المساعد الشخصي الرقمي

مشاهدة النسخة كاملة : فارس العمور ولا يهونو البقيه,, أبي أعزل وجهية موتري عن الترميل... رايكم يالنشامى..!



صقرالعرب2007
08/01/2010, 12:46 AM
السلام عليكم ورحمة الله وبركاته,,,

اخواني كلنا يعرف الخطوط وش يجي منها من مشاكل.. أقل شي يواجهك عج مره وحده تروووح عليك الوجهيه عل طوووول..! :(

وفيه طرق واجد لحماية السياره البرقع والفيري والبخاخات حقت الاستعمال الواحد وكلها خابر تسبب المشاكل.. الا البرقع والفلم الشفاف (هنا مربط الفرس)

شرايكم.. بركب فلم عند الشركات المشهوره.. الي أقل شي بـ 1000 ريال

هل هو عملي..؟؟ وهل اني لو فكيته بعد 5 سنوات تبقى واجهة السياره كالجديد نفسها ما تتغير.؟ ولا يبقى أثر وتتغير البويه؟

وهل لا واجهني عج ونا مركب الفلم الوجهيه ما تتضرر ابببد؟؟

بالنسبه لأخوي فارس وكل الي ركبو الفلم.. خابرك كاتب موضوع أنك عزلت موترك بالفلم.. رايكم عنه من ناحية الترميل وغيره والسعر..؟؟


للي جربوها في حالة الجواب (نعم) وش أزين محل أزينها عنده بالرياض..؟؟ ويكون سعره حليو وشغله ممتآز.؟؟

وفي حالة انها مب زينه.. وش أفضل حل..؟؟؟ ((البرقع مثلاً خير بديل؟؟؟))


الله لا يهينكم حطيت هالموضوع عشان أستفيد وغيري يستفيدون لأنه بالنسبه لي مسبب أرق وصداع بالجبهه من كثر التفكير فيه :d

فصاص
08/01/2010, 07:00 PM
انا مركبه في 3m الي في خريص

شغل احترافي ومن احسن مايكون

ابوحمد666
08/01/2010, 09:47 PM
اخوي صقر
فيه بخاخ شفاف عند البازعي للسيارات بطريق خريص لون العلبه ازرق صناعه على ما اعتقد لبناني صراحه افضل شي عندي للخطوط وهو زي المويه شفاف وطريقة الاستعمال حاول ترش واجهة السياراه وكذالك الجنوط والمرايا الجانبيه وبعد خمس دقائق بعد ما ينشف راشه مره اخرى حتى تكون الطبقه سميكه وهكذا ومن مميزاته انه يزال بالماء
تحياتي لك

صقرالعرب2007
10/01/2010, 08:10 AM
الله لا يهينك اخوي فصاص.. بكم صلحوه لك ووش موترك؟؟

اخوي ابوحمد.. الله يعطيك العافيه على رأيك لكن حبيت أسألك قد جربت الرشاش هذا..؟ وهل هو مجدي..؟؟

وبكم سعره

أخاف من استعمال الرشات هذي تعدم لي لمعة البدي

لا هنت

فصاص
10/01/2010, 09:23 AM
الله لا يهينك اخوي فصاص.. بكم صلحوه لك ووش موترك؟؟

اخوي ابوحمد.. الله يعطيك العافيه على رأيك لكن حبيت أسألك قد جربت الرشاش هذا..؟ وهل هو مجدي..؟؟

وبكم سعره

أخاف من استعمال الرشات هذي تعدم لي لمعة البدي

لا هنت


يامراحب اخوي صقر العرب

موتري باثفايندر 2009

سويت حمايه البويه بحدود 1600 ريال تزود او تنقص والله مااذكر بالضبط
الحمايه تشمل الصدام والشمعات والكبوت وبدايه التنده من فوق واطراف القزاز القدامي (الي بين القزازه والباب ) واذا شبك السياره والمرايات مو نيكل يحمونها لك بعد

انا اشوف شغلهم جدا ممتاز , ومثلهم لومار انا مظلل عندهم بس حمايه البويه سويتها عند 3M

خشم العرمة
10/01/2010, 09:55 AM
شامبو بيبي جونسن (( وداعاً للدموع ))

بتقولي ليش بقولك اغلب المنتجات اللي نحطها على السيارة تكون من ضمن مكوناتها مواد حمضية او منظفة مثل الفيري وغيره وهاذي تسبب البهتان في لون النيكل وتروح لمعة البوية
والشي الثاني الرشات الملونة هاذي تدخل في اماكن في الشبك معد تطلع ولا تتنظف وتتحسف على الساعة اللي رشيتها فيها
والشي الثالث بيبي جونسن مجرب وانا ماستخدم الاهو جربت الشحم والفازلين والفيري والشمبو الاحمر كلها مافية مثل البيبي جونسن

جرب وماراح تخسر شي

موفق خير

ابوحمد666
10/01/2010, 03:02 PM
اخوي صقر
لي اكثر من سنه وانا استخدمه والصراحه ممتاز
وهو معي على طول بالسياره لانه احينا ما احتاج ارش لكن هو معي بالسياره للطواري تعرف جونا ما ينعرف له
اما سعره 500 ملم ب55 ريال
و250 ملم ب 25 ريال
وما شفت له تاثيرعلى بودي السياره سواء شمعات او الشبك
اتمنى اني افدتك ,,,,,,,,,,,,,,,,,,,,,,,تحياتي