المساعد الشخصي الرقمي

مشاهدة النسخة كاملة : انتفخ راسي من الدخان


مشغول
11/12/2004, 01:08 PM
حي الله الربع ..

في الحقيقة الخميس الماضي شبينا ضو ( نار) على كيف كيفكم طبعا الجو كان بارد وهواء شديد .. المهم الهواء قام يلعب بدخان الضو مرة يمين ومرة شمال .. ولف على الشباب كلهم .. وما فيه إلا دموع تقول في عزاء .. المهم سوينا جميع الاحتمالات علشان نفتك من الدخان .. ذاك اليوم كل واحد منا راسه كبر الخيمة ..

أكيد عند أهل الخبرة حل لهذه المشكلة .. وخاصة ان الأيام الجاية محتاجين حل .

وش رايكم
أيمن
11/12/2004, 02:09 PM
الله يحييك ويبقيك يا "مشغول"

والله يونسك صدوركم بالعافية ..
اللي فهمته أن المشكلة ليست من تغير اتجاهات الهواء وإنما في أن الهواء أصبح يدور "يكور" وهذي مشكلة .. وتصير أكثر ما يكون مع الرواق إذا لم يعرف بالضبط المكان الأفضل لنصبه .. وسأخبرك عن الطريقة الممتاز له ..
في حالة أنكم مفلسين من الرواق وكان الهواء مع جهة معلومة لتكن الشرقية مثلا فإن الجلسة لا تصلح دائرية وإنما شمال وجنوب متقابلين حتى يكون هناك مجرى لخروج الدخان ..
- إن كان معك رواق فلتقليل دوران الهواء عليكم لابد من نصبه ووضعه الوضعية الصحيحة، وذلك بجعله على شكل زاوية متجهه لمضرب الهواء وهذي شطر الحل، لأن الغالبية يجعلونه نصف دائرة وهذا سبب رجوع الهواء عليهم ..
مثال :
http://www.mekshat.com/pix/upload/images6/mk5_Zara12.jpg
أرجو أن يكون كلامي لا يخلو من فائدة ..

تحيتي
slamah
11/12/2004, 02:11 PM
اخي مشغول فيه مثل يقول الدخان يروح الى زين العيون عليك بالحطب اليابس وإذا مافيه يابس الوقت هذا لأ الجوبارد هاتلك علبة ريتون فاضيه او اي علبه وحط فيها كاز وحطها تحت الحطب
مشغول
11/12/2004, 02:16 PM
هلا بالغالي .. اللي صرت اسمع عنه وما بعد شفته :p

طيب ممتاز

لكن الرواق أو الذاري وين احطة بشكل زاوية .. باتجاه الهواء ولا وين .. معليش تحملني

شكرا لك مرة ثانية .. ويا ليتك توضح
مشغول
11/12/2004, 02:21 PM
هلا أخوي slamah .. من وين طلعت يوم ارد على أيمن ردك ما شفته .. بسم الله الرحمن الرحيم

على العموم .. شكرا على ردك .. وبعدين وش دراك اني زين ..

أما عن علبة القاز ما اظن أنها تنفع لأنه بتطلع ريحة القاز .. وبتزعك بدال الدخان .

شكرا لك
أيمن
11/12/2004, 02:36 PM
الشرف لنا والله ..

عذرا أنا عدلت الرد الأول ووضعت الصورة هذي للتوضيح :
http://www.mekshat.com/pix/upload/images6/mk5_Zara12.jpg

تحيتي
مشغول
11/12/2004, 02:41 PM
هلا بالغالي .. أيمن .

بصراحة احرجتني .. رد سريع واجابه واضحة .. الله لا يخليني منك .. ولا من الكشاته .. ولا من المنتدى


تسلم يا بعدهم
خشم الحصان
11/12/2004, 09:50 PM
الاخ الغالي
مشغول
السلام عليكم
هلا بك يابعدهم وشلونك الله يغفر لنا ولك اجل طالعين يم (سعد) الله كريم وبعدين ياخيي هذا والله من كثر حربثك وتقليبك لضو والمثل يقول لبغيت تعرف (المحربث) حطه جنب الضو وحط ملقاط
وبعدين وشلون تطلعون ماتعلموني ولا خايف اخاويكم
الاخ الحبيب(slamah) مثلك ماينطبق عليه هذا الله يسلمك ينطبق علي انا وهو (الدخان يتبع المملوح)
اخوك
خشم الحصان