المساعد الشخصي الرقمي

مشاهدة النسخة كاملة : تقدر تفيد أدخلماتقدر لا تدخل ؟؟؟ عندك خبره أدخل ؟؟؟



Mr-sahair
08/01/2010, 03:04 AM
بسم الله الرحمن الرحيم
السلام عليكم ورحمة الله وبركاته

أنا لاقي ربع باترول موديل 83 بمبلغ 11 ألف جاهز بأسمي
المميزات
1 - مستعمل من جهه حكوميه .
2 - بوية وكالته .:good2:
3 - نظيف من الداخل والخارج .:good:
4 - ماشي 290000 كليو.:eek:
5 - شنطة مو بيبان .
العيوب

1- مكيف مو شغال بس الكربسر موجود .:mad:
2 - كفرات سلق .:mad:
3 - يبيله بطارية 220 ريال .:mad: :(
4 - فحمة قير 60 ريال .

وش رايكم أبي منك رد وش أسوي أشتري ولا لا ؟

سسته
08/01/2010, 03:53 AM
حياك الله ... من وجه نظري المتواضعه .... ولو حطيت نفسي مكانك ... ابفحصة قبل ... واناظر وش يبي من قطع ... يعني الكمبرسر موجود ... لكن يصير خربان او مخبط .. يعني وش استفيد من وجوده هذا شي ...

ويالنسبة لي مانيب شارية لانه قديم مره مره ... ازودها كم الف واشتري واحد في التسعينات ... واذا شريته وانا اقول اذا ... ابحطة في الديرة اسعسع به .... واخلي بزارينا يتعلمون السواقه ....

وتاكد من / المكينه والقير <<< تاكد .... واذا قالك يبيله تلقيطات خفيفة لاتاخذ كلامه رح وافحص لان اكثر الناس يحقرون كلمه تلقيطات ... ويروح يلقط ومايدري الا وهو دافع الفين ولا ثلاثة ....

واذا انت تقول مامعي الا 11 الف بس ... انا اقولك ... ترا التذكرة لم مصر بالف وزود شوووي ... رح وطرب شبابك تحت شعار ( خل الدرادع لاهلها ) السلام عليكم

Mr-sahair
08/01/2010, 02:10 PM
المشكلة اللي في التسعينات من 22 ألف حتى 28 النظيف المجدد
وفوق هذا قطع غياره غالي شوي وأنا أبي ألعبه في البر ماتحسف علية لو صار له شي
وش رايك ...؟؟

hamido
08/01/2010, 02:17 PM
تبي الصدق غالي مره على موديله
يعني لو قاله الله وابشريه ابشريه ب 11 وهو مكمل من الى .... بعدين ابقولك شي بهالموديل لاتدور بدي وما بدي اهم شي المحركات وما يكون جاه صدمه قويه لانه على قولتك تتلعبه

Mr-sahair
08/01/2010, 02:28 PM
وإذا صارت محركاته نظيفه
أشتري ولا لا
بعد الفحص طبعآ
والله يعطيك العافيه على الفائده والرد

سسته
08/01/2010, 11:57 PM
وإذا صارت محركاته نظيفه
أشتري ولا لا
بعد الفحص طبعآ
والله يعطيك العافيه على الفائده والرد

يعني لو قلنا لك ايه اشتريه تشترية وبس .... ياخي انت فكرة واستخر ... وعقلك في راسك وتعرف خلاصك ..

faris2006
09/01/2010, 12:10 AM
هذا الموديلات بدات تطلب قطع والقطع الموجودة في السوق تجاري
بمعنى (خرده)

كبسولة2
09/01/2010, 12:19 AM
أنا كان عندي واحد موديل 80 شد بلد بوية ومكيف وداخلية

شريته بــ 4500 ريال وصلحت فيه بــ 1500 ريال أذرعة جلد صوف

وكرفته 3 سنوات بعدها بعته قبل سنة براس ماله 6000 ريال على عمال شركة

بصراحة سعره غاااااااااااالي مرررررررررررة حقه 4000 ريال وتخب عليه

وللمعلومية قطع الغياااااار نااااااااااادرة جداً جداً لقدم موديله ياما طاح في الورش بالشهور لعدم توفر قطع غيار

؟؟؟ياعيني؟؟؟
09/01/2010, 06:15 AM
وعليكم السلام....
اذا انت تبي الشور لا تشتريه لا تطيح باللي انا طحت فيه شريته وكلفني اكثر من مشتراه واغلب القطع ماألقاها حتى في التشليح شوري عليك زد فلوسك وأشتر من موديل 88 وفوق ...الا اذا انت بتطلب له من اليابان هههههههه..
تقبل تقديري واحترامي

خوي الساري
09/01/2010, 06:54 AM
وش دعوى محجر للموضوع وش هالانانيه يعني ماتبي يدخل موضوعك الا اللي تستفيد منه 0000000

تيمون2
09/01/2010, 08:30 AM
انصحك وانا خوك ماتشري الا من ميدل 87 وفوق الشكل الي بعده تحياتي لك

Mr-sahair
09/01/2010, 09:16 PM
الله يوفقكم ويرزقكم ماتتمنون
وأبشركم أني ماشريته والله لا يحرمنا من ردودكم ولكم تحياتي
وجزاكم الله خير
على المعلومات الأكثر من روعه