المساعد الشخصي الرقمي

مشاهدة النسخة كاملة : يا شباب وش رايكم با fg موتر ينشدبه الضهر



ابو شريف
08/01/2010, 10:34 PM
السلام عليكم










يا اخوان انا نويت على الاف جي وشرايكم فيه من ناحية صبره

ودبله وقيره ومركبه مريح وهل اخذ فل او نص وليش

واي لون راكب عليه احسن

وكثر الله خيركم وبارك الله لى ولكم

القناص4800
08/01/2010, 10:44 PM
اذا شكلة معجبك توكل على الله

لأن قيره ومكينته زينه بس الشكل هو اللي يختلف فيه كثير من الناس

هلي--2007--
08/01/2010, 11:06 PM
هلا اخوي من ناحية صبره فالموتر صبور ودبله وقيره اوكيه لاكن مركبه ماهو مريح
وانصحك تاخذه فل لانه يجي فيه صاجه قدام ودفلك الظاهر وانصحك باللون الاسود او العنابي تراه قوه

مكشاتي 2020
08/01/2010, 11:28 PM
اذا كان عاجبك توكل على الله


بس اللون الأسود لا تقربه


وخذلك نص فل لأن الفر يفرق صاجه وغطى للكفر الخلفي (( السبير ))على ماضنتي ويفرق عشرة الاف

ابو شريف
08/01/2010, 11:39 PM
جزاكم الله خير يا القناص4800,هلى 2007,مكشاتى2020

ماقصرتو نستنى ارا البقيه ومعلوماتهم الى يعرفونه عن النوعيه هذى من الجيوب

النايف999
09/01/2010, 01:02 AM
انا شريته اول مانزل وجل معي سنه وشوي ماشفت منه شي
موتر كاعليه كلام بس العيب اذا يركب معك احد ورا بكثره بيغثونك بفتحت الباب

ولا تتعدا الا الابيض

وبخصوص الفل والعادي شف اللي قد فلوسك وخذه وعلى فكره الصاجه والهوك الخلفي وغطاء الاسبير تاخذها كلها وكاله بـ2500ريال

ابومحيميد
09/01/2010, 01:07 AM
نصيحة استأجره يوم من الراجحي للتاجير السيارات عندهم اف جي

وجربه قبل الشراء

باث 3
09/01/2010, 01:11 AM
ابارك لك مقدما:) :) :) واقول لك اشتر وانت مغمض

خشيمان
09/01/2010, 01:49 AM
يعيبه انك ما تشوف شيئ وانت راكب

خصوصا اذا جيت تطلع من موقف

وصوت الدبه مرتف نسبيا

وافضل شيئ انك تستأجره وتجربه

سوبر VTC
09/01/2010, 01:54 AM
يعيبه انك ما تشوف شيئ وانت راكب




هذا تاكيد لكلام احد الربع قبل شهر
يقول الموتر نشيط و لاباس به :good:
لكن عيبه الوحيد
زوايا الغمارة ماتشوف
تقل بحوش
ماتطالع طرفه
و لايصلح للديرة و الاستخدام اليومي
وجهة نظره
استخر بعد الاستشارة
و لاتنسى تجرب الموتر قبل لا تشري
خصوصا الايجار :good2:

ابو شريف
09/01/2010, 06:06 AM
ماقصرتو يا جماعة الخير يا النايف,ابو محميد,باث3 ,خشيمان,مشرفنا الغالي سوبر vtc

الله يجزاكم خير على المعلومات


انا ركبته مع واحد من الربع والله الشوف شوى صعب مع الزوايا

هاوي غماره
09/01/2010, 06:16 AM
والله مالي خلفيه عنة

Mr-sahair
09/01/2010, 09:22 PM
أستأجر وجرب
وعقلك في راااسك وتعرف خلاصك
والله يوفقك
ولا تنسى تبشرنا

لهذام
09/01/2010, 09:49 PM
ابعطيك قصتي وانت على هواك
انا شريته ماكمل عندي اسبوع وبعته ماكنه موتر كنه دبابه مصغره
لامن صوت الدبه والتصميم

ابويزيد1
09/01/2010, 10:35 PM
اخوي ابو شريف مساك الله بالخير انت والشباب في المنتدي
اقولك وخلك من العذاريب انا معاي مديل 2008 فل كامل وللمعلوميه فرق الفل عن العادي ماهو في الصاجة وغطاء السبير والهوك الفرق في نظام A-trac وهو نافع في التعليق والغراز مع الدف لوك وثاني شي بنسبة للروياء تتعود عليه وللراحة عندي انا مريح وبنسبة للنشاط لا يعلى علية توكل واعقلها

الرسيفر
09/01/2010, 11:50 PM
أما أنا أقول إذا أنت متقبل شكله الخارجي فلا تتعداه أما عن محركاته نفس البرادو الجي أكس ست سرندل والقوة ممتاز وبعنف بس يبقى تقبل شكله الخارجي