كاربس 96 اس اس الحراره فيها جني

[s3ads]

السلام عليكم

يا اخوان والله عندي مشكله بالسياره والظاهر فيها عفريت

الحراره ترتفع الى ثلاثة ارباع بمكيف او بدون مكيف ترتفع وتنزل بسررررعه للربع

كانت طرمبة المويه تهرب وغيرتها وحطيت مويه اصلي ابو 50 ريال اللي نخلط معها مويه

وتوني جاي من الميكانيكي بعد تغيير الطرمبه ولازالت الحراره ترتفع الى قريب من الخط الاحمر وبسرعه وبدون سبب تنزل للربع وبعدين ترتفع للنص

المهم انها تلعب مدري وين العله


اللي اعرفه حسب معلوماتي البسيطه انه الحراره ان كانت ترتفع وتنزل اكيد فيه تنسيم
والله يا اخوان مادري هل فيه تنسيم او لا ولكن مشيك عليها ولا لقيت مكان

ان فيه طريقه او احد مر بهالشي وحلها لايبخل علي

[mr_red]

وعليكم السلام

اخوي ما ودي اتفلسف عليك
بس يمكن يكون القيج او العداد عندك خربان
او الحساس حق الحرارة
او الواير حق القيج ماهو واصل عدل

بالتوفيق "

[Magellan]

حسب ما أعرف عن ss إن أغلب مشاكل الحرارة كالتالي حسب الأهمية:
1- الديلكو
2- الرديتر وتهريب مويته أو اتساخه

[محمدالمسلماني]

وين أهل الكوابرس

[عندق]

هلا بك اخوي شوف اذا ما خاب ضني ان أترموستات يعلق ما يفتح بسهولة ترى دايم يخرب
انا عندي كابرس ال اس ونفس المشكلة وغيرتة وصار مثل الحلاوة مشاء الله المهم اترومستات موجود تحت كوع الموجود في المكينة الموصل للخرطوش الي فوق على فكرة تراه رخيص الاصلي ممكن 45 ريال والله يوفقك

[./. فهد ./.]

انصحك اول شي تسوويه تغيير الغطآآ ونصيحة خذ اصلي دآآيم يكوون السبب

[Dead]

الرديتر فيه هوا بحتاج تنسيم ... تلقى برغي التنسيم عند كوع الثرمستات ... بس دير بالك لا تكسره تراه نحاس و ما يحتاج شد قوي

[s3ads]

اشكر الاخوان اللي ردو

ابشركم انحلت المشكله الحمدلله

طبعا مثل ماذكرت لكم ببداية الموضوع ان الحراره كانت تطلع وتنزل لوحدها وكانت طربمة المويه تهرب

وغيرت الطرمبه ولكن الحراره لازالت مثل ماهي تطلع وتنزل

يوم وصلت البيت وجيت هنا وكتبت الموضوع وخليت السياره حتى تبرد ورحت شغلتها وفكيت غطا علبة الرديتر لقيت المويه ناقصه كثير

والظاهر لان الميكانيكي ماعمل تنسيم للهوا وكان فيه هوا طلع يوم انا فكيت الغطا
المهم عبيت مويه ومليتها وانخفظت الحراره وشغلت المكيف الظهر وماشاء الله ماوصلت للربع

اشكركم وماقصرتم على الردود

فيه موضوع هنا هو اللي دلني اني احط مويه اصلي من محل قطع غيار وهذا فادني كثير لكن والله مادري وين الرابط

[سوبر VTC]

الله يبشرك بالخير

رد في موضوع سابق

اذا كان الماء يرجع للقربة غير غطاء الاديتر
لان الغطاء سبرنقه ضعيف يرجع الماء للقربه و يحتمي الموتر
السبرنق + الربل

تاكد من وجه طرمبة الماء احتمال مع شدة الحرارة يهرب
تاكد من رقع (طبات) السلندر
خصوصا الرقعه اللي بين القير و المكينة
تاكد من طبلات الاديتر البلاستيك احتمال مع شدة الحرارة ينسمن
تاكد من عدم وجود تهريب في روس الخراطيش

نقطة اخرى

اذا كان الموتر يحتمي
افتح غطاء زيت المكينة مباشرة
اذا حصلت اثر حليب ابيض او بخار ماء على نفس الغطاء
فعندك ضعف بوجه راس المكينة ما يحجب الماء عن الزيت
او عندك شعر براس المكينة


هنا جميع مواضيع الحرارة
من الاخ اسير الغضا جزاه الله خير

موضوع متكامل و رائع من العضو فني الشيروكيات :good::good::good:



1- هل تعاني من ارتفاع حرارة سيارتك هنا تجد الحل بإذن الله (http://www.mekshat.com/vb/showthread.php?t=146840) للعضوا فني شروكيات

2-حرارة السياره بهذلتني وبالنهايه اعانني الله عليها (http://www.mekshat.com/vb/showthread.php?t=161939) للعضواكبسوله2

3-اسباب ارتفاع درجة الحراره بالسياره (http://www.mekshat.com/vb/showthread.php?t=146306) للعضواشامخ الهيلا

4- نركب جرس بحيث يرن اذا وصلت الحراره للنص (http://www.mekshat.com/vb/showthread.php?t=221329) للعضوا اصيل حجازي

5- مروحة بلد مراوح كهرب حراره (http://www.mekshat.com/vb/showthread.php?t=196275) للعضوا بحر القصيد

6- كيف تتصرف اذا ارتفعت درجة حرارة محرك سيارتك (http://www.mekshat.com/vb/showthread.php?p=61351) للعضوا كاتم اللهب

7-اسباب الحراره في محرك السياره (http://www.mekshat.com/vb/showthread.php?t=4468) للعضواالمكنيكي

8-الحل الجذري لحرارة اليوكن والمكيف (http://www.mekshat.com/vb/showthread.php?t=213086) للعضوا هانتر



بالتوفيق