المساعد الشخصي الرقمي

مشاهدة النسخة كاملة : تـركـيـب مـثـبـبـت الـسـرعـة .



السد الغزير
04/01/2010, 02:33 AM
ياخوان حبيت أسأل أهل الخبرة أو اللي جرب تركيب مثبت السرعة في سيارته .



لأني أنا ناوي بجدية أني أركبه في موتري اللي هو (كامري2002)تماتيك



سفرياتي شبه أسبوعية وأحس أنه بيخدمني وبيريحني . لكن السؤال هنا ؟ وين اللي يركبون تركيب وعليه ضمان .


سواء في الرياض أو القصيم وكم حدود تكاليفه . وتوقعون وش الطلبات اللي بيطلبونها في هذا الأمر . والنصائح أو الاحتياطات اللي آخذها أو أتجنبها .

sameer_1798
04/01/2010, 03:31 AM
أفضل من يركبه الفلبيني فليب في القصيم (الخبراء )
وأنا مركب عنده وشغله ممتاز جداً ومجرب من فتره ..
التكاليف من 1400 إلى 1600 ريال .... وكل القطع موجوده عنده .الشغل ياخذ تقريباً ثلاث ساعات .
والمواضيع التي تحدثت عنه كثيره ومنها :
يامن يبحثون عن كهربائي لمثبت السرعة:جئتكم من فيليب بخبر يقين. أبو الحارث (http://www.mekshat.com/vb/showthread.php?t=100672)

تقرير كاامل بالصور >>> تركيب مثبت سرعة للفورتشنر على يد فيليب >>> (http://www.mekshat.com/vb/showthread.php?t=139675)

طريقة تركيب مثبت السرعه بالصور (http://www.mekshat.com/vb/showthread.php?t=109106)

رحلتي بالباث للقصيم لتركيب مثبت السرعة بالصور (http://www.mekshat.com/vb/showthread.php?p=2740408)

سوبر VTC
04/01/2010, 03:57 AM
حياك اخوي
سبق ركبت مثبت لكورولا م2002 عند فليب بالسحابين
عند رياض الخبراء
شغل يد 400ريال
مثبت كابرس من التشليح 200ريال
عصا المثبت من التشليح حق فكسار او لكزس او كامري
كلهن نفس بعض ب50ريال
بعد سنة جبت موتر لاحد الربع كامري م2001
فاكه وكالة جي ال تماتيك و ركب المثبت كامل من الى ب700تقريبا
بعد سنة جبت له كامري م2006
و ركب المثبت ب750او اكثر
و ارسلت جيب هدد م2007 قبل اقل من سنة و ركبه ب1400تقريبا:mad:
عليه كل شي
***
الكورولا شغل المثبت تمام له 3سنوات :good:
الكامري 2001 مشت 330الف و باع الموتر راعيه قبل سنة
و الوضع تمام :good:
الكامري 2006 الى الان :good:
الشاهد ان الفلبيني فيلب شغله زين
لكنه طمااااااع جدا
يعني يجحد المعروف اللي انا سويته
جبت له 3مواتر :mad:
و على فكرة يوجد سعودي بالزلفي يركب مثبت على الضمان
و شغله نفس فليب
الاسعار الان اغلى
بدليل يركبه للجيب بحدود 1400 الى 1450
و الكامري اكيد انه ب950
المطلوب منك تجيب مثبت كابرس م96 و تحت + عصا المثبت
+
يوجد خلف الدركسون البوري الاصفر (فحمة بوري)
شكله مثل بكرة شريط المسجل او الكست
لازم يكون مواتر فيه اقل شي 5خطوط خط للبوري و 4خطوط فاضية عشان يشبك اسلاك المثبت عليهن
و فيش عصا المثبت يركب على جهة البوري او الشريط من الناحيه الاخرى
يعني دخول و خروج
لازم تفك دركسون موترك عند اقرب كهربائي
و تشوف البوري او الفحمة امامك
شريط اصفر و تشوف كم فيه من مدخل ؟
لازم اقل شي 5مداخل
اذا كان عندك مدخلين فقط لازم تشري من التشليح الفحمة الصفراء تقريبا السعر من 30 الى 90 ريال على حسب كل راعي تشليح
انت و اسلوبك
عشان يراعيك بالسعر

السد الغزير
04/01/2010, 07:30 AM
سوبر فتك جواب شافي كافي : ماودك نروح أنا وأنت نوديه له السيارة يمكن يتوب عن جحدان المعروف ويقول هذا بركب له بـ100ريال . :p

المهم هذا واحد وعرفناه ونحطه كخيار مبدئي . طيب وين اللي تقول في الزلفي ياخي والله ودي بشغل السعودي ولا الفلبيبي . وكم رفيقنا السعودي بياخذ وهل سبق أحد مدحه ؟ هل شغله ناهي يعني ممتاااااااااااااز . لان مثبت السرعة فيها نوع من المجازفة والمخاطرة بأرواح . نبي شغل مـمــتــاز:good2:

ابوجهاد
04/01/2010, 08:02 AM
اخواني اكراااام
تنبيه تنبيه تنبيه
الي يروح القصيم يركب مثبت سرعه اوغيره
يحذر ويتاكد ان المعلم هوه نفسه فلب
لان هناك عامل اسمه مون والله غشيييم
وانا ركبت عنده بوصله وقياس الحراره
من حوالي شهرين والله العظيم انها عطلانه الى الان
وانا بعيد من جده والا كان يسير معاه كلام ثاني

الضباوي
04/01/2010, 09:15 AM
فيه بالزلفي سعودي يركب مثبت على الضمان
لزم تحجز قبل ما تجي
شغله ما شاء الله مضبوط

احساس الصمت
04/01/2010, 10:43 AM
سوبر فتك جواب شافي كافي : ماودك نروح أنا وأنت نوديه له السيارة يمكن يتوب عن جحدان المعروف ويقول هذا بركب له بـ100ريال . :p

المهم هذا واحد وعرفناه ونحطه كخيار مبدئي . طيب وين اللي تقول في الزلفي ياخي والله ودي بشغل السعودي ولا الفلبيبي . وكم رفيقنا السعودي بياخذ وهل سبق أحد مدحه ؟ هل شغله ناهي يعني ممتاااااااااااااز . لان مثبت السرعة فيها نوع من المجازفة والمخاطرة بأرواح . نبي شغل مـمــتــاز:good2:

السلام عليكم

السعودي اللي بالزلفي شغله مايحتاج مدح يعني( ناهي ) على قولتك وعنده نوعين :
الأول يركب له عصا زي الوكاله يحطه بالدركسون وهذا أغلى على ماأعتقد بـــ(1500)ريال
الثاني يركب له طفاي على جهة الطبلون من اليسار يعن يسار الدركسون والطفاي هذا إذا ضغطته للأعلى تزيد السرعه وإذا ضغطته للأسفل تنقص السرعه وسعره حوالي (1350)
لكن وبصراحة شفت ناس مركبين عنده والله شغل خيال مايفرق عن الوكاله
أما بالنسبة لي أنا مركب عند فلب بالقصيم قبل خمس سنوات والحمدلله ماشي معي زي الحلاوة
عموماً هذه أرقامهم بعد إذن المشرفين:
الحمدان بالزلفي(؟؟؟؟؟؟؟؟؟؟)
فلب بالقصيم(؟؟؟؟؟؟؟؟؟؟؟؟؟)أو(؟؟؟؟؟؟؟؟؟؟؟؟؟؟)

وبالتوفيق للعموم

الرقم على الخاص فقط
بارك الله فيك
اللي يبي الرقم ارسله له
المشرف سوبر VTC

السد الغزير
04/01/2010, 12:08 PM
دقيت على جوال فليب . وسألته : فليب ؟ قال لا أنا (مون).

قلت له كامري 2002 بكم تركب ؟ قال لي : ايرباق ولا بدون ؟ قلت لا بدون . . قال مشكلة هذا يبغى شغل زيادة . وسعر زيادة ولازم أجيب توصيلة إيرباق . والتوصيلة ماهيب موجودة عندي ألحين . والتركيب بـ1900ريال .


لاصار ماهيب موجودة عنده . صار لي أنا خيار ثاني . والظاهر أني بركب عند أخونا السعودي أريح لخاطري .

ونبي منكم الله يوفقكم وصف اللي في الزلفي ولا على الاقل أبي أقرب منه وأكلمه .

سوبر VTC
04/01/2010, 04:14 PM
سوبر فتك جواب شافي كافي : ماودك نروح أنا وأنت نوديه له السيارة يمكن يتوب عن جحدان المعروف ويقول هذا بركب له بـ100ريال . :p

المهم هذا واحد وعرفناه ونحطه كخيار مبدئي . طيب وين اللي تقول في الزلفي ياخي والله ودي بشغل السعودي ولا الفلبيبي . وكم رفيقنا السعودي بياخذ وهل سبق أحد مدحه ؟ هل شغله ناهي يعني ممتاااااااااااااز . لان مثبت السرعة فيها نوع من المجازفة والمخاطرة بأرواح . نبي شغل مـمــتــاز:good2:


خلاص اهم شي السعي :D
مهنا شي ببلاش اخدمن و اخدمك :p
بخصوص الزلفي الاخوان ماقصروا

سوبر VTC
04/01/2010, 04:15 PM
اخواني اكراااام
تنبيه تنبيه تنبيه
الي يروح القصيم يركب مثبت سرعه اوغيره
يحذر ويتاكد ان المعلم هوه نفسه فلب
لان هناك عامل اسمه مون والله غشيييم
وانا ركبت عنده بوصله وقياس الحراره
من حوالي شهرين والله العظيم انها عطلانه الى الان
وانا بعيد من جده والا كان يسير معاه كلام ثاني



مون اخو فيلب
(مون) => بالعربي تعني قمر :D

سوبر VTC
04/01/2010, 04:21 PM
دقيت على جوال فليب . وسألته : فليب ؟ قال لا أنا (مون).

قلت له كامري 2002 بكم تركب ؟ قال لي : ايرباق ولا بدون ؟ قلت لا بدون . . قال مشكلة هذا يبغى شغل زيادة . وسعر زيادة ولازم أجيب توصيلة إيرباق . والتوصيلة ماهيب موجودة عندي ألحين . والتركيب بـ1900ريال .


لاصار ماهيب موجودة عنده . صار لي أنا خيار ثاني . والظاهر أني بركب عند أخونا السعودي أريح لخاطري .

ونبي منكم الله يوفقكم وصف اللي في الزلفي ولا على الاقل أبي أقرب منه وأكلمه .




فيلب اظنه مسافر
سلك الارباق اللي يقصده
هو اللي اخبرتك عنه الشريط الاصفر فحمة بوري
اذا عندك اكثر من 5مداخل او 4 فامورك تمام

احساس الصمت
05/01/2010, 09:35 AM
الرقم على الخاص فقط
بارك الله فيك
اللي يبي الرقم ارسله له
المشرف سوبر VTC






أسعد الله صباحك مشرفنا الغالي سوبر vtc
المعذرة يااخوي لوضعي الأرقام على العام حيث إعتدنا ذلك في بعض المواقع

ودمت سالماً

السد الغزير
05/01/2010, 01:41 PM
تم الاتصال على حمدان (الزلفي) . وكان استقباله للمكالمة رائع ومهذب .

وتقريبا نفس السعر .

قال لي الله يوفقه اذا تبي تزين عندنا علمني قبلها بيومين . واذا كنت عجل ترى فليب شغله جيد .

لو غيره من المهندسين مايقول لك العامل الفلاني شغله مضبوط . لكن بين عليه واثق من شغله الله يرزقه . ويقولي مالي ثلاث سنوات فاتح المحل . الله يفتح له أبواب الخير يارب .

وقال لي أني على نية انتقال إلى محل ثاني .

وبالنسبة للوصف على كلامه : وأنت داخل الزلفي - يجيك بنك العربي وتدخل قبله يمين وتجيك الورشة يمين(ورشة الحمدان) .

الرسام
05/01/2010, 02:10 PM
في محل في الدمام يركب مثبت بـــ1000 ريال موجود في نحطة تسهيلات حول وكالة نيسان الدمام نسيت اسمة وهو يجي كل الاغراض بالتوفيق

kmk9999
05/01/2010, 03:14 PM
أخوي الرسام أرسل لي إحداثياته أو عنوانه بالضبط
لأني راح اجيه من الرياض

بروق الخريف
24/01/2010, 10:58 PM
والله الافضل السعودي حتى لوزاد السعراذاكان شغله نظيف

رحال300
25/01/2010, 12:40 AM
ياجماعه الخير احد يرسلي رقم راعي الزلفي
وتحياتي لكم

السد الغزير
25/01/2010, 09:17 PM
رقمه يالغالي مع احساس الصمت . وهو كان معلن الرقم . بس مسحوه أخوانا في الإشراف .

أطلب الرقم منه على الخاص . وماراح يقصر معك بيرسلك على الخاص .

سوبر VTC
25/01/2010, 11:49 PM
رقمه يالغالي مع احساس الصمت . وهو كان معلن الرقم . بس مسحوه أخوانا في الإشراف .

أطلب الرقم منه على الخاص . وماراح يقصر معك بيرسلك على الخاص .


تم ارسال الرقم على الخاص
موفق

wafian
26/01/2010, 12:05 AM
الله يجزاكم خير

شوار القلوب
26/01/2010, 12:11 PM
السلام عليكم

تعرفون ليش فيليب رفع اسعاره مو عشان شغله عدل

عشان شاف الشعب كله جاي عنده

أكيد فيه مهندسين غيره مضبوطين لكن مشكلتنا مانحب ندور نروح للجاهز

وهذا اللي خلاه يرفع سعره لانه عارف ان شغله مضبوط وكل الناس تجيبه وماتدور غيره

والله يوفقكم ولكم مني جزيل الشكر

مدمن الكشتات
26/01/2010, 12:21 PM
فلب شغله ما فيه أي كلام
ولا ملاحظات ولا خراب
لكن المشكلة أنه شايف نفسه ورافض يسلم مع أنه قديم في السحابين بالخبراء بالقصيم مع أن أخوه أسلم قبل فترة لكن فلب رافض الإسلام .