وش سالفة الدواب هالسنة

[ابوناصر426]

السلام عليكم
مساكم الله بالخير
هالسنة الدواب طالعة بالشتاء، وبالمربعانية، قبل اسبوعين كنت في التنهات وطلع لنا داب وذبحناه، وقبل كم يوم متعشين في الصياهد ومحصلين لنا داب، والشباب يوم الخميس حصلو لهم داب في الدهنا، بصراحة شي غريب، اخبر الدواب ماتطلع في الشتاء.

انا نشدت لي رجال راعي حلال، قال الدواب ماتطلع في الشتاء الا من الكواشيت، يكبون الدسم واللحم حول جحورها ويجذبها الدسم وتطلع، مادري عن دقة كلامه، وش رايكم انتم.

[مطحور دنياي]

السنه هاذي مو ذاك البرد زي السنه الماضيه والي قبلها
امس كان هالوقت براد اليوم دفوه
سبحان الي يغير ولا يتغير

[ford]

الدفيء هو السبب والله اعلم بعدين يطلعون اذا نزلتو عند جحورهم

[ابوناصر426]

السنه هاذي مو ذاك البرد زي السنه الماضيه والي قبلها
امس كان هالوقت براد اليوم دفوه
سبحان الي يغير ولا يتغير


الدفيء هو السبب والله اعلم

صح ان هالسنة دفى مقارنة بالعام
لكن يوم انحصل الداب في التنهات كان برد وهواء بارد، والله العظيم ان الواحد مايقدر يروح يطير الشراب من الهواء البارد، يارجال زين اننا نغسل يدينا ذيك الليلة، وراح واحد من العيال عند الحطب وشاف الداب وقمنا وذبحناها.

[محمد الظاهري]

السلام عليكم
هلابك اخوي ابو ناصر
اخور كلنا لاحضنى تئخر المربعانيه في السنه هاذي

[عبدالله العلاج]

[quote=ford;3751487]الدفيء هو السبب والله اعلم بعدين يطلعون اذا نزلتو عند جحورهم[/quote




100%
كلام تمام الله يعطيكم العافيه

[ابو عنقا]

اكيد ان حالة الجو لها دور مؤثر فاذا كان الجو بارد مافيه شي يطلع

اما الجو دافي فهذا فيه مشكلة

تحيااااتي

[دآحم الفريدي]

السلام عليكم ورحمة الله
أخوي أبو ناصر حفظك الله ورعاك
السنة هذي ماهي مثل السنوات اللي قبل
السنه هذي دفا
أما اللي قبل والله توضا الصبح ورجليك خضر من البرد
والله إني أنتظر الثلج يطلع مع البزبوز:eek:
تحياتي لك

[مخاوي الماشي]

أهم شي لاتنسى الدعاء
قوله عليه الصلاة والسلام :
إذا نزل أحدكم منزلا فليقل : أعوذ بكلمات الله التامات من شر ما خلق فإنه لا يضره شيء حتى يرتحل عنه .

[المنتهي2000]

وحسب علمي ان الداب ما تقتل إلا بعد الإستعاذه منها ثلاث مرات إذا ما راحت وتركت المحل تذبحها والله أعلم،،،،،،،،،

[راعي مردعه]

وعليكم السلام ورحمه الله وبركاته

كل من المخلوقات لها فصل يليق بها ... اخى الكريم

*** شى من الحيوانات من الزواحف وغيرها ... ماتحصلهااا .. الا في وقت محدد من كل فصل

وهذه الاشياء ... تعود الى حكمه الخالق عز وجل .... بارك الله فيك ابولولو
على هالموضوع


تحياتي لك

[straitlaced]

الجو لاصار دفى تشوف الديبان لكن مثل ماقلت برد

يمكن مثل ماقالوا الشباب يمكن كان منزالكم بجنبه

والحمدلله على السلامه

[ذيبان210]

مشكور اخوي على الموضوع

لا ازيد على كلام اخواني اللي سبقوني الا بالشكر لك وللجميع

[ابوسعد 3]

وعليكم السلام
جانى دفاء قبل كم اسبوع وطلعت
انا شبه يومي اذبح داب
السنه هاذي راح عندي قعودين مقروصات من الدواب وهي بالمربعانيه
الله يكفينى الشرر
..