شبك الشواهين الجبليه

[ابوعبدالله273]

السلام عليكم
ياخوان ابي من اهل الخبره الطواريح ييساعدوني بطريقه لشبك الشواهين الجبليه
انا لقيت لهن ماكر باحد الجبال لكن عجزت لاشبك شي جربت جميع الطرق النقل والحمام والجرابيع ولا فاد شي
اذا في طريقه مظمونه اتمنا احد يفيدني فيها ومتى افضل وقت لشبكهن
شاكر ومقدر لكم
اخوكم ابو عبدالله273

[عاشق التوام]

إحتمال تكون هذي قرانيس والقرانيس غالباً ماتجيك ماخذه لها دقه من غيرك يعني متعلمه ولكن إحتر إلين يجيك موسم الفروخ ورح إطرح الفروخ أزين في شهر 8 إن شاء الله حتى تكون الفروخ بعد قد طارت وتعلمت الهداد وإن طرحت الأميه القرناسه حاول إنك ترجعها علشان تتكاثر وتلقى فروخها في مواسم ثانيه إن شاء الله

[ابوعبدالله273]

اشكر مرورك اخوي عاشق التوام
بالنسبه لقولك انها قرانيس فعلا انا دربلت عليهن وفيهن قرانيس لكن اتوقع ان فيهن فروخ لانهن واجد

[حب الوطن]

السلام عليكم ورحمة الله وبركاته


اخوي الغالي ابو عبدالله


والله وانا اخوك لو تتركها كان احسن هذا الي اشوفه وخذ هالرابط يفيدك ان شاءالله


الجبليات وخطر الانقراض


الرابط


http://www.mekshat.com/vb/showthread.php?t=204763 (http://www.mekshat.com/vb/showthread.php?t=204763)


اخوك حب الوطن

[قرناس شماالي]

الله يرزثك بهن لاكن في مناطق مرتفعه هن؟؟

[ابوعبدالله273]

السلام عليكم ورحمة الله وبركاته



اخوي الغالي ابو عبدالله


والله وانا اخوك لو تتركها كان احسن هذا الي اشوفه وخذ هالرابط يفيدك ان شاءالله


الجبليات وخطر الانقراض


الرابط


http://www.mekshat.com/vb/showthread.php?t=204763 (http://www.mekshat.com/vb/showthread.php?t=204763)



اخوك حب الوطن


اخوي حب الوطن اسئل الله العلي القدير ان يجزاك خير الجزاء على هالنصيحه
وبالنسبه لي انا ماني من هالناس الي تشبك وتبيع تخبر حنا مقبلين على موسم كراوين والجبليات هن دواء الكرواين
ولو حصل وشبكت قرناسه مابيها لانكم تعرفون انها راح تتعبنا بتدريبها
سعدت بمرورك اخوي والله يعطيك العافيه وطولت العمر
اخوك ابو عبدالله 273

[ابوعبدالله273]

الله يرزثك بهن لاكن في مناطق مرتفعه هن؟؟

اللهم امين
اي نعم هن في مكان مرتفع وفي صدوع بالجبل بانيات اعشاشهن فيه

[مالك المصرى]

جربت أخى تشبكها بالنقل (( الباشق))

[ابوعبدالله273]

جربت ولا في فايده

[العيسمود]

اعرف مكانها اللي تهد فيه وحاولها وجرب السمان والقمري
والله يوفقك بالطيبه فيهن

[سبع الولع]

السلام عليكم ورحمة الله وبركاته
انصحك يااخوي انك اذا جيت تبي تشبك لهن انك تجي من الفجر او وقت غروب الشمس لانها افضل الاوقات وتكون الطيور فيها جايعه . وياليت لو تجرب الشبكة ام جربوع تراها ممتازة جدا وانا طرحت بها طيور كثيرة , بس للمعلوميه حاول انك اذا جيت تحطها للطير انه مايشوفك وانت تحطها, وحاول انها تكون في مكان واضح من اجل ان يشوفها الطير . وجرب الي قلت لك وبتدعي لي وشكرا

[صقار مبتدئ]

مرحبا الف شف اخوي انا انصحك تتركها الحين لان يمكن يكون معها فروخ واذا انت ملزم عليها خذ لك سمانه وحطها في المناشبه حطها قبل الفجر في مكان واضح و خل جوالك قريب منها وحط النغمه على صوت السمان اذا انه مسجل عندك و دق على جوالك و الله يجيبها ان شاء الله

[علاوي الطرفاو]

هلا وغلا اخووووي عندى لك طريقة جميلة وانا طارح فيها

والطريقة هي

انك تجيب المناشبة وتجيب معك عصفور من نوع حماري او العصافير الصغيرة التي تلعب ضعها في المناشبة
وضعها في مكان واضح للشيهان الجبلي وبعدين ابتعد عنها اكثر من 100 متر عنها

والله يرزقك

[@قرناص@]

انتظر لسنه الجايه تاخذ من فروخها افضل لك ,,

[ابوعبدالله273]

اشكر مروركم جميعا بس ياليت توضحو وش تصير المناشبه

[حر سدير]

المنشابة هي القرشعة

[صاحب نوماس]

الله يطرحك بالطيبة منهن

[ابوعبدالله273]

اشكر مروركم جميعا لاعدمناكم

[علاوي الطرفاو]

المناشبة طال عمرك هي قفص عليه فلك شبك لصيد الطيور

تضع بها الصفاري او السمان ويكون اعلى القفص فلك لصيد الطيور تجدها عند محلات الحمام والطيور

سرعها رخيص وتاكد انك كل صقار لازم ياخذ معه هذى الناشبة لانه تفيده

[ابوناهض]

اخوي اذا جيت تبي تشبك افضل وقت الفجر مع شقت النور وذا مافادت الطرق المعروفه جرب النقل

[القطاوي 2008]

الله يوفقك يالغالي