الى اهل الرياض الشرفاء استفسر عن سوق الغرابي

[المسفهل111]

السلام عليكم ايها الشرفاء ::::::::::::::

ابشركم اني اشتريت سيارة جمس ونيت غمارتين
واحتاج من الغرابي بعض الاغراض

1- دعاسات وين القاها وكم سعرها

2- فيبر قلاس اسود للصنوق كم سعره وين القاه

3- تظليل محترم من احسن واحد ؟

4- تلبيسة شامواة للمراتب والطبلون من وين وبكم

5- تلبسة الارضية بلاستك

انا جايكم من الدمام يالربع اللي عنده اي معلومات لا يبخل علينا الله يجزاكم الجنة """""

[لاتكب البيالة]

السلام عليكم
نقطة 5 لاتعدى السماعيل
التظليل اذا تبي عادي يعني كوري السماعيل بعد ممتاز
1و2 عندك العليان او اي محل على الشوف
نقطه 4 ما فهمت وشي
الغرابي بحر وتلقى اللي تبي اغلااض السيارات او اشرعه وما الى ذلك

[حنون2000]

:l شوف لك اي محل برى اعتقد بتلاقي افضل واجود من الغرابي
عندك طريق العروبه فيه محلات تخصصها هذا الشي ومكانه وانت متجه شرق قبل اشاره التخصصي تلاقيها على اليمين وللجمس احلا تحيه
:good2:

[رحال شمال]

اخي مرحبا فيك بالرياض .

اذا جيت مع طريق الدمام الرياض السريع تتعدى كبري الفحص متجه غرب الى ان تصل مخرج 8 (بعد مبنى سابك ) انتبه لاتاخذ المخرج الاول المؤدي المطار اتجاهه شمال . بل خذ المخرج الثاني بعد الاول بحوالي 500 متر ويكون اتجاهك جنوب . صرت الان بالدايري الشرقي واصل الى ان تصل مخرج 16 اتجه يمين تجيك الاشارة الاولى واصل تجيك الثانية واصل يجيك نفق قبل النفق خذ يمين تجيك الاشارة الاولى واصل والثانية واصل بعدها باشارة او اشارتين تجه يسار تجد الغرابي . اتمنى يكون واضح .

[درب الصحراء]

الله يعطيك خيره ويكفيك شره

من ناحية التلبيس المراتب والارضيات الاسماعيل معروف بهذا الشي

ولهم اكثر من فرع في الشارع نفسة

والباقي دور في الشارع حتى تلقا ارخص واحد

وعلى فكرة كل الي يشتغلون يمنية عادي احتلوا السوق من تالي والله يعين

[الكايف2]

مبروك السياره اولاوانت الي جيت الغرابي بتلقي اللي يعجبك بس ابتعد عن ابويمن تراهم خراب المواترومثل ماقالوا الشباب السماعيل

[المسفهل111]

والله احرجتوني بردودكم الله لا يهينكم اخواني الكايف2 - درب الصحراء - رحال شمال - حنون 2000 - لا تكب البيالة -

وشكلي ابتوجه صوب السماعيل وياقلب لا تحزن