!!!...فيضه من فياض المستوي ... ربيعها يجذب المهتوي.....20صوره...!!!

[((( الحر)))]

اخواني اعضاء وزوار منتدى مكشات العالمي.
السلام عليكم ورحمة الله وبركاته.


يوم الخميس الماضي كان لنا زيارة استكشافيه لفياض جال المستوي.


طبعا تعتبر قريبه من جهتنا (منطقة السر) بس نقطع النفود اللي عرضه 15كم ونصل اليها.


يعني مكشات يوم ونرجع وهذا من فضل الله.


كانت بداية الرحلة من بعد فجر يوم الخميس وافطرنا بالنفود وباذر الربيع فيه ماشاء الله يبشر بالخير وعلى ورقتين وثلاث .. ولكن لم يكن هناك مايستحق التصوير.
وصلنا الى الجال ومرينا على عدد من الفياض وخاصة الجنوبيات منهن لايوجد فيهن اي اثر او تباشير للربيع.


وبعد ماتعدينا حوالي اربع فياض او خمس جينا على شعيب يحول من الجال ويدخل بالنفود ومن شكله عرفنا انه سايل مع السيل الاخر وماشي ممشا طيب.


مشينا مع الشعيب ندور الفيضه او المحير اللي توقف فيه بالنفود .. والحمد لله كانت المفاجأة ان حصلناه مسيل فيضه وحده مربعه الجهة الشماليه منها فقط .


انشرح الصدر وزال الكدر مع شوفة الربيع واشتنشاق ريح الروض والحرف.


ماطول عليكم اترككم مع الصور عسى ولعل ان تنال اعجابكم واستحسانكم.


في البداية هذي صوره للروضة من طعسها الشرقي وحجمها تقريبا بحجم ملعب الكوره او اصغر شوي.
http://www.mekshat.com/pix/upload01/prof007/mk1112_web01.jpg


طبعا كانوا الكشاته معنا وشكل الجميع يمشي على احداثيه
طقم شواصي
http://www.mekshat.com/pix/upload01/prof007/mk1112_web02.jpg


طقم سفاري
http://www.mekshat.com/pix/upload01/prof007/mk1112_web03.jpg


التطقيم بمثله يبي دراهم لذلك مالقى احد .. فوصل لحاله.
http://www.mekshat.com/pix/upload01/prof007/mk1112_web04.jpg


ثلاث جهات من الروضه ناخذها بثلاث صور
1
http://www.mekshat.com/pix/upload01/prof007/mk1112_web05.jpg


2
http://www.mekshat.com/pix/upload01/prof007/mk1112_web06.jpg


3
http://www.mekshat.com/pix/upload01/prof007/mk1112_web07.jpg


قبل اختيار محل الجلوس مرينا جهة الفيضه الجنوبيه لقيناها ربيعها اقل
http://www.mekshat.com/pix/upload01/prof007/mk1112_web08.jpg


ولا يذكر
http://www.mekshat.com/pix/upload01/prof007/mk1112_web09.jpg


رجعنا واخترنا ذرى هالطعس عن الهواء الشماليه الصلفه البارده .. ومقابل لمشراق الشميسه
http://www.mekshat.com/pix/upload01/prof007/mk1112_web010.jpg



http://www.mekshat.com/pix/upload01/prof007/mk1112_web011.jpg



وبدينا بتجهيز الغداء عبارة عن شوي لحم وصحون قصدير على الجمر
http://www.mekshat.com/pix/upload01/prof007/mk1112_web012.jpg



http://www.mekshat.com/pix/upload01/prof007/mk1112_web013.jpg



http://www.mekshat.com/pix/upload01/prof007/mk1112_web014.jpg



http://www.mekshat.com/pix/upload01/prof007/mk1112_web015.jpg


وهذا الشوي الله يسلم يدين ابوعبدالرحمن.
http://www.mekshat.com/pix/upload01/prof007/mk1112_web016.jpg


جاهز
http://www.mekshat.com/pix/upload01/prof007/mk1112_web017.jpg


نعتذر عن صور الغداء لاني غير مؤيد لكثرة صور الطبخ بالبر على حساب صور الربيع
لكن هذا برييييّق شاهي قبل العصر
http://www.mekshat.com/pix/upload01/prof007/mk1112_web018.jpg


وهذا يقالك احترافيه هههه
http://www.mekshat.com/pix/upload01/prof007/mk1112_web019.jpg


وهذا سرد الله يسلمه ماقصر عطانا وجه لين صورناه
http://www.mekshat.com/pix/upload01/prof007/mk1112_web020.jpg


ارجو ان تنال الصور اعجابكم واستحسانكم


ودمتم بخير وموده


اخوكم
((( الحر)))

[شرواكم الطيب]

بيض الله وجهك اخوي الحر

تقرير روعة وكشته كايفه

وصور تفتح النفس

لا خلى ولا عدم

[khater_407]

الله يعطيك العافيه

[راعي البخاخ]

ماشاء الله تبارك الله , الله يعطيك العافيه اخوي الحر , مشكور وماقصرت

[ثعل البرد]

لقطات متميزة ورحلة جميلة

تسلم يمينك أخي الفاضل ومشرفنا الكريم : ((( الحر)))





***

[النوبل]

ماشاء الله


الحر


مكشات يوسع الصدر


الله يعطيك العافيه


والصوره الإحترافيه ولا أروع (يجي منك)


تقبل مروري

[sahhr]

ماشاء الله تبارك الله,,, صـــــــــــور روعـــــــــة ولو فيه أحداثيات يكوون طيب ......

[ابونايف 15]

ماشاء الله تبارك الرحمن
بارك الله فيك
مشرفنا الفاضل
((الحر))
ويعطيك العافية على الصور الجميله
والحمد لله على السلامة

[المغيض]

الله يعطيك العافيه تقرير رائع وتصوير اروع تسلم يمناك....
تقبل تحياتي...

[الرجم العالي]

ماشاء الله .. مكان جميل وتصوير رائع ..

بارك الله فيك مشرفنا الفاضل على هذا التقرير ...

[بن لويحق]

ياعيني يالحر صووور ولا اروووع

[al360f]

الله يعطيك العافيه

[ماسوم]

صورجميله الله يعطيك العافيه

[بحري 99]

ماشاء الله
ويعطيكم العافية

[Al Ain]

الصراحة البقعة طيبة واللي محليها النفوذ

[راع العوجاء]

ما شاء الله تبارك الله

اللي يعيب المكان كثرة الكشاته بعد فترة بتشوف الوساخة اشكال والوان

مشكور اخوي على التقرير

اخوك
ابو سعد

.

[الجيب عزوه]

ماشاء الله تبارك الله

مناظر تسر العين وتوسع الخاطر.

بارك الله فيك و يعطيك العافيه

تقرير و تصوير اكثر من رائع

[الفضلي اللامي]

ما شاء الله أخوي الحر الله يوسع صدرك بالعافية ...

[المميز99]

يعطيك العافيه اخوي الحر
بيض الله وجهك على هالصور الي تشرح الخاطر

[فارس الهيلا]

مــــشكـــور والله يعطيك العافيه

والله يرزقها بالحياء

[عقريص]

ماشاء الله تبارك الله صور جميلة وتقرير رائع
الله يعطيك العافية

[القنـاص2008]

ماشاء الله مناظر خلابة يعطيك العافية

[كشات 1]

مبددددددددددددددددددددع ماشاء الله

[دغيم1]

السلام عليكم ورحمة الله وبركاته
يعطيك العافية
أخي الغالي
أبو محمد
تقرير جميل عن تلك المنطقة والتي لم تأخذ حقها هذا العام من التغطية المكشاتية
شاكرا لك ومقدر الصور الجميلة والمعلومات المفيدة
تقبل تحياتي

[محمد الشاوي]

http://www.mekshat.com/vb/../pix/upload01/prof007/mk1112_web01.jpg

عز الله إنه صورة ترد الروح

وعسى الله يعيد أيام الجال وربيعه ويعم الخير جميع الديار

صحيح الربيع شوي بس مع النفود يصير المنظر جميل والجلسة حلوة

الله يعطيك العافية يابو محمد

وتقبل مروري وشكري وتقديري .

[راايق تميم]

وعليكم السلام ورحمة الله


ماشاءالله تبارك الله

مكان وجلسه ترد الروح

وصور رائعه جداً

مبدع يالغالي ابو محمد

عافاك الله

[طيب القلب]

ياحبني للنفود ..

تصوير رائع بحق ..
تسلم الأيادي.

[ذgggق]

بيض الله وجهك يالحر عزالله انك حر على اسمك


صور ممتعه والله يرزق المسلمين با لربيع ..معليش ياليت توصف لي هالروضه والا تعطيني احداثياتها



بالنسبه للطبخ ياخوي والله انا معك ..ياخوي بعض الرجال قلب شيف هههههههه



لاهنت

[برق2000]

الله يعطيك العافيه

[سحابة بردية]

لقطات متميزة ورحلة جميلة
بارك الله فيك والله يعطيك العافية
تسلم يمينك أخي الفاضل
ومشرفنا الكريم : ((( الحر)))

[سرهيد]

السلام عليكم

ما قصرت اخوي الحر

وبيض الله وجهك آمين

والله يسعدك وين ما رحت

امتعتنا بالصور الله يمتعك بالصحة والعافيةوالطاعة آمين

شكرا لك

[شيزار مالديني]

ماقصرت وبيض الله وجهك

ولا تعبتو

[السااهر]

الله يعطيك العافيه

[سفير الشمال]

السلام عليكم ورحمة الله وبركاته
حمدالله على سلامتكم
مشرفنا وحبيبنا الغالي
ابومحمد(الحر)
المهتوي يقطع المستوي :)
مشكور وماقصرت يالغالي على تقريرك الجميل
بمعلوماته الغنيه وصوره الاحترافيه ;)
سلمت يمينك
تحياتي وتقديري

هذي لحالها يبومحمد :good2: :good:

http://www.mekshat.com/pix/upload01/prof007/mk1112_web01.jpg

[أبومنصور]

يا هلا بأبو محمد
ويستمر الأبداع مع ذا اللقطه ماركه الحر :)

http://www.mekshat.com/pix/upload01/prof007/mk1112_web06.jpg

بارك الله فيك يابو محمد والله يرزقنا بالربيع اللي يسر العين


اخوك: أبو منصور

[mzarkash2000]

تسلم يمينك أخي الفاضل ومشرفنا الكريم

[أبوراشد]

ماشاء الله
صور تشرح الصدر
الله يعطيك العافية


,,,

[شمس السكون]

(( الحر ))

ماشاء الله مناظر رائعة وصور ولقطات أروع

يعطيك ألف عافية

[fj44]

يعطيك العافيه

[سوبر152]

بيض الله وجهك اخوي الحر

تقرير روعة وكشته كايفه

وصور تفتح النفس

لا خلى ولا عدم

[حاتم البدراني]

ماشالله تبارك الله

يعطيك العافيه على هالنقل

[GHGH]

في اي جهه من المستوي الله يعطيك العافيه

[العريني1]

الله يجزاك خير
صور جميله ورائعه ... :good: :good:
صور الربيع مع النفود مما يزيد الجمال والروعه
وفقك الله

[صقر البحيرات]

ما شاء الله تبارك الله .....

تقرير رائع وصور جميلة .... بارك الله فيك وسلمت يمناك يالغالي

تقبل أعذب تحية

[almagd]

يعطيك العافيه
تحياتي

[جبل راف]

ماشاء الله على الربيع والتصوير الواضح

[بررق]

ماشاء الله تبارك الرحمن
بارك الله فيك

[قاصد الصمان]

ما شاء الله
تقرير رائع وتصوير اروع
حيث تعانق الربيع في الفياض مع هذه الرمال الذهبية
مكونا لوحة فنية رائعة

الله يعطيك العافية

[وادي الريمة]

يعطيك العافيه على التصوير والتقرير الرائع
والله يتبعله
اخوي الحر مدخلكم في النفود من غرب جهة السر مع اي دير ه هل مع الشريميه ومخرجكم من النفود
على اي جهه من الشرق هل هو الجال حق الخويش الجنوبي او الخويش الشمالي...
لاني ودي اعرف الخويشات مقابلها من غرب قطع النفود اي ديره من دير السر
وسلمت يداك على المجهود الرائع وبالتوفيق

[برق الحيا 55]

ماشاء الله صور جميلة وتقرير رائع

ولكني اذا رحت هالمكان او مثله ما دسته بالسيارة خصوصا ان مساحته صغيرة ولما نزلت العزبة في وسط الفيضة وجلست في طرفها منا ولا منا واستمتعت

بارك الله فيكم جميعا

[مكشات سعودي]

يعطيك العافيه على الطرح الرائع

[علي عليوه]

ما شاء الله كل صورة أطلق من اختها

ما خربها إلا الليبتون عسى الله يقطع بذر العدو

ليته ربيع يقدح الراس

[مقناص 20]

بارك الله فيك على هالصور الجميله
تقرير جدا ممتاز
الف شكر

[صقر العثمور]

تسلم تصوير جميل والله يعافيك

[ابو الفهدة]

ماشاءالله اخوى على هذي الرحله الجميله ابداع وشكرا على هذا التقرير الوافى والجميل يعطيك العافية وبيض الله وجهك

[abumashal]

مشكور بيض الله وجهك

[((( الحر)))]

يعطيك العافيه على التصوير والتقرير الرائع
والله يتبعله
اخوي الحر مدخلكم في النفود من غرب جهة السر مع اي دير ه هل مع الشريميه ومخرجكم من النفود
على اي جهه من الشرق هل هو الجال حق الخويش الجنوبي او الخويش الشمالي...
لاني ودي اعرف الخويشات مقابلها من غرب قطع النفود اي ديره من دير السر
وسلمت يداك على المجهود الرائع وبالتوفيق


هلا وغلا باخوي وادي الريمه والف شكر على اطراءك الرائع
دخلنا مع نفود السر مع طريق اسفلت جديد مقابل بلدة عين القنور ويتجه شرق للنفود وطريق الشريميه ايضا يوديك للجال.
مخرجنا مع نفس المدخال يعني كسنا السير.
الجال هو حق الخويش الجنوبي.
الخويشات نقابلها من غرب جميع ديار السر وتقريبا القنور والشريميه والصوينع مقابلات بالضبط.

بالتوفيق يالغالي

[((( الحر)))]

في اي جهه من المستوي الله يعطيك العافيه

هلا وغلا فيك

الجال مقابل للخويش الجنوبي .. حد الجال من النفود

بالتوفيق يالغالي

[((( الحر)))]

ما شاء الله كل صورة أطلق من اختها

ما خربها إلا الليبتون عسى الله يقطع بذر العدو

ليته ربيع يقدح الراس

هلا وغلا فيك

وين الليبتون الله يحييك

ماذكر ان معنا ليبتون

على فكره انت من ضحايا الاسهم:):p... ترى هم الي لك عليهم.:D
تحياتي:)

[ابو عنقا]

تسلم يدينك يا الحر على الصور الحلوة والجميلة
الله يعطيك العافيه
صور وتقرير اكثر من رائع

والله يوفقك

تقبل تحيااتي

[بلاوي]

ماشاء الله موقع رائع

صور رائعه شكرا

[ابو خالد المر]

صدق الصورة اذا صدق ياليت احداثيات الموقع الخيالي واقرب طريق من الرياض

[هوايتي مكشات]

ماشاء الله صور طيبة لكن المفروض نشوف الغداء لانه تقرير رحلة يعني صور المكان والطبخات