وش راي إخواني أعضاء منتدى المكشات العالمي ( أشتري جيب ربع والا جيب شاص ) [الأرشيف]

راعي المطاريش

08/12/2004, 03:06 PM

الى الإخوان جميعا السلام عليكم ورحمة الله وبركاته.....

أبي رايكم في شراء سيارة الصراحة إني واصل حدّي في الحيرة ( محتار يعني حيل ) ... :cool:

في الأول كنت أبشتري سيارة صغيرة اومينا والا كابرس ......... :no:

بس ألحين مع هالأجواء تغيّر رايي أبي أشتري جيب وتراني راعي بر ، ومعي جيب VXR بس أبي أبيعه وأشتري جيب بر حق كرف اما ربع والا شاص وش راي الإخوان .........

يعني أفكر أقول الجيب الشاص يشيل أغراضك وخيمتك بس مايشيل ربعك ......... :confused:

والجيب الربع يشيل ربعك بس مايشيل أغراضك وأغراضهم وش رايكم ... محتار .... :looney:

كشوتي

08/12/2004, 03:32 PM

وعليكم السلام ورحمة الله وبركاته

ياراعي المطاريش اذا كنت رب اسرة فكل السيارتين مايناسبونك
واذا كنت عزوبي ولا مطنش اشتر جيب ربع واشتر قلص بحدود الالفين ريال وكذا تحل مشكلتك

هذا رايي والراي الاول والاخير لسعادتكم >>>متاثر بمخاطبة المدير العام :D :D

راعي المطاريش

08/12/2004, 03:49 PM

الله يثيبك ويجزاك خير أخي كشوتي على مرورك واقتراحك .......

اقتراحك فكرت فيه بس ترى القلص يحكمك في السرعة والمكان ، ماتقدر تسرع ولا تقدر تروح الأماكن الصعبة ... :no2:

وكلامك صحيح أنا رب أسرة بس أفكر أشتري اما جمس كبير والا فان سفاري والا بريفيا سيارة عائلية يعني باختصار ........
:good2:
بس فيه فكرة وأبي رايك وراي إخواني جميعا - لاخلى ولاعدم - أشتري جيب ربع وأركب السلة الخلفية .... :good2:

أنتظر ردودكم الليلة وأنا الآن طالع للمعارض أشوف الأسعار وأطأس - على قولت المصريين - ......... :type:

الجيب الربع

08/12/2004, 03:51 PM

وعليكم السلام ورحمة الله وبركاته

أخوي راعي المطاريش

الراي ألأول مثل ماقال كشوتي

الراي الثاني خلك على الشاص ويكفيك من الأخويا 2 والباقين ياخذون سيارة ثانية واسئل المكشاتيه أهل الشيصان

تحية للجميع

نمر بن حثلين

08/12/2004, 05:17 PM

الربع شبهه ومنتشر بين المراهقين

اما الشاص موتر التكانه والبوارديه والشقرديه ;)

كشات وماشي

08/12/2004, 09:14 PM

السلام عليكم

لاتقرب الربع موتر شبهه وشبابي :no2:

أشششششششتر شاااااص ولا تشاوررررر؟؟؟!!! :

تحياتي لك ولأعضاء المنتدى
ولا الربع موتر الشباب التالي صار خليفه الكامري؟؟؟

الدبل الثقيل

08/12/2004, 11:53 PM

شويصان بدون مقارنة... تانكيين وحوض... بس لاتقول ظهري ... ركب جاعد نيوزلندي...وركب استبنه ثانية وباذن الله مايردك شي... ماسمعت الشاعر وش يقول
مايمنعه لارمل لاحجار لاطين .. غريب ماتمشي المواتر دروبه
وان قلت للسواق يالخو من وين .. يعطيك علم ارضن قفر ماوطوبه

وقبل لاتشتري جرب يمكن مايناسبك...والله يوفقك دنيا واخره...

الفهد454

10/12/2004, 01:45 AM

لا لا لا كذا انت بديت تغلط بالبيت اللي كاتبه ذا

أبو أسامة

10/12/2004, 03:06 AM

السلام عليكم ورحمة الله وبركاته

أخوي لا تبلش بالمقارنه بينهم والله حرام عليك تقارن بين الذيب والحصني ....
يا خوي الشاص موتر بر بالعربي الفصيح بر وطعوس ووووو....ألخ ....... وأن كان عن المكان اللي لأخوياك اللي يشوفك يقول الربع يشيل الربع مايشيل المرتبتين الخلفيات مايشلن إلا البزارين أما لا ركبها واحد بالغ ههههههه مع أخف مطب راسه بالسقف صدقني مجرب ههههههههه ..... والشاص تانكيين و الشاص مايقلب مثل الخبل الربع .....
والأمر راجع لك ......
والله يوفقك لما يحبه ويرضاه ...
ما عليش ياشباب من ها الكلمات اللي قلتها بس الأخو نرفزني بها المقارنه ...

بــرق الشمال

10/12/2004, 11:22 AM

ياهلاومرحبا بك اخوي راعي المطاريش.
اولا:اسمك(راعي المطاريش)يوحي بأن الشاص مناسب لك تماما. :D
ثانيا:برأيي ان الشاص افضل لأسباب عديده منها..
كثره الماء-والبنزين-العفش-الشراع اللي بالصندوق....الخ
اما مشكله الاصحاب..في الغالب ان الشخص يطلع للبر ومعه سياره اخرى خصوصا اذا كان مده الرحله
طويله.واما اذا كنت طالع بسياره وحده رايي ان شخصين معك فيهم الخير والبركه...
ثالثا:اذا وقفت على الشاص والربع يعني احترت زياده ماعليك الى ان تستخير الله سبحانه وتعالى
في هذه السيارتين..بعدها يتبين لك ايهما تأخذ...
هذه مااحببت ان اقوله......

فتى الروغ

10/12/2004, 08:46 PM

الرجال بافعالها ومواقفها ماهي بسياراتها وشكرا

ممتر البران

11/12/2004, 12:41 AM

وش الكلام هذا ربع تقارنه بشاص
ما هقيتها لا وفي المكاشيت خلاص الربع سيارت الهجوله الثانيه بعد الكامري
اما الشاص فحدث ولا حرج طقه بس وارفع راسك لكل الي يشوفك ما رادك شي باذن الله
رح بس للمعرض وعربن وباتسر كمل القرووووش
يحمل عفشك وعفش الرحله كلها ويركب 2 وان بغيتو تطلعون وجد فيه موتر ثاني
على فكره منتب مكلف باحد تشيله وتزقلبه كثر الله خيرك الي شايل وحد وعفشك لا وعفشهم :)

والسلام خير الختام

الساحبه

11/12/2004, 07:54 PM

شـــــــــــــــــــــــــــــــــــــــــــــــــ ــــــــــــــــــــــاص وبس ولا دور غيره يبرد قلبك

الشقردي

12/12/2004, 12:26 PM

إذا كنت بتشري لك سيارة ثانية عائلية على قولتك خذ لك شاص مع ملاحظة ان أهلك ماهم طالعين معك يعني بس شباب ولكن جربه ترى مطبة قوي للي ماتعود وإذا ماصلح لك مطبه شاور الربع بمكشات ويشيرون عليك بالزين ان شاء الله
لأني أسمع عن شاص النيسان انه جيد

تبريزة

13/12/2004, 09:48 AM

الرجال بافعالها ومواقفها ماهي بسياراتها وشكرا

عز الله انك جبتها يافتى الروغ وبردت تسبدي من كلام الجماعه

الحين ماسكين سب بالربع والمشكله ان اللي يسوقه يحكم عليه مهوب الموتر يحكم راعيه

ياحليكم بس ولايطق بكم عرق ،،، واذا تكلمتو ودي انكم تتكلمون عن نفس الموتر من عيوب ومميزات ولا تتكلمون عن اللي يسوقون الموتر ،،، تبي تقولي رح شف اللي يفحطون ويرفعون ابقولك اصابعك مهي سوا ،، رح للجنوب وشف الشنبات وشلون يسوقونه بالجبال والديار حقتهم ،،، وانا من رأيي انك تستخير ربك ازين شي ولا راح تندم

هههههههههههههههههههههه بس حلوة شبهه الربع ،،، رح على طريق وادي الدواسر بشاص وعلمني وش يصير عند كل نقطة تفتيش
مايمديك تربط عفشك كل نقطة تفتيش تبي تنزله خذ معك عمال ازين لك على شان ترتاح من التزيل والتركيب

وهذا رأيي واختلاف الرأي لايفسد للود قضيه

وانا من كلامي ماوضحت لك وش تختار لأني ابيك تستخير ربك ،، بس قهرني كلام الجماعه اللي قبلي وخلاني اتكلم ولا لو هي علي شف توقيعي وانت تدري

ودمتم
اخوكم
تبريزة

راعي المطاريش

13/12/2004, 06:51 PM

ياجماعة هدوا اللعب الله يجزاكم خير جميع :no2:

ماقصرتوا على النصائح الذهبية ولو إن بعض الشباب خرج عن صلب الموضوع لكن الله يهدي الجميع ...

المهم نرجع للموضوع ، أنا طمرت للمعارض وشفت أسعار تهوّل هيّن الربع طابت النّفس منه ولا لقيته ، ماتشوفه عينك -فكّه - ....

لكن الشاص عز الله إنه موتر بس من يقواه الا اللي قروشه مايعرف عدّها من كثرها ، أجل الخليجي2005 فل أوبشن بـ 118.000 ألف واللي أقل شوي بـ 115.000 ألف ....

والسعودي 2005 الفل أوبشن منه الظاهر ولست متأكد بــ 96.000 ألف ........

بس لقيت في أحد المعارض حول معرض الصقر ناسي اسمه واحد سعودي 2004 ماشي 35.000 كلم مسيوم بـ83.000 ألف وحاده راعيه بـ85.000 ألف ريال ، نصيحة أخوي برق الشمال لاتبيع بأقل من 85.000 أنا سمعت إن الـ2003 خليجي مرغوبٍ جداً ، ياويح قلبي ويحاه - تراني بدوي قُح لاأحد يحسبنّي استهزي - ....

لكن ماأحد عنده خبر كم سعرها في الامارات للي بيجيبه من هناك نسحبه مع خشمه سحب ....

ودمتم سالمين

الدبل الثقيل

13/12/2004, 10:18 PM

الخليجي ب 110 اللاف فل كامل 2005
السعودي مايجي فل كامل...

الجيب الربع

14/12/2004, 05:02 PM

وش رايك بهالزين مايحل مشاكلك كلها؟

http://www.freewebs.com/dawadmy3/00000333xxxxxx.jpg

ALOTAIBI

17/12/2004, 03:53 PM

على هونكم ياربع الشاص مثل ماقيل وقار والربع عز
المحركات وحده مافي فرق اللهم الشاص يفرق بصندوقه فقط لا غير يعني يشيل العزبه المتكامله من ....الى(عزبه كبيره)ولاكن ماهو حق ركاب مايشيل الا 2 بالسواق وهذا ماهو عيب فيه بالعكس الخويا اذا كانوا 3 تكون وناسه الرحله
واذا كان عزبتك حقة 3 او4 وتكون الرحله بالبر لمدة 3 ايام ماوصلت ولا قريه ولا مدينه يعني رحلة متواضعه انصحك

خذ ابوفيبر الخليجي من جوه رحابه لا يعلى علاها احسن من المصندق ويكون عليه ونش وقفل دفرنس مفتاحه تحت الدركسون يشبل ركاب كان بغيتهم واجد مع العزبه في الشنطه وكان بغيتهم 1 ولا 2 افضل ويشيل الاسره
وعـــــــــــــــــــــرضه الخـــــــــــــــــــط(وسرعه خلها على 140 وتحت)
وســــــــــــــــــــــــــــــــــــــــــــــــ ــــــــــــــــــــــــــــــــــــــلامتكم

ALOTAIBI

17/12/2004, 04:03 PM

على هونكم يالربع
الامر بسيط
الشاص وقار والربع عز. اذاكان اغراض الرحله كثيره والعفش واجد وبغيت الخويا 2 وانت السواق خذ الشاص يناسبك. ولكن كان بغيت اسرتك معك مايصلحلك.
ولكن كانت العزبه متواضعه على قدك ومعك 3 او 4 او1وانت الثاني .وكذلك كان بغيت تمشي ام العيال والوغدان وعزبتهم معهم خذ ولاتشاور (ابو فيبر لندكروزر)رحابه فيه بشكل ماتتصوروالله لوقلبت المرتبه الخلفيه تصير الشنطه قيس ثلث صندوق الشاص .

فياض

18/12/2004, 01:08 AM

ما يبغالها طقت عصى
شـــــــــــاااااااااااااااااااااااااااااااااااااا اص
وبس

شاص&نص

22/12/2004, 02:46 PM

طلال الدخنان

26/12/2004, 08:42 AM

لا شاص ولا ربع ولا نص ولا كامل
اخذ لك شرووووووكي وبسسسسسسسسسسسسسس

راعي المطاريش

30/12/2004, 06:09 PM

الأخ طلال الدخنان شكلك ماتتعدّى طعوس الثمامة .............

الجيب جاهز وللمقناص مشتاقي مشتاق وقت القنص متى يذيعونه

سهم الشمال

01/01/2005, 02:53 AM

الله يهديك محتار ماتعرف الفرق بين الشمس والقمر.
وعربن موتر الرجال(ويــاشاص ، والايابــلاش موتر).

وايلي فخر

13/11/2006, 04:19 PM

ياخوي نصيحة اخو خذ الشاص وتره مثل الخوي ما ينعرف الا عند الشدايد

وايلي فخر

13/11/2006, 04:31 PM

اشتر Bmw مافيه ازين منه بالبر وخاصه اذا كانت حوض

وايلي فخر

13/11/2006, 04:35 PM

الافضل انك لا تشور احد في هذا الموضوع الفر ق واضح عند القنص

وايلي فخر

13/11/2006, 04:40 PM

:no2:انت الله اعلم انك مانت شاري لا شاص ولا ربع

طارق الحربي

13/11/2006, 05:34 PM

وايلي فخر

الموضوع قبل سنتين :)

شبح الصحراء

13/11/2006, 05:39 PM

صحيح الموضوع قديم بس لو طرح نفس السؤال اليوم كان نصحته ياخذ هايلوكس دبل غمارتين ، تشيل العزبة وربعه معاه ومناسبة للعائلة ومريحة للسفر نوعاً ما مقارنتاً بالربع والشاص .

نيشان نجد/

13/11/2006, 06:11 PM

غير الشاص لاتدور

الحر الأشقر

13/11/2006, 06:29 PM

ياخوي راعي المطاريش أستخر
وترى من أستخار ما خاب أن شاء اللة

سفير الصمان

13/11/2006, 06:37 PM

الشاص ماله بديل مع السيارة الصغيرة

الضاحي

13/11/2006, 07:58 PM

هههههههههههههههههههههههههه

وش بلاكم يالربع ؟؟؟؟؟؟؟؟؟؟

الموضوع مطروح من سنتين وانتم نردون الحين

هههههههههههههههههههههههههههههههههههههههههههه

الفهد11

13/11/2006, 11:47 PM

حوض غيره لاتدور
بلاربع بلا خرابيط (كرتون الشاهي) مع احترامي.

كنعان الطيار

14/11/2006, 04:17 PM

الربع شبابى واقوا من الشاص واسرع مناوره ولا يغرز ولا يتعلق--بتشديد اللام-- والمطب اهون من الشاص
اما الشاص فأنه سيارة صحراء فقط مطبه--بتشديدالباء--بالظهر وتعب خصوصا اذا كنت الراكب
اننننننا أميل الى الربع فقد جربته م97وم98

ابوجبل

14/11/2006, 05:37 PM

اقول يالحبيب وش رايك بالشاص يمدحونه

بالله هاذي تحير ياخوي الشاص اقوى من الربع لان الشاص يتحمل ولي يبي يعيبه يقول ثقيل والربع اخف منه بالله هاذا عيب المهم خذل شاص الشاص لاغير الشاص احسن من الربع المهبول الي يقلب في ثانية ومعليش ياشباب على القاطعة

سيد النشاما..

14/11/2006, 10:15 PM

وش علام الموضوع قديم
مايهم >>>>>>>> خلنا نشارك
.................................................. ..
الشاص وغيره لاتدور
قد ينفعك بأشياء كثيرة مرة

هههههه خلك من هالحصيني مثل مايقولون

الهـ911ـدد

15/11/2006, 03:59 PM

خخخخخخخخخخ الرجال شرا سياره وقنص وباعه وانتم للحين تردون
الحين هو يفكر يبيع اللومينا ولا لا خخخخخخخخخخخ

الخا911لدي

02/09/2008, 11:41 PM

والله تبي صراحة...........
شف الشاص......لبغيت تحمل الغراض (الشاص)
أم الربع .........لبغيت ترقي طعس الربع......

اسير الغضا

02/09/2008, 11:47 PM

السلام عليكم

لاتقرب الربع موتر شبهه وشبابي :no2:

أشششششششتر شاااااص ولا تشاوررررر؟؟؟!!! :

تحياتي لك ولأعضاء المنتدى
ولا الربع موتر الشباب التالي صار خليفه الكامري؟؟؟
وش قصدك ياشنب الرجال بعزززززززززززززززز شبابه
وبعدين وش فينا حنا الشباب علشان تقول كذا
واقول سانك راعي طعووووووووووووووووووووس اشر ربع
وسانك راعي صمان والخرابيط ذي خذلك شا
وتبي تجمع بينهن خذ شاص غمارتين من الكويت وهههههههههه شاص غمارتنين
تحياتي للي ظتف الاقتباس منه

ابوخلف الحربي

03/09/2008, 12:16 AM

الربع موتر شباب بس انا مستغرب في احد يقارن الشاص بالربع
اكيد الشاص بدون تفكير الشاص معروف بالقوه والا اذا تبي
الشبه خذلك ربع ......
شاص وبس

مربط القعاسي

03/09/2008, 02:54 PM

رد بالراحه وخذ هايلكس غمارتين دفرنسين 2008 ج ال اكس سوبر وسال مجرب

الخا911لدي

03/09/2008, 04:24 PM

صح على أخواي(تبريزة).....
هههههههه........

الخا911لدي

04/09/2008, 09:59 PM

ربع وبـــــــس.........
غيره لا دور غيره..........

الخا911لدي

05/09/2008, 01:00 PM

اشتر ربع وبس..............
:d :d :d ..........

الخا911لدي

05/09/2008, 01:05 PM

ان مني معاند الشاص بس شبه...
:d :d :d

ذيب طي

05/09/2008, 01:19 PM

شباب وش فيكم متحمسين , ترى الموضوع من 2004 , يعني الرجال شرى موتر وخلص ويمكن انه غيره بعد , تأكدوا من التاريخ قبل الله يجزاكم خير

يوميات رجل

02/01/2011, 08:24 PM

السلا م عليكم اشتر شاص ولا تتردد

صراحه انا جربت الشاص موتر افضل من الربع الربع حق بزران انا موتر ي الشخصي شاص ارق سنود

sniper2009

02/01/2011, 08:29 PM

نصيحتي لك وانا اخوك طالما عندك في اكس ار ويكفي ربعك بس مايناسب مشروعك خل ال في اكس واشتر شاص وعيش حياتك

يريور عيمان

02/01/2011, 08:55 PM

الموضوع 2004 و نحن في 2011
الله على الايام راحت بلمح البصر
اللهم ارحمنا برحمتك يارب

((ابوملاك))

02/01/2011, 11:25 PM

السلا م عليكم اشتر شاص ولا تتردد

صراحه انا جربت الشاص موتر افضل من الربع الربع حق بزران انا موتر ي الشخصي شاص ارق سنود

صدز وش تحس به ؟

انت قوي انت اطلق واحد الله يا زين شاصك

رافع موضوع من 2004 علشان تقولنا شريت شاص

طيب مبروك !