخايف انه ينكبني ......... فأرجو أن تفيدوني عنه يا أخوان
رفيع الشان
06/12/2004, 12:25 AM
أخوي الهولي ... مسيك بالنور انشاء الله ... بالنسبه للموتر يالغالي خفف هواء الكفرات واجلده :)<== بيروحك بداهيه

كل السيارات الامريكي خصوصا الجديده ماتتحمل مثل اول اقرب مثال البليزر والشروكي ... انا سقت بليزر بمنطقه جبليه والله سياره حلوه وطيبه وترا مافيه سياره ماتمشي في البر لكن قول هل كل سياره تصبر على البر ....

واحد من الاخوان عنده شروكي 2002 اوفر لاند يعني فل كامل ومكينه أكبر من مكينة الشيروكي ليمتد والله انه نايم بالوكاله هالحين حصلوا القزوز مكسره والدنيا مهلهله وكلف مبدئي 3000 ريال والله يعين خصوصا انه يمحطه بمناطق جبليه وعره ....

مانطول ... سم الله ونزل الهواء وحمل العزبه وتنق الخوي الطيب واتكل على الله :)


فمان الله ...
الهولي
06/12/2004, 02:02 AM
شكراً على الرد ياخوي رفيع الشان ، وعلى النصايح القيمه .....


لكن عندي استفسار ، البليزر اللي سقته كان اي موديل ؟ وهل هو بليزر أو تريل بليزر ؟

وعندي استفسار ثاني ، الدبل مال التريل بليزر ماهو عادي ، الدبل ماله دقمه ..... وسمعت انه ساعات يعلق على الدبل وما يرد وضعه الطبيعي ، فبغيت أعرف هل هذي المعلومه صحيحه ، واذا كانت صحيحه كيف اتفاداها واذا حصلت شسوي ؟

ويعطيكم العافيه على جهودكم ...
رفيع الشان
06/12/2004, 08:15 PM
يخوي بالنسبه للي سقته انا 2003 وكلها تجي نفس نوعية الدبل ...

بس اذا علق الدبل ماغير اعطيه n ورده على الd وهو غالب السيارات خصوصا الامريكي وحصلت معي بجمس ونيت جديد ...


فمان الله ...
بوعبدالعزيز11
19/12/2004, 01:50 AM
التريل بليزر سيارة حلوة و قوية لكن بشرط تكون دفع رباعي
انا شخصيا استخدمته في الصعافيج و الدهناء اذا سقتها بالغرازات و كان اليوم دافي كود ان الموتر يحتر اشوي هذا عادي انت بس خف على الهوا الى ضغط 19 بي اس اي و شوف الموتر و ادعيلي و بالتوفيج
الهولي
20/12/2004, 03:33 PM
جزاكم الله خير عالمشاركة وعالرد

اخوكم الهولي. . . . . . .