المساعد الشخصي الرقمي

مشاهدة النسخة كاملة : فزعة بأسرع وقت تكفون يالذيابه


خطــاب
08/12/2004, 03:05 PM
السلام عليكم...
ياجماعة الخير اخوكم ولله الحمد بيطلع GX-R 2005 :hot: :cool: :good:
بس محتار في اللون :confused: وابغى فزعة اهل الذوق ;)
((( الحر)))
08/12/2004, 07:41 PM
الله يوفقك اخوي خطاب ويطعمك من خيره ويكفيك شره

الالوان حسب رغبة الشخص ولاكن الجيوب وخاصة اللاندكروزر منتشره في هالسنتين الاخيرات بكثره وشي ملفت للنظر واكاد اجزم ان 90% منهن لونه ابيض... يعني صار لون دارج وعادي ويمكن ممل...!!!

صراحة وحسب رايي الشخصي.. انصحك باللون الذهبي :good: واعتبره من الالوان المتميزه للاندكروزر

مع ملاحظة ان فيه لون يسمى كشميري يختلف عن الذهبي ويميل الى الحمره قليلاً

تحيتي...................((( الحر)))...!!!
slamah
09/12/2004, 12:07 AM
أسأل الله يجعله مبروك وأن يكون لك عونا على الطاعه اللون الابيض هوالدارج وأعتقد إنه هوالافضل
مريقب العيفار
09/12/2004, 10:58 PM
اخوي خطاب حياك الله

اعتقد ان اللون الابيض يسمونه لون استاندرد

يعني يمشي مع كل احد

لو قدر الله عليك وبغيت تبيعه

اللون الابيض كل يرغبه

لكن الملون ما كل واحد يبيه

اسال الله ان يطعمك من خيره

ويجعله عون على الطاعة
ذيب مجيرة
10/12/2004, 02:47 AM
الابيض يا هاب الريح

بر وديرة ولا هوب ملفت للنظر

اللون المميز يخليك سالفة ولو شبهو عليك

شفناه في المكان الفلاني .. ومرنا فلان .. وهكذا

والابيض يخليك مع الناس وهو لون رائع ولا يبين فيه الغبار على طووول

سلام عليكم
متفائل
10/12/2004, 04:00 AM
أسأل الله أن يبارك لك فيه .. وأن لا يريك مكروها

أخي خطاب أنا أضم صوتي لصوت أخواني فاللونين الأبيض والذهبي هما اللونان الدارجان ، ولكن :

بالنسبة لي فاللون الأبيض أفضل ...

وأنت أبوها وسمها ...

أخوك : متفائل .
فتى الشرقيه
10/12/2004, 01:39 PM
بسم الله الرحمن الرحيم

أخي الخطاب بصراحه الجيب دائماً رافعاً سوقه لكن الفرق في اللون وأشوف الناس هاليومين مقبلة على لونين ( الذهبي ,,,,,,,,,,,,,,, و الفيراني (الرصاصي) أتمنى من الله يعطيك من خيره ويكفيك شره

نصيحه (أنتبه عليه من السحب الجائر لأنه يعدم القير)
أبو أسامة
11/12/2004, 01:57 AM
السلام عليكم ورحمة الله وبركاته ...
الله يعطيك خيره ويكفيك شره ....
أخوي الأبيض افضل شيء صدقني الشايب ( الوالد) يوم أخذ الفكس آر 2004 أخذ لون رمادي وبعد مده بسيطه تحسف أنه ما أخذ الأبيض ...
بس نصيحه اللون اللي أنت ترتاحله خذه حتى لو أسود بس اهم شيئ ترتاحله ماهو اللون اللي يعجبك اللي ترتاحله عشان ما تعيف الموتر ... الله يجعلك ما تعيفه .....
والله يوفقك دنيا وآخره....
خطــاب
11/12/2004, 07:24 AM
جزاكم الله خير،،، وعز الله ماقصرتوا والله يجعله في موازين حسناتكم والله يكتب اللي فيه الخير :BUTT1:
شايب الصمان
13/12/2004, 07:45 AM
الله يوفقك اخوي خطاب ويطعمك من خيره ويكفيك شره

الالوان حسب رغبة الشخص ولاكن الجيوب وخاصة اللاندكروزر منتشره في هالسنتين الاخيرات بكثره وشي ملفت للنظر واكاد اجزم ان 90% منهن لونه ابيض... يعني صار لون دارج وعادي ويمكن ممل...!!!

صراحة وحسب رايي الشخصي.. انصحك باللون الذهبي :good: واعتبره من الالوان المتميزه للاندكروزر

مع ملاحظة ان فيه لون يسمى كشميري يختلف عن الذهبي ويميل الى الحمره قليلاً

تحيتي...................((( الحر)))...!!! .أذا تبي تستعمل عليك بالون المذكور اعلاه ( الاخ في حصة تعبير ) وأذا تبي تبيع بعد فتره عليك بالابيض. والله يطعمك من خيرها ويكفك شرها . وعليك بوارد البريمي تراك بأذن الله ماتندم.