مساعدة يا أخوان ((مشب ))

[جبل حبشي]

يا أخوان أبي مشب جاهز بالجبيل أو الدمام ((حوالينا))النعيرية الصرار
بس أبي شي زين وسهل الفك والتركيب عندي مجلس بالبر ((صندقة)) وأبي أركبه فيها
يا ليت تساعدوني

[المنبسط]

في الرياض وأن أخوك أبشر بسعدك لكن في الشرقية ما أعرف لكن لو لك جيات للرياض وصفت لك أماكنهم.

[جبل حبشي]

في الرياض وأن أخوك أبشر بسعدك لكن في الشرقية ما أعرف لكن لو لك جيات للرياض وصفت لك أماكنهم.
بارك الله فيك
شكرا علي المداخلة

[falcon1]

اخوي المنبسط

ممكن توصف الاماكن اللي في الرياض

والف شكر

[hargan22]

اخوي اذا بغيت مشب فكر ليه

يعني تبي الدفأ نصيحه

حط المشب في جهه

والمدخنه تطلع مع الجهه المقابله كيف

اذا رفعت المدخنه فوق المشب قبل السقف سو كوع انسيابي (كوع هواء)

مرر الدخنه داخل الصندقه تحت السقف حتى نهاية السقف (الجهه المقابله)

افتح فتحه للمدخنه بكوع (هواء) ارفع المدخنه فوق الصندقه بمسافه لاتقل عن متر

وكلما ارتفعت صار السحب اقوى
الفائده--
سحب اكبر كميه من الحراره للداخل (زيادة الدفء)

توفير اكثر من 50% من الحطب

هناك خطأ كبير ملاحظ لعمل المشب في الملاحق وهو عمل المدخنه بالشارع

يعني يحرق حطب لشوي دفا حتى لوكان بالداخل يبنيه بطوب احمر عازل حق
المخابز والمطاعم لأنهم لايريدون الحرار بالداخل

ارجو ان تكون وضحت الصوره لك ولجميع الاعضاء والزوار اجمل تحيه

[الناب]

أخوي عندك
سوق النعيريه عامة

وعندك بعض المحلات في الدمام
مثل القناص والرجم

موفق خير
أخوك
بن فهد

[كاشخ 24 ساعه]

انا شايفها الاسبوع اللى راح في النعيريه

سوق الخيام والمشبات وفيه انواع كثيره وبتلقا مطلوبك ان شاء الله

[جبل حبشي]

انا شايفها الاسبوع اللى راح في النعيريه

سوق الخيام والمشبات وفيه انواع كثيره وبتلقا مطلوبك ان شاء الله
شكرا للجميع

[المنبسط]

الاخ فالكون 1
أعتذر على التأخر
على الدائري الجنوبي وأنت جاي من السويدي متجه لمخرج سبعة عشر يجيك مخرج شارع الفريان(أول مخرج بعد طريق الملك فهد) أدخل معه وأمش حتى يجونك على اليمين قبل المخرج اللي بعده (مخرج سوق الغنم والحراج)
أتمنى أن التوصيف واضح. والأفضل منهم مشب الدوادمي الطخيس وتوني مركبة قبل شهر.

[جبل حبشي]

الاخ فالكون 1
أعتذر على التأخر
على الدائري الجنوبي وأنت جاي من السويدي متجه لمخرج سبعة عشر يجيك مخرج شارع الفريان(أول مخرج بعد طريق الملك فهد) أدخل معه وأمش حتى يجونك على اليمين قبل المخرج اللي بعده (مخرج سوق الغنم والحراج)
أتمنى أن التوصيف واضح. والأفضل منهم مشب الدوادمي الطخيس وتوني مركبة قبل شهر.
المنبسط
بارك الله فيك
مشب الدوادمي علي كم قيمته وهل هو كويس بتصريف الدخان