المساعد الشخصي الرقمي

مشاهدة النسخة كاملة : فزعتكم محتاار فورد رنجر؟؟؟!!!



طربان على صوت
04/01/2010, 12:36 PM
السلام عليكم ورحمة الله وبركاته




ياجماعة الخير انا ابقصد موتر ويكون ونيت ويفضل دبل وحدي 35-45 الف فبحثت ولقيت فورد رنجر..ونيت دبل غمارة المحرك 4 سلندر 2600 سي سي السعر للغمارتين دبل 60 الف ريال وسعر الغمارة الدفرنس يقال انه 33 ولا اعلم عنه وعن سعره وقت البيع شي وابيكم تعطونني معلومات عنه..
وشكراً





صورة للغمارتين منه
http://www13.0zz0.com/2009/12/24/06/440816626.jpg

طربان على صوت
04/01/2010, 02:19 PM
للرفع.....

برق الشمال 11
04/01/2010, 02:32 PM
بالنسب لي معي فورد رنجر 2005 إذا استخدام حشمة تعيش لكن إذا فيه جلد للسيارة على طول تخرب بالنسبة لقطع الغيار نااااار أنا امس سألت عن الكباس حق النور بـ360 بعد الخصم 307 ! والدبل فترة بسيطة من الاستعمال ويطلع صوت طقطقة
وأخيراً أستخر وأدع الله يختار اللي به خيره

طربان على صوت
04/01/2010, 02:55 PM
جزاك الله خير

وشلون سعره عند البيع؟

بن قاسم 1
04/01/2010, 03:02 PM
توكل على الله واشتره ماراح تندم انشاء الله

برق الشمال 11
04/01/2010, 03:03 PM
عن أنا ما جربت البيع

طربان على صوت
04/01/2010, 04:25 PM
جزاكم الله خير
لكن الا الان محتار بينه وبين الاكسنت..

لاتكب البيالة
04/01/2010, 05:06 PM
واحد شرا 2005 ديزل دبل غمارتين
نشيط وممتاز وكشتنا عليه 5623769342مرة او اقل
ما اذكر غرزنا الا مرة وحده
العيب انه خوينا مشوه واجد خلال سنتين وصار له كم صدمه ثم نجي للمشاكل
اتفاع الحرارة وما لقى له حل عند الوكاله والورش وكل شي وبالاخير حط ماء قران بالرديتر وضبط ما ادري هو صاز ولا يلعب علي
اخيرا باعه بعد تقريبا سنتين من الكرف وجاب له 25 الف انا ما ادري كم جديد لكن اجزم انه طاح اكثر من نصف القيمة
المستفاد من القصه اذا لقيت شي مستعمل ونضيف وانت راكد على السيارة خذه

هبس 911
04/01/2010, 06:49 PM
توكل على الله واشتره وانت مغمض هاذا اسمه موتر الكرف انا كان معي واحد موديله 2001 وماخليت بر مارحتله ولا طعس الا ورقيته ولا مطب الا وبلعته يعني سواقتي له كني سارقه وماشاء الله ماشي معي زي الحلاوه لاحراره ولا قرقعه ولا خرابات واجد بس الي بهذلني فيه انه دايم يخرب فيه كراسي مكينة وكنت اشتريها من الصناعية القديمة ب30 ريال تجاري تمشيني 6 شهور بالراحة حقت مازدا لانه شبيه بالمازدا واغلب قطع المازدا تركب عليه مثل سيور وخراطيش وفحمات ومساعدات وبواجي ... الخ يعني اي شي استهلاكي الا الاكسسوارات تختلف بس .

طربان على صوت
04/01/2010, 08:11 PM
جزاكم الله الف خير