الهايلكس افضل من الددسن في كل حاجة الى في شيء واحد (شارك) [الأرشيف]

جاروود

05/12/2004, 04:43 PM

بسم الله الرحمن الرحيم
هلا اخواني

رائيي ان الهايلكس افضل من الددسن المكينة والدفرنس والقير الهايلكس عيبه الوحيد الكلتش من يوم تهز الموتر اذ غرزت (عملية الارجحة) :cool: :hot: الموتر شوي الى واريحة طالعة على طول

الددسن يتقدم :good: على الهيلكس فقط في الكلتش ماتطلع ريحته على طول ويعمر اطول من كلتش الهايلكس

ها يشباب صح كلامي ولا لا

الموضوع مطروح لنقاش

سوبر بنللي

05/12/2004, 08:53 PM

اعتقد انك ظلمت الددسن بالحيل ..فاذا كان نقاشك ميكانيكي بحت بعيدا عن الراحة مثلا والرساوة..

فالددسن تتفوق على الهايلوكس بالقير والدفرنس بمراحل ..فهل قد سمعت بددسن منقرط قيره او دفرنسه ؟
بالنسبة للهيلوكسات من 2002 وفوق مشكلة القير تتكرر ودايم ينفرط وينكسر ..واعرف ناس غيروا القير مرتين وثلاث بس طبعا عن الوكالة وتقدر تسأل اي وكيل لتايوتا عن مشاكل القير والناس الي تجيهم ..اما بالنسبة للدفرنس مهب حرام موتر جديد ينفرط دفرنسه ؟ طبا كل هالمشاكل من 2002 وفوق

أبو أسامة

06/12/2004, 02:25 AM

السلام عليكم ورحمة الله وبركاته .
الهايلكس أحسن من الددسن في الباب الخلفي للهايلكس أكبر من الباب الخلفي للددسن يعني اللي يبي يركب في الخلف في الهايلكس ما راح يتعب مثل إذا ركب بالددسن مع ملاحظة أن السعه الداخليه مثل بعض ....
أما الأشياء المكانيكية الددسن أفضل إلا بالدفرنس صح يعمر ماشاء الله بس دفرنس الهايلكس أنشط من دفرنس الددسن .
الفرامل الددسن أحسن ببعيد الددسن أريح بالخط ... الهايلكس اريح بالبر عشان مارح تسمع القرقعه بس الله يعين ظهرك من المطامر ...
أفضل الددسن بشكل عام.........ما لها إلا أبو عزيز .... :good2:
والله يوفق الجميع لما يحبه ويرضاه ....

تبريزة

06/12/2004, 10:07 AM

انا من ناحيتي افضل الهايلكس

لأنها اولا واخيرا تويوتا

بعدين اخوي سوبر بنللي انت تقول ان الهايلكس ينفرط قيره بسرعه ،،، لأنه ياعزيزي يجيه جلد مهوب طبيعي ،،، عمرك شفت ددسن مركب فلتر ومرواح وهدرز وجالس يطاعس مافيه امل لأنه ماعندك احد ،،، ولو ان الددسن يجيه مثل مايجي الهايلكس كان تبي تسمع عن فرط القير والدفرنس

وبالنسبه للهايلكس من 2002 وفوق ،، السبب الرئيسي في فرط القير والدفرنس ان اللي يصنعهن خلى المكينه قويه بحيث انه حطه بخاخات بس ماعدل القير والدفرنس بحيث انه تمشي مع المكينه ،، عموما هي تمشي مع المكينه للي يمشي على هونه بس عندك ناس هنا الله يهديهم يعطون السياره اخر طاقته وعلى شان كذا القير والدفرنس مايتحملون ويجيبون الطعه

وهذا اللي عندي والله اعلم

ودمتم
اخوكم
تبريزة

طحنون

06/12/2004, 12:08 PM

السلام عليكم
وجهات نظر متعدده
وانا وجه نظري ماتختلف عن الاخوان كثير
وهو ان الددسن تتفوق على الهايلكس من وجه نظري في البريكات افضل بكثير
لاكن انا معي هايلكس وماشيه الى الان 277 ألف كيلو متر وهي مديل 2001
ماغيرت فيهاألا دزك وكلش وبواجي وفلتربنزين وكفرات فقط لاغير زياده على ذالك من الكرف والخطوط والتطعيس والمقاومات والمطبات والحفر أللي على كيفك اللي عندنا في الحساءوالبحيرات
والتحميل
انا اتحدى ان الددسن تتحمل نصف هاذا الكرف اللي جاء للهيلكس
وبعدين انا ملغي الترس الرابع في الخطوط يعني اذا طلعت خط ثاني ثالث خامس على طول :burnout2: اختصار للوقت
تحياتي وتقديري للجميع
وبعدين شوف اللي يرقون الطعوس مافي ألاهايلكسات ليه اسأل نفسك ياراعي الددسن :alarm:

جاروود

06/12/2004, 05:46 PM

بسم الله الرحمن الرحيم

اشكركم على التفاعل الهادف وحيا الله الجميع

سوبر بنللي
هلا اخوي انا :light: معك بالنسبة للقير ام الدفرنس الهايلكس قوي ويتحمل الكثير وقليل جدا نسمع عن دفرنس فارط :no:

أبو أسامة
هلى اخوي ابو اسامة كلامك صحيح من ناحية ان الهايلكس اوسع في الغمارة الخلفية بس ان الددسن محركاته المكانيكية افضل :no2: ابد كما هو معروف ويمكن الشباب يوافقوني او يردون علي ان مكينة الهايلكس اقوى واصبر بكثير عن الددسن بس ان الهايلكس من تالي بعد ماحطو المكينة 2700 بدت القيور تضرب ولا اول ماعليه خلاف تبي تتاكد من كلامي رح لم التشاليح وشف تقدر تلقا قير ددسن يالله تلقاه ام الهلي ركز :butt3: تحت 98 منشره بكثرة

تبريزة
هلى اخوي تبريزة كلامك كله :good: صحيح (طبعا بالنسبه لي ) :p
طحنون
هلى اخوي طحنون كلامك :good:

يعطيكم العافية ونحتاج اراء اخرى

راعي العشة

06/12/2004, 06:03 PM

تخسي الددسن تجي ربع الهايلكس

الددسن أفضل من الهاي بالرساوة على الخط وغيره يفتح الله

الفهد454

06/12/2004, 06:42 PM

لا انت راعي العشة علشان الهايلوكس تويوتا خلك في الصحيح الددسن يعمر اكثر بواجد من الهايلكس والددسن له شعبية كبيرة جدا جدا في السعودية ولكن الهايلكسات ماتحصل الا قليل ولكن الهايلكس قوي بعد

آل حسين

08/12/2004, 06:31 PM

السلام عليكم
خلو عنكم بس
الددسن وبس
اناقة وسلاسة قيادة ورساوه في الخط

أبو يوسف

09/12/2004, 02:24 PM

مشكور اخوي على طرح الموضوع

المسألة للنقاش ولا داعي للتجريح اخوي راعي العشة :p

انا معي ددسن ما أقولك انه احسن من الهايلوكس بالنشاط
ولكنه يقص وهو مغرز
وبعض المرات يمشي على قدام وهو مغرز على طلعة
الهايلوكس ما يرقص إذا كان متعلق الدفرنس ولو تعلق بسيط والددسن بالعكس
الهايلوكس بالجنوط الوكالة ما يعطيك ،، جرب غير جنوط الددسن المنيوم سبعة انش وشف النشاط

اخيرا الددسن مريح بالخط والمراتب ومشكلته في الغمارة ضيق مكان الرجلين للي ورا

واشكر صاحب الموضوع على الطرح
مع التحية

كشات وماشي

10/12/2004, 08:30 PM

عيبين لددسن ما في أمل تزين

الأول: مرتبتة اللي ورا مرتفعة ونت برا تشوف (ركبة الراكب) وأي مطب راسة فـ التندة ...

الثاني: وهو العيب (الأشنع) وهو مايركب علية مساعدات قدام زي الناس مثل الهايلوكس أنواع المرادح في البطناج :bounce:

والهلي لا تدور غيره (غير التايوتا مايوتا)

وتحياتي لأعضاء المنتدى ..

بروق الوشم

11/12/2004, 08:19 PM

السلام عليكم ورحمة الله وبركاتة

اخوي : الجاروود
انا معك ان الهلي افضل من الددسن .

اما بالنسبة للي يقول ان الددسن افضل من ناحية القير والدفرنس اقولة لا ياخوي لا تروح تقارن لي اصحاب الهايلوكسات اللي في النفود اربعة وعشرين ساعة . مع الددسن اللي حدة يمشي على نفود مستوي مابه ولا رفاعة

مدلع الهايلكس

19/01/2007, 02:57 PM

السلام عليكم و رحمه الله و بركاته اما بعد انا عضو جديد هل من مرحب في

مدلع الهايلكس

19/01/2007, 03:04 PM

اخووووووووي جارووود كلامك يعني

بس والله الهايلكس اقوى و احين و افضل من الددسن

مـــــــــدلع الهــــايــــــلـكس

مدلع الهايلكس

19/01/2007, 03:05 PM

اخوووووي جاوورد وش تقووول عن الهايلكس

افضل ولا الددسن

ابوفهد11

19/01/2007, 03:25 PM

هههههههههههههههههههههههه قال هايلكس قال الددسن شيخ المواتر ماسمعت اللي يقول (نسيان صديق الانسان)

ابوشلاخ

19/01/2007, 04:12 PM

ايخسا الهلي يجي ربع الددسن

الددسن افضل من الهلي في كل شي

مدلع الهايلكس

19/01/2007, 04:56 PM

ابو شلاخ والله انك ما صدقت على الددسن احسن و افضل من الهلي

حتى لها دلع الهلي مو الددسن الددسن فاشله في كل شي بس اللدسن احسن من الهلي بشي واحد بس

مع الخط راكده مـــــــــــدلع الهايــــــــلــــــكس

ابو لطفي

19/01/2007, 04:59 PM

انا اقول الله يحفظكم الهايلكس افضل في كل شي يكفي انه طالع له شريط كاااااااااااااامل اسمه 2700

قناص بغداد1

19/01/2007, 05:03 PM

الهلــــــــــــــــــــــــــــــــــــــــــــــ ـي وبــــــــــــــــــس

الكوسه

19/01/2007, 05:04 PM

السلام عليكم,,,,,,,,

والله ياجماعه عليكم تعصب ولا كنك تشوف مباراه الهلال والنصر
على العموم ابقوللكم الكلام اللي مره توب من دون فلسفه ولاتفاخر باحد السيارات
انا طبعا مع صف الهيلوكس شي طبيعي ومعي هيلوكس , لاكن مايعني هذا اننا نحقر الددسن لاوالله الددسن مركب الاجداد ومركب الـــ............. لذالك الددسن اثبتت جدارتها وقوتها وسهوله صيانتها وتحملها وهي طبعا قبل الهيلوكس نازله بالسعوديه قبل سنيييييييييييين يوم طريق الملك فهد مطينه
ميزت الددسن لاصارت بخاخ دفرنس ولا ديزل تيربو دفرنسين ,
وعلى طاري التطعيس لاوالله مب بس الهيلوكس اللي تطع به الدداسن الغمارات (((بخاااااخ طبعا))) يطعسون وتتطعيسه فله مره زي ذكريات تطعيس الهلوكسات الكلبليتر التسع والثمان وتسعين
لذالك ماننكر ان قير الهلوكس نعال لان 2002 وفوق تربيط استرالي لاكن اتلعذروب راح في 2006 طلع القير ممتاز بس يعني فعلا ماتقارن الهيلوكس بالددسن الهيلوكس ازين وخرابه مايكلف مثل الددسن تاااااااااافه التكلفه وبعدين اخوي ريحه الكلتش مهيب خطيره بالعكس هذا دليل انه سليم وانه توه ماانتها لاكن العلك عليه اثر وطلعت الريحه وبعدين الهيلوكس من قوته تقدر ترقص بالنمره الثانيه
بس ميزه الددسن شي واحد لاحظته ان الهيلوكس يبيله لعب شوي زي مساعدات ورفع لاكن الددسن لا شد بلد
لذالك واترك الحكم لكم واسف على الاطاله
وسلامتكم.........

ابوفهد11

19/01/2007, 05:32 PM

ياخي الددسن خفيف في الطعوس وولو غرز يطلع بسهوله موب الهايلكس

كاشت شمال

19/01/2007, 05:36 PM

السلام عليكم ,,

شف وانا خوك انا جربت الهايلكس والددسن .. شريت هايلكس موديل 94 وجلست معي 10 سنوات ولله الحمد ومشت فوق الـ 300 الف وماوضبتها إلا بعد 9 سنوات ولله الحمد وبصراحة الموتر ماعليها عيوب..

وبعدها شريت ددسن غمارتين موديل 2000 كلبليتر 2400 غمارتين وبصراحة الموتر رائعة جداً وجلست معي فترة وبعتها ولله الحمد بمكسب وشريت 2004م جي ال وبصراحة الموتر قمة في كل شي وفي الديرة احسن من الكامري ماشاء الله وفي الخط ممتازة جداً ومريحة بالإضافة إلى انها إقتصادية في صرف البانزين ولله الحمد.

بإختصار .. الهايلكس للتطعيس والتكسير مانقارنها بالددسن والددسن بالرساوة والهدوء والمركوب "والتمشي" في البر وليس "التكسير والتطعيس الجائر".

وفي النهاية قارن بين اسعار الددسن والهايلكس وتعرف من الأفضل !!

يعني الغمارة الهايلوكس افضل والغمارتين الددسن شيك وانا خوك.

وسلمولي على الددسن والهايلكس في النهاية :)

فلان بن عفتان

19/01/2007, 06:17 PM

ياجماعة الخير .

الهايلكس القير والدفرنسات ماتغيرت من موديل 98 ..

إذاً الددسن أقوى من الهايلكس من ناحية القير والدفرنسات ................

والكلام لايختلف عليه إلا متعصب :)

مدلع الهايلكس

19/01/2007, 06:42 PM

السلام عليكم و رحمه الله و بركااته اما بعد
اخوووووي كااااشت الشمااااال مشكووووور على هذااااااااا الكلام الرائع و بصراحه انا معك في الهايلكس

بس لا تقارني مع الددسن الددسن فاشله حتى في الزره الهلي و شـــــــــــــــــــــــكـــــــــــــــــــر انا عضوو جديد هل من مرحب في

مـــــــــــــــدلع الهــايــــــــلـــــــكس

الدحبول

19/01/2007, 08:49 PM

السلام عليكم
بالنسبة لي الهايلوكس مع احترام الشديد لاارء الاخرين
1) الهايلوكس 2006 طارة الدريكسون أفضل من الدتسن
2) اتحميل الهايلوكس يتحمل بس الدتسن ينزل على طول
3) توفر قطع الغيار الهايلوكس وارخص من النيسان
4) العملية تقدر تعتمد علية والدتسن بعد
5) الشكل الدتسن 2006 أفضل من الهيلوكس
6) من الداخل الهايلوكس 2006 من ناحية التجهيزات
7) تكيف الهايلوكس أفضل من الدتسن
وكان عندي دتسن 1991 شريته عام 1992 مقلوب وصلحته كلفني 11 الاف كرفته كرف وكفا وف بعته قبل سنة ب7 الاف
وكتن ماشي 300 وكانت احمل عليه بس الحين عند 1994 كارفه كرف ويعتبر اقوى من الدتسن
وغيرت قير الدتسن 4 مرات أو 3 ماأذكر
من ناحية العزم هايلوكس
من ناحية الرساوة الهايلوكس بعد 130 مافي رساوة

كاشت شمال

19/01/2007, 09:16 PM

وأن بغيتوا نرجع لأيام المراهقة :D

ترى الددسن تروح وتخلي الهايلوكس بالخط التالية HP160

شـهـاب

20/01/2007, 12:56 AM

انا معي هلي والحمد لله ماعليه ماشي

بس مشكلته الكلتس قبل سنه غيرت الصحن

والحين لي اسبوع تقل احس ان الكلتش به بلا

اما ام عزيز فما جربته
لكنه خووووش موووتر تكده وتصبر وتخدم

مسير عليهم

20/01/2007, 11:32 AM

كلامك مردود عليه

الددسن اخف ممشى من الهايلكس واريح مركب واخف من الهايلكس في البر

المدمرة

20/01/2007, 11:59 AM

والله انك صادق بس عيب الددسن انها يتخلخل مساميره اذا دخلت به البر بس انه خفيف ولاهو ثقيل . ;)

مدلع الهايلكس

20/01/2007, 07:12 PM

السلام عليكم و رحمه الله و بركاته اما بعد

اخوووي كااااشت شماال الددسن ما تطوف الهايلكس في الخط لان الددسن نيسان الهايلكس تويوتا

فكيف الددسن تطوف الهايلكس حتى في النور اقوى الهايلكس ؟ كاشت شمال مع احترامي لك انت غلطان

مـــــــــــــــدلع الهــــــايـــــلــــكس

مدلع الهايلكس

20/01/2007, 07:17 PM

السلام عليكم و رحمه الله و بركاااته اماا بعد

اخووووي كاااشت شماال الددسن 160 hb تفصل ما تجيب 190 فكيف تطوف الهايلكس

هايلكس 2002 و كامري 2002 تجاكروا اطلعت الهايلكس في قومه وخط فكيف الددسن تطوف الهايلكس

مــــــــــــــدلع الهــــــايلــــــكس

فارس عنيزه

20/01/2007, 07:46 PM

ههههههههههههههههههههههههههه الهيلوكس عطيت الرحمن والددسن حقت بزران الهيلوكس اقوا مكينه والددسن حساسه
الهايلوكس لك او لزمن والددسن بوقته علا طول تفكك
الحين ددسن 2006وكاله ب47مع اللوحات
والهايلوكس 2005 وكاله ب72مع اللوحات ملطا مكيف يعني اردا نوع
جرب بالبر والديره وشف الفرق خاصه بالمطينه وشكرا

Abu Saad

20/01/2007, 07:49 PM

هل البيضة هي الاول ام الدجاجة؟

لن ينتهي هاذا النقاش .

وبالاخير اشتر واركب وسق الموتر اللي تحبه ومنتب ملزم بأقناع الغير ان الهلال افضل من النصر او العكس ...لأنها مسالة مبدأ وعشق .
لو اتكلم عن ابوعزيز (بصفتي عايش فيه منذ نعومة جبهتي) فماراح يكفي دفتر ابو ستين وذالك شرح بالتفصيل الممل والتجربة ...
وهناك شي مهم جدا وهو ( البركـــــــــــــــــــــــــــة) بعض السيارات مبروك بغض النظر عن الماركة والنوع والموديل ... وبعضها معثور ويعوكس ولوكنت توك مطلعه من الوكالة!

والسلام عليكم .

فارس عنيزه

20/01/2007, 08:02 PM

مساكم الله بالخير
اقول ان الهايلوكس افضل بكثيرمن الددسن لان الهايلوكس لك ولزمن والددسن بوقته
والشي الثاني ان الهايلوكس تمسك قيمته والددسن لا
والقول عن الدفرنس انه ينفرط هاذا من العصد يعني الجلد والمكينه تتفتح زود ويخرب وخراب الدفرنس بالهيلوكس نسبة 7%هاذا التقرير عند الوكله
والقير ماهنا ازين منو بس سوء استعمال تلقاه ينط ويعشق او يعشك وضاغط نص الكلتش وغيره.....
والهايلوكس جديده ب72مع اللوحات
والددسن ب47مع اللوحات شف الفرق والوكاله ماعندهم هايلوكسات الحين يعني ياالله يالله بالمعارض
وشكرا:j :j :j
هايلوكس:good: :good: :good:
ددسن:no2: :no2: :no2:

ابو عاذر

20/01/2007, 08:11 PM

وهناك شي مهم جدا وهو ( البركـــــــــــــــــــــــــــة) بعض السيارات مبروك بغض النظر عن الماركة والنوع والموديل ... وبعضها معثور ويعوكس ولوكنت توك مطلعه من الوكالة!
والسلام عليكم .

أخوي ددسن79 تحية طيبة وبعد :-

كلامك صح 100 %

مع تحيات أخوكم ابو عاذر

ابو ناصر2020

20/01/2007, 10:19 PM

كاشت شمال

21/01/2007, 01:51 AM

اشكر جميع الأخوة الذين ردو على تعقيبي :)

وياأخوان تراني اقصد الغمارتين وليس الغمارة حيث انه معروف ولافيها جدال تفوق الهايلوكس في الغمارة , ولكن في الغمارتين بلاجدال الددسن والمعارض تشهد.

واخوي مدلع الهيلوكس معي 2004 غمارتين جي ال وبسم الله عليها بالخط اخت الماكسيما الله يحفظها :) يعني ماتفصل على الـ 190 ولايحزنون .. صدقني الددسن HP160 (الغمارتين) الددسن تروح وتخلي الهايلوكس (الغمارة) وهذا من واقع تجربة شخصية لأكثر من هايلوكس من موديلات 2002 و 2004 ولم اجرب مع الهايلوكس الـ 2006 ولكن يقولون انها صاروخ والحق يقال.

تحياتي للجميع ,,

فنجال السيف

21/01/2007, 06:14 AM

انا افضل الهايلكس بس مشكلتها الرساوه الددسن ارسابكثير مجرد راي

KEA2003

21/01/2007, 02:19 PM

يكرهك لبس العقال من كثرة المناقز كل شوي يطيح

GMC79

21/01/2007, 09:05 PM

وش جاب لجاب ياهل الدداسن الزموا حدودكم ولا تلعبون على انفسكم بالله عليكم الددسن احن من الهايلكس؟
لو مايجيك في الهايلكس الا انه شاد نفسه ومتماسك لكفى

مدلع الهايلكس

22/01/2007, 10:04 PM

السلام عليكم ور حمه الله و بركاته اما بعد
اخوي كاشت الشمال انت غلطان الددسن ما تخلي الهايلكس في الخط على قولتك الددسن ما تمشي زي ممشى الهلي
انا اعرف واحد معه هايلكس 2002 طايف كامري 2002 وش رايك يا اخوي كاشت الشمال الهايلكس قويه و معروفه في الخط
وشـــكـــرا مــــــــــدلع الهايــــــلــــــكس

بارود برنو

23/01/2007, 10:11 AM

ياشباب هذي المسأله قديمه واكتشفت ان فيها نوع من انواع النفسيه
ياخي احمد ربك ان معاك هايلكس ولا تعيب مواتر الناس
سبحان الله وبحمده سبحان الله العضيم

بارود برنو

23/01/2007, 10:20 AM

على طاري السرعه فقط
والله والذي نفسي بيده ان الهلي 2004 غمارتين موتري
يمشي 210 فالخط بن امه مايجيبه ويجيبها في اقل30 ثانيه لكنه خطر على القير
لان مكينه الهايلكس اقوى من القير فنصيحه لحد يفصل العداد
والسبب في السرعه الخياليه ا لتهبيييييييييييييييييييييييييييييييييييييييييييييي ييييييييييييييييييييييييييييييييييييييييييط الكفرات الامامي داخل وسط الرفرف
وسلم لم

راعي الشبح

23/01/2007, 10:43 AM

السلام عليكم ..

اللي يبي المطامر والمغامر عليه بالهلي باب واحد ..

واللي يبي الراحة والمركوب العائلي للخطوط عليه بالددسن غمارتين ..

والله يوفق الجميع لما يحب ويرضى ..

أخووووووكم الجديد .. راعي الشبح ..

Swordfish

23/01/2007, 10:44 AM

اقولكم ياجماعة الخير الكلام المزبوط
راعي الطعوس والصحاري والرمال الناعمة ((الشرقيه-القصيم-الرياض)) ياخذ نيسان
راعي الجبال والاماكن الوعره والصخور القاسيه ((الجنوب-ضواحي المدينة المنورة الطايف وما حوله)) ياخذ هاي لوكس
شوفو هايلكسي المحترم الغالي المدلل :)

http://www.mekshat.com/pix/upload/images26/mk39875_dsc00159.jpg

اسم الله عليه تراه يعجبك
اخوكم سوردفيش

الكوسه

23/01/2007, 10:46 AM

اتوقع العكس اخوي

salehhd

23/01/2007, 01:42 PM

السلام عليكم

السيارتين ممتازتين
ومحرك الهايلوكس اقوى عزم من الدتسن لاكن الدتسن ارسى واريح في الطريق ومايطامر ويكسر الظهر مثل الهايلوكس

وبالنسبة للسعر مو ضروي الاغلى افضل ولاكن الكل يعرف اسعار تويوتا المبالغ فيها وبقوة

مكاين نيسان بعروفة وطول عمرها وقوتها
والهايلوكس الدبل رفيع بالحيل ويخوف ولو تلف وانت مسرع جاب التندة

ولو خيروني بين الاثنين باخذ دتتسن وانا مغمض

مدلع الهايلكس

23/01/2007, 05:50 PM

السلام عليكم و رحمه الله و بركاته اما بعد
يار اعي الشبح في ناس يقولون ان الددسن اسرع من الهلي وانا قلت لا الهلي اسرع وانت وش تقول

مـــــــــــدلع الهـــــــــايـــــلــــــكس

مدلع الهايلكس

23/01/2007, 05:56 PM

السلام عليكم ور حمه الله و بركاته اما بعد
اخوي صالح الي انت كاتب اسمك انجليزي الهايلكس احسن و افضل من الددسن لكن الهايلكس اذا كانت غماره تقطع ظهرك
و مني نصيحه لك انك تاخذ هايلكس ولا تسمــــع كلام احد

مــــــــــــــدلع الهـــــــايــــــلــــــكس

راعي الشبح

24/01/2007, 03:59 PM

حبيبي أنا رأيي عطيته في شيء معين .. لا تفتح معي تحقيق الحين وتدخلني في المعمعة ..

شوي وتقول وش رايك يا راعي الشبح باب الددسن اقوى والا باب الهايلكس ..

يا جماعة ترى الدنيا ما تسوى ..

ص ى ح 001

24/01/2007, 04:38 PM

السلام عليكم
ص ى ح 001 هلى 2006
بما اني معي هلى 2006 فما يحتاج امدحها بالنسبة للراحة والقيادة لكن بالخراباااااااات خذ رجال والله انة متعبتن بالخرابات وخاصة ان الرديتر القواعد بلستيك مب زي 2005 قواعد حديد وفيه كثيييييييير من المشكلات بالهلي لكن للي مب راعي مراقا ( الخرارة -الطوقي -الهرم -القصمان -ام حزم .......الخ ) فهي احسن من الددسن ( بس لايزعلون راعين الدداسن ) .
اما بالنسة للددسن فهي برايي حلوة مرة في الخط وكل شي ماشاء الله
هذا للي راعي نووووفد مهب بالديرة ولا السيارات الي بالديرة ما عليهن خلاف ,,,

سلبيات وايجابيات
سلبيات الهلي
1- الرديتر
2-تنسيم البيبان
3-الثقل ( الوزن)
4- الفرامل
5- القير
6- الكلتش
سلبيات الددسن
1- الدفرنس ( على قول بعض اخوياي الي معهم ددسن )
2- الفرامل
3- تفكك بسرعة
.....الخ
ايجابيات الهلي
1- نشاط اي ( نوااااااااااااااااااااااااااااااااااااااااافير تطرب القلب )
2- تحس انك راكب شي يرج وفلة
3- .............الخ
ايجابيات الددسن
1- راحة
2- عند البدو قمة في العلالي
3- القير

معلومة مهمة
قير الددسن اقوى من المكينة اما بالنسة للهلي فالمكينة اقوي من القير
لاحظوا عندما يتقاومون هلى وددسن

آآآآآآآآآآآآآآآآآآآآآآآآآآآسف على الاطالة

وهذا رأيي ,,,,,

والعذر والسموحة على الاطالة

تحياتي
ص ى ح 001 هلى 2006

1000هيد

25/01/2007, 03:45 AM

مدلع الهايلكس

29/01/2007, 08:37 PM

السلام عليكم و رحمه الله و بركاته اما بعد
اخوي هـــيد اسمح لي اقول انك غلطان تقول اللدسن افضل من الهلي حرام عليك يا خوي هيد الهلي افضل منها بالف مره
حتى الددسن حلوه و قويه لكن مش مثل الهلي الهلي في السعر يمسك قيمته الددسن لا ما يمسك قيمته الهلي عزم قوه المكانيكيه اقوى الهلي
الهلي يخرب فيه شي بسيط مثل : الكبليتر البطاريه الخ .... الددسن يخرب فيه اشياء واجده و شــــــــــــكــــــــــرا

مـــــــــــدلع الـــــهـايلـــــــــكس

moonksa

30/01/2007, 01:35 AM

هايلكس وبس

والله الددسن تعباان بالمرره

بارود برنو

30/01/2007, 08:35 AM

احلا ددسن في العلم ويسوا الدداسن كلها
ان كان الحكي عليه فهو يستاهل المدح
ددسن 97 هو الى طلع من الدداسن رجال هههههههههههههههههههههههههه

المطنون

30/01/2007, 09:04 AM

السلام عليكم ورحمة الله وبركاته

ياجماعة اعذرون وعطون فرصة وغيركم معلم

شوفوا الي بالصحاري عايشين بدوا يغيرون الدداسن بهايلوكسات >>>> وش يدل عليه

شوفوا الي بالتطعيس هايلوكسات >>>>> وش يدل عليه

بعدين ابعدوا عن التعصب الأعمى

الهايلوكسات تخرب لأن الي ماسكه شباب ويجلدونهن جلد

============

وبصراحة الددسن اريح واقوى كلتش بس ما تقارن بالهايلوكس

وباختصار الميدان ياحميدان

دعواتي
أخوكم
المطنون

مدلع الهايلكس

30/01/2007, 07:59 PM

[quote] السلام عليكم و رحمه الله و بركاته اما بعد
يااااشبااااب انا محتار بين سيارتين هي الهايلوكس و الددسن وانا كل الي اعرفه ان الهلي اقوى في كي شي
وانتم وش تنصصحوني فيه ابي قوه عزم تحمل كرف لاني بشتري وحده منهم بس ابيها رزه

وانـــــا ابـــــــــي رايــــــكـــــم مــــــــدلع الهـــــايـــلــــــكس

-الماجد-

31/01/2007, 02:04 PM

ددسسسسسسسسسسسسسسسسسسسسسسسسسسن وبس

Abu Saad

31/01/2007, 02:29 PM

السلام عليكم ورحمة الله وبركاته

ياجماعة اعذرون وعطون فرصة وغيركم معلم

شوفوا الي بالصحاري عايشين بدوا يغيرون الدداسن بهايلوكسات >>>> وش يدل عليه

يدل على الاتي :

1- ان الددسن قام بمهته على اكمل وجه وبدع السكك في كل شعيب ووادي ... ولسان حاله يقول : تعال يـــ(الهلوكس) تراي مهدت لك الطريق.. معاد لك عذر :no2:
2- بيعطون سداح(الهلوكس) فرصة :)

وفي النهاية كل واحد يشتري اللي يرغبه ويحبه ...فانا اشتري الشئ اللي على مزاجي وليس على مزاج فلان او غيره ...... فلولا اختلاف الاذواق بارت السلع.

والسلام عليكم

متمشي

31/01/2007, 06:05 PM

اللي لاحظته قوة في الهايلكس بالطريق بس ماتلاحظون يااخوان الهلي
فيه مشكلة عويصة...وهي انه يحوص في اللفات يعني مافيه رساوة
اعرف اثنين من اخوياي معهم هايلكس
حدث لهم انقلاب بامر الله ثم بسبة هالحوصة.....

مدلع الهايلكس

31/01/2007, 07:41 PM

السلام عليكم و رحمه الله و بركاته اما بعد

اخوي متمشي انت صادق في كلامك لكن الهلي و اقولها بصراحه احسن و افضل من الددسن بالف مره

الددسن ما تمشي زي الهلي في الطريق الهلي قوه و صبر و قوه البدي الهلي

مــــــــدلع الـــــــهــايـــــلــــكس

ابو ليان

31/01/2007, 09:02 PM

مباقي غير تقارنون ابوحوصة بالددسن 0000 رساوه + راحة + تكييف + انسا الحرارة

نام في اللدسن بعز القايلة وهو واقف ولاحراره ولاغيرة 00 اما ابو حوصة مايصحيك غير الدفاع المدني0000

ع.ف.الدرويش

31/01/2007, 09:53 PM

اقول ان الهايلوكس افضل بكثيرمن الددسن لان الهايلوكس لك ولزمن والددسن بوقته

:p..كيف تقول الددسن بوقته تدري إنه الموتر الوحيد إللي يطلق عليه المعمر لأننا إلى الىن نشوف موديلات الثمانينات وأقدم من كذا تمشي بالشوارع..لكن وين الهايلوكسات القديمة كلها اختفت يمكن اللي نلقاه ويالله بعد موديل 88 وبالحسر يشاف ويلقى.. رح المعارض وقل لي كم ددسن تحت الـ90 تشوفه وكم هايلوكس تحت الـ90 تشوفه..! وتعليقاً ;) على اللي يقول الددسن للبزران.. أقول الله يهديك رح الربوة والسلي والسلام شف الهايلوكسات مع مين وإلا أقول إمسك خط القصيم واطلع بعدها للشمال حتى وسير على كل ديره بالطريق وشف اعمار اغلب إللي يسوقونها.. وعطنا إحصائية.. ونعرف لحظتها موتر البزران..:confused:
أنا ما أعيب على النوعين وكلاهما له مميزاته وعيوبه لكن اتركوا عنكم الكلام اللي ماله داعي إلى الآن ما لقيت أحد أعطاني سبب يميز الهايلوكس وكذلك الددسن مالقيت أحد يعطيني ميزات لأي منهما..
أما إذا على السعر فالسبب اليمنيين كثر طلبهم للهايلوكس فصاروا يشترونه من هنا بالهبل وينقلونه لليمن لأجل البيع..

نهايةً أنا إنسان نيساني..:cool:

أبو فهد..