الجرح الحزين
06/01/2010, 08:17 PM
بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير ياايها الأخوه الكرام
وهذا سالفه من سواليف جدتي ام قعيد ..قبل 20 أو 17 سنه تقريباً
كان ابوي بروح الحج وراحته معه جدتي وعمتي واخوي .. وقبل لايقبل على مكه يروح للمدينه المنورة
ويجلس فيها يومين وبعد يروح لمكه .. وفي ذيك السنه كان الجراد بكثره بالمسجد النبوي .. وكانت ام قعيد
تاخذ معها كيس كل ماراحته تصلي بالمسجد .. عشان تجمع الجراد .. المشكله الناس خيفه منه وهي تلقطه
وتجمعه بالكيس .. وطلبته من ابوي يجيب لها قدار ودافورأوتشوله عشان تتطبخ ..وشراء لها ابوي لأنها ماتعرف تستخدم
الفرن حق الشقه وهو مايدري وشو تبي فيه اميمته.. وسألها قالت بتطبخه فيه الجراد .. قال خير ان شاء الله ..
ولا تنسين تطفين الضو من تحته أذا رحتي لصلاته .. عادي ابوي ينتهز تواجده بالمدينه ويطلع للمكاتب ويشتري من الكتب
اللي يحتاجه ..وعمتي طلعته مع اخوي لسوق مثل منتو بعارفين سوالف الحريم وسوق وقالو لها حنا بنتقدمك للمسجد محنا
براجعين لشقه قال طيب الله معكم .. عاد جدتي ام قعيد ضلته بشقه الحاله وهي تطبخ الجراد .. لما سمعته صوته الأذان
وطته على الضو وراحته للمسجد .. لما رجعو لشقه كلهن جميع شافو الجمعه والصجعه في مدخل العماره..
وريحته الحريق ..قال أبوي ليه وشو صاير.. قال الولد اللي في الاستقبال انهم دخلو الشقه وطفو الحريق ..
ولما دخلو اهلي الشقه الله لا يوريكم شكل المطبخ وريحه .. قال ابوي حق جدتي انت ماطفتي الضو.. قالت لا
قالت باروح اصلي وبرجع بسرعه ماهقيته انا الماء بينشف بسرعه .. وتعذر ابوي من اهل الشقه وبعوضهم
عن الخساره اللي صارته .. الله يجزاهم الخير رفضو التعويض وقال مثل امهم .. المهم جدتي مستمره بتجميع
الجراد عند رواحتها للمسجد النبوي لصلاته وتتطبخه وابوي بس اكد عليها وعلى اخوي وعمتى انهم يطفون التشوله قبل لايطلعون ..
وخلصو اليومين والحين بيمشون لمكه للحج... جاب لها أبوي اخياش كبار وسجاد
وكراتين كبيره عشان تنشر الجراد فيه بعد ماطبخته عشان ينشفه .. وكملته نشر الجراد بسياره وهم بطريقهم
لمكه .. ولله الحمد تمته حجتهم .. ونشف الجراد وكيسته بالخيش وجابته معها لنا مثل مايقلون صوغته الحج
وكل ماجاها احد كلعته اشوي منه بطويسه صغير وعطتهم .. وخصوصا اخوانها مطلق ومبارك اذا جوها
وجلسو معها ومع جدي ابو قعيد طلعته لهم من الجراد وقامو ياكلون منه بالعصريه وهم جالسين بالبرنده..
والهواء يهفهف عليهم ..وعلى راي ابوي وضلته صوغته الجراد حولي ست أو سبع شهور ماخلاص ..
وكل ماجئ اخوها مبارك حولها يقول باقي من الصوغه ولا وتروح وتجيب له شو مع بوقعيد ..
واسفه على الاطاله
تقبلوا تحياتي.. بحفظ الرحمن
السلام عليكم ورحمة الله وبركاته
اسعد الله اوقاتكم بكل خير ياايها الأخوه الكرام
وهذا سالفه من سواليف جدتي ام قعيد ..قبل 20 أو 17 سنه تقريباً
كان ابوي بروح الحج وراحته معه جدتي وعمتي واخوي .. وقبل لايقبل على مكه يروح للمدينه المنورة
ويجلس فيها يومين وبعد يروح لمكه .. وفي ذيك السنه كان الجراد بكثره بالمسجد النبوي .. وكانت ام قعيد
تاخذ معها كيس كل ماراحته تصلي بالمسجد .. عشان تجمع الجراد .. المشكله الناس خيفه منه وهي تلقطه
وتجمعه بالكيس .. وطلبته من ابوي يجيب لها قدار ودافورأوتشوله عشان تتطبخ ..وشراء لها ابوي لأنها ماتعرف تستخدم
الفرن حق الشقه وهو مايدري وشو تبي فيه اميمته.. وسألها قالت بتطبخه فيه الجراد .. قال خير ان شاء الله ..
ولا تنسين تطفين الضو من تحته أذا رحتي لصلاته .. عادي ابوي ينتهز تواجده بالمدينه ويطلع للمكاتب ويشتري من الكتب
اللي يحتاجه ..وعمتي طلعته مع اخوي لسوق مثل منتو بعارفين سوالف الحريم وسوق وقالو لها حنا بنتقدمك للمسجد محنا
براجعين لشقه قال طيب الله معكم .. عاد جدتي ام قعيد ضلته بشقه الحاله وهي تطبخ الجراد .. لما سمعته صوته الأذان
وطته على الضو وراحته للمسجد .. لما رجعو لشقه كلهن جميع شافو الجمعه والصجعه في مدخل العماره..
وريحته الحريق ..قال أبوي ليه وشو صاير.. قال الولد اللي في الاستقبال انهم دخلو الشقه وطفو الحريق ..
ولما دخلو اهلي الشقه الله لا يوريكم شكل المطبخ وريحه .. قال ابوي حق جدتي انت ماطفتي الضو.. قالت لا
قالت باروح اصلي وبرجع بسرعه ماهقيته انا الماء بينشف بسرعه .. وتعذر ابوي من اهل الشقه وبعوضهم
عن الخساره اللي صارته .. الله يجزاهم الخير رفضو التعويض وقال مثل امهم .. المهم جدتي مستمره بتجميع
الجراد عند رواحتها للمسجد النبوي لصلاته وتتطبخه وابوي بس اكد عليها وعلى اخوي وعمتى انهم يطفون التشوله قبل لايطلعون ..
وخلصو اليومين والحين بيمشون لمكه للحج... جاب لها أبوي اخياش كبار وسجاد
وكراتين كبيره عشان تنشر الجراد فيه بعد ماطبخته عشان ينشفه .. وكملته نشر الجراد بسياره وهم بطريقهم
لمكه .. ولله الحمد تمته حجتهم .. ونشف الجراد وكيسته بالخيش وجابته معها لنا مثل مايقلون صوغته الحج
وكل ماجاها احد كلعته اشوي منه بطويسه صغير وعطتهم .. وخصوصا اخوانها مطلق ومبارك اذا جوها
وجلسو معها ومع جدي ابو قعيد طلعته لهم من الجراد وقامو ياكلون منه بالعصريه وهم جالسين بالبرنده..
والهواء يهفهف عليهم ..وعلى راي ابوي وضلته صوغته الجراد حولي ست أو سبع شهور ماخلاص ..
وكل ماجئ اخوها مبارك حولها يقول باقي من الصوغه ولا وتروح وتجيب له شو مع بوقعيد ..
واسفه على الاطاله
تقبلوا تحياتي.. بحفظ الرحمن