المساعد الشخصي الرقمي

مشاهدة النسخة كاملة : عطونى علوم الجيب البورش يأهل الرياض


عاشق الفـــــــيّ
05/12/2004, 03:36 AM
السلام عليكم ورحمت الله وبركانه

ينشاما ابي علوم ( الكايين اس )
كم سعره عند الوكيل وهل يوجد في معارض الرياض
بانتظار اهل العلم
القناص
05/12/2004, 09:14 PM
مرحبا بك ياناشدن عن البورش الجيب الكايين اس "سيد الجيوب قاطبه"

جيب البورش كايين اس عند الوكيل بحوالي 295الف ويبي لك تدفع خمسين الف دفعه اولى عشان يطلبونه لك بالمواصفات اللي تبي بالظبط وتنتظر 6 اشهر ومن ثم تكمل المبلغ اا وصلت السياره.

طبعا دفع رباعي
هيدروليك
مضخة وبرميل هواء ولي داخلي لزوم التنسيم والنفخ في الطعوس بسرعة البرق.
جلد
اربع مكيفات
محرك جباااااار جدا
اربع شكامين
زينون
جارمين
تلفون
شاشه اي في دي في دي
قلص كهربائي
دخول السياره تشغيل باللمس
جنوط18 او 19 او عشرين
طبلون 270كم

وهو موجود بالمعارض بندره واسعاره مستعمل حول سعر الجديد

ان بغيت 2005 اس من ساماكو الرياض على الزيرو علمني على الخاص انا ادبرلك واحد

مرحبا الساع
أبو أسامة
06/12/2004, 02:15 AM
السلام عليكم ورحمة الله وبركاته
رد عليك أخوي القناص وتراه راعي خبره عنده مثله الله يعطيه خيره ويكفيه شره ...
أخوي القناص لقيت مستعمل ماشي 8000 بـ233 ألف ريال ...
بس بغيت أسئلك عن هل الجيب يعني كلنا نعرف قوة مكينته ماشاء الله بس نظام الدبل فيه زين ..؟؟؟
وهل الهيدروليك فيه تحكمي يعني أقدر أرفعه وأنزله متى ما أبي مو زي الكززس أذا رفعته بالبر ومشيت أكثر من 20 كم /س على طول ينزل الهيدوليك للدرجه الوسطى أوتماتيكي يعني لازم أمشي بالبر 20 ياسلام والله قهر مهدين مره مره ... البورش زيه وإلا تحكمي ....؟؟؟
القطع غاليه أكيد بس لأي درجه ؟؟؟
وجزاك الله خيراً .....
القناص
06/12/2004, 07:45 PM
اخي العزيز ابو اسامه
وعليكم السلام اهلا وسهلا

الموتر اللي سالت عنه ما قلت لي وش موديله؟
ان كان 2004 وما جاه سمكره و8 اسطوانات ومهوب 6 اسطوانات ومعدل الى اس فلا يفوتك ولكن عليك بورشة "بورش" اللي في شارع الضباب رح للهاجري في الاستقبال وبيعلمونك هو نظيف ولا لا.

اما الدبل فما تحتاج له ابد لانه دفع رباعي دائم موزع بنبة 33%دفرنس امامي و77% للخلفي

وسقته شخصيا في النفود ولقيته بدون ما اشبك الدبل اخف وانشط كثير ولا تنسى تطفي نظام اتزان بورش المسمى اختصاراً PSM.

مقاطع شيقه من برنامج سيارات مشهور جداً بالعربي عن البورش جيب كايين اس
ارعص واتفرج وادعي لي (http://www.nadim.com/EpisodesDetails.asp?Code=238)

ايضا لا تنسى تنقص هوا الكفرات الى 18 بي اس اي. ولا تقلق لان معه دبة هواء مليانه دايم ولي هواء جاي معها تشبكه من تحت كرسي الراكب وتعبي الكفرات في ثواني :burnout2:

اما الهيدروليك فهو تحكمي تختار من 4 مستويات اللي يناسبك.

وهذي مقاطع فيديو عن الجيب التربو :alarm:
تخيل 450 حصان وسرعه 300كم في الساعه الله يحمانا واياكم ومن صفر الى 100 خمس ثواني.
ومطاعس فحول
اضغط واستمممممممممممممممممممتع (http://www.nadim.com/EpisodesDetails.asp?Code=232)

والسلام عليكم :cool:
أبو أسامة
07/12/2004, 01:37 PM
ما أدري ما أنتبهت هل هو 6 أو 8 سلندر..
جزاك الله خير ..
القناص
08/12/2004, 01:23 PM
مرحبا بك
في خدمتك
نجمة سهيل
09/12/2004, 03:42 AM
عرض علي قبل فتره وااحد أسوود ب240 الف .. اس فل كاامل .. ماشي تقريبا 9000 ..

وحصلت وااحد بالمعرض لونه عنابي ب220 الف ماشي 1000 ..

كانك جاازم عطني خبر أتأكد لك منها اذا هي موجوده ..

واحد من الشباب قبل فتره شرى له تيربو اسود 2004 ... سعره 400الف ريال عند الوكااله ..

لكن بعد الطقاق والذبحه حسبوه له ب399500 ريال :D .. وعطوه تظليله V-Cool هديه ..
القناص
15/12/2004, 09:05 PM
صادق اخوي نجمة سهيل
البورش ولله الحمد ما سك سعره
لان العرض اقل بكثير من الطلب
اليوم ندور واحد ما لقينا الا بورش كايين اس 2004 ابيض صدفي ويبج هافنا من الداخل ماشي 11الف ب بميتين وخمسين الف.!

وسلامتكم :BUTT1:
رقبة حاشي
20/12/2004, 09:40 AM
لاندكروزر ................ او لكزس جيب افضل بـ 20 سبب وسبب