Nawaf alrawaily
01/01/2010, 11:03 PM
رن رن رن ... الوووو ... هلا محمد ... يبه ابي اشتري كامري ... طيب معك فلوس .. إيوة ... لا تسوي شيء وتعالي للبيت .
( قفل السماعة الوالد )
جاء محمد للبيت مسرع ... طاااخ طاااخ ... مين عند الباب . أنا محمد افتحي الباب
وين ابويه .. أبوي في الصاله جالس مع أمي يتقهوى شاي ....
هلا محمد تعال أجلس بسولف عليك سالفة
هلا يبه
عفيه عليك ولدي إسمعني زين وفكر بكل كلمة اقولها لك وبعدين أبشر بالكامري
زين يبه أنا أسمعك وكلي أذان صاغية لك تفضل ...!!
بسئلك يا محمد
وش الفرق بين الددسن 90 والكامري 2010
يبه كلهن سيارات بس هذة موديلها جديد والددسن موديلها قديم
صح عليك يا محمد كلهن سيارات بس الكامري سعرها فوق 80 الف ريال والددسن بـ 10 الالف ريال .
صح يبه كلهن سيارات يوصلن للمكان اللي ابيه
آهاااا آهاااا آهاااا .. يعني يا محمد كلهن مثل بعض
ايوة يبه كلهن مثل بعض بس الكامري حديثة والددسن قديمة
إسمعني يا ولدي . فيه مثل يقول من كبر اللقمة غص . ومد لحافك على قدر رجليك . والشيء اللي ماله أساس ماله راس والزمن دوار يوم لك وعشرة عليك . فـ اليوم هذا ياولدي يا محمد لك ولكن بكرة بيصير عليك . إغتنم نصيحتي وأنا أبوك وترى الزمن هذا النصايح بلاش وما نصحتك إلا وأنا عارف وش تبي تكون الأيام بكرة ....
يا ولدي بيت الشعر لو بنيتة من دون أعمدة أكيد بيطيح ....
إنت معي
إيوة يبه أنا معاك ... سولف جالس أسمعك يبه
إنت هالحين يا ولدي عزابي وتوك متوظف ما صار لك ثلاث سنوات وما شاء الله عليك كل بنت تمناك ...!!
وتقول خلال الثلاث سنوات جمعت لك مبلغ .. صح
صح يبه ... بس يا يبه أنا جمعت المبلغ هذا على شان أشتري لي كامري وما بغيت ابدأ حياتي بالدين وظغت على نفسي حتى جمعت المبلغ هذا على شان أنبسط ...
عفيه عليك ... إنت تبي تنبسط . شيء طيب وحلو وتفكيرك يا ولدي زين بس إسمع وأنا أبوك .
إنت هالحين جمعت مبلغ فوق 100 الف ريال . أبيك تخصم من هالمبلغ 15 الف ريال وابيك تشتري لك ددسن غمارة من التعسين وتحت .
وأكيد بتحصلهن حول العشرة الالف ريال .
والمبلغ الباقي أبيك تحطة على جنب وتروح للبنك وتأخذ لك قرض ومع هالقرض أبيك تشتري لك أرض ما دامت الأسعار هالحين مناسبة . وصدقني يا ولدي لغير يجي يوم وتتذكر كلامي . وإذا إشتريت لك أرض على طول قدمها على الصندوق العقاري وخلها تجلس 15 سنه .. مو مشكله .
دينك اللي من البنك يا محمد كلها خمس سنوات ومخلص الدين على خير .
وخلال هالفترة أكيد تبي تجمع لك مبلغ زين لو كل شهر 1000 ريال يا محمد ترااه زين
يعني بعد خمس سنوات بيكون عندك 60 الف ريال .. صح يا ولدي . وتكون إنتهيت من سالفه البنك ويصير عندك أرض و مبلغ 60 الف ريال .
صح يا ولدي
صح يبه . وكلامك هذا عز الله صحيح
يعني ما شاء الله عليك يا محمد عندك أرض زينه وعندك مبلغ 60 الف ريال ومقدم على الصندوق . وما تدري في أي لحظة يدعمون الصندوق بمبلغ طيب ويجي قرضك خلال فترة بسيطة صح .
إيوة صح يبه
آهااا آهااا يا محمد يعني ما باقي لك هالحين إلا نشوف لك بنت الحلال وترى الشقة اللي فوق فاضية خذها لك إنت وزوجتك وأسكن فيها إلين تعمر بيتك إن شاء الله على خير .
( ويتزوج محمد ويدور الزمن ويطلع قرضة وعمر بيته وسكن هو وزوجتة وما زالت الددسن معاة ومتمسك فيها )
الله يجزاك خير يا يبه والله يسكن اعظامك الجنة فعلاً من كبر اللقمة غص والشيء اللي من دون اساس ماله راس .
بقلم
عشق وجنون
( قفل السماعة الوالد )
جاء محمد للبيت مسرع ... طاااخ طاااخ ... مين عند الباب . أنا محمد افتحي الباب
وين ابويه .. أبوي في الصاله جالس مع أمي يتقهوى شاي ....
هلا محمد تعال أجلس بسولف عليك سالفة
هلا يبه
عفيه عليك ولدي إسمعني زين وفكر بكل كلمة اقولها لك وبعدين أبشر بالكامري
زين يبه أنا أسمعك وكلي أذان صاغية لك تفضل ...!!
بسئلك يا محمد
وش الفرق بين الددسن 90 والكامري 2010
يبه كلهن سيارات بس هذة موديلها جديد والددسن موديلها قديم
صح عليك يا محمد كلهن سيارات بس الكامري سعرها فوق 80 الف ريال والددسن بـ 10 الالف ريال .
صح يبه كلهن سيارات يوصلن للمكان اللي ابيه
آهاااا آهاااا آهاااا .. يعني يا محمد كلهن مثل بعض
ايوة يبه كلهن مثل بعض بس الكامري حديثة والددسن قديمة
إسمعني يا ولدي . فيه مثل يقول من كبر اللقمة غص . ومد لحافك على قدر رجليك . والشيء اللي ماله أساس ماله راس والزمن دوار يوم لك وعشرة عليك . فـ اليوم هذا ياولدي يا محمد لك ولكن بكرة بيصير عليك . إغتنم نصيحتي وأنا أبوك وترى الزمن هذا النصايح بلاش وما نصحتك إلا وأنا عارف وش تبي تكون الأيام بكرة ....
يا ولدي بيت الشعر لو بنيتة من دون أعمدة أكيد بيطيح ....
إنت معي
إيوة يبه أنا معاك ... سولف جالس أسمعك يبه
إنت هالحين يا ولدي عزابي وتوك متوظف ما صار لك ثلاث سنوات وما شاء الله عليك كل بنت تمناك ...!!
وتقول خلال الثلاث سنوات جمعت لك مبلغ .. صح
صح يبه ... بس يا يبه أنا جمعت المبلغ هذا على شان أشتري لي كامري وما بغيت ابدأ حياتي بالدين وظغت على نفسي حتى جمعت المبلغ هذا على شان أنبسط ...
عفيه عليك ... إنت تبي تنبسط . شيء طيب وحلو وتفكيرك يا ولدي زين بس إسمع وأنا أبوك .
إنت هالحين جمعت مبلغ فوق 100 الف ريال . أبيك تخصم من هالمبلغ 15 الف ريال وابيك تشتري لك ددسن غمارة من التعسين وتحت .
وأكيد بتحصلهن حول العشرة الالف ريال .
والمبلغ الباقي أبيك تحطة على جنب وتروح للبنك وتأخذ لك قرض ومع هالقرض أبيك تشتري لك أرض ما دامت الأسعار هالحين مناسبة . وصدقني يا ولدي لغير يجي يوم وتتذكر كلامي . وإذا إشتريت لك أرض على طول قدمها على الصندوق العقاري وخلها تجلس 15 سنه .. مو مشكله .
دينك اللي من البنك يا محمد كلها خمس سنوات ومخلص الدين على خير .
وخلال هالفترة أكيد تبي تجمع لك مبلغ زين لو كل شهر 1000 ريال يا محمد ترااه زين
يعني بعد خمس سنوات بيكون عندك 60 الف ريال .. صح يا ولدي . وتكون إنتهيت من سالفه البنك ويصير عندك أرض و مبلغ 60 الف ريال .
صح يا ولدي
صح يبه . وكلامك هذا عز الله صحيح
يعني ما شاء الله عليك يا محمد عندك أرض زينه وعندك مبلغ 60 الف ريال ومقدم على الصندوق . وما تدري في أي لحظة يدعمون الصندوق بمبلغ طيب ويجي قرضك خلال فترة بسيطة صح .
إيوة صح يبه
آهااا آهااا يا محمد يعني ما باقي لك هالحين إلا نشوف لك بنت الحلال وترى الشقة اللي فوق فاضية خذها لك إنت وزوجتك وأسكن فيها إلين تعمر بيتك إن شاء الله على خير .
( ويتزوج محمد ويدور الزمن ويطلع قرضة وعمر بيته وسكن هو وزوجتة وما زالت الددسن معاة ومتمسك فيها )
الله يجزاك خير يا يبه والله يسكن اعظامك الجنة فعلاً من كبر اللقمة غص والشيء اللي من دون اساس ماله راس .
بقلم
عشق وجنون