وداعية ابو تركي الخيالية .. في شعبان الارطاوية ،،، محبكم (شديدالباس)

[شديدالباس]

السلام عليكم ورحمة الله وبركاته


اكتب لكم اليوم بلون الربيع لأني عشت اللون قلباً وقالباً


مع مكشاتية يسوون الذهب شروى من يقرا


ثلاث فرق تنادت بالكشتة عقب موضوعي عن شعيب بقر الاسبوع الماضي


فطلعت الفرقة الاولى من الرياض


والثانية من المجمعة


والثالثة من الغاط


وكل نيتنا توديع الصديق الغالي ابو تركي


والذي سيغادرنا الى امريكا خلال الاسبوع الحالي لبعثته الدراسية .. اسأل الله له التوفيق والنجاح فلا تبخلوا على صديقي الوفي بدعوة مماثلة فانتم الكرماء كما عودتمونا


فكان الطلب اللي لابد منه : تكفى يالشديد نبي ربيعك اللي انت خابر


وانا اللي تطقني النخوة وترزح بي الشهامة


ابشروا به يالربع الوعد صلاة الفجر لعيون ابو تركي حبيب قلبي (اها بس لايكثر )


قالوا لا نبي نمرح عندك (والله اللزقات ) يالله ما يخالف


المهم مالكم بالطويلة ...


كزيناها عقب صلاة فجر الخميس 14 /1/1431 هـ .. ناوين الخير باذن الله


وهذولا الربع فرقة الرياض يدفوني دف اسرع يالديزل يتطنزون حسبي الله عليهم


http://i1009.photobucket.com/albums/af211/d-mousa/Image1.jpg



وحنا في الطريق كان السحاب زين وبدت تهل رشاشه علينا (يالله لك الحمد )


http://i1009.photobucket.com/albums/af211/d-mousa/Image85.jpg



التقينا بالفرقة الثالثة في مشاش عوض


سلمنا وحبيناهم وصياح ونياح تقل عزى


ثم صملنا على الفرح والسرور/// ورمي الاحزان خلف الظهور



توجهنا لشعيب بقر وصفطنا في اول ملف ربيعي .. عشان نكتم الجوعي .. بشوية فريك وفولي


http://i1009.photobucket.com/albums/af211/d-mousa/Image4.jpg



http://i1009.photobucket.com/albums/af211/d-mousa/Image3.jpg



بعد الفطور كالعادة تهاوشنا بوووم طااااع


احد يقول نتمشى واحد يقول معصي منيب متعدي هالمكان



لكن بما اني شديد الباس فالكل الحمد لله تحت امري احم احم


مشينا الهوينا


نتمشى بين الخضار والحزوم المربعة ومير اكسر يمين لم اشعيب اعويج


وشفت اللي يطرب الخاطر ويسهر الساهر


ومير اتخقق عند الربع وش رايكم يا جماعة منيب كفو اصير امييييير دايم هههه


اعلمكم ليييييييش :


http://i1009.photobucket.com/albums/af211/d-mousa/Image10.jpg


http://i1009.photobucket.com/albums/af211/d-mousa/Image11.jpg


http://i1009.photobucket.com/albums/af211/d-mousa/Image15.jpg


http://i1009.photobucket.com/albums/af211/d-mousa/Image16.jpg


http://i1009.photobucket.com/albums/af211/d-mousa/Image18.jpg


http://i1009.photobucket.com/albums/af211/d-mousa/Image22.jpg


http://i1009.photobucket.com/albums/af211/d-mousa/Image25.jpg


http://i1009.photobucket.com/albums/af211/d-mousa/Image7.jpg




ويرزقنا ربي الكريم هالمحيل اللي ماهنا اطيب منووووه .. انزل يابو تركي هالمحل لعيونك ياشيخ... بس الله لا يهينك باتسر اذا صرت دختور لا تنسانا تكفى



http://i1009.photobucket.com/albums/af211/d-mousa/Image50.jpg


http://i1009.photobucket.com/albums/af211/d-mousa/Image49.jpg




واتفقنا ان الصلاة والغدا هنيا .. يامال العافية (ربع نشاما جعلهم للجنة ومن يقرا )


ومير نبسط العزبة ونفل الفلة وخذ ياكورة وحركات بيليه وريفالينو (ياقدمنا )


وخلال هالوقت خلينا النشمي يتشتش



http://i1009.photobucket.com/albums/af211/d-mousa/Image55.jpg




وفيه ناس ما تسقم عن هالجوال .. تصدقون هذا اللي غلب حريمنا اللي ما ينغلبن وخلانا نرقى الجبال


http://i1009.photobucket.com/albums/af211/d-mousa/Image51.jpg




صبرا آل مكشات بقي القليل

[شديدالباس]

مناظر متفرقة اثناء الانتظار تسلو بها العين وتزهو بها النفس

http://i1009.photobucket.com/albums/af211/d-mousa/Image41.jpg


http://i1009.photobucket.com/albums/af211/d-mousa/Image44.jpg


http://i1009.photobucket.com/albums/af211/d-mousa/Image46.jpg


http://i1009.photobucket.com/albums/af211/d-mousa/Image31.jpg


http://i1009.photobucket.com/albums/af211/d-mousa/Image25.jpg




واحلى طبخة لعيون الحبايب تسلم يديني ههههههه يشين المنة هههههههه

http://i1009.photobucket.com/albums/af211/d-mousa/Image60.jpg


بعد ما عينا من الله خير وتريحنا وتقهوينا هاك الشاهي المسكوب

وعقب سواليف غلب عليها خمس الاف نكته تم استقبالها من قبل جوالات اعضاء الرحلة خلال فترة الرسائل المجانية .. شي عجيب لدرجة ان حنا تعجبنا وين هالنكت من قبل ما تجي ( اتفقنا على ان الشعب السعودي يبيله فرصة بس وتشوفون وش يسوي ((العجايب)) ) هههه


توجهنا بعدها للمبيت في شعيب غيانا وكان الجو خيالي والبراد يرد الروح

http://i1009.photobucket.com/albums/af211/d-mousa/Image69.jpg

وكما هو الحال كل يوم شمسنا الحلوة تمسي علينا


http://i1009.photobucket.com/albums/af211/d-mousa/Image65.jpg



واطل علينا القمر منيرا بقمراء مميزة

http://i1009.photobucket.com/albums/af211/d-mousa/Image71.jpg


ثم تنادى الكشاته الصلاة جامعة (جزاهم الله خير ) قاموا بالصلاة في البراري استجابة لسنة نبيهم كثر الله من امثالهم


http://i1009.photobucket.com/albums/af211/d-mousa/Image76.jpg


وخلال الليل اخذت لكم هالصورتين من كمرة شبه احترافية لكنها تضاهي الاحترافية

التصوير الساعة الثامنة ليلاً

http://i1009.photobucket.com/albums/af211/d-mousa/Image74.jpg


http://i1009.photobucket.com/albums/af211/d-mousa/Image75.jpg



نمنا نومة هنية .. ما يحصلها ابو تركي في امريكا هئ هئ هئ

ثم اصبحنا على جو جميل وبارد قليلاً ولكن مناظر السحب انستنا الهم والم الفراق

http://i1009.photobucket.com/albums/af211/d-mousa/Image84.jpg



حمسنا الحميسة ... ودمرنا الرجيم .. وياويلي على ام العيال

http://i1009.photobucket.com/albums/af211/d-mousa/Image77.jpg


بعدها توكلنا على الله وشلنا عفشنا قافلين للديار لنفترق على امل اللقاء باذن الله

وهنا ابو تركي الغالي يودعكم الى امريكا ليعود لكم وهو محمل بالعلم النافع لاخوانه المسلمين باذن الله فالله يحفظك ويمهل طريقك ويستر عليك ويردك سالم غانم يا حبيبنا في الله

http://i1009.photobucket.com/albums/af211/d-mousa/Image80.jpg


ونودعكم انتم ايضاً ايها القراء الاجلاء الاعزاء على امل اللقاء
ونهديكم صور السحب ونحن في رحلة العودة

http://i1009.photobucket.com/albums/af211/d-mousa/Image81.jpg

http://i1009.photobucket.com/albums/af211/d-mousa/Image82.jpg

http://i1009.photobucket.com/albums/af211/d-mousa/Image83.jpg


عسى ان يحوز الموضوع على رضاكم وعلى دروب الخير نلتقي يا احبتي


هاه من وده يخاويني الاسبوع الجاي
هههههههههههههههههههههه

[حرية قلم]

يعطيك العافيه

[الجيب عزوه]

ماشاء الله تبارك الله

مناظر تسر العين وتوسع الخاطر.

بارك الله فيك و يعطيك العافيه

تقرير و تصوير اكثر من رائع

و سجل معك خوي

[سفير الشمال]

السلام عليكم ورحمة الله وبركاته
يامال العافيه اخوي
شديد الباس
تقرير راااااائع ورحلة ممتعه ان شاء الله
أسأل الله أن يحفظ أخونا أبو تركي في حله وترحاله وأن يكون فاله التوفيق والنجاح بحياته الدراسيه وان يعود الى ارض الوطن سالما غانما بحول الله وقوته
رحلة موفقه والله يديم عليكم الصحبه الطيبه
تحياتي وتقديري

[راعي البخاخ]

ماشاء الله تبارك الله , رحلة مباركه طلعه مبروكه , الله يعطيك العافيه اخوي شديد الباس
ونسأل الله ان يحفظ ويرجع ابو تركي سالم غانم من كل شر لأهله ووطنه وفاله التوفيق .
والله يبيض وجيهكم انت وخوياك وربعك .

[Al3rands]

الله يعافيك تقرير رائع

[cooom2]

بارك الله فيك و يعطيك العافيه

[دآحم الفريدي]

ماشاء الله تبارك الله
أمتعتنا بهالرحلة الموفقة كأني معكم;):good2:
http://i1009.photobucket.com/albums/af211/d-mousa/Image80.jpg
فكنا من الوداع تراي بتسيت هيييي وهييييي:(
((يالله يا كريم إنك تثبته وتعصمه من الفتن))
((يالله يا كريم إنك تسدد خطاه وتوفقه))
((يالله يا كريم إنك ترده لإهله سالما معافا))
((يالله ياكريم إنك لا تريه أي مكروه اللهم آمين اللهم آمين))
بالنسبة لمخاواة الإسبوع الجاي عندي شروط<<طرار ويتشرط:D
أول واحد أنا وأبركب قدام علشان آصل قبل اللي ورى:D

ولا بعد أنا الأمير ولا بعد أنا الدليله<< ول مابقا شي;)
الله يعطيك العافية وموفق خير:good2:

[المغيض]

الله يجزاك خير على هذا التقرير المميز...والله يوفك ابو تركي ويرده سالم لأهله سالم غانم...
تقبل تحياتي...

[أبوعبدالله900]

ماشاءالله تبارك الله
رحله طيبه وصور اكثر من رائعه يعطيك الف عافيه
وترجع سلام غانم لاهلك وربعك ياابوتركي
نتمنى لك التوفيق في الدنيا ولاخره

[صيهد]

بارك الله فيكم
واعاد الله ابو تركي سالم غانم

[فهد العيد]

لاهنت والله يعطيكم العافيه

والله يرد ابوتركي سالم غانم

اللهم آمين يارب العالمين

http://i1009.photobucket.com/albums/af211/d-mousa/Image80.jpg

الفراق اكبر مصيبه والجفيا مره
تهدم الظن الكبير وتوجع الرجالي
مثل ماشفت السفر بعيونه المحمره
مثل قولة روح في فالك وانا في فالي ...

[صقرحايل]

ماشاء الله تبارك الله
صور رائعة جداً وتقرير ممتاز ورحله وجمعه طيبه
وشكر لك

[~ V T A C ~]

ماشاء الله عليك صور جدا ممتازه

[اابوصالح]

ماشاء الله تبارك الله رحلة موفقة

جزاك الله خير على هالصور اللي تفتح النفس

[كهلان]

رحلة ما رايح تنسونها ما شاء الله جمعت كل شيء
نتمنى للاخ ابوتركي التوفيق والنجاح في دراسته وأن يرده الله الينا محملا بالعلم النافع
كما نتمنى لكم التوفيق والحرص على الرحلات الممتعه مثل هذي أو أحسن
لان رفقاك نشاما مادام أن قائدهم شديد الباس
الله يسعدكم \وجزاك الله خير

[شديدالباس]

حرية قلم


الله يعافيك



الجيب عزوه


تسلم ويالله ان تحييه نسعد بك اخوي



سفير الشمال


بارك الله فية وتقبل الله مادعيت ونحتري تقاريرك المميزة بفارغ الصبر




راعي البخاخ


وجهك ابيض يالغالي ويالله ان ترفع قدره وتقبل دعاءه




Al3rands


الله يعافيك انت الرائع

[شديدالباس]

cooom2

وفيك بارك والله يعافيك



دآحم الفريدي

الله يجزاك خير انتم اللي امتعتونا بردودكم الطيبة

والله لا يفرق لك حبايب ويجعلكم جمع مبارك

وعلى طاري الامارة .. مااااااالها غيري :mad:

:D :D :D



المغيض

الله يحييك وعقبال ما نشوف تقرير لك احلى من هذا




أبوعبدالله900

الله يبارك في عمرك وييسر امرك


صيهد

وبارك الله فيك



فهد العيد

الله يرحم والديك ويقبل دعاك

وصدقت الفراق صعب



صقرحايل

انت الاجمل وعافاك ربي



~ V T A C ~

تسلم وجعلك في الجنة رفعت المعنويات



اابوصالح

الله يوفقك ويسعدك



كهلان

صدقت اخوي ماراح تنسي

ومثل ما قلت الدعوى على الامير ان كانه مثلي شديد باس
ولا فلااااااااااا :D :f



تقبل الله دعاءكم ولا فرق لكم حبايب يارب

[وادي الريمة]

يعطيك العافيه على التقرير الرائع واتمنى لكم التوفيق جميعا

[آوتآر صمت]

ينطيكـ العافيه اخوي ونستنا بصرااااحه تمنيت معكم يااااشين قطة الوجه ههههه بس الجايات اكثااار بأذن الله

[شديدالباس]

وادي الريمة .. الله يوفقنا وياك يارب

وشكرا لك على مرورك الطيب

[اتجاه السحاب]

تقرير مميز

[الدبل الرابع]

يالله حييه وشلونك ياشديد الباس ترانا جيرانك في الكشته
ترا سمعنا كل النكت من اولها الى اخرها
وبغيت اقوم عليكم بعصا معي بس عيا خويي
يقول خلهم ينبسطون ويفلونها شكلهم اول مره يطلعون بر سواء
المشكله انكم صايرين في درب السيارات ماغير تردون السلام

عموما الكشته زينه اذا صار فيها رفقة طيبة
وغيانا وبقر مشاءالله ربيعها زين بس اللي ازين منها ربيع لينه
وام عشر وساموده واعيوج لينه والفياض اللي حوله

[الأجردي]

ياخوي/ شديد البأس
من حقك تخقق وتطمح بالإماره على هذه المواقع الأكثر من رائعه
أتحفتنا أخوي/ شديد البأس بهذا التقرير المميز والصور الساحره ووما زاد الموضوع تميزا أسلوب العرض الفائق النكهه .
دمتم وصحبكم الكرام بصحة وسعاده.
ودعواتنا لأخونا أبو تركي بالتوفيق

[فيض العطاء]

ماشاء الله تبارك الله
بيض الله وجهك اخي شديد
على هذه الصور الرائعـه ولأماكن الجميله
تقرير رائع ورحله موفقه
والحمدلله على السلامه

[بدراني جلاجل]

وعليكم السلام ورحمة لله وبركاته

الله يجزاك خير اخوي شديد الباس

على الطلعه ماشاء شقرديه والله

يرد ابوتركي سالم وغانم

تقبل مروري

[الحفظي]

الله يرده غانم وسالم
ولا امر عليك احداثية الروضه

[شديدالباس]

اوتار الصمت

اهلين حبيب البي

لا نطلة وجه ولا شي تموووون




شقردي بر .. مرورك شرفني



الدبل الرابع

افا اثرك كافشن .. ايليتنا مقصرين الحس والله الفشيلة :p

استر ما واجهت وانا اخوك ... حنا بس نستقبل وما نرسل ههههههه

و اشوا اللي سلمنا من عصاك الله يجزى خويك الخير اللي ركدك خلك مثله عاقل :D

ومالك لوا الفريق قبله مع بعض وغير واحد نفر الجديد وابشرك يبي يشبك :good2:


وعلى طاري الربيع _ احد اخواني مر اللي تقول ويقول ان عويج بقر هو الافضل :good:
وهذا اللي ثابت في تصوير الرحلات الله يرفع قدرك يارب


ومحلنا .. اخترناه لأجل ان الجهة اليمين كلها ربيع نظيف ما تمره السيارات فخذنا اطلالة طيبة وهي باينه في الصور.. فصرنا في مكان لرد السلام (( ناخذ اجر )) وقدامنا ملعب كورة يفوق استاد الملك فهد ههههههههه

تسلم لي يالجار وعتبي عليك ما جيت تقهوى ..... مهيب زينه في حقي (( الامير ))

[صدق النوى]

ماشاءالله تبارك الله
تقرير رائع وممتع
لك الشكر والتقدير

[شديدالباس]

الاجردي

حياك الباري وبياك ......... تراك طمعتني زود فالامارة :p


فيض العطاء

يخليك ربي يامال العوافي


بدراني جلاجل

تسلم وماقصرت


الحفظي

مايبيله احداثية الطريق واضح

ارجع لمواضيع شعيب بقر الاسبوع الماضي تلقى الوصف كامل

والعذر والسموحة ما هي معي الاحداثية لعل احد يعطيناها من المكشاتية

[شديدالباس]

صدق النوى

مشكور اخوي /// ومرورك الممتع

[السااهر]

ماشاء الله تبارك الله رحلة موفقة

[غيم الوسط55]

تقرير رائع وربيع وخفة دم ماشاء الله عليكم بارك الله فيك

[A513]

ماشاء الله
الله يتبعه بالخير...
ومشكور على الصور

[الشاخوف22]

اناء تكفاء طلابتك ودي اروح للبر تراي اعجبك ولله هاه وشقلت

[دغيم1]

السلام عليكم ورحمة الله وبركاته
يعطيك العافية أخوي
وحمدا لله على سلامتكم ورحلة موفقه
تقرير ربيعي جميل وأبدعت بتضمينه صورا جميلة
أسأل الله أن يحفظ أبو تركي وان يوفقه ويبلغة الشهادات العاليه
شاكرا لك ومقدر
تقبل تحياتي

[نمر الصحراء]

جزاك الله خير
والله يحفض اخونه بوتركي

[اهل الردات]

ماشاء الله صور رائعة بارك الله فيك

[هاوي غماره]

يعطيك العافيه

احجزلي متسان ابي قدام :d

[ناصر96]

الله يعطيك العافيه على الصور الجميله
رحله موفقه بإذن الله

[جبل مشرف]

مناظر تسر العين وتوسع الخاطر.

بارك الله فيك و يعطيك العافيه

[ابو عنقا]

ماشاء الله تبارك الله

تسلم يدينك على الصور الرائعه

تقبل تحياااتي

[الزعيم 15]

صور رااااائعه



يعطيك العافية

[ابونايف 15]

ماشاء الله تبارك الرحمن
تقرير مميز وجميل
ولاهنت اخوي
شديد الباس
والله يستر علينا وعلى ابوتركي
ويرده لأهله وديرته وهو بصحة وسلامة

[ماسوم]

الله يوفق ابوتركى ويرده بسلامه والعلم النافع
صور جميله وانيم اجمل الى مودعين ابو تركى الله لا يفركم ويهدينا والمسلمين

[ابو الشباب3]

تقرير جميل بالصور وبالتعليق الرائع

الف شكر لكم جميعآ

الله يرد ابو تركي و يحفظه من كل شر

ويخليه لعين ترجيه وتخاف عليه

يشرفني مخاواتك /ههههههههه

[رحال نجد1111]

الله يعطيك العافيه وبارك الله فيك

[الهداد2010]

ماشاء الله تبارك الله

[العريني1]

تقرير جميل ... وفقك الله
وحفظ الله ابا تركي في حله وترحاله...

[شديدالباس]

أشكركم جميعاً احبابنا المكشاتية

على كلماتكم الداعمة الرائعة

وارواحكم الصافية الزاهية

ودعاؤكم المحب للغالي ابو تركي تقبل الله منكم ولا غيب عنكم محبوباً

[متمكشت]

ما شاء الله على هالطلعة الجميله

والاجمل روحك المرحه

وأعاد الله ابو تركي سالما غانما

[nayf01]

تسلم يمناك

وتعيش ويعيشون الابطال اخوياك

اسال الله من فضله ان يحفظكم جميع ويحفظ المبتعث في حله وترحاله


بقي الخوه

انا خويك وانا اخو من طاع الله

منك الوعد ومني الوفا

[فزاع السعودي]

http://i1009.photobucket.com/albums/af211/d-mousa/Image41.jpg

تصدق هذا مكان فطورنا !!... عسى المكان نظيف ؟؟

ماشاء الله تبارك الله

مناظر تسر العين وتوسع الخاطر.

بارك الله فيك و يعطيك العافيه

تقرير و تصوير اكثر من رائع يا شديد الباس

[أبو نوره11]

ماشاء الله تبارك الله , رحلة مباركه طلعه مبروكه , الله يعطيك العافيه اخوي شديد الباس
ونسأل الله ان يحفظ ويرجع ابو تركي سالم غانم من كل شر لأهله ووطنه وفاله التوفيق .
والله يبيض وجيهكم انت وخوياك وربعك .

[شديدالباس]

الله يحيي كلن باسمه

وشكر الله سعيكم ورفع قدركم



فزاع السعودي

ياحبي لك :f // انت قلت كلمة يوم القاك في الشعيب ما تنتفوت ههههه

وبعدين ما اخبرك تفطر على لوزين يالحبيب مهيب عوايدك ياولد النعمة هههه

اخبرك طير بر .. وين المراجل ؟؟؟؟؟؟؟ :D


المهم عطنا وعد للحاصبيات شف تقرير المشرف سفير الشمال عنها :good2:


.

[درع الجنوب]

راقي بأسلوبك

راقي بتصويرك

وكنت راقي في تقريرك

لاهنت وعساكم على القوة والله لا يحرمنا منكم ومن إبداعكم

[االمغترب]

ماشاء الله تبارك الله

[شديدالباس]

أشكركم جميعاً احبابنا المكشاتية

على كلماتكم الداعمة الرائعة

وارواحكم الصافية الزاهية

ودعاؤكم المحب للغالي ابو تركي تقبل الله منكم

[شديدالباس]

راقي بأسلوبك

راقي بتصويرك

وكنت راقي في تقريرك

لاهنت وعساكم على القوة والله لا يحرمنا منكم ومن إبداعكم



شكر الله لك هالكلمات المطيبة للخاطر

انت من وهبك الله الاخلاق الحسنة بارك الله فيك

سررت بمرورك اللذي اجبرني على الرد المنفرد