حوار حول ( المخيم )

[العرمه]

السلام عليكم ورحمة الله وبركاته

يطيب لي ان اطرح موضوع (المخيم )

فئة من المجتمع تحب انها تخيم ويطقون لهم كم خيمة مع تانكي في احد اطراف المدينة

ولكن هناك مشاكل متكررة
وعقبات متعددة

احيانا تكون سبب تاجيل او الغاء فكرة التخييم

وبعضهم يتوب نهائيا من التخييم

ياليت كل واحد يطرح مشكلة او اكثر والبحث عن الحلول من خلال تجارب الاحبة

تامين المخيم
مشاكل السرقة
البحث عن الحارس وافضل طريقة للتعامل معه
تامين الماء
افضل طريقة لتسوير المخيم
انواع الخيام
افضل الخيام
التوانك والراويات
الماطور وافضل طريقة للانارة
اللزقه اللي يجي وجيته غير مرغوب فيها
استخراج التصريح بالنسبة للثمامة وما شابهها من الاماكن التي تحتاج تصريح
الخ ..............

تحياتي للجميع

[ابومحيميد]

بحكم تجربة سابقة لي .. افيدك بالآتي


مشاكل السرقة

تعرض مخيمي سابقاً للسرقة خيمة وخزانات مع انه متواجد أمام نقطة تفتيش الثمامة مباشرة 500 م تقريباً

البحث عن الحارس وافضل طريقة للتعامل معه

بسهولة تجد حارس لمخيمك لكن لاتثق بأحد واشترط أن تبقى الأقامة معك ورواتبهم من 1200 فما فوق

تامين الماء

يتوفر وايتات في معظم المناطق التي يكثر فيها التخييم

افضل طريقة لتسوير المخيم

مرابيع السعر من 12 الى 15 للحبة
شبك أخضر شفاف زراعي يباع في شارع السلام بمنفوحة سعره 170 ريال 90 متر
واحذر من اغلاق السور بساتر كامل بحيث يمنع الهواء
لان مصيره الانهيار امام الريح

انواع الخيام و افضل الخيام

عليك بسوق الغرابي
وانصح بالخيام الأرخص سعراً للتوفير من أتعابك

التوانك والراويات

انا استخدمت توانك 1000 لتر

الماطور وافضل طريقة للانارة

معظم الانواع جيده لكن احذر الصيني


استخراج التصريح بالنسبة للثمامة وما شابهها من الاماكن التي تحتاج تصريح

المكان اللي يحتاج الى تصريح هو منطقة الثمامة من خزام الى الخفس

والتصريح مٌتعب جداً جداً

انا تواجدت في مركز تفتيش الثمامة من 7.30 ولم احصل على التصريح الا نهاية الدوام

مع اشتراط تأمين حارس وتعريف من العمل وصورة بطاقة وغيره ..

آمل اني افدتك ..

[حامد حمد]

الله يعين شغله

[حرية قلم]

,بصراحه المخيم يفرق بين مؤقت ودائم

المؤقت اعتقد لا يتعدى تكاليفه العشره الاف ريال

الدائم والذي انا كلفني باكثر من 35 الف ريال بلا مبالغه والله يشهد
ولكن تعبنا عليه وبقوه

طبعا مسور وخدمات من والى راويه وحمامات اكرمكم الله وخيام ثلاثه غاط وحارس وطباخ بنفس الوقت

دكه والى اخره واجلس فيه دوام السنه سوىً بالصيف او بالشتاء ولكن المخيم بصراحه اصبح استراحه

ولكن على الطريقه البريه .

هذا مالدي بشكل مختصر جداااااا

[Magellan]

السلام عليكم ورحمة الله وبركاته

يطيب لي ان اطرح موضوع (المخيم )

فئة من المجتمع تحب انها تخيم ويطقون لهم كم خيمة مع تانكي في احد اطراف المدينة

ولكن هناك مشاكل متكررة
وعقبات متعددة

احيانا تكون سبب تاجيل او الغاء فكرة التخييم

وبعضهم يتوب نهائيا من التخييم

ياليت كل واحد يطرح مشكلة او اكثر والبحث عن الحلول من خلال تجارب الاحبة


أنا عندي مخيم على مدار السنة ،،
ههههههههه
أحسن من الاستراحات لا يأكل إيجارات أو عمال

تامين المخيم
بشريط لاصق :D
أمزح
الأمان من الله ،مهما سويت ماراح تصل لنتيجة مرضية ،لأن السيارات تنسرق من قدام ابواب البيت
وحلال بعيد عنه لاتأمن سرقته :حلال تودعه بعه
مشاكل السرقة
كثيرة ،لكن لاتصير شخص تمتع بغباء مفرط،،
مثل هذه الأماكن لاتضع فيها أشياء ثمينه،والأشياء الثمينة حط لها حماية عبارة عن بناء بلك على الماطور وخلافه
البحث عن الحارس وافضل طريقة للتعامل معه
ماجربت ولله الحمد وأغلب اللي عندهم عمال أما عجّازين أو راعين شيش ، يعني ولله الحمد نرتب أمورنا بأنفسنا وونظف محلنا بأنفسنا ونسوي كل شغلنا ذاتيا ،لاتنسى الأعضاء قليل عندنا
تامين الماء
ياحبيبي هذي مشكلة لازم تعرف راعي وايت أو اذا شفته يدور حولكم تلحقه
افضل طريقة لتسوير المخيم
بالنسبة لي عقم ..بس يحتاج تصريح
لكن إذا ولابد جب مسحاة وحاوط عليه لو ماحصل شيول والمساحة صغيرة

انواع الخيام
افضل الخيام
الحمدلله الله فاكنا من الخيام والغثى ،طنب يتحرك وطنب يطيح ومسمس الخيمة تراها منجعفة
عندنا صندقة 6x4 فيها مشب بألفين ريال وغرف بلك أفضل من الخيام
التوانك والراويات
الله يخلي الجنادرية عندهم توانك فيبر قلاس على الكيف
الماطور وافضل طريقة للانارة
جربت انواع واشكال بحكم الخبرة 5 سنوات لم أجد اصبر من التالي:
البنزين : هوندا + ميتسوبيشي بس لاتتعاقب عليه اليدين وتصلح للي طلعاتهم ماهي يوميه وحتى لو كانت يومية ماعندك مشكلة بس صرف البنزين واجد شوي وانتهى اجلهن بالسرقه
الديزل: انصحك بالينمار..... أو لستر تصير ثقيلة ولاتنشال إلا بونش عشان ماتنسرق

اللزقه اللي يجي وجيته غير مرغوب فيها
أوهوه هذا الموت
عانينا منه فترة والله فكنا منه
بصراحة تبي شوري ترى اذا كثرت الرفقة دبرت
حنا الحين صفينا على اربعه ولله الحمد والزود نعامله ضيف وليس راعي محل مهما كانت العلاقات
من الضروري انك تراعي اي زائر كضيف وليس راعي محل وانتبه تشيل الكلافة بينك وبينه ترى بعضهم ماينعطون وجه
وأنصحك نصيحة أخوية لايصير عددكم واجد ..صح ممكن تحس بالوحشة بعض الأيام ويمكن ماعندك إلا رفيق واحد أو بالحالك بس أفضل من 10 متكومين لايمديك تجلس أو تمدد رجلينك أو ..أو

استخراج التصريح بالنسبة للثمامة وما شابهها من الاماكن التي تحتاج تصريح
الخ ..............
الحمدلله مانيب حول الثمامة ومشاكلها ومعروف الثمامة منطقة اكرها بالحيل
شيء مهم بعض الناس يعرض مخيمه للبيع ليش؟؟؟
لأنه مهددينه بالطلعه وملزقين على مخيمه أوراق فأنتبه تشتريه ثم تبلش بنقله
تحياتي للجميع

[ضحية بيشة]

الحمدلله كان عندي مخيم وبعته بالوقت المناسب قبل الازاله بسنه واحده ..

العامل كثير بتحصل بس الله يعينك عليهم كسولين ومزعجين

والماء متوفره الوايتات ومغاسل الملابس وسيارت الخبز كل يوم تمر بالثمامه طبعا

الخيام وارد بيت الفال وخشب للمطبخ والwcضروري وماننسى بيت الشعر

المخيم اللي مافيه بيت شعر او خيمه بيتيه ودكه مايسمى مخيم ...

الامان ..عليك بالورد واستودعه الله وبإذن الله مايجيه شيء ..

الماطور والانوار حسب قدرتك الماليه تقدر تجيب رخيص اوغالي...

توانك الماء فيه مستعمل وفيه جديد..

مالك بالطويله المخيم بصراحه اقشر من عمار البيت واسهل من سلق البيض خخخخخ

حسب الشكل اللي تبغاه يظهر فيه كان جنبي مخيم مكلف 300 الف ريال واكثر

وانا مخيمي ماتعدى 50 الف ريال اهم شي بصراحه يكون موقعه شرح ووسيع صدر

ونظيف ولو مافيه غير فرشه بتستانس صدقني ..واعيد بيت الشعر يغني واهم عن كل شي

...التصريح عندك مركز تنظيم المخيمات تدفع 4000ريال وتزيله نهاية الربيع شهر2

واذا ماازلته بتروح عليك الفلوس والمخيم سوا ...هذا للثمامه والله يعينك على عرار وربعه..

بالنسبه للناس السيئين كان الاسلوب بالتصريف نقول المخيم ايجار ولو عرفو نقول عوائل

او مبيوووع يفهمها زي مايفهمها الباب يفوت عشرين جمل خخخخخخخ

وبالنسبه للتسوير اذا دائم انصح بعقم اوجه وانظر واستر ومايمنع شريط لماع عاكس

عشان بالليل ماتتوهق براعين الجيوب والمساطيل ...بالتوفيق خيووو

[العرمه]

يا هلا ومرحبا

حي الله الاخ ابو محيميد

والاخ حامد حمد

والاخ حرية قلم

والاخر ماجلان

والاخ ضحية بيشه

معلوماتكم قيمة وخبرتكم كافية

شكرا جزيلا لكم جميعا وعسى ان تنفعنا هذه المعلومات وتنفع جميع الاحبة اللي ناوين ييبنون مخيم

انا لي سنتين افكر بالمخيم لكن الى الان ما كتب الله

وهو مثل ما قال الاخ العزيز ضحية بيشه ( المخيم بصراحه اقشر من عمار البيت واسهل من سلق البيض )

دعواتي لكم بالوفيق على ما قدمتموه من معلومات ونصائح

[ضحية بيشة]

بالتوفيق وتتتهنون فيه ...ونصيحه سو لك مخيم خله لك يوم واجره يوم تطلع تكاليف العامل

ومنها تصرف اللي ماتبغاهم يعني تغيير ..

[الدبل الثقيل]

وعليكم السلام ورحمة الله وبركاته ....
هههههههه تدري ليه ..

أحسب انه جاكم حوار -ولد الناقة - وأبلشكم وحاس مخيمكم..

[العرمه]

وعليكم السلام ورحمة الله وبركاته ....
هههههههه تدري ليه ..

أحسب انه جاكم حوار -ولد الناقة - وأبلشكم وحاس مخيمكم..

هههههههههههههههههههههههههههههههههههههههه

كلن على همه سرى

[المنبسط]

سلام عليكم
كلام جميل وتجارب تستفيد منها
لكن حبيت أسأل عن تانكي الوايت المستعمل أما معفوط أو منقلب وين أحصلهن فيه وكم أسعارهن التقريبية
من كان عنده علم لا يبخل علينا.