المساعد الشخصي الرقمي

مشاهدة النسخة كاملة : &&&& تبادل خبرات من جرب المساعدات &&&&



U S B
02/01/2010, 10:34 PM
السلام عليكم .....


كيفكم يا شباب .....


هذا الموضوع ودنا نناقش فيه المساعدات ونعرف وش افضلها من ناحية التجارب


لأن أغلب الشباب ودهم يغيرون المساعدات


وبعضهم غير وودنا نعرف وش صار معه



فما أفضل المساعدات في ضنك .... من ناحية الجودة ... الراحة ....


هل مورنو أفضل من وولدمان أو جبريال .... أو مساعدات الوكالة احسن

هل الابيض افضل من الاصفر ؟؟؟




طبعا سيارتي فورتشنر .... ممكن نستفيد من كل ملاك الجيوب

U S B
03/01/2010, 11:08 PM
up
...........
up

هواوي بروق
03/01/2010, 11:30 PM
السلام عليكم
أخوي عن تجربتي معي باترول 99 وكان ذابحني مررره بس يهوي وأي مطب
تحس ان الموتر يرتج بشكل رهيب ..... عموماً توكلت على الله بعد السؤال من الشباب الخبرة
ودلوني على المساعدات الاستراليه ماركة Nitro charger يجي لونها أصفر المهم ركبت طقم 2 قدام و2 ورا
وحقيقه فيه فرق مو طبيعي تحس إن الموتر متماسك
السعر 680ريال قدام 680 ورا المجموع 1360 زايد التركيب 90 تقريباً
مكانهم بالقصيم السنيدي ..... أتمنى أخوي أني أفدتك.... ولك تحيتي هواوي بروق

باثفندر
04/01/2010, 12:15 AM
إن كان قصد أخوي هواوي بروق هي نفسها حقت الرماية ،، عز الله إنها مساعدات وقوية ,,, وتتحمل الصدمات بالإضافة الى إمتصاص المطب القوي ،،، بس عيبها بالمطبات الصغيرة تحس إنها ماتخلي الياي ياخذ راحته .

هواوي بروق
04/01/2010, 10:40 PM
نعم أخوي باثفندر كلامك صحيح وكيلها الرماية حقيقه مافيها كلام من واقع تجربه ..... حفظك ربي

سابح في خياله
04/01/2010, 11:20 PM
نعم أخوي باثفندر كلامك صحيح وكيلها الرماية حقيقه مافيها كلام من واقع تجربه ..... حفظك ربي


حبيت أسأل ...يقولون قساوة اللي قدام بالذات زايدة تفكك الموتر خصوصاً الجيب
وهذا الحقيقة اللي رادني عنها ؟!

هواوي بروق
05/01/2010, 06:43 PM
حبيت أسأل ...يقولون قساوة اللي قدام بالذات زايدة تفكك الموتر خصوصاً الجيب
وهذا الحقيقة اللي رادني عنها ؟!

لا ياخوي لاتردك ولاشي أجزم وتوكل على الله وكانك متردد مر علي انزل لك اللي قدام وجربهن بس ماهو تجحدني خلاااااص اتفقنا :D
حبيت امازحك بس..... والله ياخوي أنا لم الاحظ ذيك القساوه......... أخوك هواوي بروق

3Ro0oJ
05/01/2010, 09:06 PM
والله ماجربتهن على مساعدات الوكاله لاكن يقولوون الجبريال تقضي بسرعه

U S B
05/01/2010, 10:48 PM
حيا الله الشباب ..... كل باسمه


يعني الاولدمان افضل من مورنو ....؟؟؟

فيه واحد ركبها وقال تفكك موتره ما تم 9 شهور


وهل فيه راحه أفضل من المورنو



وفيه واحد ينصحني يقول غير الياي والمساعد ؟؟؟

ريلاكس
05/01/2010, 11:42 PM
مدام الموضوع مساعدات

وش احسن شيء

للمراقى يصير وجه الموتر ثابت مايناقز

الموتر اف جي

اركب ياي استرالي على مساعد البلد

ولا لازم نغير المساعد .؟

والياي ناخذ قاسي ولا وسط والمساعد لازم نغيره

لأنه غالي حق الاف جي

هويدي
06/01/2010, 12:26 AM
جربت المونرو على باترول كسبت الرساوه ولكن فقدت الراحه

الموتر صار تقل سست

يمدحون مساعدات الشاص او الفكسار القديم على الباترول

فورتشنر
06/01/2010, 03:58 AM
لا تتعدى الاسترالي اللي عند الرماية ( من واقع تجربة على الفورتشنر )
وأنصحك وبشدة تغير اليايات والمساعدات قدام وورى
لكن الله يعينك على دراهمهن لأنهن غويليات شوي ..
بالتوفيق

فارس العيون
06/01/2010, 03:45 PM
من ناحيتي جربت مساعدات الشاص 2001 تقريبا صراحة دوااء لكلش الموترمتماسك .
طبعا موتري باب باترول 97 ....
لكن الحين مغيرها ومركب قدام مساعدات مرسدس بلاستاين وخلفي مساعدات شاص نفس الأوله صراحه علااج ...

U S B
08/01/2010, 06:05 AM
للرفع لاستكمال النقاش

بارك الله فيكم .....

ابو فهد 911
12/01/2010, 01:42 PM
السلام عليكم

انا عندي سؤال

عندي جيب لاند 97 وحطيت ياي استرالي ورا وظبطت الرفعه صار ارتفاعه زين بس على نفس المساعد وودي اركب مساعد ولا ادري وش انوعها اسمع بالاسترالي اللي عند الرمايه يقلون انه افضل شي بس قاسي بالحيل وسمعت عن المونرو اظن انها البيضا الغاز يقلون اخف طبعا قدام ما سويت شي لأني مرتاح رفعته بكعك استرالي ومساعد الوكاله تمام بس اللي ورا يلعب واجد خصوصا مع التحميل والمنعطفات

المرايا
12/01/2010, 08:50 PM
السلام عليكم يا اخوني
انا عندي بليزر م 93 وابقى اعمل له ترهيمات للكشتات من صنوق للعزبة والخزان للماء ودعامية تكون فيها خدمات وتركيب بها كشافات وغيرة امور وابقالي محل او ورشة تعمل على عالامور
الرجاء مساعدتي على الطريق السليم
وشاكر لكم

الجيب الريو
13/01/2010, 12:42 PM
عندي باترول 98 اربع ابواب
ركبت مساعدات غاز جبرايل قدام و وراء
بصراحة ممتازة ومريحة وراسية
المهم سعرها رخيص جدا مقارنة بالوكالة او المنرو
الاربعة بـ 440 ريال

محمد بن سعيد
13/01/2010, 01:30 PM
ركبت مساعدات استرالية اولد مان على موتري فورتشنر هي ممتازه من ناحية امتصاص الصدمات مثل اللي الجروف الجفر اللي تجيك في البر لكن في الديره مع المطبات الصغيره متعبه للركاب وللسائق وكذلك سعرها الغالي مره والحين فكيتهن ورافع من قدام بكعكة 1سم و ياي استرالي 3سم خلفي ورجعت مساعدات الوكالة وفي إطار البحث عن مساعدات بديله

U S B
29/01/2010, 09:39 PM
up >>>>>> up

العرّاب
30/01/2010, 12:13 AM
انا عندي vx-r موديل 97
ركبت المساعدات الاسترالية من محلات الرماية في التخصصي .
الصراحة هي مسكت الجيب وثابت .
بس والله العظيم انها كسرت ظهري في الديرة وخاصة في السفر رصصت ظهري رص وفككت الموتر.
والان ادور البديل

xX_أبهاوي_Xx
07/02/2010, 01:53 AM
تجديد للموضوع ورفع ... ومنكم نستفيد يالغوالي ,,, تكفون لاتنسونا من آرائكم وتجاربكم

أنا عندي تاهو باب واحد موديل 93 ,, ورفعته 3 إنش من قدام ومن ورى ,, والمشكله إن المساعدات الأصليه حقت البلد .. ماعاد سوت شئ ..

فيا ريت تفيدونا ...

البعض يقول جابريال ,, بس إنها قاسيه شوي
والبعض يقول مونورو ,, قويه ومتامسكه ,, بس تفكفك الموتر وغير مريحه

اللي أبغاه .. مساعدات مقدور على سعرها وبنفس الوقت كبيره وطويله تنفع للترفيع اللي مركبه انا

وتفيدني في الخط والمطبات والتطعيس

لكم شكري وخالص مودتي

العاذر
07/02/2010, 02:16 AM
وفيه مساعدات الدوج قويه جدا لونها اسود ومستحيل تنفقع

راعي الطلعات
07/02/2010, 02:31 PM
لاحد يقرب المنورو سمعتها في غير محلها

مساعدات التيوتا شاص ممتاز ثم الجبريل افظل وارخص منها

بس مابعد عرفة عن oldman ودي احد ينصحني فيها

xX_أبهاوي_Xx
07/02/2010, 07:41 PM
تجديد للموضوع ورفع ... ومنكم نستفيد يالغوالي ,,, تكفون لاتنسونا من آرائكم وتجاربكم

أنا عندي تاهو باب واحد موديل 93 ,, ورفعته 3 إنش من قدام ومن ورى ,, والمشكله إن المساعدات الأصليه حقت البلد .. ماعاد سوت شئ ..

فيا ريت تفيدونا ...

البعض يقول جابريال ,, بس إنها قاسيه شوي
والبعض يقول مونورو ,, قويه ومتامسكه ,, بس تفكفك الموتر وغير مريحه

اللي أبغاه .. مساعدات مقدور على سعرها وبنفس الوقت كبيره وطويله تنفع للترفيع اللي مركبه انا

وتفيدني في الخط والمطبات والتطعيس

لكم شكري وخالص مودتي



ننتظر ردودكم يالمجربين لاهنتوا بفاااااااااااااارغ الصبر

رفيع المقآم
07/02/2010, 11:17 PM
الله يعين اعتقد احسن مساعد اللي عند الرمايه الاسترالي من كلام الشباب مو عن تجربه

ALBDRANE
07/02/2010, 11:51 PM
الا الان ومساعداتي زوينه ولو بغيرها ما اتعدا الجبريل قناعة شخصية
رخيصة وقوتها مناسبة وتعمر في السيارة

خالد اللهيبي
08/02/2010, 12:22 AM
السلام عليكم ورحمة الله وبركاته

الحقيقة موضوع شيق ومفيد وقرأت عن المساعدات واليايات الشيئ الكثير وكانت خلاصة قراءتي

أن أقوم بتغير اليايات الأربعة طبعا استرالي مع المساعدات مونور ....

ورغم هذا فأنا أخشى من قسوة المطبات بعد التركيب لأن معظم استخدامي داخل المدينة وفي الاجازات سفريات (خطوط )

ومتردد في تغيير المساعدات يمكن اركب اليايات وأشوف الفرق ولو لزم الأمر ركبنا المساعدات المونور

هذا ما خرجت به من تجارب الشباب ... والي له تعليق أو إضافات على كلامي كلي آذان صاغية ...

وسلامتكم

موسم النزل
10/02/2010, 03:40 AM
تكفون افيدونا , انا معي Gx وابي اغير المساعدات والياي الخلفي , مريت كم محل وقالوا لي : ركب مساعد الوكاله مع ياي استرالي 2ملم, لان 4 ملم يرفع الموتر بزيادة.
وش رايكم بالكلام, ارجو الافادة بأسرع وقت.

خالد 999
10/02/2010, 08:23 PM
السلام عليكم ورحمة الله وبركاته
انا شفت مساعدات ويايات ماليزيه سعرها معقول مقارنة بالاستراليه
لون الياي اصفر وكذلك المساعد ويوجد كعكه ربل صفراء اللون
يمدحها راعي المحل
ارجوا منكم الافاده عنها
ولكم جزيل الشكر

AMERALNET
13/03/2010, 12:48 AM
اخوي خالد 999
وين مكان المحل الله لايهنيكـ

U S B
11/05/2010, 09:10 PM
حلوة مساعدات ماليزية ...

وين ...؟؟؟