الأن (((((((( رابطة ملاك الهايلكس دبل 4×4))))))))))) [الأرشيف] - الصفحة 4

أبو محمد 3113

20/07/2010, 08:24 PM

السلام عليكم ورحمة الله وبركاته

اخوي واستاذي / عاشق الامنيات

مستحيل 5 ملي 5 ملي صعب يلفها المميز او المواهب

اكثر شي عندهم 4 ملي بعدين شف شغل المواهب في سيارتي

وشف شغل المميز في سيارتك في اول اجتماع وانت تحكم

ليه فرق المواهب والي في سيارتك وانا ماشفتها 3 ملي وتشوف يالغالي

بعدين الربله الي تقول عنها ماهي عمليه ديكور بس منظره حلو بس ماهي عمليه

اخـــــــــوك

مخاوي الليل

.
بالاضافة ان دعامة المواهب افضل شكل

ابو سعود الغامدي

20/07/2010, 10:14 PM

سلام عليكم كيفكم يالربع طيبين ماعليكم خلاف انا عندي اساله ياليت اهل الخبره يجاوبوني انا شريتلي هايلكس دبل 2010 وعندي بعض الاسئله
1- كم سعر الشد ابو اجنحه الدورين
2- وش احسن كفرات البر للهايلكس
3- وين المحل الي يسوي شدود حلوه ومريحه وبدون خرم البدي في الرياض وسلامتكم

أبو عمار الخالدي

21/07/2010, 03:18 AM

ونا اخوك هذا كلام المميز 5 ملي ومهوب كاذب علي

وبالنسبه للربله الان المواهب يقلده <<< يعني انها جيده

أبو محمد 3113

21/07/2010, 12:43 PM

ونا اخوك هذا كلام المميز 5 ملي ومهوب كاذب علي

وبالنسبه للربله الان المواهب يقلده <<< يعني انها جيده

الربله موجودة عندهم من سنتين أو أكثر

وتلقفت هاك اليوم وسألته من وين جبتوها قال نجيبها من سوريا

القواره

21/07/2010, 09:41 PM

السلام عليكم ورحمة الله وبركاته

أخواني الأعزاء أعضاء رابطة ملاك الهايلكس دبل 4×4
تحية طيبه ,,,

يسعدني ويشرفني أن أكون أحد أفراد هذه المجموعة
طبعا سيارتي هي (( هايلوكس دبل 2010 ))
و أنا من سكان مدينة حائل

وأن شاء الله عن قريب راح أنزل صور لسيارتي ,,,

ابو سعود الغامدي

22/07/2010, 01:07 AM

السلام عليكم ورحمة الله وبركاته

أخواني الأعزاء أعضاء رابطة ملاك الهايلكس دبل 4×4 واتمني تسجلوني معكم وانشاء الله بنـزل الصور قريب

سلام عليكم كيفكم يالربع طيبين ماعليكم خلاف انا عندي اساله ياليت اهل الخبره يجاوبوني انا شريتلي هايلكس دبل 2010 خليجي

وعندي بعض الاسئله
1- كم سعر الشد ابو اجنحه الدورين
2- وش احسن كفرات البر للهايلكس
3- وين المحل الي يسوي شدود حلوه ومريحه وبدون خرم البدي في الرياض وسلامتكم

مخاوي الليل1

22/07/2010, 01:50 AM

السلام عليكم ورحمة الله وبركاته

أخواني الأعزاء أعضاء رابطة ملاك الهايلكس دبل 4×4
تحية طيبه ,,,

يسعدني ويشرفني أن أكون أحد أفراد هذه المجموعة
طبعا سيارتي هي (( هايلوكس دبل 2010 ))
و أنا من سكان مدينة حائل

وأن شاء الله عن قريب راح أنزل صور لسيارتي ,,,

السلام عليكم

ياااااهلالالالا وغلالالالا

فيك اخوي القواره

وياهلا فيك بين اخوانك

معهم

22/07/2010, 11:26 AM

بالنسبة لتشحيم العكوس كيف نعرف اذاتحتاج الي تشحيم للمحافظه عليها اللي عندة خلفيه يذكرها..

معهم

22/07/2010, 11:29 AM

هلا وغلا حياكم الله والف مبروك الله يطعمكم من خيرها ويكفاكم شرها,,

السلام عليكم ورحمة الله وبركاته

أخواني الأعزاء أعضاء رابطة ملاك الهايلكس دبل 4×4
تحية طيبه ,,,

يسعدني ويشرفني أن أكون أحد أفراد هذه المجموعة
طبعا سيارتي هي (( هايلوكس دبل 2010 ))
و أنا من سكان مدينة حائل

وأن شاء الله عن قريب راح أنزل صور لسيارتي ,,,

السلام عليكم ورحمة الله وبركاته

أخواني الأعزاء أعضاء رابطة ملاك الهايلكس دبل 4×4 واتمني تسجلوني معكم وانشاء الله بنـزل الصور قريب

ابو سعود الغامدي

23/07/2010, 02:35 AM

ترا لي يومين ما حد جاوبني لايكون داخل غلط و هذي حقت الهاايلكس لاني مااشوف احد يجاوبني

HILUXES

23/07/2010, 05:39 AM

ياشباب وين احصل لعابات للهلي مقاس 18
لاني تعبت وانا ادور وما حصلتها

فيصل التميمي

23/07/2010, 10:07 AM

حيا الله الشباب وحيا الله اصحاب الهايلكس الجديد واقول احسنتم الاختيار

سلام عليكم كيفكم يالربع طيبين ماعليكم خلاف انا عندي اساله ياليت اهل الخبره يجاوبوني انا شريتلي هايلكس دبل 2010 وعندي بعض الاسئله
1- كم سعر الشد ابو اجنحه الدورين
2- وش احسن كفرات البر للهايلكس
3- وين المحل الي يسوي شدود حلوه ومريحه وبدون خرم البدي في الرياض وسلامتكم

اخوي سعود الغامدي فيه عند السنيدي واعتقد ان السنيدي في الرياض يجيبه طلبية
وفيه الاختيار لكن بحايل
وفيه في الصناعية بطريق الخرج محلات تصلحة مثل ورشة الرياض والنجاح
واعتقد ان سعره مايقارب 2500 ريال
اما الكفرات ماعندي خبره

فيصل التميمي

23/07/2010, 10:09 AM

ياشباب وين احصل لعابات للهلي مقاس 18

لاني تعبت وانا ادور وما حصلتها

اخوي اللعابات ان كانك من اهل الرياض الصناعية القديمة اذاء جك اشارة السالم حق الزجاج خله على يمينك وامش قدام لين يجيك بنك الرجحي لف قبل البنك يمين امش حول 500 متر يجيك محل على اليسار مقابله ورش يبيعها وحسب المقاس

ع و ن

23/07/2010, 10:20 AM

السلام عليكم و رحمة الله و بركاته .. صبحك الله بالخير يا سعود

تراني أشوف أسئلتك من يومين بس ما قدرت أجاوبك عليها ~~~~> لأن ما عندي أي خلفية عن الشدود و لا محلات تفصيلها .. لو عندي خبر كان من عيوني .. جاوبتك و ريحتك من زمان .

و بالنسبة للكفرات .. أنا ما بعد غيرت كفرات شد البلد علشان أفتيك في أحسن نوع من الكفرات .. لكن في الصفحات السابقة أذكر الشباب تكلموا عن موضوع الكفرات .. يعني ما لك إلا تطامر من صفحة إلى صفحة و تدور سوالف الكفرات

و بعدين لازم تعذر الشباب هالفترة .. عطلة و خير .. و كلٍ مسافر لديرته و أهله هالفترة .. يعني ما أنت لاقي أحد إلا ما ندر .. ما هوب مثل أيام الدوام .

و إعذرني على عدم الإجابة على الأسئلة ~~~~> إلا إن كانك تبيني أكذب عليك ترى ما عندك مشكلة :D

تقبل تحياتي .. في أمان الله .

ابو سعود الغامدي

23/07/2010, 01:20 PM

مشكور يا فيصل التميمي ما قصرت ولاجعله يهون ع و ن ماقصرتو والله يبيض وجيهكم يكفيني ردودكم حتى ولو مالكم خبره

مخاوي الليل1

23/07/2010, 07:42 PM

مشكور يا فيصل التميمي ما قصرت ولاجعله يهون ع و ن ماقصرتو والله يبيض وجيهكم يكفيني ردودكم حتى ولو مالكم خبره

السلام عليكم

اخوي سعود الغامدي

انا ماحصلت سؤالك ولاكن اضن انك تسئل عن الشد

انا فصلته عند السنيدي في القصيم قبل مايفتح في الرياض

والحين يمكن تفصليه في الرياض

وشد السنيدي في نظري هو افضل تفصيل وسعره 3500

ريال ولا ادري هل زايد سعره او نزل

هذا من سنه واي سؤال تحت امرك في تجهيز الهايلكس

وهذا رابط سيارتي واي سؤال تحت امرك

http://www.mekshat.com/vb/showthread.php?t=237461

.

HILUXES

23/07/2010, 10:21 PM

اخوي اللعابات ان كانك من اهل الرياض الصناعية القديمة اذاء جك اشارة السالم حق الزجاج خله على يمينك وامش قدام لين يجيك بنك الرجحي لف قبل البنك يمين امش حول 500 متر يجيك محل على اليسار مقابله ورش يبيعها وحسب المقاس

الله يجزاك خير يافيصل التميمي

HILUXES

23/07/2010, 10:29 PM

اخوي اللعابات ان كانك من اهل الرياض الصناعية القديمة اذاء جك اشارة السالم حق الزجاج خله على يمينك وامش قدام لين يجيك بنك الرجحي لف قبل البنك يمين امش حول 500 متر يجيك محل على اليسار مقابله ورش يبيعها وحسب المقاس

الله يجزاك خير يافيصل التميمي

ابوفهد 1

24/07/2010, 11:57 PM

ما فيك قصور يبو فهد

بس انا عندي وجهه نظر (( واتمنى ترد علي انت ومخاوي الليل ابو فيصل ))

المواهب ما شاء الله شغلهم حلو ونضيف ولاكن هناك فرق بينه وبين المميز

المميز ونا اخوك تاخذها نيكل بعده 650 ريال فقط

انا ماخذ سودا بدون عده 450 ريال ويوم كلمت المواهب قالو لي ب600 بدون عده !!

والمواهب على كلامه يقول 4 ملي ((( اما المميز 5 ملي )) وارخص؟؟

والربلات المواهب الان يقلد المميز في ربلاته

اتمنى ما تعطونه اكثر من حده

لانه غالي وسلعته ليست متينه ويقلد

(( وبالنسبه للمواعيد انا مع المميز مضبوطين معي مره مره مره صحيح ان السوري يبيلك تصبر عليه بس يعطيك موعد على قرنيتش)

أخي عاشق

مع إحترامي للمميز إلا أن شغله ما يقارن بالمواهب

وبما أنك مركب دعامة من عند المميز يليت تعطينا كم صورة عشان نشوف ونحكم...!!

لأني شفت دعامة شغل ورشة المميز وما عجبتني
بانتظارك

ابوفهد

ابونبيل

25/07/2010, 04:41 PM

يالربع لا هنتو ابي مقطع تسارع لهلي دبل

* ابو باسل *

26/07/2010, 01:18 AM

شباب الله يعطيكم العافيه الحين الريموت حق الهايلكس مسافته جدا قصيره ولا فيه جهاز انذار فيه احد جرب يغيره منكم ويركب ريموت احسن وبجهاز انذار في حالة السرقه عند فتح الباب او عند التشغيل .
ووش رايكم ودي اركب زينون بس متردد وابي نصيحتكم .

أبو عمار الخالدي

27/07/2010, 01:37 AM

بالنسبه للدعامه ابشر بالصور يالربع

(( ويخوي بالنسبه للريموت غيره في الغرابي عند ناس مضمونين يعطونك ضمان وكذالك الزنون))

فتى القصور

27/07/2010, 04:42 AM

السلام عليكم ورحمة الله وبركاته

مسـأء الــخير للجمــيع أو صبـأح الخــير

أنـأأ يـأشباب ابغي الي فى الصوره مـألت القير وين احصل نفسهـأ

http://www4.0zz0.com/2010/07/27/01/426754035.jpg (http://www.0zz0.com)

وين احصلهـأ

فيصل التميمي

27/07/2010, 09:53 AM

في وكاله ابو جميل قسم اكسوارات تحصلها عندهم

او في الغرابي عند العليان او العبوبثاني

* ابو باسل *

27/07/2010, 11:53 AM

بالنسبه للدعامه ابشر بالصور يالربع

(( ويخوي بالنسبه للريموت غيره في الغرابي عند ناس مضمونين يعطونك ضمان وكذالك الزنون))

طيب انت غيرته ولا لا .

أبو محمد 3113

27/07/2010, 02:02 PM

أنا شفتها في الغرابي وسعرها فوق 400 ريال

فتى القصور

28/07/2010, 01:59 AM

وين مكـأن الغرابي الله يجزاك خير انا من اهل الكويت ومافيـه فى حفر البـأطن وخلاص وين الغرابي ذا اي منطقه واقدر اجيبه الكويت يوصله وحده يعني للخفجي ..؟

فتى القصور

28/07/2010, 06:05 AM

يا شباب وينكم الله يجزاكم خير ..

وينكم يا اهل الحفر ..

يا تركي . وين الغرابي اي منطقه والغرابي هذه زيــنه سيارات يعني ..

أبو عمار الخالدي

28/07/2010, 06:21 AM

يا هلا باهل الكويت

يا بعدي الغرابي في مدينه الرياض وهو شارع كلللللللللللللله زينه سيارات ورحلات وكلش

بس انت وش تبي بالضبط (( ما فهمت مطلوبك )) وش الي تبع القير ؟؟ وضح اكثر ولو تضح بالصوره تح المطلوب داخل دائره حمرا

ابو سعود الغامدي

28/07/2010, 01:33 PM

مشكور والله وماقصرت يا مخاوي الليل توني اشوف الرد لاكن ما تحس انه غالي طيب عند المواهب تهقا بكم الاقيه

فتى القصور

29/07/2010, 12:27 AM

عاشق الامنيــأت لاهنت على الرد

الي ابغيــه الي فى القير الي لاصق في الديكوور

ولاهنت يا الغالي ..

ع و ن

29/07/2010, 02:14 AM

السلام عليكم و رحمة الله و بركاته .. صبحك الله بالخير يا فتى القصور .

أنت تقصد حامل الكوب اللي في ديكور القير ؟؟

مكشاتي2010

29/07/2010, 02:32 AM

اخواني حبيت اسئلكم عن فيبر الهايلكس من 2006 غمارتين وفوق بكم عند السليماني؟؟

والتخشيبه كم سعرها في الغرابي؟؟طبعا حقت 2010؟؟؟

وجنوط الهايلكس الفل كامل من 2008دفرنسين وفوق بكم؟

الغاااااطي

29/07/2010, 02:52 AM

اخواني حبيت اسئلكم عن فيبر الهايلكس من 2006 غمارتين وفوق بكم عند السليماني؟؟

طول الله بعمرك وعمر الجميع تلقاه عند السليماني ب350 ريال شبيه بالاصلي

والاصلي اتوقع سعره فوق 600 ريال

فيه امريكي ب400 ريال

والتخشيبه نوعين

نوع رش بويه والنوع الآخر لصق

رش البويه إذا كنت مثلا تبي تخشب جسم املس فهذي تسيح البويه يعني ماتلصق صح

انا معي هلكس بريمي 2010 دبل رحت للغرابي وبغيت اخشب الدبل والديكور حق المكيف

قالي اليماني عندنا لصق كامل المسجل وأزرار المكيف وفتحات المكيف ب300 ريال

والرش يقول مايصلح لك

اما من ناحيه الجنوط الصدز أنا أدور لي جنوط حقات الدبل السعودي لأنها أملح شوي على الموتر

طبعا الجديد يكون غالي مره دور مستعمل نظيف

اتمنى انك استفدت من المعلومات

ربيي يوفقق الجميع

مكشاتي2010

29/07/2010, 02:56 AM

طول الله بعمرك وعمر الجميع تلقاه عند السليماني ب350 ريال شبيه بالاصلي

والاصلي اتوقع سعره فوق 600 ريال

فيه امريكي ب400 ريال

والتخشيبه نوعين

نوع رش بويه والنوع الآخر لصق

رش البويه إذا كنت مثلا تبي تخشب جسم املس فهذي تسيح البويه يعني ماتلصق صح

انا معي هلكس بريمي 2010 دبل رحت للغرابي وبغيت اخشب الدبل والديكور حق المكيف

قالي اليماني عندنا لصق كامل المسجل وأزرار المكيف وفتحات المكيف ب300 ريال

والرش يقول مايصلح لك

اما من ناحيه الجنوط الصدز أنا أدور لي جنوط حقات الدبل السعودي لأنها أملح شوي على الموتر

طبعا الجديد يكون غالي مره دور مستعمل نظيف

اتمنى انك استفدت من المعلومات

ربيي يوفقق الجميع

الله يعطيك العافيه ماقصرت

بس التخشيبه اللصصقه تجي بعد على الباب يعني على كامل الموتر او الديكور بس؟؟

واولا وااخر الله يعطيك العافيه:good2:

فتى القصور

29/07/2010, 04:56 AM

ع و ن

صحيح الي كوب الي في القير والي معــه الديكور نازل ولبس القير وين اعيــنــه اللــه يجزاك خير

أبو عمار الخالدي

29/07/2010, 03:21 PM

في محلات السيارات دور

(( وانا شايفه في الوكاله قسم قطع الغيار))

* ابو باسل *

30/07/2010, 03:01 AM

شباب وش السالفه الموتر الحين ماشي 2000 وابي اعديه 160 على شان اجربه بس ولا ماني راعي سرعه بس داعس على البنص للاخر والعداد على 160 وعيا يتعداها وش رايكم هذي اخر شي عند الهايلكس الدبل ولا كيف .

فيصل التميمي

30/07/2010, 09:36 AM

بخصوص الجنوط حقت الهايلكس السعودي سعرها في الوكاله عند ابو جميل 2000 ريال اما في الغرابي من 1200 الى 1400

أبو عمار الخالدي

30/07/2010, 11:35 AM

اخوي الفهراني

حاول تمسك خط رايح جاي 15 كيلو

انا دبل 2010
ومشيت به 180 ولو بغيت دعست اكثر بس على طول رجعت وفكيت الدعسه

ع و ن

30/07/2010, 05:38 PM

ع و ن

صحيح الي كوب الي في القير والي معــه الديكور نازل ولبس القير وين اعيــنــه اللــه يجزاك خير

والله يا ولد أبوي ما بعد مرت علي دبل فيها حامل أكواب إلا في الصورة اللي أنت حطيتها .. لكن بأروح للوكالة و أشوف وش عندهم و أرد عليك إن شاء الله

ع و ن

30/07/2010, 05:42 PM

شباب وش السالفه الموتر الحين ماشي 2000 وابي اعديه 160 على شان اجربه بس ولا ماني راعي سرعه بس داعس على البنص للاخر والعداد على 160 وعيا يتعداها وش رايكم هذي اخر شي عند الهايلكس الدبل ولا كيف .

السلام عليكم .. أنا موتري 2009 و الحين ماشي 37 ألف .. من يوم طلعتها أقصى سرعة جابتها 170 و بعد حب الخشوم بعد :) .. يعني ترى الوضع عادي .. طمّن نفسك و لا تخاف

حتى أنا أعرف واحد من الربع معه هلي دبل يقول لي موتري ما يتعدى 170 أبداً .

أرجو إني أفدتك .. في أمان الله

عشق شرق

30/07/2010, 05:59 PM

كرهتونا بالدفرنسين ... متندم اني ما اخذت الدبل ...لاكن خلاص راحت ...

سبحان الله نظرة البعض للدفرنسين واصحابها شينه

الهجلة

31/07/2010, 12:37 AM

السلام عليكم
بالله ياشباب اللي يعرف منكم وين الورشات اللي تصلح الشد الكويتي اللي يجيك ارتفاعه قصير
هايلكس دبل غماره

* ابو باسل *

31/07/2010, 12:44 AM

اخوي الفهراني

حاول تمسك خط رايح جاي 15 كيلو

انا دبل 2010
ومشيت به 180 ولو بغيت دعست اكثر بس على طول رجعت وفكيت الدعسه

السلام عليكم .. أنا موتري 2009 و الحين ماشي 37 ألف .. من يوم طلعتها أقصى سرعة جابتها 170 و بعد حب الخشوم بعد :) .. يعني ترى الوضع عادي .. طمّن نفسك و لا تخاف

حتى أنا أعرف واحد من الربع معه هلي دبل يقول لي موتري ما يتعدى 170 أبداً .

أرجو إني أفدتك .. في أمان الله

هلا بك اخوي عاشق الامنيات يعني تشوف الوضع مجرد تمرين وتصير تمام انا والله ماابي غير 180 عساها تجيبها بس لان اكثر من كذا ما امشي ابد بس بعض الاوقات تحتاج السرعه زياده شوي وودك ان موترك يعطيك الى منك دزيته وشاكر لك مرورك جدا .

اخوي عون والله الموتر وانا خوك طالع علي غالي بالمره واذا كانت هذي قيمته واخر شي ماياصل غير 170 وهو طبلونه 200 والله انا انغشينا فيه بس الله ييسر الامور وتزين علومه مع الوقت والتمرين وشاكر لك تعليقك جدا.

* ابو باسل *

31/07/2010, 12:49 AM

كرهتونا بالدفرنسين ... متندم اني ما اخذت الدبل ...لاكن خلاص راحت ...

سبحان الله نظرة البعض للدفرنسين واصحابها شينه

عشق شرق الحين انت تقول كرهت الدفرنسين والي بالحمر تقول متندم انك ما اخذت دبل .
وبعدين وش فيهم اهل الدفرنسين والنظره لهم بالعكس انا اشوف انها كثرت الهايلكس الدفرنسين بكثره وخاصه موديل 2009 و 2010 وكل الشباب والشيبان يقولون نبي نشتري دفرنسين لانها معك في اي مكان وهي اخت الجيب وين ماتبي تروح بس دق سلفها .

ع و ن

31/07/2010, 02:04 AM

سبحان الله نظرة البعض للدفرنسين واصحابها شينه

النظرة الشينة من أي ناحية يا الغالي ؟؟

ع و ن

31/07/2010, 02:12 AM

اخوي عون والله الموتر وانا خوك طالع علي غالي بالمره واذا كانت هذي قيمته واخر شي ماياصل غير 170 وهو طبلونه 200 والله انا انغشينا فيه بس الله ييسر الامور وتزين علومه مع الوقت والتمرين وشاكر لك تعليقك جدا.

حياك الله يا الفهراني .. يمكن مع التمرين يجيب لك سرعة أكثر من كذا .. لأني - و لله الحمد - ما أسرع أبداً و لا أحب السرعة و الطفاقة .. و من يوم أخذت الرخصة للحين (( من حوالي 10 سنوات )) ما بعد أخذت قسيمة سرعة و لله الحمد و المنة :good2:

إن نويت أطير ذاك اليوم مشيت 130 - 140 و لا عاد أتعداها .. و الحديد ما يرحم أحد و أنا أخوك .

مكشاتي2010

31/07/2010, 02:23 AM

السلام عليكم

كم سعر 2010 او 2009 دفرنسين غمارتين سوبر جي ال اكس؟؟مستعمل طبعا

الله لايهينكم

أبو عمار الخالدي

31/07/2010, 06:23 AM

طيب مع النزله والدحدبرة حاول تمرنه اكثر

كم ماشي؟؟ الان

* ابو باسل *

31/07/2010, 11:50 AM

حياك الله يا الفهراني .. يمكن مع التمرين يجيب لك سرعة أكثر من كذا .. لأني - و لله الحمد - ما أسرع أبداً و لا أحب السرعة و الطفاقة .. و من يوم أخذت الرخصة للحين (( من حوالي 10 سنوات )) ما بعد أخذت قسيمة سرعة و لله الحمد و المنة :good2:

إن نويت أطير ذاك اليوم مشيت 130 - 140 و لا عاد أتعداها .. و الحديد ما يرحم أحد و أنا أخوك .

هلابك ياعون والله حتى انا مثل وانا خوك مااسرع بس قلت امرن الموتر وشوف سرعته دامه جديد وباقي على الضمان واشوف فيه اصوت في المحركات ولا كلها تمام ولا انا حتى وانا مسافر ما تعدى 140 الى 160 ابد وماشاء الله عليك وانتبه من نظام ساهر ترى فيه شيبان عمرهم ماخذو قسيمه وجاتهم بعد ساهر الله يسهر عيون من جابه ولايذوقه النوم ابد .

* ابو باسل *

31/07/2010, 11:52 AM

طيب مع النزله والدحدبرة حاول تمرنه اكثر

كم ماشي؟؟ الان

والله ياخوي الحين ماشي 2000 وانا ماني راعي سرعه بس باحاول ادور له نزله وخليه يطلق العنان ومشكور وماقصرت بيض الله وجهك .

* ابو باسل *

31/07/2010, 11:53 AM

السلام عليكم

كم سعر 2010 او 2009 دفرنسين غمارتين سوبر جي ال اكس؟؟مستعمل طبعا

الله لايهينكم

هلابك اخوي والسعر يكون على حسب الممشى والنظافه والمديل وانا خوك

موية بارد

31/07/2010, 02:44 PM

يشباب
اليوم الصبح واحد صدمني من قدام والحمدلله انها مهب قوية<<<الزبدة:d

انكسر الفيبر الي يجي مع الهايلوكس 2010

والي يعرف طريقة او محل يصلحه ويضبطة (بريدةأو عنيزة)

ع و ن

31/07/2010, 04:19 PM

وانتبه من نظام ساهر ترى فيه شيبان عمرهم ماخذو قسيمه وجاتهم بعد ساهر الله يسهر عيون من جابه ولايذوقه النوم ابد .

الحمد لله إن ساهر ما بعد جانا للحين في الشرقية .. على كلام الجرائد إنه بيطبق الشهر هذا .. لكن للحين ما شفنا شيء من كاميراتهم و لا فلاشاتهم ~~~~> الله يبطي بهم .. كل تأخيرة فيها خيرة :)

بقعااوي

31/07/2010, 11:46 PM

http://www.mekshat.com/vb/showthread.php?t=318170

ادخلووووه
يفيدكم

أبو عمار الخالدي

01/08/2010, 02:47 PM

هذا موضوع ابو سليمان في البريه

مفروض الله يهديك كاتب منقول على الاقل

وما قصرت

فيصل التميمي

01/08/2010, 05:24 PM

بيض الله وجهك على الموضوع

وماخاب ان شاء الله من شراء الدفرنسين

riyadco

01/08/2010, 09:34 PM

شجعتني يا ابو تميم على الدفرنسين ان شاء الله بعد ما اشتريه اعزمك على طلعه بريه :d

كرستال

02/08/2010, 09:36 AM

هلا بأعضاء الهايلوكس دفرنسين

ابشركم شريت هايلوكس دفرنسين ( غماره )

وهي بالطريق مع الشحنة الجاية

وأبي اهل الخبرة كيف ارفع السيارة

وأبي أركب جنوط وش رايكم بجنوط جتي ولا جنوط الخطبوط

وبالنسبة للكفرات وش احسن نوع تكون كفرات لينه

ودي أركب كفرات جرافات بس أخاف تكون ثقيله على السيارة

وشكراً ...

* ابو باسل *

02/08/2010, 10:49 AM

هلا بأعضاء الهايلوكس دفرنسين

ابشركم شريت هايلوكس دفرنسين ( غماره )

وهي بالطريق مع الشحنة الجاية

وأبي اهل الخبرة كيف ارفع السيارة

وأبي أركب جنوط وش رايكم بجنوط جتي ولا جنوط الخطبوط

وبالنسبة للكفرات وش احسن نوع تكون كفرات لينه

ودي أركب كفرات جرافات بس أخاف تكون ثقيله على السيارة

وشكراً ...

على البركه والله يعطيك خيرها ويكيفك شرها والشباب هنا ابد مايقصرون وبيفيدونك بالي تبي وصراحه لهم خبره واسعه في مجال الهايلكسات وانا على طوول اي شي اجي هنا واسألهم واحصل الجواب الوافي .

ع و ن

02/08/2010, 01:04 PM

هلا بأعضاء الهايلوكس دفرنسين

ابشركم شريت هايلوكس دفرنسين ( غماره )

وهي بالطريق مع الشحنة الجاية

وأبي اهل الخبرة كيف ارفع السيارة

وأبي أركب جنوط وش رايكم بجنوط جتي ولا جنوط الخطبوط

وبالنسبة للكفرات وش احسن نوع تكون كفرات لينه
...[/COLOR][/SIZE][/B]

يا هلا بك و يا غلا معنا في الرابطة .. كل الأستفسارات الموجودة فوق تلقاها في الصفحات السابقة لنقاشات أعضاء و استفسارات أعضاء من قبل .. يعني لا هنت أقلب الصفحات و أنت بتستفيد على كل حال - مع إني أدري إنها تصفحها بيأخذ وقت طويل - علشان تلم بكل المواضيع اللي تتعلق بالموتر .

[SIZE=5][B][COLOR=navy]ودي أركب كفرات جرافات بس أخاف تكون ثقيله على السيارة

وشكراً ...

والله ما أنصحك بالجرافات لأنها - على حسب نظرتي - بتصير ثقيلة على الموتر

كرستال

02/08/2010, 01:25 PM

على البركه والله يعطيك خيرها ويكيفك شرها والشباب هنا ابد مايقصرون وبيفيدونك بالي تبي وصراحه لهم خبره واسعه في مجال الهايلكسات وانا على طوول اي شي اجي هنا واسألهم واحصل الجواب الوافي .

الله يجزاك خير

كرستال

02/08/2010, 01:27 PM

يا هلا بك و يا غلا معنا في الرابطة .. كل الأستفسارات الموجودة فوق تلقاها في الصفحات السابقة لنقاشات أعضاء و استفسارات أعضاء من قبل .. يعني لا هنت أقلب الصفحات و أنت بتستفيد على كل حال - مع إني أدري إنها تصفحها بيأخذ وقت طويل - علشان تلم بكل المواضيع اللي تتعلق بالموتر .

والله ما أنصحك بالجرافات لأنها - على حسب نظرتي - بتصير ثقيلة على الموتر

مشكور وما قصرت والله يعيناً على الصفحات

عبدالرحمن السالم

02/08/2010, 01:58 PM

هلا بأعضاء الهايلوكس دفرنسين

ابشركم شريت هايلوكس دفرنسين ( غماره )

وهي بالطريق مع الشحنة الجاية

وأبي اهل الخبرة كيف ارفع السيارة

وأبي أركب جنوط وش رايكم بجنوط جتي ولا جنوط الخطبوط

وبالنسبة للكفرات وش احسن نوع تكون كفرات لينه

ودي أركب كفرات جرافات بس أخاف تكون ثقيله على السيارة

وشكراً ...

الله يعطيك من خيره ويكفيك شرهه

انا افضل يوكاهاما او الهانكوك مقاس 205 او 215 او 225 بس ثقال شوي وتحك معك طبعاً على 70او75 ، هذي المقاسات حلوه للهايلكس لا بالديره ولا بالنفود ولا البر ممتازه جداً ، ولاتبعد عن جنوط المرسيدس هن الزينات ، الجي تي زينه بس خفيف لى ضربه لاسمح الله ينعفط وينكسر عليك ، جنوط الاخطبوط ما ادري عنهن بصراحه ، الجرافات مزعجه لامشيت عليهن ولايصلحن الا بالنفود بس
وعسى الله يوفقك ويسهل آمرك وان شاء الله يفيدونك الشباب اكثر

فيصل التميمي

02/08/2010, 07:39 PM

كرستال الله يطعمك من خيره ويكفيك شره مبروك الموتر

ع و ن

03/08/2010, 02:43 AM

يا شباب .. شلون شكل جنوط الأخطبوط ؟؟ ~~~~> أول مرة أسمع بهن ! !

كرستال

03/08/2010, 11:58 AM

[quote=عبدالرحمن السالم;4969340]
الله يعطيك من خيره ويكفيك شرهه

انا افضل يوكاهاما او الهانكوك مقاس 205 او 215 او 225 بس ثقال شوي وتحك معك طبعاً على 70او75 ، هذي المقاسات حلوه للهايلكس

ولاتبعد عن جنوط المرسيدس هن الزينات

جزاك الله خير اخوي

وش تقصد لــ 70 أو 75

وبالنسبة لجنوط المرسيدس خمس صواميل مايركب على الدفرنسين

فيصل التميمي

03/08/2010, 12:46 PM

عبد الرحمن السالم الرجال يسئل عن جنوط الهايلكس الدبل ماهوب الهايلكس العادي ومقاس الكفرات الاي انت تقول حقت الهايلكس العادي ام الدبل يختلف المقاس والجنط 6 مسامير

غيث 6

04/08/2010, 10:52 AM

يالربع يعطيكم العافية مدري وش وجهة نظر الشباب من ناحية البنزين هل تعبي الهايلوكس 91او 95انابصراحة معي 2009سوبرماشي حوالي الثمنين الف ولا قد عبيت الا 91 وانا بصراحة منب راعي سرعة لكن الاسبوع الي راح كنت جاي من الديرة فوقفت عند محطة وكان البنزين فاضي ولا مافيه الا بنزين 95 وال91مخلص فتوكلت على الله وعبيت فول والله ياجماعة الخير اكتشفت بعض الامور الي ماكنت اتوقعها وراح اعطيكم ايها على شكا نقاط ,,, تحملوني قلق شوي ؟

1)الفرق كان مايقارب 10 ريال فقط.
2)انا موتري من اول ماشريته كان فيه كتمه بسيطة اول ماتلمس الابنص اختفت من يوم غيرت البنزين
3)بالعادة اذا اسرعت بموتري اعلى مايجيب 160 بالكثير يقرب حول 170اذا كان الجو معتدل او الهواء من صالحي بعد
4)بعد ماعبيت مشيت من المحطة وكنت الحالي في السيارة فقاعد انقرش ككاوات وبساكيت خبركم لزوم السعرات الحرارية (يسمعبها)عموما ماحسيت الا والموتر يفصل على سرعة 190والله اني خفت مره واستمريت امشي في الخط على اني امشي 140ولا ادري اذا ناظرت الامبير الا وانا امشي 170 والا 160وعلى هالحال طبعا الموتر تحس انه فعلا يقبل اذا زدت السرعة حتى وهو في سرعة عالية يعني معك
5)انا عندي عادة كل تعبية بنزين اصفر العداد اول يمشيني من 420الى حوالي 500كيلو على حسب السرعة طبعاهذا داخل الديرة ال95والله ياجماعة الخير اني الحين في الرياض طبعا ماطلت من الرياض وماشي 570وتوه تحت خط الربع
6)سبحان الله وانت واقف عند موترك وهو يشتغل ببنزين 91 يختلف صوت المكينة عن وانت معبي 95
اتمنى اني مااطيل عليكم وهذي من واقع تجربة اتنمنى من اصحاب الخبرة التعليق على الموضوع وانا عاهدت نفسي معد اعبي الا 95

فيصل التميمي

05/08/2010, 01:43 AM

والله فرق شاسع في العزم وتغيير صوت المكينة انا مع هايلكس 2010 بالطقاق يالله جابة 170 مع حب خشوم والظاهر اني ابي اعبي 95 واستمر عليه باذن الله

الغاااااطي

05/08/2010, 03:00 AM

أول شي شباب وش لكم بالسرعه
والله خطيره تكفون لاتسرعون
كم واحد من الأقرباء توفى بسب حوادث السرعه
رحم الله والدينا ووالديكم السرعة خطيرة جدا

هلا بأعضاء الهايلوكس دفرنسين هلا بالغالي كرستال

ابشركم شريت هايلوكس دفرنسين ( غماره )

وهي بالطريق مع الشحنة الجاية الف مبرووك يالحبيب وا ن شاء الله تكسرها بالعافية

وأبي اهل الخبرة كيف ارفع السيارة
الرفع طول الله بعمرك إذا كنت راعي نفود أصلي
ركب يايات استراليه ( ما ابخص فيها شي )
ولا أنك تركب كعكات قدام على مزاجك تبي ترفعها 2 سانتي أو 3 أو أي شي
طبعا لازم تمر المخرطة لأن عندهم كعكات

والرفع الخلفي عندك طريقتين
1( ترفعها بلعابات يعني تفك اللعابات وتركب أطول منها
المثال في الصورة
http://www.dm33.com/up/uploads/images/Dm33-com-e36754311a.jpg

والطريقة الأخرى أنك تركب 4 جلب بين السست
مثل الصوره بالاسفل
http://www.albreah.org/up/files/853.jpg (http://www.albreah.org/up/index.php?action=viewfile&id=853)
وهذا رقم يماني مشهور بالصناعية في ورشة اسمها ( مرات ) 0508596842
والأسعار ياحبيب تركيب اللعابات تقريبا 120 ريال
وتركيب الجلب ب30 أو 40 ريال

وأبي أركب جنوط وش رايكم بجنوط جتي ولا جنوط الخطبوط
تبي الخفيف ركب ( هلل ) وكفرات شواهين مقاربه للبوالين

تبي الشكل المناسب ركب جنوط ا لباترول
http://up3.m5zn.com/9bjndthcm6y53q1w0kvpz47xgs82rf/2009/6/23/02/dytb74bhs.jpg

أو المشابهه للباترول

http://www.arabiclenses.com/uploaded/7079_1222668588.jpg

طبعا بالتكحيله السوداء تكون أحلى

وبالنسبة للكفرات وش احسن نوع تكون كفرات لينه

ودي أركب كفرات جرافات بس أخاف تكون ثقيله على السيارة

إذا كانت جنوطك باترول أو المشابهه للباترول
أنصحك تركب دانلوب

وإذا كانت هلل تركب شواهين

وشكراً ... وعفوا

عندي سؤال يالغالي

بكم شريت المزيون وهل هو سعودي ؟

فل كامل؟؟

أبو محمد 3113

05/08/2010, 03:34 AM

يالربع يعطيكم العافية مدري وش وجهة نظر الشباب من ناحية البنزين هل تعبي الهايلوكس 91او 95انابصراحة معي 2009سوبرماشي حوالي الثمنين الف ولا قد عبيت الا 91 وانا بصراحة منب راعي سرعة لكن الاسبوع الي راح كنت جاي من الديرة فوقفت عند محطة وكان البنزين فاضي ولا مافيه الا بنزين 95 وال91مخلص فتوكلت على الله وعبيت فول والله ياجماعة الخير اكتشفت بعض الامور الي ماكنت اتوقعها وراح اعطيكم ايها على شكا نقاط ,,, تحملوني قلق شوي ؟

1)الفرق كان مايقارب 10 ريال فقط.
2)انا موتري من اول ماشريته كان فيه كتمه بسيطة اول ماتلمس الابنص اختفت من يوم غيرت البنزين
3)بالعادة اذا اسرعت بموتري اعلى مايجيب 160 بالكثير يقرب حول 170اذا كان الجو معتدل او الهواء من صالحي بعد
4)بعد ماعبيت مشيت من المحطة وكنت الحالي في السيارة فقاعد انقرش ككاوات وبساكيت خبركم لزوم السعرات الحرارية (يسمعبها)عموما ماحسيت الا والموتر يفصل على سرعة 190والله اني خفت مره واستمريت امشي في الخط على اني امشي 140ولا ادري اذا ناظرت الامبير الا وانا امشي 170 والا 160وعلى هالحال طبعا الموتر تحس انه فعلا يقبل اذا زدت السرعة حتى وهو في سرعة عالية يعني معك
5)انا عندي عادة كل تعبية بنزين اصفر العداد اول يمشيني من 420الى حوالي 500كيلو على حسب السرعة طبعاهذا داخل الديرة ال95والله ياجماعة الخير اني الحين في الرياض طبعا ماطلت من الرياض وماشي 570وتوه تحت خط الربع
6)سبحان الله وانت واقف عند موترك وهو يشتغل ببنزين 91 يختلف صوت المكينة عن وانت معبي 95

اتمنى اني مااطيل عليكم وهذي من واقع تجربة اتنمنى من اصحاب الخبرة التعليق على الموضوع وانا عاهدت نفسي معد اعبي الا 95

المشكلة ياخوي مكتوب على غطاء البنزين 91 من الوكالة وش السر في ذلك .
تحياتي,,,,,,,,,,,

* ابو باسل *

05/08/2010, 04:09 AM

يالربع يعطيكم العافية مدري وش وجهة نظر الشباب من ناحية البنزين هل تعبي الهايلوكس 91او 95انابصراحة معي 2009سوبرماشي حوالي الثمنين الف ولا قد عبيت الا 91 وانا بصراحة منب راعي سرعة لكن الاسبوع الي راح كنت جاي من الديرة فوقفت عند محطة وكان البنزين فاضي ولا مافيه الا بنزين 95 وال91مخلص فتوكلت على الله وعبيت فول والله ياجماعة الخير اكتشفت بعض الامور الي ماكنت اتوقعها وراح اعطيكم ايها على شكا نقاط ,,, تحملوني قلق شوي ؟

1)الفرق كان مايقارب 10 ريال فقط.
2)انا موتري من اول ماشريته كان فيه كتمه بسيطة اول ماتلمس الابنص اختفت من يوم غيرت البنزين
3)بالعادة اذا اسرعت بموتري اعلى مايجيب 160 بالكثير يقرب حول 170اذا كان الجو معتدل او الهواء من صالحي بعد
4)بعد ماعبيت مشيت من المحطة وكنت الحالي في السيارة فقاعد انقرش ككاوات وبساكيت خبركم لزوم السعرات الحرارية (يسمعبها)عموما ماحسيت الا والموتر يفصل على سرعة 190والله اني خفت مره واستمريت امشي في الخط على اني امشي 140ولا ادري اذا ناظرت الامبير الا وانا امشي 170 والا 160وعلى هالحال طبعا الموتر تحس انه فعلا يقبل اذا زدت السرعة حتى وهو في سرعة عالية يعني معك
5)انا عندي عادة كل تعبية بنزين اصفر العداد اول يمشيني من 420الى حوالي 500كيلو على حسب السرعة طبعاهذا داخل الديرة ال95والله ياجماعة الخير اني الحين في الرياض طبعا ماطلت من الرياض وماشي 570وتوه تحت خط الربع
6)سبحان الله وانت واقف عند موترك وهو يشتغل ببنزين 91 يختلف صوت المكينة عن وانت معبي 95
اتمنى اني مااطيل عليكم وهذي من واقع تجربة اتنمنى من اصحاب الخبرة التعليق على الموضوع وانا عاهدت نفسي معد اعبي الا 95

هلا بك اخوي والله انا بالنسبه لي من يو طلعت موتري من الوكاله وانا اعبي 95 ولا غيرت عنه ابد لانه يعطي عزم اقوى وسرعه واريح للمكينه لان المكينه تاخذ منه نسبه بسيطه يكفي لكفاءة المحرك بس ال 91 لازم المكينه تسحب بنزين زياده على شان تعطي كفاءه ولا تصل الى نفس كفاءة الاحتراق بالنسبه لل 95 .
وانا عندي باترول فيتك اول مانزل 91 عبيت منه ولاحظت الموتر قل عزمه وصار ثقيل وفي النفود يثقل وبعض المرات يغرز ويبرد عزمه ولا عاد يطلع غير بالثقيل والواحد وعرفت ان قلة العزم من البنزين ورجعت لل95 والحمد لله عود موتري مثله اول ابد من 2 الى 3 والدبل الخفيف وخفه واحس اني اذا دعست على البنزين الموتر يندفع اكثر ماهو ادعس واحس انه متمسك بالارض ويبي يطفي مثل 91 وهذي من واقع خبرتي وتجربتي وبعدها صرت ماعاد اعبي غير 95 وبس وخذ النصيحه .

* ابو باسل *

05/08/2010, 04:11 AM

المشكلة ياخوي مكتوب على غطاء البنزين 91 من الوكالة وش السر في ذلك .
تحياتي,,,,,,,,,,,

الي موجود هذا دليل على ان ال 91 يشغل المحرك ولا عنده مشكله بس مايعطي الكفاءة المطلوبه للمحرك مثل 95 ولو تلاحظ في الكتالوج مكتوب اوكتين 91 ولاداء افضل 95 يعني حدد الافضل بالبنزين 95 ولاكن ال 91 يشغل المحرك .

أبو محمد 3113

06/08/2010, 03:30 AM

الي موجود هذا دليل على ان ال 91 يشغل المحرك ولا عنده مشكله بس مايعطي الكفاءة المطلوبه للمحرك مثل 95 ولو تلاحظ في الكتالوج مكتوب اوكتين 91 ولاداء افضل 95 يعني حدد الافضل بالبنزين 95 ولاكن ال 91 يشغل المحرك .

الله يطولي عمرك والصراحة جواب يخليني ابدل البنزين ل 95 بدون جدال
بس المشكله أني معبي فل وش بيخلصة
بارك الله فية

حكيم عيون

06/08/2010, 02:02 PM

حي الله شباب الرابطه

اليوم عندي لكم خبر حلو:D

انا معي 2007 دفرنسين
وعندي المساعدات الاماميه متفقعه
ووجه الموتر يلعب بقوة

الوكاله الواحد ب400:eek:

قلت ما فيه الا منرو او جبريال
رحت لوكالة منرو قالو ما عندنا واصلا ما جبنا للهايلكس الدفرنسين الجديد((اماميه))
وايضا جبريال نفس الكلام
رحت لبعض الورش المتخصصين بالترفيع والتنزيل وترهيم المساعدات
قالو مالك الا ترهم مساعدات مرسيدس مع التدبيل:(
وانا ما ودي العب بالموتر

قلنا نصبر احسن

وتمر الايام وارجع لوكالة منرو:)
وانشبلهم:D
قلت لهم طلعولي حقت الفورشنر وحقت البرادو والهايلكس الدفرنس:D
ابجربهن كلهن:p
واشوف الي يركب والي مهوب راكب ابرجعه:)
وبعد محاولات

صار المساعد حق البرادو من 2003 وطالع يركب على الهايلكس بالملي:D

وانا الي انهبل
واخذها من عندهم ب350 بدون ما اجادلهم بالسعر ابي اخلص:D
طبعا للثنتين وضمان سنه:good2:

وهذي معاناتي مع المساعدات الاماميه:)
اتمنى اني افدتكم

فيصل التميمي

06/08/2010, 05:31 PM

اخوي حكيم عيون طيب هل مساعدات منرو قوية وجيده وهل فرقتا الموتر قبل وبعد ارجو تفيدنا

* ابو باسل *

06/08/2010, 06:36 PM

حي الله شباب الرابطه

اليوم عندي لكم خبر حلو:D

انا معي 2007 دفرنسين
وعندي المساعدات الاماميه متفقعه
ووجه الموتر يلعب بقوة

الوكاله الواحد ب400:eek:

قلت ما فيه الا منرو او جبريال
رحت لوكالة منرو قالو ما عندنا واصلا ما جبنا للهايلكس الدفرنسين الجديد((اماميه))
وايضا جبريال نفس الكلام
رحت لبعض الورش المتخصصين بالترفيع والتنزيل وترهيم المساعدات
قالو مالك الا ترهم مساعدات مرسيدس مع التدبيل:(
وانا ما ودي العب بالموتر

قلنا نصبر احسن

وتمر الايام وارجع لوكالة منرو:)
وانشبلهم:D
قلت لهم طلعولي حقت الفورشنر وحقت البرادو والهايلكس الدفرنس:D
ابجربهن كلهن:p
واشوف الي يركب والي مهوب راكب ابرجعه:)
وبعد محاولات

صار المساعد حق البرادو من 2003 وطالع يركب على الهايلكس بالملي:D

وانا الي انهبل
واخذها من عندهم ب350 بدون ما اجادلهم بالسعر ابي اخلص:D
طبعا للثنتين وضمان سنه:good2:

وهذي معاناتي مع المساعدات الاماميه:)
اتمنى اني افدتكم

والله ياخوك اشوف مساعدات الوكاله احسن واصبر ولو كانت غاليه بس اكيد غلاها على حسب جودتها وانا خوك ومصلح عليها تجارب لتناسب حجم السياره وامكانيتها .

الغاااااطي

06/08/2010, 06:39 PM

حي الله شباب الرابطه

اليوم عندي لكم خبر حلو:D

انا معي 2007 دفرنسين
وعندي المساعدات الاماميه متفقعه
ووجه الموتر يلعب بقوة

الوكاله الواحد ب400:eek:

قلت ما فيه الا منرو او جبريال
رحت لوكالة منرو قالو ما عندنا واصلا ما جبنا للهايلكس الدفرنسين الجديد((اماميه))
وايضا جبريال نفس الكلام
رحت لبعض الورش المتخصصين بالترفيع والتنزيل وترهيم المساعدات
قالو مالك الا ترهم مساعدات مرسيدس مع التدبيل:(
وانا ما ودي العب بالموتر

قلنا نصبر احسن

وتمر الايام وارجع لوكالة منرو:)
وانشبلهم:D
قلت لهم طلعولي حقت الفورشنر وحقت البرادو والهايلكس الدفرنس:D
ابجربهن كلهن:p
واشوف الي يركب والي مهوب راكب ابرجعه:)
وبعد محاولات

صار المساعد حق البرادو من 2003 وطالع يركب على الهايلكس بالملي:D

وانا الي انهبل
واخذها من عندهم ب350 بدون ما اجادلهم بالسعر ابي اخلص:D
طبعا للثنتين وضمان سنه:good2:

وهذي معاناتي مع المساعدات الاماميه:)
اتمنى اني افدتكم

هلا بالغلا

ركب مساعدات فكسار من 2002 وطالع على الهايلوكس
طبعا ماتجي إلا بالتوليف حتى التوليف سهل جدا

فيه محل باالصناعية اسمة ورشة مرات اليماني اسمه مبارك هذا رقمه0506436883

تشتري المساعد من المحل الي حوله الواحد ب100 ريال

وشغل اليد بالتلفون بيقول 250 لكن إذا رحت وكسرت راسه يعطيك ب200 ريال

المساعد يركب في محل مساعد الوكاله بدون لحام في الشاصي عكس مساعدات المرسدس بالتدبيل لازم تلحم بالشاصي

أنا مجرب على هايلوكس 2008 ركبت مساعدات فكسار قدام 2002 وركبت مساعدات فكسار خلفي موديل95 لي سنتين ولله الحمد بدون أي مشاكل والوجه ماسك ماشاء الله تبارك الله

ع و ن

07/08/2010, 03:03 AM

عذراً على الدخول عرض و قطع سالفتكم :)

هذا مقطع في اليوتيوب .. مقارنة بين ... ~~~~> إدخلوا و شوفوا بأنفسكم

و أتمنى من أخواننا أصحاب الدبل اللي يسرعون يشوفونه و ينتبهون على أنفسهم و سياراتهم

حفظكم الله من كل سوء و مكروه

http://www.youtube.com/watch?v=aZF8N9NItHI&feature =related

الرابط منقول من موضوع (( >>>> تحذير لأصحاب الهايلوكسات .... )) كاتب الموضوع : الجني العبد .. من خيمة السيارات و تجهيزاتها

في أمان الله

* ابو باسل *

07/08/2010, 11:01 AM

اخوي عون بارك الله فيك هذي دعايه للمستوبيشي وبعدين لاحظ الفرق في السرعه المتسوبيشي مهدي والهايلكس على سرعته وطاير .
وانا معك المستوبيشي حلوه بس شكلها غبي جدا ولا سعرها معقول الفل كامل ب 76 الف دبل وسته سلندر بعد 3600 سي سي يعني مكينه قويه .
ولاكن يبقى الهايلكس حبيب الكل والنظره له غير وغير الهلي مايسلي وانا خوك

* ابو باسل *

07/08/2010, 11:08 AM

وشف هالمقطع اخوي عون وبعدين احكم شف لو تبي تنقلب انقلبت في مثل هالوقت واتحدى المستوبيشي 6 سلندر تفعل فعايل الهايلكس شف واحكم بنفسك .

افتح الرابط
http://www.youtube.com/watch?v=QrUoe6Chowg&feature=player_embedded (http://www.youtube.com/watch?v=QrUoe6Chowg&feature=player_embedded)

طيرشلوى 2

07/08/2010, 01:04 PM

[quote=يكفيني نظرة;3863648]السلام عليكم ..
استخدمت الهايلكس 4×4 2006 لمدة سنه ومشت معي 160 الف واي استفسار عن التجربه انا حاضر

طيرشلوى 2

07/08/2010, 01:07 PM

السلام عليكم اخوي الله لايهينك البواجي ان جيت تغيرها لها رقم ولا تركب حقت اي بواجي

كرستال

07/08/2010, 01:45 PM

أول شي شباب وش لكم بالسرعه
والله خطيره تكفون لاتسرعون
كم واحد من الأقرباء توفى بسب حوادث السرعه
رحم الله والدينا ووالديكم السرعة خطيرة جدا

عندي سؤال يالغالي

بكم شريت المزيون وهل هو سعودي ؟

فل كامل؟؟

مشكوووور اخوي والله ما قصرت وفيت وكفيت

أما بانسبة للسيارة سعودي قيمته 71000ريال مع الاستمارة واللوحه
ونوع السيارة جي إل أكس طبعاً يجي رفارف

أما الجي إل بدون رفارف قيمته تقريباً 63او 64الف ريال

متى نكشت ؟

07/08/2010, 03:36 PM

حيا الله الربع وها نحن نعود من جديد في الرابطه

فيه بواجي توي مركبها دينسو الواحد 45 ريال رياضيه

ركبتها وفرقت عزم الموتر بالنفود اذا طاح الظغط الموتر مايطفي البواجي تعطيه كهرب
والحمدلله ماتظر السيارة
ركبتله كلتش برازيلي عند البريدي بالرياض وفرقت عزم الموتر حتى انه صار يفحط بالرابع
افضل من الوكاله بواجد
2007
4×4

وعن قريب بنزل لكم صوره الموتر بعد الكفرات الحجريه وفك الوطيات

ع و ن

07/08/2010, 08:00 PM

السلام عليكم اخوي الله لايهينك البواجي ان جيت تغيرها لها رقم ولا تركب حقت اي بواجي

طيب يا الغالي وش نوع البوجي و رقمه .. عطنا إياه من الحين و لا عليك أمر

الحين طلعت لنا سالفة جديدة ~~~> سالفة بوجي الدينسو الرياضي أبو 45 ريال :)

فيصل التميمي

07/08/2010, 09:45 PM

مته نكشت ننتظر صورة موترك

أبو محمد 3113

08/08/2010, 10:32 AM

السلام عليكم جميعاً
مبارك عليكم الشهر

متى نكشت ؟

08/08/2010, 02:16 PM

السلام عليكم
حيا الله الربع
حبيت انزل لكم صورة منوعه للهايلوكس

http://www.up.qatarw.com/up/2010-08-08/qatarw.com_739341052.jpg2007
هذة صور بعد فك الوطيات وجنوط الهلل

http://www.up.qatarw.com/up/2010-08-08/qatarw.com_895100399.jpg

هذا بعد تركيب GVC والكنود مخفي بقمااش

http://www.up.qatarw.com/up/2010-08-08/qatarw.com_472013992.jpg

* ابو باسل *

08/08/2010, 03:40 PM

متى نكشت الله يعطيك خيرها ويكفيك شرها بس ماكن المسجل جي في سي لوكان اسود كان احسن واليق على السياره ولاتنسى الوكاله حاطه اللون الاسود لانه هو المنساب للطبولن .

* ابو باسل *

08/08/2010, 03:41 PM

وابي اسألك كم مقاس الكفرات وانا خوك وهل هي تضر بالموتر او تصقع في الرفارف مع الفات ومع البطانيج بالبر والطوس ولا ممتازه .

متى نكشت ؟

08/08/2010, 04:53 PM

حياك الله اخوي الفهراني ويجزاك خير حطيت اللون الرصاصي للرغبه ولتفتيح داخلي السيارة
اما بالنسبه للكفرات جنط 16 ارتفاع 285 وابشرك رافعه الموتر وانس المطانيج ولاحكة مع اللفات ولا في البر :good2::good2:

كرستال

08/08/2010, 04:56 PM

حياك الله اخوي الفهراني ويجزاك خير حطيت اللون الرصاصي للرغبه ولتفتيح داخلي السيارة
اما بالنسبه للكفرات جنط 16 ارتفاع 285 وابشرك رافعه الموتر وانس المطانيج ولاحكة مع اللفات ولا في البر :good2::good2:

هلا اخوي ( متى نكشت )

طيب وشلونهن بالرمل

وشكراً ...

متى نكشت ؟

08/08/2010, 05:05 PM

يامراحب اخوي كرستال هذة الكفرات افضل من الكفرات الاخرى بواجد في النفود حط 18 او عشرين ووكل الله ولاتنفسخ وافضل من دانلوب ويوكوهاما والميزة حتى لو تطب وانت مانقصت تمشي لان الكفرات نقشتها عريضة ويدخل اكثر من ربع اصبعك في النقشه والكفرات لك وللزمن يعني لو تجلس سنتين ماتقضي
اسئل مجرب

فيصل التميمي

08/08/2010, 05:26 PM

ماشاء الله تبارك الله الله يطعمك من خيره ويكفيك شره

كرستال

08/08/2010, 08:31 PM

يامراحب اخوي كرستال هذة الكفرات افضل من الكفرات الاخرى بواجد في النفود حط 18 او عشرين ووكل الله ولاتنفسخ وافضل من دانلوب ويوكوهاما والميزة حتى لو تطب وانت مانقصت تمشي لان الكفرات نقشتها عريضة ويدخل اكثر من ربع اصبعك في النقشه والكفرات لك وللزمن يعني لو تجلس سنتين ماتقضي
اسئل مجرب

معليش على كثرة الاسئله
وش أسم الكفرات وكم عرضهاً
وكم سعرهاً ...

متى نكشت ؟

08/08/2010, 10:49 PM

معليش على كثرة الاسئله
وش أسم الكفرات وكم عرضهاً
وكم سعرهاً ...

هلا بك كرستال وخذ راحتك ابد
الكفرات اسمها دانلوب حجري 235 على 285
سعرها الان 485 الواحد طبعا
غاليه بس تكد

مكشاتي2010

09/08/2010, 12:50 AM

السلام عليكم

لمن جرب الهايلكس ال2010 البريمي

فيه درجة حراره وحساب عداد البنزين او لا؟؟وطبلونه ليزر او لا؟؟وتانكي البنزين كم لتر؟؟

واعذروني لكثرة الاسئله

قايد الجيب

09/08/2010, 12:50 AM

ماشاء الله اقوى تجمع .

كيف حالكم انا ياشباب ناوي اشتري هايلكس 2009 قير عادي نظيف ماشي دون 60 الف غمارتين دبل

كم سعره تقريبا . ولا عليكم كلافه الي يخبر سعر الهلي دبل غمارتين gl واكاله ي

يفيدنا باسعر

جزاكم الله خير جهد متعوب عليه وأخص( عاشق الامنيات ) ولا يهونون الجماعه :d

انتظركم بفارغ الصبر <<<هههه

فيصل التميمي

09/08/2010, 12:58 AM

السلام عليكم

لمن جرب الهايلكس ال2010 البريمي

فيه درجة حراره وحساب عداد البنزين او لا؟؟وطبلونه ليزر او لا؟؟وتانكي البنزين كم لتر؟؟

واعذروني لكثرة الاسئله

حياك الله وان اخوك في الرابطة
وابشر بعزك واي سؤال عن البريمي تراني موجود
اول شي مافيه درجة حرارة ولاحساب عداد البنزين وطبلونه ابيض عادي نفس ابو جميل اما البنزين ياخذ بــ30 ريال بنزين 91 هذاء الدفرنسين
اما الدفرنس يجي فيه درجة حرارة ويجي فيه البوصله الاكترونيه اما الدفرنسين فيه بوصله عاديه

مكشاتي2010

09/08/2010, 01:09 AM

السلام عليكم

حياك الله وان اخوك في الرابطة
وابشر بعزك واي سؤال عن البريمي تراني موجود
اول شي مافيه درجة حرارة ولاحساب عداد البنزين وطبلونه ابيض عادي نفس ابو جميل اما البنزين ياخذ بــ30 ريال بنزين 91 هذاء الدفرنسين
اما الدفرنس يجي فيه درجة حرارة ويجي فيه البوصله الاكترونيه اما الدفرنسين فيه بوصله عاديه

الله يحييك يالبناخي كفيت ووفيت

اما تانكي البنزين غريبه لاني سمعت ان الهايلكس من 2008وفوق تغير تانكي بنزين فيه وصار 76لتر

والله يعطيك العافيه

أبو محمد 3113

09/08/2010, 01:14 AM

معي 2008 دبل لين صار فاضي مرة ياخذ 34 ريال بنزين 91

الغاااااطي

09/08/2010, 06:34 AM

معي 2010 دبل بريمي عبيته قبل أسبوعين ب30 ريال واللمبه توها ماولعت
واليوم قلت أبجرب أعبيه 95 أحمر لأني قريت ردود لبعض الأخوه هنا وقلت للتجربه فقط وعبيته 42 ريال

وجربت هايلوكس 2008 دفرنس واحد غمارتين
إذا صار التانكي على الشرطة e تقريبا 32 ريال

لكن الغريب في الأمر شريت هايلوكس 2006 أول مانزل الدفعة الأولى
أذكر أني أعبيه ب44 ريال وأنا إلى الآن مستغرب جدا

طبعا الموتر راح تشليح حسبي الله على من تسبب

مكشاتي2010

09/08/2010, 09:38 PM

الله يعطيكم العافيه ماقصرتو

ومن ناحية البنزين والله غريبه لان اخبر واحد يعبي اخضر 41ريال

ومطلوب جنوط هايلكس الدفرنسين السعودي من 2008وفوق

فيصل التميمي

10/08/2010, 12:24 AM

اخوي مكشاتي جنوط الهايلكس عند ابو جميل 2000 ريال
اما في الغرابي سعرها 1400 ريال

قايد الجيب

10/08/2010, 01:47 AM

ماشاء الله اقوى تجمع .

كيف حالكم انا ياشباب ناوي اشتري هايلكس ان شاء الله 2009 قير عادي نظيف ماشي دون 60 الف غمارتين دبل

كم سعره تقريبا . ولا عليكم كلافه الي يخبر سعر الهلي دبل غمارتين gl واكاله ي

يفيدنا باسعر

جزاكم الله خير جهد متعوب عليه وأخص( عاشق الامنيات ) ولا يهونون الجماعه :d

انتظركم بفارغ الصبر <<<هههه

وين اهل الهلكسات افزعوووووووووووا

الغاااااطي

10/08/2010, 06:16 AM

[QUOTE=قايد الجيب;5008015]ماشاء الله اقوى تجمع .

كيف حالكم انا ياشباب ناوي اشتري هايلكس 2009 قير عادي نظيف ماشي دون 60 الف غمارتين دبل

كم سعره تقريبا . ولا عليكم كلافه الي يخبر سعر الهلي دبل غمارتين gl واكاله ي

يفيدنا باسعر
/QUOTE]

طبعا أنت تقول تقريبا

تقريبا يالغلا من 73000 ألف إلى 76000

لأن الدفرنس الواحد جي إل إكس غمارتين حسب الممشى من 64000 إلى 67000 الف
حسب النظافة

مخاوي الليل1

10/08/2010, 01:20 PM

.

السلام عليكم ورحمة الله وبركاته

.

اخواني (رابط الهايلكس دبل)

.

مبروك عليكم الشهر رمضان المبارك

وجعلكم من صوامه وقوامه

وكل عام وانتم بالف خير

اخــــــوكم

مخاوي الليل

.

الخالدي6060

10/08/2010, 03:20 PM

مبروك علينا وعليك يااخوي مخاوي الليل
وكل عام وانتم بخير

مساعده

ياشباب انا معي هايلوكس دفرنسين 2007 وعندي صوف القير الدبل تهرب

اللي مرت عليه المشكله ويعرف الحل او يعرف ورشه شغلها زين يفيدني الله يجزاكم خير

للمعلوميه انا من الرياض

تقبلوا تحيتي

فيصل التميمي

10/08/2010, 05:16 PM

كل عام وانتم بخير ياعضاء الهايلكس 4×4 واسئل الله ان يجعلنا من صوامه وقوامة يارب العالمين

متى نكشت ؟

11/08/2010, 12:19 AM

حياك الله اخوي الخالدي
عندي لك هندي امييييين
بالصناعيه القديمه

وشغله مضبوط ومعاملينه 10 سنوات في القيور بيظبطها لك وانت مطمئن احسن من السواريه

اتصل بي في اي وقت وان شاء الله بتظبط
0555776635

حكيم عيون

11/08/2010, 12:58 AM

اخوي حكيم عيون طيب هل مساعدات منرو قوية وجيده وهل فرقتا الموتر قبل وبعد ارجو تفيدنا

هلا بك اخوي فيصل

والله فرقتها فرق جيد
بالنسبه لي
عاد كل واحد والمطب الي يريحه:d

حكيم عيون

11/08/2010, 01:00 AM

هلا بالغلا

ركب مساعدات فكسار من 2002 وطالع على الهايلوكس
طبعا ماتجي إلا بالتوليف حتى التوليف سهل جدا

فيه محل باالصناعية اسمة ورشة مرات اليماني اسمه مبارك هذا رقمه0506436883

تشتري المساعد من المحل الي حوله الواحد ب100 ريال

وشغل اليد بالتلفون بيقول 250 لكن إذا رحت وكسرت راسه يعطيك ب200 ريال

المساعد يركب في محل مساعد الوكاله بدون لحام في الشاصي عكس مساعدات المرسدس بالتدبيل لازم تلحم بالشاصي

أنا مجرب على هايلوكس 2008 ركبت مساعدات فكسار قدام 2002 وركبت مساعدات فكسار خلفي موديل95 لي سنتين ولله الحمد بدون أي مشاكل والوجه ماسك ماشاء الله تبارك الله

هلا بك اخوي
بالنسبه لمرات اعرفهم حق المعرفه

لاكن ما ودي بشغل توليف

الي بيطبق بالملي اضمن
وانا اصلا نفسي بمنرو

شاكرلك نصيحتك يالغلا

حكيم عيون

11/08/2010, 01:03 AM

حيا الله الربع وها نحن نعود من جديد في الرابطه

فيه بواجي توي مركبها دينسو الواحد 45 ريال رياضيه

ركبتها وفرقت عزم الموتر بالنفود اذا طاح الظغط الموتر مايطفي البواجي تعطيه كهرب
والحمدلله ماتظر السيارة
ركبتله كلتش برازيلي عند البريدي بالرياض وفرقت عزم الموتر حتى انه صار يفحط بالرابع
افضل من الوكاله بواجد
2007
4×4

وعن قريب بنزل لكم صوره الموتر بعد الكفرات الحجريه وفك الوطيات

هلا بك يبن آخي

على البركه الهلل

لاكن بغيت اسألك عن الكلتش
كم كلفك ومن وين شريته؟؟؟

وعليه ضمان؟؟

الظاهر اني شايف موترك بالمزاحميه قبل يومين:d

حكيم عيون

11/08/2010, 01:06 AM

طيب يا الغالي وش نوع البوجي و رقمه .. عطنا إياه من الحين و لا عليك أمر

الحين طلعت لنا سالفة جديدة ~~~> سالفة بوجي الدينسو الرياضي أبو 45 ريال :)

تحصلها عند محل 4500 بشارع ثلاثين الربوة

بواجي دنسو أريديوم راس مشطوف

وتعطي عزم حليو
اتمنى اني افدتك

متى نكشت ؟

11/08/2010, 02:41 AM

هلا بك يبن آخي

على البركه الهلل

لاكن بغيت اسألك عن الكلتش
كم كلفك ومن وين شريته؟؟؟

وعليه ضمان؟؟

الظاهر اني شايف موترك بالمزاحميه قبل يومين:d

يامرحبا بك حكيم عيون
الله يبارك فيك
الكلتش انا عندي انتهاء انت خابر الخرارة والمنوثر رحت للوكاله لقيت دزق وكلتش وفحمه 760 ريال غاليه بالحيل
وفك القير 250 ريال
تكلف يعني 1000 ريال

بعد استشارة بعض الشباب وصفوا لي البريدي بالصناعيه القديمه نزلت القير
واخذت معي الدزق والكلتش وصلت
قال الكلتش بنعبيه برازيلي(رياضي) ونكبسه والدزق بنمسحه خفيف عشان يطبق
كلفت مانت مصدق 160 ريال فقط
لكن بدون ضمان انت ورجلك على كلامه انها مضبوطه واحسن من الوكاله ولها شهر اقل من وهي ماتغيرت
لكن فرقت الموتر فرق شاسع حتى صار يقبل عزمه وجربت موتر دبل 2009 وموتري اخف منه..............

حتى صار يفحط بالرابع <<<<<>>>>>>> مستانس

نعم انا من سكان المزاحميه يابن اخي
انت من المنطقه ؟؟

ناسف على كثرة البربرة

حكيم عيون

11/08/2010, 02:58 AM

يامرحبا بك حكيم عيون
الله يبارك فيك
الكلتش انا عندي انتهاء انت خابر الخرارة والمنوثر رحت للوكاله لقيت دزق وكلتش وفحمه 760 ريال غاليه بالحيل
وفك القير 250 ريال
تكلف يعني 1000 ريال

بعد استشارة بعض الشباب وصفوا لي البريدي بالصناعيه القديمه نزلت القير
واخذت معي الدزق والكلتش وصلت
قال الكلتش بنعبيه برازيلي(رياضي) ونكبسه والدزق بنمسحه خفيف عشان يطبق
كلفت مانت مصدق 160 ريال فقط
لكن بدون ضمان انت ورجلك على كلامه انها مضبوطه واحسن من الوكاله ولها شهر اقل من وهي ماتغيرت
لكن فرقت الموتر فرق شاسع حتى صار يقبل عزمه وجربت موتر دبل 2009 وموتري اخف منه..............

حتى صار يفحط بالرابع <<<<<>>>>>>> مستانس

نعم انا من سكان المزاحميه يابن اخي
انت من المنطقه ؟؟

ناسف على كثرة البربرة

هلا وغلا
والله انا نفس المشكله
الكلتش عندي منتهي الريوس ما يلقم الا بالطقاق
ويقر بالرابع
وصوت الفحمه تسنه صوت ديزل:D

عطنا رقم جوال الورشه يبيلنا نزرق لهم
160 شغل اليد مع القطع؟؟؟
اذا بهالسعر بكره اروح لهم واطبق الكلتش

انا من سدير لاكن سكان الرياض

الظاهر اني شايفك عند أرداس السمكري:p ولا؟؟
انا معي 2007 دفرنسين بدون رفرف

أبو عمار الخالدي

11/08/2010, 03:05 AM

يالله حي الربع

مبارك عليكم الشهر مقدما

واخص بذالك اخوي ابو فيصل من غير قصور في الباقين

واسف على عدم عرض الصور حقت الدعامه لاني والله توني واصل من رحله تكللت بالنجاح ولله الحمد

يوم جاء رمضان جيت معه هههههههه الله يجعلنا من صوامه وقوامه ومن يقراء

على العموم ابشرو بالصور
واي طلبات ثانيه انا مستعد وحياكم ربي

اخوكم ابو عمار
عبد العزيز العمار

متى نكشت ؟

11/08/2010, 04:47 AM

هلا وغلا

والله انا نفس المشكله
الكلتش عندي منتهي الريوس ما يلقم الا بالطقاق
ويقر بالرابع
صوت القره من النحاسه
وصوت الفحمه تسنه صوت ديزل:D

عطنا رقم جوال الورشه يبيلنا نزرق لهم
ماهنا رقم ازرقلهم بس لازم تكون مبكر لان الكبس يستغرق ساعتين
160 شغل اليد مع القطع؟؟؟
اذا بهالسعر بكره اروح لهم واطبق الكلتش

انا من سدير لاكن سكان الرياض

الظاهر اني شايفك عند أرداس السمكري:p ولا؟؟

انا معي 2007 دفرنسين بدون رفرف

هلا باهل سدير كلهم اثرك من هل الديرة انا من هل تمير بس حكم الدوامات اجبرتنا على المزاحميه ................

اييييييه بس بس عاد تبي الصدق والله يابطني قام يوجعني شايفكم عند الرفرف اليمين ولاادري شالسالفه ومامدامي اقز >>>>وخليت اللقافه

ترا فيه واحد مثل شغل اراداس تعديل بدون بويه وعرفه ومعاملينه وشغل :good2: اسمه رافل
كان لك حاجه في المزاحميه او طلب او شوفه موتر بالورشه لاتتردد:D
0555776635
عبيد
بالنسبه للبريدي لف يمين مع زجاج السالم انت على شارع العنوز سييييييييد لين يجيكT تي اطلع يسار سيد يجيك T ثاني اطلع يمين سيد تشوف البريدي على اليسار
اسمه البريدي للكلتشات عاد معروف في ذيك الجهه

عبد الله999

12/08/2010, 02:26 AM

السلام عليكم ورحمة الله وبركاته

اسمحوا لي اسأل سؤال صغير واعذروني اذا كان أحد سأله قبلي لكن ماشاء الله صفحات الرابطة واجد ولا يمديني أشيك عليها كلها

أبغى سلبيات وايجابيت هايلوكس 2010 جي ال 2.7 رباعي اتوماتيك
كل سليبة وايجابية صغيرة أو كبيرة
طبعا هو دبل والا؟؟
وهل يكون مرفّع أو عادي؟

لاهنتوا جميعا

عبد الله999

12/08/2010, 02:27 AM

هذا رابطه من موقع تويوتا

http://www.toyota.com.sa/modelsprices.asp?model_id=16

فتى القصور

12/08/2010, 06:06 AM

مبــأرك عليكم الشهر

وعسـأكم من عواده انشاللــه

يا شباب انا ودي اركب بوالين هل هي تحك على الرفرف ولا ماتحك وش احسن جنط غير جنط الوكاله الحديد وشكرن

اخيكم:فتي القصور

مكشاتي2010

12/08/2010, 06:35 PM

السلام علييكم

مبارك عليكم الشهر

اسمع ان فيه طريقه لفصل الارباق ودوورتها ومالقيتها

فاللي قد جربها او يعرفلها يكتبه هنا الله لايهينكم

أبو عمار الخالدي

12/08/2010, 08:10 PM

اخوي عبد الله اتمنى تقلب الصفحات الماضيه وتشوف السلبيات وو الخ

اخوي مكشاتي 2010

فصل الارباق مخاوي الليل 1 نزل موضوع مصور عنه وهو سهل جدا

ابحث في الصفحات الماضيه تلقاه والله يعينك ولا شف قوقل انا الان والله مستعجل ابصلي بس قلت ابرد على السريع وحياكم الله

أبو عمار الخالدي

12/08/2010, 08:14 PM

اخوي فتى القصور

يا حبيبي البالون في وجهه نضري كبار وبيحكن

وانا في هالمجال اسأل ناس كبار فاهمين

غير جنط الوكاله الحديد بجنط وكاله سعودي كرووم (( خفيف وجميل )) وركب عليه كفر غير البرجستون فيه هانكون ودلنوب فيه مقاس اعرض واطول من الي حاطينه الوكاله وممتاز

بس اهم شي الجنط لا تركب اكبر (( لانه تخرب العكوس )) ويجي تهريب في الصورف حقت الدفرنس

الجنط خذ السعودي بدل الخليجي (( خفيف وجميل )) وراااااكب على الموتر ازين من انك تخرب عكوسك والكفر ما فيه مانع خذ كفر يركب على جنطك ويكون شوي عريض وارفع بس البلون رفيييع بالحيل

وبراااااااحتك وهلا وغلا

صحيح

13/08/2010, 03:50 AM

أنا معاي هايلكس 2006 بس مو دبل .
صحيح.

بن زياره

13/08/2010, 04:56 AM

موضوع ما شاء الله متكامل
قعدت عليه حول ساعتين او اكثر
فيه معلومات كثيره ومفيده لملاك الموتر بس حبيت ارد
على الي يبي يركب بوالين
انه يركب بوالين مقاس 15 بس قليل
بس لا يركب بواللين الا اذا كان راعي احجره
او راعي جلد ومطينات اما اذا كان راعي نفود ( فقط )
ما تصلحله البالون وشكرا

8238

13/08/2010, 01:58 PM

اخوي عبد الله اتمنى تقلب الصفحات الماضيه وتشوف السلبيات وو الخ

اخوي مكشاتي 2010

فصل الارباق مخاوي الليل 1 نزل موضوع مصور عنه وهو سهل جدا

ابحث في الصفحات الماضيه تلقاه والله يعينك ولا شف قوقل انا الان والله مستعجل ابصلي بس قلت ابرد على السريع وحياكم الله

أخي الغالي الموضوع المصور الذي ذكرت
هو فك مانع الإنزلاق ليس الإيرباق كما طلب أخونا

أبو عمار الخالدي

13/08/2010, 10:28 PM

اسف اسف ههههههههههههههههههههه

شف متى راد عليه وتعذرني وراي صلاه ومستعجل

المهم الارباق ونا اخوك انا قد سألت كهربائي تفكه لي قالي بسيط وابفكه ب30 ريال

عاد انا ابي الارباق وجعلي ما احتاج له

(( الجواب)) انك تروح لكهربائي باخص ويفكه لك

فيصل التميمي

14/08/2010, 03:21 AM

على ماعتقد وانا اخوك انك اذاء فكيت الايرباق تولع لمبة في الطبلون

مكشاتي2010

14/08/2010, 03:37 AM

طيب الارباق مايطلع مع تطمير الجروف ؟؟؟

وبالنسبه للبريمي يافيصل ضمانه وشلون؟؟لان ماادري وين اوديه ابو جميل او العضيب(معه كرت العضيب) بس حبيت اتاكد لان معي تشيك 5000 بس

هذا اللي مكتوب عليه وناس تقول ابو جميل يضمن السعودي والخليجي

عبد الله999

14/08/2010, 03:43 AM

أخوي عاشق الأمنيات
أنا أبغى معلومات عن النوع اللي ذكرته بالذات اذا عندك علم عنه، وليس الهايلكس عامة لأني أفكر أشتري لي واحد.

فيصل التميمي

14/08/2010, 03:52 AM

اخوي مكشاتي العضيب ضمانه للبريمي سنة او عشرين الف
خمس الاف عليهم يشيكون على السيارة ويغيرون الزيت والسيفون على حسابهم وبعد ذلك كل شي على حسابك الا القير والمكينة وبعد العشرين الف ينتهي الضمان ومحلهم في الصناعية القديمة على طريق الامير سلمان

ابونادر1111

14/08/2010, 12:07 PM

السلام عليكم ورحمة الله
باركولي صرت من ملاك هايلوكس4×4
ولي نصيحه وهي عدم تركيب جنوط اكبر من الحجم الاصلي وهذاعن خبره لأنه كلما زاد اوكبر حجم الجنط اوالكفر قل العزم والعكس صحيح اتمنى ان اكون افدت

مخاوي الليل1

14/08/2010, 01:01 PM

السلام عليكم ورحمة الله
باركولي صرت من ملاك هايلوكس4×4
ولي نصيحه وهي عدم تركيب جنوط اكبر من الحجم الاصلي وهذاعن خبره لأنه كلما زاد اوكبر حجم الجنط اوالكفر قل العزم والعكس صحيح اتمنى ان اكون افدت

السلام عليكم ورحمة الله وبركاته

الف الف الف مبروك

والله يعطيك خيره ويكفيك شره

ويااااااهلا وغلالالالا فيك في رابط هايلكس دبل

وكل عام وانت بالف خير

اخـــــوك

مخاوي الليل

.

أبو عمار الخالدي

14/08/2010, 02:18 PM

يا عبد الله 9999

ابعطيك سلبياته

ويمكن انت ما تهتم بها

مثل
1_ هو 4 سلندر ضعيف جدا
2_ مطبه في مرتبه وراء قوي الا اذا غيرت الكفرات وضبطت وظعك

وكانك ما تحتاج الحوض الى وراء لا تشتريه واشتر واحد مكينه قويه ومريح

فيصل التميمي

14/08/2010, 07:35 PM

السلام عليكم ورحمة الله
باركولي صرت من ملاك هايلوكس4×4
ولي نصيحه وهي عدم تركيب جنوط اكبر من الحجم الاصلي وهذاعن خبره لأنه كلما زاد اوكبر حجم الجنط اوالكفر قل العزم والعكس صحيح اتمنى ان اكون افدت

الف الف الف مبروك الموتر والله يطعمك من خيره ويكفيك شراه ان شاء الله

وحياك الله في رابطة الهايلكس 4×4

متى نكشت ؟

14/08/2010, 09:27 PM

حياك الله معنا
بالررررررابطه

ابونادر1111

15/08/2010, 12:00 PM

اشكر الجميع على الترحيب

متى نكشت ؟

16/08/2010, 02:51 AM

لكم

http://www.up.qatarw.com/up/2010-08-08/qatarw.com_739341052.jpg

كرستال

16/08/2010, 12:28 PM

السلام عليكم ورحمة الله
باركولي صرت من ملاك هايلوكس4×4
ولي نصيحه وهي عدم تركيب جنوط اكبر من الحجم الاصلي وهذاعن خبره لأنه كلما زاد اوكبر حجم الجنط اوالكفر قل العزم والعكس صحيح اتمنى ان اكون افدت

الف مبروك أخوي ن1111در
أنت ذكرت عدم تركيب الجنوط اكبر من الحجم الاصلي لأني قررت اركب جنوط الاختطبوط فيه 10 انش و 8 انش طبعاً 10 انش ما تحمله السيارة
أبي رايك في 8 انش زين وخفيف على السيارة ولا زي 10 انش

وشكراً ...

متى نكشت ؟

16/08/2010, 02:06 PM

اخوي كرستال الجنوط الخفيفه ماتضر بـ لموتر
اي جنط 16
مثل الجي تي وغيره

فيصل التميمي

16/08/2010, 07:47 PM

اخوي كرستال انتبه من الجنوط الصينية تراها ماتنفع ابد وهذاء رابط الموضوع ورد علي واحد من الشباب يحذرني منها
http://www.mekshat.com/vb/showthread.php?p=4463337#post4463337

راسم الكلمة

17/08/2010, 12:57 AM

السلام عليكم

أبي رايكم بالهاي لوكس الغمارة

من حيث العزم والراحة

تحياتي للجميع ,,

أبو عمار الخالدي

17/08/2010, 01:17 AM

اخوي راسم الكلمه

بالنسبه للراحه

كنك راكب حمار <<< هذا الغماره

وبالنسبه للعزم نشيييييييييييييييييييييط

صحيح

17/08/2010, 05:06 AM

لكم

http://www.up.qatarw.com/up/2010-08-08/qatarw.com_739341052.jpg
أخوي متى نكشت كم مقاس الكفر ونوعه لو سمحت؟
وماشاء الله تبارك الله
الله يعطيك خبره ويكفيك شره.

صحيح.

مكشاتي2010

17/08/2010, 05:27 AM

اخوي مكشاتي العضيب ضمانه للبريمي سنة او عشرين الف
خمس الاف عليهم يشيكون على السيارة ويغيرون الزيت والسيفون على حسابهم وبعد ذلك كل شي على حسابك الا القير والمكينة وبعد العشرين الف ينتهي الضمان ومحلهم في الصناعية القديمة على طريق الامير سلمان

مايطول الموتر عندهم؟؟

ومادفع شي ابد؟؟والاحض بالموتر اذا حركت من مكاني وكسرت الطاره ثم عدلتها يطلع صوت تقول تنسيم ماادري هو بهن كلهن او موتري بس

والله يعطيك العافيه ماقصرت يبناخي

ابونادر1111

17/08/2010, 11:57 AM

أنت ذكرت عدم تركيب الجنوط اكبر من الحجم الاصلي لأني قررت اركب جنوط الاختطبوط فيه 10 انش و 8 انش طبعاً 10 انش ما تحمله السيارة
أبي رايك في 8 انش زين وخفيف على السيارة ولا زي 10 انش

الاخ كرستال اللام عليكم
بالنسبه للجنوط هناك العرض والأرتفاع
ما ادري 10 انش هل تقصد العرض ام الارتفاع عموما كلها مؤثره سوائا سلبا اوايجابا
اولا يجب ان تعرف هدفك من تغيير الجنوط هل هي العزم او المطبات اوالمناطق الرمليه او المنضر
فيمكن تغيير جنط 16 وكفرات اقل ارتفاع كأنك لم تغير شي في الارتفعاع انما بتحس خشونه في الطريق ومطبات اقوى المهم حاول يكون الفرق بسيط في المقاسات او اخبرني عن غرضك من تغيير الجنوط او الكفرات اتمنى ان اكون افتك

كرستال

17/08/2010, 01:44 PM

اخوي كرستال انتبه من الجنوط الصينية تراها ماتنفع ابد وهذاء رابط الموضوع ورد علي واحد من الشباب يحذرني منها
http://www.mekshat.com/vb/showthread.php?p=4463337#post4463337

مشكور اخوي على النصيحه وما قصرت

واللي زاد الطين بله يوم شفت سيارة خويك اللي ينصحك
صراحه اوجع قلبي ذكرني بمعشوقتي الهلي

الله يطعمه من خيره ويكفيه شره

اخوك / كرستال ...

كرستال

17/08/2010, 01:52 PM

أنت ذكرت عدم تركيب الجنوط اكبر من الحجم الاصلي لأني قررت اركب جنوط الاختطبوط فيه 10 انش و 8 انش طبعاً 10 انش ما تحمله السيارة
أبي رايك في 8 انش زين وخفيف على السيارة ولا زي 10 انش

الاخ كرستال اللام عليكم
بالنسبه للجنوط هناك العرض والأرتفاع
ما ادري 10 انش هل تقصد العرض ام الارتفاع عموما كلها مؤثره سوائا سلبا اوايجابا
اولا يجب ان تعرف هدفك من تغيير الجنوط هل هي العزم او المطبات اوالمناطق الرمليه او المنضر
فيمكن تغيير جنط 16 وكفرات اقل ارتفاع كأنك لم تغير شي في الارتفعاع انما بتحس خشونه في الطريق ومطبات اقوى المهم حاول يكون الفرق بسيط في المقاسات او اخبرني عن غرضك من تغيير الجنوط او الكفرات اتمنى ان اكون افتك

هلا اخوي ابو نادر 1111 ومشكور على ردك
كنت أقصد 10 انش بالعرض
بالنسبه الهدف من تغيير الجنوط أهم شي الخفه بالمناطق الرمليه وبعدين المنضر

بس ما قصر اخوي ( فيصل التميمي ) وفى وكفى بنصيحته .

أخوك / كرستال ...

مخاوي الليل1

17/08/2010, 06:21 PM

السلام عليكم ورحمة الله وبركاته

كيفكم اخواني

ان شاءلله بخير

طلب بسيط

سمعت مره ان فيه شاب سعودي يركب بطاريه اضافيه

من يعرف عنوانه اورقمه وجزاكم الله خير

اخـــــــــــــــــوكم

مخاوي الليل

صحيح

17/08/2010, 07:17 PM

والله انا مركب في السوافي شغلهم طيب .

وعلى فكرة يا شباب تانكي للبيع .
على الرابط.

http://mekshat.com/vb/showthread.php?p=5068031#post5068031

أبو عمار الخالدي

17/08/2010, 08:16 PM

لا تتعدى السوافي يبو فيصل

مخاوي الليل1

17/08/2010, 09:50 PM

لا تتعدى السوافي يبو فيصل

السلام عليكم ورحمة الله وبركاته /

ياااااااهلالالالالا وغلالالالالالا

بخوي واستاذي / عاشق الامنيات

كل عام وانت بمليون خير

يالغالي ماهو لي

احد الاخوان في المنتدى يبي يركب بطاريه

وسمعت ان فيه شاب سعودي يركب

قلت هو اولا من غيره

متى نكشت ؟

18/08/2010, 05:56 AM

حياك الله فيه واحد اسمه مبارك
سعودي وشغله ممتاز بالشفاء رجال معروف
ميكانيكي متميز ويركب بطاريات
0503151217

ابونادر1111

18/08/2010, 10:50 AM

السلام عليكم ورحمة الله بركاته
اخواني ابغى اركب تانكي مخفي ستيل اوالمنيوم هايلوكس 2008 دبل لايهم السعه افيدوني وين القاه وكم سعره

أبو محمد 3113

18/08/2010, 11:57 AM

السلام عليكم
اخواني مافيه حل لمشكلة الكتمة أول ما تدعس على البنزين مع العلم أن اعبي أوكتين 95

أبو عمار الخالدي

18/08/2010, 04:13 PM

ابو نادر

فيه ورش كثيره منها المواهب والمميز انت وين موقعك ؟

وانت يخوي تركي الجريسي

الهايلكسات من 2006 وطالع زي بعض في الكتمه

لان الدعسه (( الأكترونيه )) واهل التطعيس ما يحرصون على 2006 وطالع بهذا السبب ولغيره من الاسباب

* ابو باسل *

19/08/2010, 01:28 AM

شباب هذي زيادة المواصفات في الهايلكس دبل 2010 اوتوماتيك عن القير العادي بالنسبه للسوبر جي ال اكس.

أضف ل سوبر جي ال اكس 2.7 رباعي يدوي …
- قفل اتوماتيكي للدفرنس
- كونسول وسطي

قفل الدفرنس الاتوماتيكي عرفناه الي هو الدف لوك بس يكون تماتيك بدون زر في وقت الحاجه يشتغل وفي غير الحاجه له يكون طافي .
بس الكونسول الوسط هل هو التكايه ولا غيرها .

أبو عمار الخالدي

19/08/2010, 04:30 AM

ايه يالغالي

يكون مركى في الوسط

وله صور كثيره وخاصه القير التوماتيك

الغاااااطي

19/08/2010, 07:09 PM

السلام عليكم

اخواني شريت هايلوكس بريمي دبل 2010 من البحر العربي
ورحت للضمان العضيب في الرياض وقال العامل السوري مانضمن موترك لأنك مامعك كرت ضمان

أتصلت على البحر العربي وأنا واقف عند الضمان وقال لي سياراتنا في المعرض جايبينها من الخليج بدون كرووت ضمان

ياشباب أول شي أحذركم من شراء الهايلوكس من البحر العربي في بريده

وثانيا وش الحل لأن مامعي على سيارتي كرت ضمان ؟؟

رحت لأبو جميل ويقول ما أضمن لك سيارتك

سيارتي إذا ضغطت الكلتش طلعت صوت طقه ؟؟

وش الحل يالربع

الغاااااطي

19/08/2010, 07:21 PM

نعود مجددا

ودي أركب جنوط على الهايلوكس طبعا يكون المقاس 16

شفت هايلوكس دفرنسين مركب جنوط مكاحيل يقولون أنها جنوط باترول
حتى ماعمري شفت باترول شد بلد عليه مثل هالجنوط
مثل الي بالصورة
http://www.arabiclenses.com/uploaded/7079_1222668588.jpg

أبي كم سعرها؟ ووين أحصلها؟؟

وهل صناعتها صيني؟؟

أتمنى الي عنده جواب يرد علي لأني عجل بالحيل

والجنوط الثانيه هذي
http://www.mekshat.com/pix/upload04/images154/mk64884_11.jpg

والجنط الثالث

http://www.almlf.com/get-1-2010-almlf_com_mo1k1i5k.jpg

أتمنى الي يعلم عن أسعارهن
ووين ألقاهن وهل تصلح للهايلوكس خاصه بالشكل ولا لا

لكم أحلى التحايا ياأصحاب ملاك الهايلوكس الدبل

* ابو باسل *

19/08/2010, 11:18 PM

السلام عليكم

اخواني شريت هايلوكس بريمي دبل 2010 من البحر العربي
ورحت للضمان العضيب في الرياض وقال العامل السوري مانضمن موترك لأنك مامعك كرت ضمان

أتصلت على البحر العربي وأنا واقف عند الضمان وقال لي سياراتنا في المعرض جايبينها من الخليج بدون كرووت ضمان

ياشباب أول شي أحذركم من شراء الهايلوكس من البحر العربي في بريده

وثانيا وش الحل لأن مامعي على سيارتي كرت ضمان ؟؟

رحت لأبو جميل ويقول ما أضمن لك سيارتك

سيارتي إذا ضغطت الكلتش طلعت صوت طقه ؟؟

وش الحل يالربع

هلا بك ياخوي وعلى البركه وبالنسبه لصوت الطقه ترى شفت كثير من الشباب يقولون عادي وموجود في الدفرنس بكثره بس في الدفرنسين يمكن الشباب الي عندهم قير عادي يفيدونك .

* ابو باسل *

19/08/2010, 11:20 PM

نعود مجددا

ودي أركب جنوط على الهايلوكس طبعا يكون المقاس 16

شفت هايلوكس دفرنسين مركب جنوط مكاحيل يقولون أنها جنوط باترول
حتى ماعمري شفت باترول شد بلد عليه مثل هالجنوط
مثل الي بالصورة
http://www.arabiclenses.com/uploaded/7079_1222668588.jpg

أبي كم سعرها؟ ووين أحصلها؟؟

وهل صناعتها صيني؟؟

أتمنى الي عنده جواب يرد علي لأني عجل بالحيل

والجنوط الثانيه هذي
http://www.mekshat.com/pix/upload04/images154/mk64884_11.jpg

والجنط الثالث

http://www.almlf.com/get-1-2010-almlf_com_mo1k1i5k.jpg

أتمنى الي يعلم عن أسعارهن
ووين ألقاهن وهل تصلح للهايلوكس خاصه بالشكل ولا لا

لكم أحلى التحايا ياأصحاب ملاك الهايلوكس الدبل

والله وانا خوك ودي تخليها على جنوط وكالتها والا اذا تبي حط نفس مقاس الجنط والكفر ترى اذا زدت الحجم السياره ماعاد تمشي ولا عاد تعدي 140 فخلك على مبنى الشايب احسن خلك على شد البلد توصل حسب الاحوال الى 180 واذا كان فيه رياح ومحمل 160 بس ان ركبت كفارات وجنوط اكبر ماعاد تتعدى 140 وانت ماعندك حموله مغيرك لحالك في السياره .

الغاااااطي

19/08/2010, 11:57 PM

والله وانا خوك ودي تخليها على جنوط وكالتها والا اذا تبي حط نفس مقاس الجنط والكفر ترى اذا زدت الحجم السياره ماعاد تمشي ولا عاد تعدي 140 فخلك على مبنى الشايب احسن خلك على شد البلد توصل حسب الاحوال الى 180 واذا كان فيه رياح ومحمل 160 بس ان ركبت كفارات وجنوط اكبر ماعاد تتعدى 140 وانت ماعندك حموله مغيرك لحالك في السياره .

.

لا يالغالي أنا أبركب جنوط مقاس 16 وعلى نفس كفرات شد البلد

يعني عرض وطول الجنط الكرووم مثل شد البلد للهايلوكس
جزاك الله خير يا أخي الفهراني وعلى المعلومات وكثر الله من أمثال هذا الوجه الطيب

الغاااااطي

20/08/2010, 01:03 AM

نعود مجددا

ودي أركب جنوط على الهايلوكس طبعا يكون المقاس 16

شفت هايلوكس دفرنسين مركب جنوط مكاحيل يقولون أنها جنوط باترول
حتى ماعمري شفت باترول شد بلد عليه مثل هالجنوط
مثل الي بالصورة
http://www.arabiclenses.com/uploaded/7079_1222668588.jpg

أبي كم سعرها؟ ووين أحصلها؟؟

وهل صناعتها صيني؟؟

أتمنى الي عنده جواب يرد علي لأني عجل بالحيل

والجنوط الثانيه هذي
http://www.mekshat.com/pix/upload04/images154/mk64884_11.jpg

والجنط الثالث

http://www.almlf.com/get-1-2010-almlf_com_mo1k1i5k.jpg

أتمنى الي يعلم عن أسعارهن
ووين ألقاهن وهل تصلح للهايلوكس خاصه بالشكل ولا لا

لكم أحلى التحايا ياأصحاب ملاك الهايلوكس الدبل

هل من أحد يفيدنا

أبو عمار الخالدي

20/08/2010, 03:22 AM

هلا بك يالغالي

نبداء بالضمان اعتقد ما يحتاج من زينهم هم ويا ضمانهم لو ان السياره امريكيه صح

وكانك ملزم شف شايب ولا واحد معه هلي ومعه الكرت ولهوب رايح لضمان وخذه منه ويمكن تضبط

وبالنسبه للطقه ما لي فيها اي علم

واما الجنوط خذ جنوط شد بلد سعودي كروم شكلها حلو وخفيفه والكفر غيره بكفر اكبر منه واعرض وكذالك الين مطب بس (( نصيحه من شايب لا تحط جنط كبير على موتر ما يضبط معه اما ينكسر عليك خاصه الصيني ثم عاد لحق موترك ولا بيصبر وثم العكوس تخر عليك زيت )) خلك على جنط 15 وجب كفر كبير على مزاجك المشكله في تغيير الجنط (( تراي لي خبره في هالمجال )) والله يوفقك

انا كنت ابركب جنوط فتك باترول مقاس 15 (( بس يوم فكرت قلت ليش خلها على جنطها وغير ابو الكفر

واي سوال انا حاضر

متى نكشت ؟

20/08/2010, 02:11 PM

هل من أحد يفيدنا

هلا بك اخوي الغاطي
الجنط الاول شفته على هايلوكس 2110 بصراحه تمام التمام وراكبه على الموتر سعرها بالغرابي الظاهر الطقم 1300 جدد
اما الطقم الثاني قد ركبتها على موتري وشكلها مظبوط وراكبه على سعرها مستعمل 700ريال

اما اخر طقم لا راكب على الموتر ولا لايقه به

عليك باول طقم ...............

الغاااااطي

21/08/2010, 12:52 AM

هلا بك يالغالي

نبداء بالضمان اعتقد ما يحتاج من زينهم هم ويا ضمانهم لو ان السياره امريكيه صح

وكانك ملزم شف شايب ولا واحد معه هلي ومعه الكرت ولهوب رايح لضمان وخذه منه ويمكن تضبط

الظاهر أن كرت الضمان فيه رقم الشاص ورقم اللوحة
وكذا صعبه جدا من ناحية الشرع مايجوز لأنه تحايل والله أعلم
ولازلت أدعي على صاحب معارض البحر العربي ببريده
من القهر الي فيني

وبالنسبه للطقه ما لي فيها اي علم
جزاك الله خير كفاية شوفتك يالغلا

واما الجنوط خذ جنوط شد بلد سعودي كروم شكلها حلو وخفيفه والكفر غيره بكفر اكبر منه واعرض وكذالك الين مطب بس (( نصيحه من شايب لا تحط جنط كبير على موتر ما يضبط معه اما ينكسر عليك خاصه الصيني ثم عاد لحق موترك ولا بيصبر وثم العكوس تخر عليك زيت )) خلك على جنط 15 وجب كفر كبير على مزاجك المشكله في تغيير الجنط (( تراي لي خبره في هالمجال )) والله يوفقك
لا ياحبيبي أنا ان بغيت أركب ركبت جنط مقاس 16 فقط لأنه هو الي يركب على السياره

ومن ناحية تركيب كفر مقاسه أكبر من كفر الوكالة ذي الفكرة شايلها من راسي
لأني جربت موتري خط ماشاء الله تمام التمام لأني ما أحب أسرع واجد حدي 140
ودي أغيره وأحط كفرات ألين من البرجستون مثلا دنلووب حلو
وجربت الموتر بالنفود ماشاء الله تبارك الله الموتر يمشي ويتمشى على هونه
بس أني أنقد عليه بثاني يبرد عزمه بسرعه ولا يحفر
ولقيت جيب ربع مغرز بالنفوود والحمد لله سحبته بنجاح والكفرات فيها 15 :d
وغديني أحط المقطع فيذا
انا كنت ابركب جنوط فتك باترول مقاس 15 (( بس يوم فكرت قلت ليش خلها على جنطها وغير ابو الكفر

واي سوال انا حاضر

كثر الله من أمثال هذا الوجه الطيب

الله يحرم وجهك عن النار تشكراتي يالغالي عاشق

الغاااااطي

21/08/2010, 12:57 AM

هلا بك اخوي الغاطي
الجنط الاول شفته على هايلوكس 2110 بصراحه تمام التمام وراكبه على الموتر سعرها بالغرابي الظاهر الطقم 1300 جدد
اما الطقم الثاني قد ركبتها على موتري وشكلها مظبوط وراكبه على سعرها مستعمل 700ريال

اما اخر طقم لا راكب على الموتر ولا لايقه به

عليك باول طقم ...............

أخي متى نكشت ؟
الظاهر اني صملت على الطقم الأول بإذن الله
طيب هل يجي منه مقاس 16

والطقم الثاني
يوم ركبتها صار فيه رجه ؟؟ ولا لا
وش أثقل جنوط الباترول المكاحيل ولا جنط الهايلوكس البلد

جزاك الله جنات النعيم
الله يوفقنا وإياك على الأعمال الصالحة

الغاااااطي

21/08/2010, 01:04 AM

أعتب عليكم ياشباب
وين التفاعل في قسم الرابطة
يعني خلصت مشاكل الهايلوكسات وأنتهى النقاش في الموضوع

المشكلة أن التواجد قليل جدا في الرابطة

خلونا ناخذ فره على جميع مواضيع الرابطات وبالأخص جيب العشة والإكسبلورر
تشوف العجب وهو جيب العشة الي بالحي مايكون إلا جيب واحد فقط
شوف عدد التواجد اليومي وعدد الردود

الله يهديكم

فيصل التميمي

21/08/2010, 01:04 AM

اخوي الغاطي نصيحة اخو لاخوه ترى الهايلكس 4 سرندل
انصحك ركب جنوط الهايلكس الكروم حقت السعودي اجمل لان البريمي جنوطة حديد شكلها ماهيب زين

الغاااااطي

21/08/2010, 01:10 AM

اخوي الغاطي نصيحة اخو لاخوه ترى الهايلكس 4 سرندل
انصحك ركب جنوط الهايلكس الكروم حقت السعودي اجمل لان البريمي جنوطة حديد شكلها ماهيب زين

يا أخوي فيصل جزاك الله خير وكثر الله من أمثالك

الجنوط الي أبركبها مثل جنط الهايلوكس السعودي بالملي

يعني الإرتفاع والعرض واحد وهو مقاس 16

طبعا الكفرات أبخليها شد بلد

أنا لا أعلم لماذا التخوف من البعض من تركيب جنوط بديلة

للمعلومية جنوط المرسدس الصينية أو الإماراتية للهايلوكس الدفرنس الواحد تغزوا الأسواق مع أنها كلها تجاري في تجاري

والحمد لله مافيه أي مشاكل معها
أخوي جربها أكثر من سنه ونصف على موتره 2005 والآن من أفضل مايكون

V 8

21/08/2010, 01:31 AM

يا أخوي فيصل جزاك الله خير وكثر الله من أمثالك

الجنوط الي أبركبها مثل جنط الهايلوكس السعودي بالملي

يعني الإرتفاع والعرض واحد وهو مقاس 16

طبعا الكفرات أبخليها شد بلد

أنا لا أعلم لماذا التخوف من البعض من تركيب جنوط بديلة

للمعلومية جنوط المرسدس الصينية أو الإماراتية للهايلوكس الدفرنس الواحد تغزوا الأسواق مع أنها كلها تجاري في تجاري

والحمد لله مافيه أي مشاكل معها
أخوي جربها أكثر من سنه ونصف على موتره 2005 والآن من أفضل مايكون

أخوي أنا مركب جنوط جي تي 16 وعرض 8 انش على كفرات دنلوب من ثمانية شهور أو أكثر

والموتر ممتاز معي وفرقتها بالنفود أحسن من الأوله

طبعا كنت مركبهن على تبريزة وصارت ترج إلى ما خرطتهن وشلت التبريزة صارت 100%

أبو عمار الخالدي

21/08/2010, 02:23 AM

اخوي الغاطي (( انا قد سحبت صالون غاطس في رباضه )) بكفرات الوكاله برجستون اليابسه ومنسم شوي

يليت توريني المقطع حق الربع

وبالنسبه للصوره الاولى (( هالجنط شايفه على 2010 غماره دبل جنط 17 )) شكل الهلي مجنووووون

وانا فكرت فيها بس تجاريه و خفت على الدفرنس يخرب ولا العكوس تهرب زيت وابتلش (( وانا ابخلي جنط الوكاله وابكرف البرجستون ثم ابركب طقم كفرات عرااض ورفاع وعلى جنوط الوكاله وتصير روعه (( وابكحل الجنوط )) وتصير كنها جنوط جديده هع هع

فيصل التميمي

21/08/2010, 02:49 AM

اخوي الغاطي جنوط الوكاله 15 والجنوط الي انت تبي تركبها 16 يفرق مقاس الكفر والجنط

متى نكشت ؟

21/08/2010, 04:44 AM

اخوي الغاطي جنوط الوكاله 15 والجنوط الي انت تبي تركبها 16 يفرق مقاس الكفر والجنط
اخوي ابو تميم اسمح لي ان اقول انك شايب وعود :mad::mad:
الكفرات 16 والجنط 16 ليه تقول 15;)
يالربع شجاكم على البلد غاااااااااااالي ولاهوب يستاهل قيمته والله يالجنوط الثانيه
انها احسن وافضل وكلها سته مسامير لاقلت جنط جي تي ولا باترول قالوا تجاري مايصلح علما ان التجاري ارخص وافضل ويكد
اخوي الغاطي عليك بالطقم الاول وبتعجبك وخل عنك شغل الشيبان :good2:

وعلى قولتك جنط السفاري المكحل الطقم الثاني ركبته عبى موتري بدون تكحيله وركبت جنوط جي تي والان على الموتر هلل وحجري
والحمدلله لاتعفطت ولا يحزنون لاخلينا لاطعس الا وطامرنا فيها ولاجروف الا وطمرناها
وعلى كيف كيفك

عليك بالاول ركبه ورح لليرموك ترصيص ارضي عن الشكه
وبيطلع موترك شيخ
:redcar::redcar:

أبو عمار الخالدي

21/08/2010, 06:12 AM

مسكييييييييييين يا متى نكشت ههههههههههههههههههههههههههه

كلام الشيبان هو الي واقعي

لا تسألني رح لأي بنشري عنده ضمير وانشده ويعلمك (( شف حضرمي )) وبيعطيك معلومات كامله

أبو عمار الخالدي

21/08/2010, 06:12 AM

الله يرزقك يبو هشام

الغاااااطي

21/08/2010, 06:15 AM

السلام عليكم

أولا أحب أشكر أخوي الغالي ( يكفيني نظرة )
شاف ردي في الرابطة وعلى طول أرسل رسالة بإيميله
جزاه الله خير
وعرض علي صور من موتره الهايلوكس دفرنسين بجنوط الباترول وصورة موتره الآخر الربع نيسان بجنوط التكحيلة

وأعطاني معلومات ليست بالقليلة عن هذه الجنوط أقصد الطقم الأول بالصورة ومزاياها وأسعارها وأين توجد

جزاه الله خيرا وفيرا وكثر الله من أمثال هذا الوجه الطيب

طبعا بعد ما أنتهت محادثتي أنا وهو أستغرقت حوالي الساعة أو أكثر أقتنعت كثيرا
وجزمت بإذن الي ماتنام عينه أني أشتري الجنووط من الغرابي بالرياض

طبعا الأخ يكفيني نظرة قدم لي بعض النصائح وخاصة أيام الكشتات من محاذير وأمور تحصل فجأة خاصة وأنت في طريق السفر أو في وقت المكشات
+(بيّن أن أخونا في الله شايب :d :d:d)+

جزاه الله عنا وعن جميع المسلمين خيرا وأن يغفر له ولوالديه ولجميع المسلمين إن جواد كريم

ياشباب أي سؤال عن الجنوط أنا في الخدمة

الغاااااطي

21/08/2010, 06:25 AM

اخوي الغاطي (( انا قد سحبت صالون غاطس في رباضه )) بكفرات الوكاله برجستون اليابسه ومنسم شوي

يليت توريني المقطع حق الربع

وبالنسبه للصوره الاولى (( هالجنط شايفه على 2010 غماره دبل جنط 17 )) شكل الهلي مجنووووون

وانا فكرت فيها بس تجاريه و خفت على الدفرنس يخرب ولا العكوس تهرب زيت وابتلش (( وانا ابخلي جنط الوكاله وابكرف البرجستون ثم ابركب طقم كفرات عرااض ورفاع وعلى جنوط الوكاله وتصير روعه (( وابكحل الجنوط )) وتصير كنها جنوط جديده هع هع

عاشق ياروحي ياقلبي يافؤادي ( حلوة فؤادي ههههه

عاشق الله يرحم والديك ترى جنوط الباترول وجنوط الهايلوكس بلد نفس المقاس بالملي والسانتي والترمو متر من القهر:d

حتى أن جنط الباترول أخف من جنط الهايلوكس البلد أقتنعت ياعاشق؟؟

مدري ليش هالخوف كله

العالم تركب جنوط 17 على هايلوكسات وخاصة 2005 وتحت لهم أكثر من 5 سنوات
لاتهريب ولا طقة كارونة ولا عكوس ولله الحمد والمنة

وأنحن نخاف نركب جنوط خفيفه ونفس مقاس جنوط الوكالة لا لا مايصلحش ( قول مصري

والمقطع أبشر من يعطيكم لكن خلوني أدور لي اسم باليوتيوب وأنزله

الغاااااطي

21/08/2010, 06:28 AM

اخوي الغاطي جنوط الوكاله 15 والجنوط الي انت تبي تركبها 16 يفرق مقاس الكفر والجنط

مالك لوا
جنط الهايلوكس مقاس 16 للمعلومية يافيصل

تشكرات حارة مغلفة بوردة موف شرايك :)

الغاااااطي

21/08/2010, 06:35 AM

اخوي ابو تميم اسمح لي ان اقول انك شايب وعود :mad::mad:
الكفرات 16 والجنط 16 ليه تقول 15;)
يالربع شجاكم على البلد غاااااااااااالي صحيح ولاهوب يستاهل قيمته والله يالجنوط الثانيه
انها احسن وافضل وكلها سته مسامير لاقلت جنط جي تي ولا باترول قالوا تجاري مايصلح علما ان التجاري ارخص وافضل ويكد صحيح يالغلا
اخوي الغاطي عليك بالطقم الاول وبتعجبك وخل عنك شغل الشيبان :good2: خالصين من هالحتسوة بإذن الله أنا أبشري جنوط باترول مقاس 16

وعلى قولتك جنط السفاري المكحل الطقم الثاني ركبته عبى موتري بدون تكحيله وركبت جنوط جي تي والان على الموتر هلل وحجري
والحمدلله لاتعفطت ولا يحزنون لاخلينا لاطعس الا وطامرنا فيها ولاجروف الا وطمرناها
وعلى كيف كيفك

عليك بالاول ركبه ورح لليرموك ترصيص ارضي عن الشكه
وبيطلع موترك شيخ

:redcar::redcar:

بإذن الله ياشيخ
وبإذن الله أحاول اني أشتريهن قبل يوم عيد الفطر وأصوره وأحط الصورة هنا

باقة من الورود تهديها لمن تحب:heart: يامتى نكشت

ولأخوي عاشق أحلى تحية موجه له وللأعضاء جميعا

نلتقي غدا في نفس المكان بمواعيد مختلفة :)

أبو محمد 3113

21/08/2010, 10:35 AM

ابو نادر

فيه ورش كثيره منها المواهب والمميز انت وين موقعك ؟

وانت يخوي تركي الجريسي

الهايلكسات من 2006 وطالع زي بعض في الكتمه

لان الدعسه (( الأكترونيه )) واهل التطعيس ما يحرصون على 2006 وطالع بهذا السبب ولغيره من الاسباب
بارك الله فيك اخوي عاشق
طيب مالها حل

أبو عمار الخالدي

21/08/2010, 05:23 PM

مدري ونا اخوك ولا اعتقد ان لها حل

متى نكشت ؟

21/08/2010, 05:24 PM

بارك الله فيك اخوي عاشق
طيب مالها حل

هلا بك اخوي تركي لها حل بس لابد لك من ترهيم وهي تغير الدعسه من الكترونيه
الا . واير . بس يبيلك قطع غيار لتغغير وزيادة بعض القطع
وهذا بيكلفك علما ان التغيير جرب على هايلوكس 2007 غمارة بس راحت الكتمه عند الدعسه وفرق عزم الموتر
خله على البلد لان الشباب هنا يقولون البلد زيييييييين

وانا ان شاء الله اني بغيرها بس عن وقت قريب .....

أبو عمار الخالدي

21/08/2010, 05:25 PM

ويا هلابك

(( بالنسبه ليكفيني نظره )) كني عرفته هذا ايوب وتراه شايبنا وعنده معلومات بس الله يصلحه لو يكتب هنيا كاااااان علووووم

(( انا ابختلف معك في ناحيه ))

جنط الهلي تراه 15 ومن حق لا تقول 16 وبراحتك انا اتكلم عن 2006 وفوق

متى نكشت ؟

21/08/2010, 05:39 PM

هلا بك اخوي عاشق الامنيات
في هذة النقطه غلطت غلط فادح >>>>>>>:d:d

الهايلوكس 2006 وطالع يجي نوعين نوع جنط16 و 15
اللي على مواتركم 15 وتجي بجنط كروم
اما 16 اغلبها تجي جنوط حديد
واغلب البعض يبي يستبدلها بـ كروم
اسئل الوكاله ليه الطقم غالي ........

متى نكشت ؟

21/08/2010, 05:41 PM

بإذن الله ياشيخ
وبإذن الله أحاول اني أشتريهن قبل يوم عيد الفطر وأصوره وأحط الصورة هنا

باقة من الورود تهديها لمن تحب:heart: يامتى نكشت

ولأخوي عاشق أحلى تحية موجه له وللأعضاء جميعا

نلتقي غدا في نفس المكان بمواعيد مختلفة :)

تسلم لي ياراعي الغاط
ونحن بانتظار الصورة
:good2::good2::good2::good2:

أبو عمار الخالدي

21/08/2010, 05:52 PM

انا اتكلم عن السعودي

طيب الخليجي (( بدامه يجي 16 يركب على موتري 16 براحه !!))
انا امس كنت بسدير ويشطفني واحد نفس موتري بس خليجي ومغير الكفرات صاير الموتر نظرررررررررره

ما شاء الله ولحقته وناضرت ولا جنوطه حديد وحسيت انهن اكبر من حقاتي حتى الكفرات كفرات لاند كرزر

الغاااااطي

21/08/2010, 06:23 PM

هلا بك اخوي عاشق الامنيات
في هذة النقطه غلطت غلط فادح >>>>>>>:d:d

الهايلوكس 2006 وطالع يجي نوعين نوع جنط16 و 15
اللي على مواتركم 15 وتجي بجنط كروم
اما 16 اغلبها تجي جنوط حديد
واغلب البعض يبي يستبدلها بـ كروم
اسئل الوكاله ليه الطقم غالي ........

موتري 2010 بريمي جنط حديد مقاس 16

ومواتر عبد اللطيف جميل السياحي بدون رفارف مثل مواتر شركات الطرق ( على ما أضن ان جنطه 15

فيصل التميمي

21/08/2010, 07:08 PM

يالربع الهايلكس السعودي او الخليجي الفل كامل الاي يجي رفارف يكون الجنط 15 وما السياحي مثل حق الشركات يجي 16

أبو عمار الخالدي

21/08/2010, 08:00 PM

انا فل كامل 15 سعودي

بس يا فيصل (( الغاطي يقول ان حقه 16وحديد))

متى نكشت ؟

21/08/2010, 08:05 PM

يالربع الهايلكس السعودي او الخليجي الفل كامل الاي يجي رفارف يكون الجنط 15 وما السياحي مثل حق الشركات يجي 16

اخوي ابو تميم ماعندك علم ابوفهد جنط 16
وهو رفرف وفل كامل
موتري سعودي بدون رفارف جنط 16

وراعي الغااط جنط 16 ورفرف
ياليت تعيد النظر بالقراءة
الحين كلن وذوقه وكلن ورايه
وسلملي على التجاري

الغاااااطي

21/08/2010, 11:10 PM

انا فل كامل 15 سعودي

بس يا فيصل (( الغاطي يقول ان حقه 16وحديد))

أتحداك ياشيخ أن جنط موترك مقاس 15

لأن الهايلوكس الدفرنس الواحد جنطه حديد مقاس 15

أبو عمار الخالدي

22/08/2010, 12:54 AM

منيب كاذب عليك هههههههههههههههه

15

100

%

أبوعسكر

22/08/2010, 02:19 AM

السلام عليكم اخوي حتى جنط 15

ابوفهد 1

22/08/2010, 02:20 AM

أتحداك ياشيخ أن جنط موترك مقاس 15
لأن الهايلوكس الدفرنس الواحد جنطه حديد مقاس 15

لا تتحدى يالغاطي

كلام أخوي عاشق... صحيح

وخذ العلم الأكيد واللي يجمد على الشارب

الهايلوكس الدفرنسين الفل كامل وارد عبداللطيف جميل من 2008 وفوق
تجي جنوطه كروم ومقاسها ((15))
ومقاس الكفرات (255/15/70)
أنا معي 2009 دبل سعودي
تحياتي

* ابو باسل *

22/08/2010, 02:42 AM

كلام صحيح وانا معي 2010 فل كامل والجنط 15 كروم

متى نكشت ؟

22/08/2010, 03:22 AM

يالربع ماقلنا شي
حنا لكن كلام اخوي ابوفهد فيه نقطه
يجي نوعين 15و16
لدينا 2009 دفرنسين
جنطها 16 والكفر 16

اما من 2008 وفوق 15 غير صحيح
علم جمد

الغاااااطي

22/08/2010, 03:47 AM

لا تتحدى يالغاطي

كلام أخوي عاشق... صحيح

وخذ العلم الأكيد واللي يجمد على الشارب

الهايلوكس الدفرنسين الفل كامل وارد عبداللطيف جميل من 2008 وفوق

تجي جنوطه كروم ومقاسها ((15))
ومقاس الكفرات (255/15/70)
أنا معي 2009 دبل سعودي
تحياتي

غريبة يا أبو فهد
طيب سيارة عاشق الأمنيات في التوقيع هل هذي الجنوط الي تقصدها مقاس15

غريبه والله! الهايلوكس الخليجي جنط مقاس 16؟

الغاااااطي

22/08/2010, 03:52 AM

يالربع ماقلنا شي
حنا لكن كلام اخوي ابوفهد فيه نقطه
يجي نوعين 15و16
لدينا 2009 دفرنسين
جنطها 16 والكفر 16

اما من 2008 وفوق 15 غير صحيح
علم جمد

أخوي متى نكشت

وش موترك؟؟ خليجي سعودي فل ولا سياحي رفرف ولا بدون جي إل إكس ولا جي إل

متى نكشت ؟

22/08/2010, 04:14 AM

أخوي متى نكشت

وش موترك؟؟ خليجي سعودي فل ولا سياحي رفرف ولا بدون جي إل إكس ولا جي إل
2007 بدون رفرف جي ال كس
جنط 16

لدينا 2010 سوبر جي الكس رفرف خليجي جنط 16

الغاااااطي

22/08/2010, 04:17 AM

2007 بدون رفرف جي ال كس
جنط 16

لدينا 2010 سوبر جي الكس رفرف خليجي جنط 16

والله غريبه

أنت يوم قلت لدينا قلت شكلهم عندهم معرض؟؟ :)

أبو عمار الخالدي

22/08/2010, 04:25 AM

هههههههههههههههههههههههههههههههههههههه

لديناا

اسمع يالغالي انت قلتها (( الخليجي ))

16 في الخليجي فقطططططط

متى نكشت ؟

22/08/2010, 05:09 AM

السعودي بعد انا موتري سعودي وجنطه 16
دقيت على احد الشباب موترة سعودي برفرف 2010 جنط حديد و16

يمكن تجي انواع ياصويحبي عاشق الامنيات..........

أبو عمار الخالدي

22/08/2010, 07:33 AM

طيب وصلنا لمبتغانا

الكروم مقاس 15 جي ال اكس ((((((( سوبر ))))))) وهو موتري
اما انت يمكن موترك ليس سوبر

الهلي 2009

22/08/2010, 11:00 AM

السلام عليكم ورحمة الله ...
أخوكم الجديد في الرابطه المبآركه أبو مبآرك .. وموتري 2009 دبل سوبر جي ال اكس ...
ومن ناحية جنط السعودبه الكروم فهو 15 يا .. متى نكشت ... وأي معلومه أقدر أسآعدكم فيهآ لي الشرف طآل أعمآركم ..
.....
اليوم ركبت فحمآت شآص من 97 وتحت ومآ شآء الله ما عليهآ ما تفرقها عن فحمآت الوكآله بشي ..

أبو عمار الخالدي

22/08/2010, 04:26 PM

ما شاء الله حياك الله معنا..

الغاااااطي

22/08/2010, 04:51 PM

السلام عليكم ورحمة الله ...
أخوكم الجديد في الرابطه المبآركه أبو مبآرك .. وموتري 2009 دبل سوبر جي ال اكس ...
ومن ناحية جنط السعودبه الكروم فهو 15 يا .. متى نكشت ... وأي معلومه أقدر أسآعدكم فيهآ لي الشرف طآل أعمآركم ..
.....
اليوم ركبت فحمآت شآص من 97 وتحت ومآ شآء الله ما عليهآ ما تفرقها عن فحمآت الوكآله بشي ..

ماشاء الله تبارك الله

حياك الله معنا في الرابطة وإن شاء الله تستفيد وتفيد

يالغالي أول شي مبروووك الموتر والله يطعم من خيره ويكفيك شره

وثاني شي الصراحة معلومة جديدة عن فحمات الشاص أنها تركب على الهايلوكس
يعني مقاسها مثل مقاس فحمات الهايلوكس؟ وتركب على طول؟

وكم سعرها بالوكالة؟؟

الغاااااطي

22/08/2010, 04:53 PM

ياشباب الي معه دبل سوبر جي إل إكس

ممكن صورة من الداخل وياليت يكون كل شي واضح

فيصل التميمي

22/08/2010, 07:48 PM

يالربع موتري هايلكس دبل 2010 بريمي جنط 15 ومته نكشت موتر ابو فهد 15 وتاكد بنفسك وشف هايلكس ابو خالد وتاكد منه
يالربع العايدي يجي 16 والفل 15

الغاااااطي

22/08/2010, 10:13 PM

يالربع موتري هايلكس دبل 2010 بريمي جنط 15 ومته نكشت موتر ابو فهد 15 وتاكد بنفسك وشف هايلكس ابو خالد وتاكد منه
يالربع العايدي يجي 16 والفل 15

وأنا معي هايلوكس بريمي دبل فل كامل قراند جنط 16 وكفرات برجستون جنط 16

الله يرحم والديك يافيصل التميمي وتأكد من جنط موترك

أبو عمار الخالدي

23/08/2010, 02:01 AM

عطنا صوره يالغاطي

alhawayel

23/08/2010, 02:12 AM

بسم الله الرحمن الرحيم
السلام عليكم ورحمه الله وبركاته اما بعد انا عندي هاي لوكس 4+4 موديل 2002
ومسوي فيه تعديلات كثيره وبصراحه اول مره اسمع رابطة الهاي لوكس دبل سمعت باالجمس المهم اتشرف ان اكون من رابطتكم لكي استفيد من ملاحضاتكم وتعديلاتكم

ابوفهد 1

23/08/2010, 02:45 AM

يالربع ماقلنا شي
حنا لكن كلام اخوي ابوفهد فيه نقطه
يجي نوعين 15و16
لدينا 2009 دفرنسين
جنطها 16 والكفر 16

اما من 2008 وفوق 15 غير صحيح
علم جمد

بس اللي معك أكيد أنه ماهو فل كامل والدليل جنوطه حديد وليست كروم ....صح..!!:d

غريبة يا أبو فهد

طيب سيارة عاشق الأمنيات في التوقيع هل هذي الجنوط الي تقصدها مقاس15

غريبه والله! الهايلوكس الخليجي جنط مقاس 16؟

نعم هي اللي أقصدها مقاسها ((15))

السعودي بعد انا موتري سعودي وجنطه

دقيت على احد الشباب موترة سعودي برفرف 2010 جنط حديد و16

يمكن تجي انواع ياصويحبي عاشق الامنيات..........

قلتها بنفسك يا متى نكشت....(جنوطه حديد)

يعني موب فل كامل (سوبر جي إل إكس)

الفل كامل السعودي تجي جنوطه كرووووووم مقاس (15)

فيصل التميمي

23/08/2010, 03:15 AM

يالربع وش جاكم موتري بريمي جنوط حديد 15 وركبت جنوط كروم حقت السعودي 15 ونفس الكفرات راكبه

متى نكشت ؟

23/08/2010, 03:35 AM

اتضح الان
ان الحديد يجي 16
والكروم 15
بس فيصل التميمي
15
عجييييييييييييب

فيصل التميمي

23/08/2010, 03:56 AM

وش عجيب يالبناخي موتري بريمي دفعة ثانية والجنوط حديد

وهذي صورة موتري بجنوط حديد 15 حقت الوكالةhttp://www.up-king.com/almaciat/biatwrtkaxaleb7go7iw.jpg (http://www.up-king.com/almaciat/biatwrtkaxaleb7go7iw.jpg)ي

وهذي صورته بعد ماركبت جنوط السعودي الكروم 15 ونفس الكفرات
http://www.up-king.com/almaciat/7qvxghnz1zsr5hgjbehq.jpg (http://www.up-king.com/almaciat/7qvxghnz1zsr5hgjbehq.jpg)

متى نكشت ؟

23/08/2010, 04:39 AM

اها كلامك في محله يالبناخي

صدقت

نشوف عاشق الامنيات

ثامر بن سعود

23/08/2010, 04:55 AM

السلام عليكم ورحمة الله وبركاته

الربع مساء الخير / صباح بالخير

اخواني لاهنتم انا ودي بهايلكس دبل من زمان

مير ما الله كتبلي لحد الان

وبغيت استفسر بعد اذنكم عن اسعاره كاش او تقسيط كم بينحسب علي اذا الدفعة الاولى 30 الف
ومواصفاته
واييش الافضل السعودي ولا الخليجي
وهل في عروض في رمضان عليه زي ماسمعت عبداللطيف مسوي عروض لرمضان

الله لايهينكم يا اخوان

أبو عمار الخالدي

23/08/2010, 05:59 AM

http://cgi.ebay.com/ebaymotors/Orange-TPMS-Tire-Pressure-Monitor-4-Sensors-FSH-USA-_W0QQcmdZViewItemQQitemZ180535095075QQptZMotorsQ5f CarQ5fTruckQ5fPartsQ5fAccessories

ودي اركب هالجهاز تنصحوني ؟؟

الهلي 2009

23/08/2010, 06:57 AM

ما شاء الله حياك الله معنا..

الله يجزاك خير ونتشرف بوجدنا معكم

الهلي 2009

23/08/2010, 07:01 AM

ماشاء الله تبارك الله

حياك الله معنا في الرابطة وإن شاء الله تستفيد وتفيد

يالغالي أول شي مبروووك الموتر والله يطعم من خيره ويكفيك شره

وثاني شي الصراحة معلومة جديدة عن فحمات الشاص أنها تركب على الهايلوكس
يعني مقاسها مثل مقاس فحمات الهايلوكس؟ وتركب على طول؟

وكم سعرها بالوكالة؟؟

الله يبارك فيك ويسلمك ويزاك خير ... امس ركبتها في موتري والى الان مآشيه مزبوط أتوقع مافيه فرق بينها وبين الوكاله .. ولا يحتاج ترهيم ولا شي ..تفك فحمات الوكاله وتركب هذي دايركت ..
وسعرها طآل عمرك بـ 85 ريال ... من النهدي .. أتمنى الفآئدة للجميع ..

الغاااااطي

23/08/2010, 11:51 PM

الله يبارك فيك ويسلمك ويزاك خير ... امس ركبتها في موتري والى الان مآشيه مزبوط أتوقع مافيه فرق بينها وبين الوكاله .. ولا يحتاج ترهيم ولا شي ..تفك فحمات الوكاله وتركب هذي دايركت ..
وسعرها طآل عمرك بـ 85 ريال ... من النهدي .. أتمنى الفآئدة للجميع ..

كثر الله من أمثالك يالغلا

وبإذن الله أبعلم ربعنا كلهم عنها
جزاك الله خير

الغاااااطي

23/08/2010, 11:56 PM

السلام عليكم هذي صورة موتري البريمي والصورة في الأسفل يبين أن الجنط مكتوب عليه 16

http://img105.herosh.com/2010/08/23/510409307.jpg

http://img104.herosh.com/2010/08/23/765656545.jpg

هذي صورة الجنط
http://img104.herosh.com/2010/08/23/819054810.jpg

الملك ابوخرش

24/08/2010, 03:19 AM

اخواني باسالكم توني شاري دفرنسين موديل 2000 غماره وافكر اركب رفارف وش رايكم معجبتني

الملك ابوخرش

24/08/2010, 03:25 AM

معليش اخواني بزعجكم شوي بالاسئله مالكم الا الدعاء اخوكم شاريه بس لطلعات البر ودي اركب مساعد استرالي تنصحوني فيه

فيصل التميمي

24/08/2010, 03:34 AM

اخوي ابو خرش موترك موديل 2000 ماتظبط عليه الرفارف
اما من ناحية المساعد مايركب على موترك مساعد المساعد من 2006 وفوق

الملك ابوخرش

24/08/2010, 03:50 AM

اي مساعد تنصحوني فيه وجنوط الله يعطيك العافيه

متى نكشت ؟

24/08/2010, 04:48 AM

راعي الغاط بين للشباب
كفو
جعلك
تسلم

الغاااااطي

24/08/2010, 08:00 AM

وهذي صورته بعد ماركبت جنوط السعودي الكروم 15 ونفس الكفرات
http://www.up-king.com/almaciat/7qvxghnz1zsr5hgjbehq.jpg (http://www.up-king.com/almaciat/7qvxghnz1zsr5hgjbehq.jpg)

هلا بولد عمي فيصل

من وين ركبت الوطايات؟؟وكم سعرها لو تكرمت

الغاااااطي

24/08/2010, 08:10 AM

معليش اخواني بزعجكم شوي بالاسئله مالكم الا الدعاء اخوكم شاريه بس لطلعات البر ودي اركب مساعد استرالي تنصحوني فيه

أول شي أنا ما أخبر أن في مساعدات للهايلوكس أسترالية
الي أخبره يايات استراليه
وعلى ما أضن سعرها ب500 الأثنين

تبي الرأي مني

أنا ركبت مساعدات فكسار 2002 قدام
وفكسار 97 خلفي
على موتري القديم 2008

الصدز والله ياهو شاد الموتر مرة يعني ماينزل أبد خاصة بالنفود والشعبان

دايم أحمل عليها شعير وفراخة وبرسيم والحمد لله ماينزل واجد
عكس الوكالة النسافات الخلفية شوي وتحك بالزفلت

طبعا أنا مركبها في محل أسمه مرات في الصناعية القديمة بالرياض
إذا بغيت رقمة أبشر

وأسعار مساعدات الفكسار غاز2002 ب95 ريال للواحد
والفكسار 97 خلفي الواحد ب55 ريال

وشغل التركيب ب150 هذا السعر قديم لكن الآن لا أعلم عن السعر

لو تروح للوكالة وتسعر المساعدات قدام الواحد أكثر من 300 ريال
أتمنى أنك استفدت يالغلا
وأي استفسار أنا جاهز تحت أمرك

الغاااااطي

24/08/2010, 08:14 AM

اي مساعد تنصحوني فيه وجنوط الله يعطيك العافيه

أما من ناحية الجنوط
موترك يصلح له جنط الفكسار 97
أحس لايق عليه

الغاااااطي

24/08/2010, 08:37 AM

:d
السلام عليكم ورحمة الله وبركاته

الربع مساء الخير / صباح بالخير

اخواني لاهنتم انا ودي بهايلكس دبل من زمان

مير ما الله كتبلي لحد الان

وبغيت استفسر بعد اذنكم عن اسعاره كاش او تقسيط كم بينحسب علي اذا الدفعة الاولى 30 الف
ومواصفاته
واييش الافضل السعودي ولا الخليجي
وهل في عروض في رمضان عليه زي ماسمعت عبداللطيف مسوي عروض لرمضان

الله لايهينكم يا اخوان

وعليكم السلام ورحمة الله وبركاته

صباح الفل مساء الفل

الله يوفقك إن شاء الله ويرزقك الموتر الي أنت ناوي عليه

وثاني شي الأقساط ما أعرف عنها شئ

أسعار الدبل الغمارتين السعودي جي إل إكس بنزين في الوكالة ب89000
والمعارض بــ 87000 يزيد ألف أو ينقص ألف

والخليجي البريمي الدفعة الثانية ب 81000 يزيد 500 أو ألف
والدفعة الأولى أبو خط ذهبي باعوه قبل فتره ب77000 ولو تروح وتلف المعارض يمكن تحصل واحد منه
وفيه واحد قبل شهر في معرض البحر العربي ببريده لكن سياحي

والمواصفات أبذكر الي أنا أعرفها

أول شي نبدأ بالخليجي
بلوتوث السعودي لا
بوصلة السعودي لا
أرباقين سعودي وخليجي
فرامل آي بي إس سعودي وخليجي
الخليجي مراتب فصل وتكاية بالنص السعودي لا أعلم
الخليجي جنط حديد السعودي كرووم
وطاية الأرجل يختل الخليجي عن السعودي وأنا أميل للسعودي لأن شكله لايق شوي:d
الجميع حساسات خلفية
السعودي سي دي الخليجي لا
السعودي تحكم بالأنوار الأمامية مثلا الرفع والتنزيل

هذا الي يحضرني
والعروض لا أعلم بها

الملك ابوخرش

24/08/2010, 02:42 PM

أول شي أنا ما أخبر أن في مساعدات للهايلوكس أسترالية
الي أخبره يايات استراليه
وعلى ما أضن سعرها ب500 الأثنين

تبي الرأي مني

أنا ركبت مساعدات فكسار 2002 قدام
وفكسار 97 خلفي
على موتري القديم 2008

الصدز والله ياهو شاد الموتر مرة يعني ماينزل أبد خاصة بالنفود والشعبان

دايم أحمل عليها شعير وفراخة وبرسيم والحمد لله ماينزل واجد
عكس الوكالة النسافات الخلفية شوي وتحك بالزفلت

طبعا أنا مركبها في محل أسمه مرات في الصناعية القديمة بالرياض
إذا بغيت رقمة أبشر

وأسعار مساعدات الفكسار غاز2002 ب95 ريال للواحد
والفكسار 97 خلفي الواحد ب55 ريال

وشغل التركيب ب150 هذا السعر قديم لكن الآن لا أعلم عن السعر

لو تروح للوكالة وتسعر المساعدات قدام الواحد أكثر من 300 ريال
أتمنى أنك استفدت يالغلا
وأي استفسار أنا جاهز تحت أمرك
بيض الله وجهك انت والشباب بس موتري موديله 2000 ضنك بتركب عليه وتطلع زينه

الملك ابوخرش

24/08/2010, 02:43 PM

أما من ناحية الجنوط
موترك يصلح له جنط الفكسار 97
أحس لايق عليه
اخوي وش رايك في ال جي تي ضنك بتطلع زينه

الهلي 2009

24/08/2010, 04:01 PM

كثر الله من أمثالك يالغلا

وبإذن الله أبعلم ربعنا كلهم عنها
جزاك الله خير

ويآك طآل عمرك .. وما سوينا شي ولي الشرف بخدمتكم ... انا قريت في اول الصفحات انهآ ما تطول مثل
فحمآت الوكآاله لكن بنشوف فحمآت الوكآله غلقت في الموتر سنه وشهر .. وبجرب هذي وبشووف صحة هالكلآم مع إن وآحد من الشباب معه 2008 أول مره يغير فحماتها ركب فحمات شاص ..

الغاااااطي

24/08/2010, 06:00 PM

اخوي وش رايك في ال جي تي ضنك بتطلع زينه

جنوط الجي تي شكلا حلوة بالحيل
وميزتها أنها خفيفة مره

لكن بتكون بارزة عن البدي وإذا كنت تدخل زحمات الرياض كثير ماتصلح الجنوط لك

لأنها تبي تحك بالسيارات والأرصفة

وأنا واحد منهم جربت الجي تي 5 مسامير على 2008 بدون دبل
غيرت كفر أنشق من كابرس 88 في زحمة الرياض:p

الغاااااطي

24/08/2010, 06:02 PM

ياشباب والله أعتب عليكم مرة ثانية

وين التواجد في موضوع الرابطة؟؟

ياخي على الأقل حطه بالمفضلة

وأشكرك ياعاشق الأمنيات على وضع موضوووع الرابطة

يكفيني نظرة

24/08/2010, 06:17 PM

السلام عليكم ورحمة الله..
هلا بالاخوان جميعا وخاصة الاخوين (عاشق الامنيات ) و ( الغاطي)..
تراي مستحي منك يالغاطي :j:j
لأني انسى كثيرا ونسيت افيدك بالمعلومه ان الفحمات ماقد غيرت غير حقات الشاص 90 ما اركب الا هن وتذكرت يوم شفت الردود :j

فيصل التميمي

24/08/2010, 07:34 PM

هلا بولد عمي فيصل

من وين ركبت الوطايات؟؟وكم سعرها لو تكرمت

ابن العم الوطايات ركبتها في الغرابي بـــ 700 ريال مع التركيب وبدون التركيب بــ600 ريال

فيصل التميمي

24/08/2010, 07:36 PM

اخوي الغاطي تعرف الوقت في رمضان ضيق ويالله يالله الواحد يدخل النت فاعذرنا

الملك ابوخرش

24/08/2010, 08:03 PM

جنوط الجي تي شكلا حلوة بالحيل
وميزتها أنها خفيفة مره

لكن بتكون بارزة عن البدي وإذا كنت تدخل زحمات الرياض كثير ماتصلح الجنوط لك

لأنها تبي تحك بالسيارات والأرصفة

وأنا واحد منهم جربت الجي تي 5 مسامير على 2008 بدون دبل
غيرت كفر أنشق من كابرس 88 في زحمة الرياض:p
اخوي لا ابشرك مخلي الموتر للبران وانا اخوك شكلي بركبها وابشر ا\ا شفت كابرس بنتقم للك عندي بليزر قديم يبرد السبد وحش ههههههههه

فيصل التميمي

24/08/2010, 08:26 PM

ابو حرش الموتر خاص للبر حط فيه الاي تبي هذي ازين شي لاصار موترك مخصص للكشتات تحط فيه عفشك ولاتخاف اما الاي موترة يكشت عليه ويداوم عليه مشكله
لكن يالربع ودي بطريقة للطبق على الصندوق لكن كيف بحيث تحط العزبة الاغراض في الحوض وتغطية بالطبق لكن ابه بدون شد

الملك ابوخرش

24/08/2010, 08:45 PM

ابو حرش الموتر خاص للبر حط فيه الاي تبي هذي ازين شي لاصار موترك مخصص للكشتات تحط فيه عفشك ولاتخاف اما الاي موترة يكشت عليه ويداوم عليه مشكله
لكن يالربع ودي بطريقة للطبق على الصندوق لكن كيف بحيث تحط العزبة الاغراض في الحوض وتغطية بالطبق لكن ابه بدون شد
والله وانا اخوك انا اشوف الصندوق النيكل الي عند السليماني كويس الي يجيك ربع الصندوق حط عزبك وماطور الهوا وحطلك فيه عفريته كبيره انا اشوف افضل لا تنصرق ولا شي وريح بالك مهوب اذا وقفت عند محطه تصلي صرت على اعصابك بس مادري تركب على الهايلكس ولا عريضه بس للجموس والله قاعد افكر فيها والله يوفقنا جميعا

الملك ابوخرش

24/08/2010, 08:52 PM

ابو حرش الموتر خاص للبر حط فيه الاي تبي هذي ازين شي لاصار موترك مخصص للكشتات تحط فيه عفشك ولاتخاف اما الاي موترة يكشت عليه ويداوم عليه مشكله
لكن يالربع ودي بطريقة للطبق على الصندوق لكن كيف بحيث تحط العزبة الاغراض في الحوض وتغطية بالطبق لكن ابه بدون شدوالله شف وانا اخوك انا معجبني الصندوق الي عندي السليماني النيكل حط عزبتك وماطور الهوا وعفريته كبيره واقفله لاتخاف ولاشي مهوب اذا صليت عند محطه تصير على اعصابك تخاف تنصرق اغراضك ولا اذا امطرت اندمرت الدنيا كلها بس مدري تركب على الهايلكوس ولا لا لانه عريض اخاف بس للجموس والله يوفقنا جميعا.............

مكشاتي2010

24/08/2010, 09:19 PM

الســـــلام عليــكم

سجلو واحد معكم بالرابطه وان شاء الله افيد واستفيد

الموتر شبيه موتر الغاطي وفيصل:d

واللي حوله تانكي ماء حديد او غيره يركب على الغمارتين تراني شرااي