المساعد الشخصي الرقمي

مشاهدة النسخة كاملة : اي اقوى الاندكروزر الجديد 2010 او القديم2007 للستة سلندر؟؟؟



فوتغرافي
04/01/2010, 08:50 PM
السلام عليكم ورحمة الله وبركاتة
بسم الله الرحمن الرحيم

لو تكرمتو ممكن معلومات تعلموني بها يأهل الخبرة عن الاندكروزر للستة سلندر اي اقوى وافضل من ناحية تجربة ومن معلومات معروفة عنه الموديلات الجديدة 2008 الى 2010 او الشكل القديم من 98 الى 2007 ايهم احسن واقوى ومعلومات تعرفونها تحبون تعطونا سواليفكم فيها لاهنتو ونتم مشكورين ممكن؟:f :f :f :f :f :f :f :f :f

ابو ناصر2020
04/01/2010, 09:02 PM
اذا على القوه العزم فموديلات 2008 وطالع هي الاقوى بتطور المكينه

اما من النواحي الاخر مادري عنه انا جربت القياده والقوة 2008 وطالع افضل

واذا على الباقي الشباب يفيدونك ان شاء الله

فوتغرافي
04/01/2010, 09:19 PM
كثير من الناس يقول القديم احسن عشان كذا انا بتأكد منكم

شكرا اخوي ابو ناصر لاكن القديم ماجربته انت لوك مجربه عطيتنا الخبر الاكيد

سوبر VTC
04/01/2010, 09:25 PM
الشكل القديم ثقيل جداااااااااااااااا
2008و طالع
اقوى بزيادة 18حصان وزن الموتر اخف
مقارنة بالقديم م2007
نظام حقن الوقود و حساسات المكينة للجديد
مطورة بشكل افضل من القديم
على سبيل المثال
الجيب الحوض م2010 و الحوض م2009
في الانطلاق من الصفر
اذا حطيت القير بالاول لكل الموترين و دست بنزين
الحوض الراسين يتقدم مسافة تقريبا 20متر :good2:
عن الحوض الراس الواحد 2009
الشاهد ان الراسين يمد مسافة اكثر :good:

فوتغرافي
04/01/2010, 09:34 PM
شكرا والله على المعلومة سوبر VTC (http://www.mekshat.com/vb/member.php?u=53291)
لاكن اعرف عن الجديد يقولون مكينتة 4000 والقديم 4500 او كلامي غلط ويقولون الرغبة للقديم هل هو على الشكل فقط او في اشياء ثانية مثل المكينة وغيرها لو توضوحنها مشكورين

سوبر VTC
04/01/2010, 09:40 PM
كل شخص يمشي على رغبته
و كلن على قد قروشه
لكن الناس تلحق الجديد و القديم حتى لو شريته بعد كم شهر تمله و تكرهه
الجديد 4000 و القديم 4500
لكن ميزة ال4000 اقل صرفية بنزين + تسارع عالي للمكينة + تجيب الطبلون بشكل سريع + المكينه مرتاحه لانه راسين :good2:
+ لاتنسى احتمالية ان قير الجديد مطور بشكل افضل

االامبرااطور
04/01/2010, 10:08 PM
يعني
الجديد
راسين
اكيد

فوتغرافي
04/01/2010, 10:29 PM
مشكورين على الأفادة
صحيح
المثل يقول لك اسئل مجرب ولاتسئل خبير
لاكن عن تجربة؟
من مجرب الثنين القديم والجديد فيه فرق؟

فوتغرافي
05/01/2010, 03:01 PM
علومكم وين اهل الخبرة في الاند عطونا العلم

بخيت الدوسري
05/01/2010, 03:14 PM
انت كم دراهمك وتبغى الموتر جديد ولا مستعمل ترى هذي تفرق
لكن من ناحية التجربة كان معانا الموديلات التالية طبعاً جميعها 6 سلندر<<<<< ماشاء الله تبارك الله لاأحسد نفسي
2000 / 2001 /2002/2007/2008
من 2000 إلى 2007 خذ بودي يتحمل ولاشفنا منها الحمد لله شئ يعيبها وقطع غيارها ترى معقوله جداً عند مقارنتها بالجديد من 2008 وانت طالع
2008 سيارة ممتازه جدا فخامه وراحه لكن العيب قطع الغيار والبدى ضعيف جداً يعني أدنى دقشة تلعب في الموتر شوي حصل لنا حادث على 2008 دقشة لاتذكر قالوا الوكاله تكلفتها قرابة ال 8000 ريال
لكن فيه مثل يقول كل جديد بجدته يعني عليك بالجديد وأبعد عن المستعمل
أتمنى أفدتك حتى ولو بالشئ القليل

لهايب نجد
05/01/2010, 04:48 PM
مرحبا
انا بصراحة جربت 2008 ست سرندل قير عادي ورجعت لموديل 2007 قير عادي
والفرق يتلخص في الاتي :
اولا داخل المدينة ثقيل بمعنى الكلمة والقديم اخف منه
ثانيا في الخطوط بعد سرعة 100 الجديد حلو وانطلاقته احلى
ثالثا القديم اذا رصيته عفش واوادم يمشي ولا يردة شي اما الجديد اذا حملته يدوخ ماعاد يعطيك واكبر دليل ركب عليه بالون ما عاد يمشي
رابعا بديه ضعيف مرة وكلبسات الصدام الامامي غثيثة تنطلق خاصة اذا جته دقشة في الصدام ماعاد تممسك صح بعكس القديم بدية قوي وصداماته ققوية ورخيصة

هذي فروقات بسيطة من واقع تجربة ورأي شخصي فقط

العسكري
05/01/2010, 08:24 PM
أخي الحبيب ... السته سلندر الجديد أفضل بكثير من السته السلندر القديم والسبب ان ماكينة الجديد برأسين والتروس اكبر وماكينته مثل ماكينة الجيب الشاص 2010 . اما القديم ماكينته رأس واحد وتروس القير أصغر . القوه.. العزم ..السرعة في السته سلندر الجديد .أقول كلامي هذا من تجربه وليس سمعتهم يقولون .

زيــآدِ
06/01/2010, 06:20 AM
اذا كنت ناوي 6 سلندر فالقديم احسن لك وانشط واقوى وكل شيء

اما اذا كنت تبي الجديد فنصيحه لا تآخذ الا 8 سلندر

ساري 111
06/01/2010, 09:27 AM
انا معي 2007 قير عادي وقاومت 2008 قير اوتو وبأختصار تقريباً القومه نفس بعض مع تفوق بسيط للـ2007

يتميز الـ 2007 بمتانه اكبر ومكينه جباره تتحمل اقسى الظروف(كد ومد) معروفه وتشهد لها خدمه اكثر من 15 سنه بدون مشاكل وهذا السر اللي اعتقد رفع اسعاره بعد نزول الجديد
وهذا لايعني ان مكينه الجديد سيئه بالعكس اللي يجيك من تويوتا نم همه بعد اذن الله ..

ويتميز الـ 2008 براحه اكثر من الـ 2007

قنوع
22/01/2010, 11:55 PM
السلام عليكم

اخوي الجديد ممتاز ....................... معي ماشي 110000 ولله الحمد زي وكالته

الموتر gx 2008 عادي بازعي

واذا انت حولي وترغب تجرب الموتر ابرك ساعه.................انا في المجمعه وهذا حوالي 0555266804

((لأني قبل لا اشري كنت ادور قير عادي للتجربه ومالقيت .........حتى حقين الاجار ماكان عندهم الا تماتيك))

مواسي الطعوس
23/01/2010, 06:19 PM
الشكل القديم ثقيل جداااااااااااااااا

2008و طالع
اقوى بزيادة 18حصان وزن الموتر اخف
مقارنة بالقديم م2007
نظام حقن الوقود و حساسات المكينة للجديد
مطورة بشكل افضل من القديم
على سبيل المثال
الجيب الحوض م2010 و الحوض م2009
في الانطلاق من الصفر
اذا حطيت القير بالاول لكل الموترين و دست بنزين
الحوض الراسين يتقدم مسافة تقريبا 20متر :good2:
عن الحوض الراس الواحد 2009
الشاهد ان الراسين يمد مسافة اكثر :good:




*******************************************


اخوي سوبر ممكن سؤال : هل انت متأكد ان التويوتا (جكسار او جكس) موديل 2007م اثقل من 2008م ؟؟؟؟؟؟؟؟؟؟؟؟؟


** الحوض 2009م اقوى في الرمل والقومه من الارض من 2010م لكن سرعه العكس .

اما كلامك ان الموترين اذا حطيتهم في 1 ودعست بنزين يكون الفرق بينهم 20 متر .....متى يكون الفرق بينهم 20 متر ؟؟؟ انت ذكرتني بسالفة اللي معه هايلكس 2002 م على وقتها وجاء عنده واحد معه هايلكس 99 م وقال له موتر ي ب2 اسرع منك ...وحصل تحدي من (ذبيحه) وطلع 99 لانه في نمرة 2 يجيب 110 تقريبا وال 2002م تجيب حول ال 100 فطبيعي اللي يجيب 110 اسرع لكن مهب اقوى.

براري القصيم
23/01/2010, 09:32 PM
2008 ست اسطوانات أنشط وأقوى عزم من موديلات الست السابقة من واقع تجربة

البرااااوي
23/01/2010, 09:55 PM
من كثر ما سمعت ان مكينه 4500 اقوى بالعزم والنشاط بس قوه الاحصنه اقل

اما 4000 اقوى في الاحصنة والعزم تقريباً نفسه بس 4500 اعلى بشووي

ومكينه راسين احسن للسرعه اما راس واحد هذا احسن في العزم

ومكينه 4500 حديد اما 4000 المنيوم

مواسي الطعوس
24/01/2010, 02:04 PM
*******************************************


اخوي سوبر ممكن سؤال : هل انت متأكد ان التويوتا (جكسار او جكس) موديل 2007م اثقل من 2008م ؟؟؟؟؟؟؟؟؟؟؟؟؟


** الحوض 2009م اقوى في الرمل والقومه من الارض من 2010م لكن سرعه العكس .

اما كلامك ان الموترين اذا حطيتهم في 1 ودعست بنزين يكون الفرق بينهم 20 متر .....متى يكون الفرق بينهم 20 متر ؟؟؟ انت ذكرتني بسالفة اللي معه هايلكس 2002 م على وقتها وجاء عنده واحد معه هايلكس 99 م وقال له موتر ي ب2 اسرع منك ...وحصل تحدي من (ذبيحه) وطلع 99 لانه في نمرة 2 يجيب 110 تقريبا وال 2002م تجيب حول ال 100 فطبيعي اللي يجيب 110 اسرع لكن مهب اقوى.
***********************************************

ننتظر رد مشرفنا . واللي اعرف من ردودك انك تحب تعرف الشي . ومعارفك واجد ؟؟ اتمنى انك تاخذ هذه السيارات الى تشاليح بريده (الى ميزان السكراب) وتعطينا وزن 2007م وتحت و 2008 م وفوق.

سوبر VTC
24/01/2010, 02:35 PM
***********************************************

ننتظر رد مشرفنا . واللي اعرف من ردودك انك تحب تعرف الشي . ومعارفك واجد ؟؟ اتمنى انك تاخذ هذه السيارات الى تشاليح بريده (الى ميزان السكراب) وتعطينا وزن 2007م وتحت و 2008 م وفوق.



باين عليك انك رجال فاهم و خبرة !
كل كلامي السابق هو خطأ في خطأ
ان شاء الله انك ارتحت

كل شيء إذا كثر رخص إلا..الأدب

كعمور
24/01/2010, 02:36 PM
اولا ياخوان مع احترامي للجميع كلكم تتكلمون عن العزم والقومة
ولا احد تكلم عن العيوب وسعر قطع الغيار

وانا من وجة نظري ارى ان القديم افضل من جميع الجهات من ناحية الشكل الى الصيانة
فلو لاحظتم ان القديم كل واحد فينا يقدر يصينة بنفسة لسمح الله وتعطل في مكان بعيد او حتى يمكن ان يحدد العطل لاكن الجديد والله متقدر تصين فية شي مالك الا سطحـــــــــة غير مشكلة الحسسات الى مالها نهاية ولا تقدر تحدد عطلها الا بجهاز كشف خاص وهذة وجة نظري لاني ميكانيكى وارجو ان يستفيد الجميع

LANDCRUISER40
24/01/2010, 02:37 PM
صحيح كلام أخوي مواسي الطعوس
لكن أن سمعة أن أدبل حق
2010 جنزير داخل القير
والله أعلم

yasser1389
24/01/2010, 02:47 PM
باترول وبسسسسسسسس

مواسي الطعوس
24/01/2010, 04:21 PM
[quote=سوبر VTC;3864098]
باين عليك انك رجال فاهم و خبرة !

كل كلامي السابق هو خطأ في خطأ
ان شاء الله انك ارتحت


كل شيء إذا كثر رخص إلا..الأدب
****************************************8

الوزن مايبي فهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

** كثر المعارف مايدل على فهم ميكانيكا ........اللي يحب يتعرف هو على العالم يقدر يعرف . ومالها دخل بفهم معلومه حول سياره ؟؟؟؟؟

** انا سألت عن وزن سياره وذا ماعرفت اذا فضيت انا ان شااء الله جبت الخبر اليقين للجميع .

** ووشلون الحوض 2010 يتقدم على 2009م 20 متر متى ؟؟؟؟؟؟

RASHED1384
24/01/2010, 04:56 PM
انا جربت الجيب gxr2007 قير اوتوماتيك
نفس ثقيله ومطب قوي كنك محمل اقصى حموله ثقيل في الرمل مررررررره مع احترامي للجميع
اذا ناوي تشتري لاندكروزر عليك v8 وتحمل المطبات اذا ماكان فل كامل (هروليك )
او خذلك يوكن موديل 2007 بقيمة لاندكروزر 2002 اريح وانشط
واتمنى لك التوفيق ولا يهون الجميع

خيال النفود
24/01/2010, 05:48 PM
انا معي 2007 قير عادي وقاومت 2008 قير اوتو وبأختصار تقريباً القومه نفس بعض مع تفوق بسيط للـ2007

يتميز الـ 2007 بمتانه اكبر ومكينه جباره تتحمل اقسى الظروف(كد ومد) معروفه وتشهد لها خدمه اكثر من 15 سنه بدون مشاكل وهذا السر اللي اعتقد رفع اسعاره بعد نزول الجديد
وهذا لايعني ان مكينه الجديد سيئه بالعكس اللي يجيك من تويوتا نم همه بعد اذن الله ..

ويتميز الـ 2008 براحه اكثر من الـ 2007
عزيزي انت متاكد انك طلعت عليه
عزيزي انا قبل موتري 2008 كان معي واحد 2000 وبعدين 2003
وبعدين شريت 2008
واقولك عن تجربه مع الشكل الجديد دام سنه واربع شهور وماشي الحين 100 الف
جي اكس ار قير عادي فل كامل وارد اليحي
موتر عز المواتر قوه و راحه و رساوه و فخامه
ولا اقارنه بالشكل القديم ابد ابد
وبالقومه اانا طالع على هدد وانا مركب بالون 900 وانت تعرف وش ثقل الموتر باالبالون
ولو بدون بالون كان ماصار فيه اي مقارنه بالقومه
وقبل البالون والياي الاسترالي كنت امحط 210 بالراحه بدون اي مقاومه تحس فيها
وموتري مافي جلد ماطبه مابقى الا الربع الخالي وحرة الحره وحرة الشملي هم اللي ماجيتهم
مركب عليه بالون ورافعه باياي استرالي وربي قمت الراحه وموتر تتكل عليه بمعنى الكلمه وذيبا امعط
ام الرساوه شي كبير وشي ثاني تحس بمتعة القياده وكنك في سيارة رالي
ام بنسبه للصدام شي طبيعي انه راح يتفكك و يجيه شي لانه بلاستك وكبير
وترا الصدام كله 500 ريال
وذا انت مركب على موترك ياي استرالي قدام ورا ماراح تجيك اي مشاكل ... طبعا اكلمك اذ انت رافع موترك بياي وبوالين
وللملعوميه الشكل القديم اذكر اول مايخرب علي وينكسر كراسي الغماره وكرسي المكينه والاصطبات اللي بالصدام التحتي تطيح واسطب حق الاشاره الا يمين واليسار يطيح من ضرب الجلد والردميات
وبنسبه للعدد اسنين ترا الشكل القديم له 10 سنوات بس مو 15 سنه
بدا من 98 وتغير 2008

خيال النفود
24/01/2010, 06:03 PM
مرحبا
انا بصراحة جربت 2008 ست سرندل قير عادي ورجعت لموديل 2007 قير عادي
والفرق يتلخص في الاتي :
اولا داخل المدينة ثقيل بمعنى الكلمة والقديم اخف منه

انا مجربهم كلهم القديم والجديد والثقل مو بشكل اللي انت متصوره ابد ابد
ثانيا في الخطوط بعد سرعة 100 الجديد حلو وانطلاقته احلى
بنسبه للخطوط جتني فتره اول ماشريت موتري 2008 كل اربعاء وخميس اروح من الرياض للحائل
اثبت العداد على 210 ولا فيه اي مشكله والفزه اطلق من الشكل القديم بشكل واضح ولا فيه اي مقارنه
ثالثا القديم اذا رصيته عفش واوادم يمشي ولا يردة شي اما الجديد اذا حملته يدوخ ماعاد يعطيك واكبر دليل ركب عليه بالون ما عاد يمشي
الشكل القديم كنت اعاني اذ ركبت عفش ورا ولا ركاب الموتر من ورا بس يلعب كل شوي تقول بس يبي يزلق ولا يقلب
ولا ارتحت االا يوم ركبت ياي استرالي
الشكل الجديد مركب فيه مره عفش وركاب وخشم الموتر بالهواء وربي انه يمشي من احسن مايكون ولا يلعب ذنبه وهذا قبل لا اركب له يااي وويوم ركبت له ياي تغير الموتر لا احسن بكثير
ام بنسبه للبالون صح كلامك بس تحس فيه ثقل والسبب ان الكفرات اللي تركب عليه بس 900 عكس الشكل القديم
تقدر تركب المقاس الاصغر من 900 وعشان كذا ماتحس في ثقل لاكن ركب 900 على الشكل القديم وشف شلون الثقل
بس ركب بالجديد يااي استرالي قدام ورا وبالون شف اشلون الخف والراحه
رابعا بديه ضعيف مرة وكلبسات الصدام الامامي غثيثة تنطلق خاصة اذا جته دقشة في الصدام ماعاد تممسك صح بعكس القديم بدية قوي وصداماته ققوية ورخيصة

كل الموديلات الجديده صارت بديها ضعيف وخرابيط
بس يبقى الاهم القوه والراحه والشكل والفخامه

هذي فروقات بسيطة من واقع تجربة ورأي شخصي فقط


اتمنى اني وضحت لك اللي جربته وشفته بعيني
وعذرني على دخلتي عرض

خيال النفود
24/01/2010, 06:14 PM
السلام عليكم ورحمة الله وبركاتة
بسم الله الرحمن الرحيم

لو تكرمتو ممكن معلومات تعلموني بها يأهل الخبرة عن الاندكروزر للستة سلندر اي اقوى وافضل من ناحية تجربة ومن معلومات معروفة عنه الموديلات الجديدة 2008 الى 2010 او الشكل القديم من 98 الى 2007 ايهم احسن واقوى ومعلومات تعرفونها تحبون تعطونا سواليفكم فيها لاهنتو ونتم مشكورين ممكن؟:f :f :f :f :f :f :f :f :f


عزيزي اذ تبي نصيحة مجرب للسنين الشكل القديم والجديد
اقولها لك خذ الشكل الجديد وانت مغمض :good2: :good2:

اذ انت راعي بر ومقانيص ... خذلك 2008 وفوق قير عادي وركب عليه ياي استرالي امامي رقمه 700 وخلفي رقمه 721 وبالون ماكسس 900 وتوكل على الله وعزالله انك بتشوف العز بعينه طبعا سته سلندر

وذا انت راعي ديره وسفر خذلك 2008 وفوق ثمانيه سلندر عزالله انك تبي نتطرب وترتاح وتنبسط عليه
طبعا حتى السته سلندر حلو بالخطوط بس الثمانيه يبقى هو االافضل بكل الاحوال

اسمع كلامي وصدقني راح تدعيلي
من واقع تجربه وشف موتري اللي بالتوقيع ولي مواضيع كله عن هالموتر ادخل على اسمي وشفهم
وموتري قير عادي فل كامل وارد اليحي وله معي الحين سنه واربع شهور تقريبا وماشي الحين 100 الف
ولا شكيت منه ولا شي ولله الحمد ومافي جلد ماوطيته الا الربع لخالي واللحّرات اللي ورا حائل
توكل على الله وخذ من 2008 فوق بتشوف فرق السماء عن الارض عن الشكل القديم :good2:
مع احترامي لاصحاب الشكل القديم :D :D
وأي سؤال واستفسار انا حاضر اخوي :l :D :r

خيال النفود
24/01/2010, 09:56 PM
مكرر بالغلط

رهيبXرهيب
02/04/2011, 11:24 AM
من واقع تجربه
احسن موديل 2007 احسن وكيل في الخليج البريمي
القديم ما يتفكك بسرعه واريح بكثير
اصحاب ال2008 وفوق جرب ركب بالون وشوف كيف الموتر يمشي مشيئ (( البقر))
وابشركم يا اصحاب الجديد بالمشاكل المكانيكيه لانه الجديد دخل عليه التكنلوجيا والموتر كله حساسات
وتبريد المكيف تعبان والثلاجه ما تشتغل الى بتشغيل المكيف اجباري
موتر فاشل تشتريه جديد تلاقيه نشيط امش فيه فوق ال 100000 وشوف العزم كيف يتعب
حديد محرك الجديد مخلوط بماده اخرى لتكثر الخرابات وتستفيد الشركه
والبريك تعبان تحس كانه فيه داخله هواء
والهيكل تعبان خفيف غالي سعره على الفاضي
الله يعينكم يا اصحاب الجديد

خيال شاب
02/04/2011, 01:10 PM
اللي يجرب بطل الدروب يقول اثري ضايع منول :D