لأهل الرياض سؤال ضروري تكفون ....

[abogaser]

السلام عليكم ورحمة الله وبركاته

سؤال لأهل الرياض أين يقع حراج السيارات في الرياض (وهو حراج النسيم ) وهل يعمل طوال أيام الأسبوع أم في الخميس والجمعة ؟

كذلك عند شراء سياره من هناك هل يتم تخليص أوراقها من أدارة المرور في الحال أم اضطر الي البقاء الي اليوم التالي ؟

أيضا" أين تقع هيئة المواصفات والمقاييس في الرياض ؟

علما" بأنني أملك جهاز الجارمن مما يسهل عليا عملية البحث ولاكن أنا أريد معرفة الشوارع والأتجاهات التي تقع عليها هذه الأماكن لتحديد العنوان علي الجهاز ......والدعاء للجميع بظهر الغيب ...تحياتي

[سفاري نجد]

44.056 24 N
E 48.014 46
أخوي أبو جاسر


معارض السيارات اللي بالنسيم
تقع شرق الرياض على طريق خريص


مخرج عبد الرحمن بن عوف


والأحداثيات اللي فوق من قوقل إيرث


وتخليص السياره اذا اشتريتها اليوم بكره تخلص اجراءتها
وتاكد من فحص السياره بالفحص الدوري عشان ماتطول الاجراءات


والله يرزق السياره اللي بالك


ولا تنسانا من صالح دعاءك

[abogaser]

ذيب .....ذيب.....رحم الله والديك
أخوي عندي سيارة أبي أبيعها هل يعمل أيام الأسبوع
وباالنسبة لهيئة المواصفات والمقاييس اتمني من أحد الأخوه يفيدني

[ديم الجنوب]

وعليكم السلام ورحمة الله وبركاته

بخصوص المعارض ... أفادك أخوي سفاري نجد

أم بنقل الملكية ... أذكر أن صديق لي شراء سيارة وراح خصلها من مرور النسيم بيومها وكان وقتها العصر وسافر لديرته

تحياتي لك ،،،

[ياسر111]

المعارض تعمل طول الايام الى حد الساعه 11 تقريباً
المرور يعمل ايام الاسبوع الى حد الساعه 11 في الليل مرور المعارض
واذا سيارتك مفحوصه وجاهزه بنفس اليوم تخلص سواً بيع او شراء تخلصها بنفسك فقط يحتاج لك ورقة مبايعه
اما امور المرور بنفس تخلصها بنفس اليوم تخلص
بالنسبه لهيئة المواصفات والمقاييس ماعندي خبر عنها

[VXR.2007]

هيئة المواصفات والمقاييس
http://wikimapia.org/#lat=24.7351239&lon=46.6356593&z=17&l=10&m=s&v=9

خلف جامعة الملك سعود في شارع تركي الاول

حراج النسيم


http://wikimapia.org/#lat=24.7327218&lon=46.8013287&z=16&l=10&m=s&v=9


على نفس +

[المارينز]

المواصفات والمقاييس

106 44 24 شمال
058 38 46 شرق

[hail_ksa]

وإذا كان يوم خميس أو جمعة هل نقدر نخلص أوراق السيارة من المرور والفحص .؟؟؟
وشكرا .

[خطر]

ماقصرو الشباب

[الستانس]

وبغيت اكرك ان فيه حراج الشفاء لأني ما شفت احد ذكرة او وصفة
المشكلة اني ما اعرف اوصفة زين ولكن هذا وصفي وتقبلة وان شاء الله الشباب يوضحون زيادة
الدائري الجنوبي متجة شرق إلين يجيك مخرج حمزة رح يمين وخل جيان (سابقا) على يمينك
وابتل سيدا بيجيك دوار ابتل قدام إلين تجيك اشارة الدفاع المدني ويكون على يسارك
رح يسار وامسك الخدمة لين تجيك شركة البسامي على يمينك لف بعدها يمين
ويجيك السوق على يمين


وبالنسبة للتخليص اذا كانت اورقك جاهزة تقدر تخلصها بنفس اليوم
بشرط انك تخلصها بنفسك بدون معقب المعقب له فترة الصباح بس
في حال شريت السيارة وكانت مفحوصة ومأمنة
رح للمرور وخذ معك ملف شفاف ويبيعون عند المرور
وحط اوراقك مع ورقة المبايعه وسلمها انتظر دورك


بالنسبة لهيئة المواصفات والمقاييس
فهي على طريق الإمام محمد بن سعود ابتل معة غرب إلين تجيك الإشارة الأولى تعدها
الإشارة الثانية ديور وامسك الخدمة وتكون الهيئة على يمينك

ان شاء الله اني قدرت اوصل المعلومة

[abogaser]

بيض الله وجه الجميع كلا" باسمه من الوصف شكلي بطيح عليهم طيح .....