المساعد الشخصي الرقمي

مشاهدة النسخة كاملة : وصف موقع والوصول الي شعيب الحسكي؟


صليب الرأس
01/01/2010, 08:28 PM
السلام عليكم ورحمة الله وبركاته

اذا ممكن احد من النشاما يوصف لي الوصول و موقع وكيف الوصول الي شعيب الحسكي؟:s

وجزاكم الله خير
ذيب الحجرة
01/01/2010, 09:41 PM
عن طريق قرية الزبيرة
مدور الصيد؟
01/01/2010, 09:54 PM
أبشر بسعدك شعيب الحسكي شمال من بلدة الزبيرة ووصفه سهل أطلع من الزبيرة بإتجاه شمال شرق بعد 10كم أو أقل يجيك أول شعيب طلح لف يسار وخلك مع هالشعيب وطبعا كل ما تنحدر مع الشعيب (يعني بتجاه السيل) يكبر ويزين ويصير له فياض ولا تفوتك فيضة أم شفلح اللي بنهاية الشعيب على خبري مليانة ماء موفق يالغالي
ابوفيصل9
01/01/2010, 10:46 PM
الله يعطيك العافية
عاشق السيل
02/01/2010, 10:40 AM
أبشر بسعدك شعيب الحسكي شمال من بلدة الزبيرة ووصفه سهل أطلع من الزبيرة بإتجاه شمال شرق بعد 10كم أو أقل يجيك أول شعيب طلح لف يسار وخلك مع هالشعيب وطبعا كل ما تنحدر مع الشعيب (يعني بتجاه السيل) يكبر ويزين ويصير له فياض ولا تفوتك فيضة أم شفلح اللي بنهاية الشعيب على خبري مليانة ماء موفق يالغالي

وصفك واضح بالحيل الله يبيض وجهك أخوي ،،

بس باقي نقطة مهمة جدا جدا جدا !!!

بلدة الزبيرة وين موقعها وبأي منطقة ؟؟؟

بانتظارك يالغالي وكثر الله خيرك ....
عقريص
02/01/2010, 10:50 AM
بلدة الزبيرة يالغالي بعد البعيثة بـ 35 كيلو تقريبا بأتجاه الشمال والبعيثة شمال قرية قبة وتبعد 30كيلو تقريبا ولاكن فية اسفلت جاي للزبيرة من طريق حايل بس ماعرف من وين تطلعلة بالضبط , ياليت احد الاخوان يفيدك بالاحداثية
عاشق السيل
02/01/2010, 11:21 AM
بلدة الزبيرة يالغالي بعد البعيثة بـ 35 كيلو تقريبا بأتجاه الشمال والبعيثة شمال قرية قبة وتبعد 30كيلو تقريبا ولاكن فية اسفلت جاي للزبيرة من طريق حايل بس ماعرف من وين تطلعلة بالضبط , ياليت احد الاخوان يفيدك بالاحداثية

ههههههههههه ياحبيلك ياعقريص !!

الزبيرة >>>> البعيثة >>>>> قبة !!!!!

والحين وصلتنا حايل !!! :(

سألت بعض الربع بالدوام وقالوا إن شعيب الحسكي بين الزلفي والمجمعة ،،، هذا الكلام صحيح ؟؟

لأن هذي الديار أعرفها زين :D
الضويلع
02/01/2010, 11:24 AM
الفزعه يا لجاويد ابي اسماء رياض الزلفي
بارق الريف
02/01/2010, 11:32 AM
السلام عليكم ...

وصف الشباب جيد مررة ..

الزبيرة له عدة طرق ...

الأول :
إذا كنت من الرياض تمسك طريق الحفر إذا جتك محطلة البطيحانية لف يسار لم رفحاء بعدين تمشي سيدا تجيك ام عشر بعدها سامودة بعدها الحدقة بعدها لينة بعدين لف يسار لم داخل لينة واطلع من لينه باتجاه الشمال لم تربه وبقعاء إذا تعديت عروق لينة وأقبلت على تربة تجيك أول محطة على اليسار تراها جديدة ولاهي كبيرة مرة قبلها في مفرق اسفلت على اليسار سيد واحد باتجاة الغرب ..أنتبه ترا فيه حفريات بعد ٣٠ كيلو تقريبا ..
تمشي تقريبا ١٠ كيلو بعد الحفريات تطب على الزبيرة ..

الثاني :
من طريق بريدة حايل القديم إذا مسكت الطريق من بريدة تمشي تقريبا ١٥٠ كيلو يجيك مفرق الأجفر بعدين تلف للأجفر وبعده الخوير تقريبا ٣٠ كيلو وبعده الزبيرة ٧٠ كيلو .. طبعا الطريق كله اسفلت ..

الثالث :
من طريق قبة إذا أقبلت على قبة جاي من أبا الورود أول محطة على اليسار فيه قبلها مطينة أمسكة المطينة ٤٠ كيلو تقريبا تطب على الزبيرة بعدين سيدا مع طرق رملية تباري النفود تخليه على يسارك تقريبا ٥٠ كيلو يعترضك طريق الخوير الزبيرة رح يمين تجيك الزبيرة ..
بارق الريف
02/01/2010, 11:34 AM
أخوي إذا كان مع قارمن الجوال تراه يريحك كثير ..
بن نقا
02/01/2010, 11:45 AM
سألت بعض الربع بالدوام وقالوا إن شعيب الحسكي بين الزلفي والمجمعة ،،، هذا الكلام صحيح ؟؟

لأن هذي الديار أعرفها زين :D

أخوي عاشق السيل اللي بين المجمعة والزلفي شعيب مرخ ...
ولكن الحسكي شمال حائل ...
والإخوان يفيدونك أكثر .......
بندر10
02/01/2010, 11:47 AM
ههههههههههه ياحبيلك ياعقريص !!

الزبيرة >>>> البعيثة >>>>> قبة !!!!!

والحين وصلتنا حايل !!! :(

سألت بعض الربع بالدوام وقالوا إن شعيب الحسكي بين الزلفي والمجمعة ،،، هذا الكلام صحيح ؟؟

لأن هذي الديار أعرفها زين :D

غلطانيين هذاك اسمه شعيب الحسي مو الحسكي
عاشق السيل
02/01/2010, 12:31 PM
السلام عليكم ...

وصف الشباب جيد مررة ..

الزبيرة له عدة طرق ...

الأول :
إذا كنت من الرياض تمسك طريق الحفر إذا جتك محطلة البطيحانية لف يسار لم رفحاء بعدين تمشي سيدا تجيك ام عشر بعدها سامودة بعدها الحدقة بعدها لينة بعدين لف يسار لم داخل لينة واطلع من لينه باتجاه الشمال لم تربه وبقعاء إذا تعديت عروق لينة وأقبلت على تربة تجيك أول محطة على اليسار تراها جديدة ولاهي كبيرة مرة قبلها في مفرق اسفلت على اليسار سيد واحد باتجاة الغرب ..أنتبه ترا فيه حفريات بعد ٣٠ كيلو تقريبا ..
تمشي تقريبا ١٠ كيلو بعد الحفريات تطب على الزبيرة ..
..

بيض الله وجهك يالذيب وصفك جدا واضح ،،،



أخوي عاشق السيل اللي بين المجمعة والزلفي شعيب مرخ ...
ولكن الحسكي شمال حائل ...
والإخوان يفيدونك أكثر .......

معلومة رائعة تشكر عليها يالغالي ،،،



غلطانيين هذاك اسمه شعيب الحسي مو الحسكي

أفدتني كثير الله يعافيك وأكيد الشباب شبكوا بينها هههههههه
الله يبيض وجهك يالنشمي ....
صليب الرأس
02/01/2010, 12:39 PM
الف شكر لمن شارك في الوصف . ولكم مني التحية وجزاكم الله خير
محمد الضيوفي
13/07/2010, 01:40 PM
يعطيك العافيه على الوصف وما قصرت
عساس سهيل
11/10/2014, 01:14 AM
صحيح الموضوع قديم بس للفایدة
يوجد اكثر من شعيب اسمه الحسكي
و اللي بين الزلفي و المجمعه اسمه الحسكي موب الحسي
لكن أشهر هالشعبان هو شعيب الحسكي شمال الزبيرة
لطوله و لانه يطلع فيه ربيع طيب
القناص 2014
09/11/2015, 02:01 PM
ماشااء الله الله يوفقكم
مارد
07/07/2017, 09:45 PM
حط احداثيات وريح راسك