خبراء الكاميرات تفضلوا

[الريمى]

السلام عليكم اخوانى اليوم بغيت اشترى كامره بس قلت لازم استشير اخوانى عندهم الخبر اليقين وهم اهل الخبره وشورهم يهمنى ..
انا ماعرف بالكامرات
لقيت اليوم كامره كانون مواصفاتها بالثانيه 6 صور فيديو وفيها مميزات من كثر ماجاوبنى مادرى نسيت
يقول احترافيه 15 بيكبكسل على ماظن وفيها زوم طوله نص شبر سعرها تقريبا تقريبا 7000ريا ل
وفيها دقم عد وخربط واجد الله المستعان
وفيه زوم قلت لصاحب المحل احسن زوم وينه قال هذا شكله مدفع ابيض باسود وزنه ثقيل وطوله تقريبا ذراع
والعدسه كبر الهمبرغر :) ماعرف اوصف وسعره تقريبا 8000 ريال وبغيت اخذها مع الزوم بس قلت لازم اشاور اهل مكشات اهل الخبره يفيدونى عنهن وعن مواصفاتهن وهل يوجد فيهن عيوب واللى عنده خبره عنهن لايبخل علينا :)...
وسوال عن الميمورى 32و16 قيقا اى احسن للكامره او 1قيقا

[Z M N]

وعليكم السلام

انا برائي انك ما تستعجل على شريته الاخوان المحترفين يفودونك أكثر
لان الكاميرا هذي احترافيه

انا عندي كاميرا احترافيه 500d كانون ولحد الان اعتبر مبتدئ على الوضع الاتوماتيكي ما تعمقت بالشغل اليدوي

والاحترافيات على حسب ميولك انت تحب تصور الاشياء الدقيقة مثل الحشرات وغيرهـ هذى يبيله عدسه لحال وتصوير الطيور يبيله عدسه زوم وتصوير الطبيعه يبيله عدسه

والله يعينك وجعت راس طلع بي الشيب منه خخخخخخخخخ علشان بس احسن الصوره وطلع بنتيجه وبزاويه ودقه التصوير والالوان

[الريمى]

مشكور z m n ماقصرت يالغالى
وانا احب اصور كل شى مناظر او طيور او اشياء ...
وننتظر رد الاخوان :)

[ريم البراري]

اخوي ماانصحك تشتري كاميرا احترافية بهالسعر وانت يبدو من الموضوع مبتدىء يعني ماينفع تبدأ مع كاميرا مثل هذي:)

فيه كاميرات مايتجاوز سعرها 1500 ريال من كانون تصلح كبداية علشان تتعلم وبعدها تقتني مثل هالكاميرا

[MOHAMMED..]

وعليكم السلام
عذراً أخوي واضح من اسلوبك أنك ماتفهم في الكامرات يخوي
ترى السعر الي أنت حاطه غالي وحرام تحط سعر وانت حتى نوع العدسه ماتعرفها
مافيه شي اسمه طول ذراع ونص شبر يخوي أنت توصف جحه ولا وش توصف هههههه
اسمعني يخوك لا تتهو وتشتري كامرات غاليه او بالأصح احترافيه الا اذا انت تفهم فيها
وملم بقواعد التصوير ولا ترى يتضيع فلوسك ياصابر تبي نصيحتي خلك بلول على كامرات
الديجيتل ورمع الوقت راح تتطور وراح تشتري احترافيه وآسف اذا كلامي ضايقك بس نحب نمزح
ومنها نفيد وتحياتي وموفق خير

[_دربيل_999]

اخوي..
نصيحة بأن لاتبدأ بمثل هذه الكاميراء..
بتحصل نفسك محاصر بسيل من الإعدادات للوصول لصورة,,وفي نفس الوقت صعب التعامل معها..
خذ لك كاميرا بحدود2000ريال نصف إحترافية لانها نساعدك على سرعة التعلم بلا تعقيدات..

وفقك الله

اخوك
الروقي

[نمر ورقان]

نصيحتي لك لا تشتريها لانك في البداية لن تجيدها وتجد نفسك تتعامل مع 1% من امكانيتها يعني كانك تتعامل مع كميرا غير احترافية
نصيحتي لك خذ كانون g11 كاميرا شبه احترافية وتصويرها ودقتها فوق ماتتصور . وسهله كمان

[الريمى]

اخوي ماانصحك تشتري كاميرا احترافية بهالسعر وانت يبدو من الموضوع مبتدىء يعني ماينفع تبدأ مع كاميرا مثل هذي:)

فيه كاميرات مايتجاوز سعرها 1500 ريال من كانون تصلح كبداية علشان تتعلم وبعدها تقتني مثل هالكاميرا
مشكوره اختى ريم البوادى على النصيحه

[الريمى]

وعليكم السلام

عذراً أخوي واضح من اسلوبك أنك ماتفهم في الكامرات يخوي
ترى السعر الي أنت حاطه غالي وحرام تحط سعر وانت حتى نوع العدسه ماتعرفها
مافيه شي اسمه طول ذراع ونص شبر يخوي أنت توصف جحه ولا وش توصف هههههه
اسمعني يخوك لا تتهو وتشتري كامرات غاليه او بالأصح احترافيه الا اذا انت تفهم فيها
وملم بقواعد التصوير ولا ترى يتضيع فلوسك ياصابر تبي نصيحتي خلك بلول على كامرات
الديجيتل ورمع الوقت راح تتطور وراح تشتري احترافيه وآسف اذا كلامي ضايقك بس نحب نمزح

ومنها نفيد وتحياتي وموفق خير

مشكور يابوجاسم ابدااااااااااا مانتظايق من النصايح :) المثل يقول امش مع اللى يبكونك ولا تمشى مع اللى يضحكونك
كان عندى كامره سعرها 1600 ريال تقريبا واعرف استعملها واصور فيها بس زومها تعبان مسافه قصيره ولا يركب عليها زوم
بس هذى نصحنى فيها البائع وقال حتى ان فيه دوره للتعليم عليها ومواصفتها احسن مواصفات بالكامرات وانا مادرى عن كلامه هل استعمالها زين تكد ولا ماتكد هل هى حساسه وتخرب بسرعه او احد استعملها ..
وتحياتى لك يالغالى

[الريمى]

اخوي..

نصيحة بأن لاتبدأ بمثل هذه الكاميراء..
بتحصل نفسك محاصر بسيل من الإعدادات للوصول لصورة,,وفي نفس الوقت صعب التعامل معها..
خذ لك كاميرا بحدود2000ريال نصف إحترافية لانها نساعدك على سرعة التعلم بلا تعقيدات..


وفقك الله


اخوك

الروقي

مشكور اخوى الروقى الله لا يحرمنا من نصايحك انت والاخوان وجزاك الله خير :)

[الريمى]

نصيحتي لك لا تشتريها لانك في البداية لن تجيدها وتجد نفسك تتعامل مع 1% من امكانيتها يعني كانك تتعامل مع كميرا غير احترافية
نصيحتي لك خذ كانون g11 كاميرا شبه احترافية وتصويرها ودقتها فوق ماتتصور . وسهله كمان
تحياتى لك يا نمر ورقان مشكور على النصيحه الذهبيه :)