المساعد الشخصي الرقمي

مشاهدة النسخة كاملة : سؤال لاهل الخبره عن الباثفندر



الــدمــوي
12/01/2010, 01:23 PM
بسم الله الرحمن الرحيم

مساكم الله بالخير

يااخوان ناوي اشتري لي باث فندر من موديل 2002 الى 2004 باذن الله

وحاب اسئل عنه هل هو عملي ومريح ؟ وهل يهركل بسرعه ؟وهل يستاهل اني اشتريه واستخدمه استخدام مستمر بسفر وقنص ،،،، طبعا انا انسان راكد مااحب المطامر واقنص القميري والطيور الصغيره دخل وجرجس وراعي طلعات بر

والسؤؤؤال الاخير والمهم لي هل قطع الغيار غالي لاني سمعت واحد يمدحه لي وقال لي ان عيبه قطع غياره ناررر ؟؟

اتمنى المساعده وانا اشاوركم والله يوفقكم

الــدمــوي
12/01/2010, 05:20 PM
وينكم يااشباب

ابوراس الدحمي
12/01/2010, 06:39 PM
شف وانا اخوك الباثفايندر عز الله انه موتر خط قبل انه يكون موتر طلعات
اما بالنسبة للموديلات اللي ذكرت فما خبرت واحد استخدم الموديلات ذي وبعدين استغنى عنها لان شكلة حلو
وعملي . اما بالنسبة للهركلة أو الهرقلة فهو موتر يتحمّل لكن على حسب استخدامك . الا انه شديد شوي في
البطانيج والمطبات طبعا لا تتشائم منه عشان المناقز لانه راسي على الطريق .لكن فعلا القطع مبالغ في اسعارها
شوي لكن على فكرة الجيوب ما تطلب قطع واجد اذا انت رجال ما تحب المطامر العنيف
في الختام تراه موتر ما يحتاج .والله يوفقك الى ما فيه كل خير .
تحياتي......

saad_path
12/01/2010, 06:59 PM
حياك الله اخوي الدموي
بالنسبه للموتر والله انا معي باثفندر 2004
الصراحه الموتر ماعليه كلام إن بغيت ديره وان بغيت خط وان بغيت بر مجمل في جميع الحالات
وانصحك انك تركز على الموديلين 2004 - 2005 لان المكينه تجي 3500 ومشاكلهن قليله
خلاف 2003 اللي فيه مشكله بالحساس .
من ناحية الهرقله كل فتره سوله تربيط وخلها من باب الصيانه
الرساوه مايحتاج نيسان معروف بالرساوه وانا جربته بالخط وانا اتكلم من واقع تجربه امشي عليه 200 ومالاحظة عليه شي

من ناحية القطع المشكله بالوكيل ( الله لا يوفقه ) محتكر القطع ومخليهن نااااااار
وبالنسبه لي انا اشتريهن من دوله خليجيه قريبه والله والله والله انها بنص قيمة القطع اللي عند الحمراني

اما اللي يسبونه فخلنا تنكلم بواقع اغلب الناس بخيله على سباراتها تلقاه مايسوي صيانه الا لا خربت السياره ولا خربت قام يسب ويعذرب الباثفندر يحتاج صيانه دوريه وماهي مكلفه

واسف على الاطاله

القناص المميز
12/01/2010, 07:06 PM
خذه ولا تشاور

س ل ي م ا ن
12/01/2010, 08:51 PM
أخوي أنا أتكلم من واقع تجربه الباثفندر موتر لايعلى عليه أن بغيته ديره
كنه سيارة سيدان وأن بغيته بر يوصلك للمكان اللي تبي ويطربك
وبالنسبه ل2003 تراه مايفرق عن2004 و2005ألا بالحساس وعلاجه بسيط
ولاهو نفس المكينه لكن أن كنت تبي تشتري أحرص على النظيف ثم النظيف
لأنك أن طحت بواحد مجلود تبي تكره نفسك

ولاتنسى أن شريته تفك مسامير الثلاجه علشان تريح راسك

الــدمــوي
12/01/2010, 09:50 PM
من كلامكم تنصحوني اشتري لي باثفندر موديل 2004 وفوق حتى لا تصير لي مشكله مسامير الثلاجه

طيب سؤال ؟ هل فيه مواصفات للباثفندر يعني فل واقل

ارجو الاجابه

س ل ي م ا ن
12/01/2010, 10:27 PM
من كلامكم تنصحوني اشتري لي باثفندر موديل 2004 وفوق حتى لا تصير لي مشكله مسامير الثلاجه

طيب سؤال ؟ هل فيه مواصفات للباثفندر يعني فل واقل

ارجو الاجابه

أخوي مشكلة مسامير الثلاجه موجوده بـ2003 و2004و2005
والفتك بعد:D
وحله بسيط وهو أنك تفكهن ب200 ريال وتريح راسك لأن فكهن ماله ضرر

وبالنسبه للمواصفات أكيد فيه فل وأقل يعني فيه أنواع بمثبت وجلد وفيه نوع بفتحه وفيه ستاندر

alhoimli
12/01/2010, 11:36 PM
مشكور على الموضوع لكن انا عندي سؤال هل الموتر يصرف بنزين وكم علبة زيت يغير وافضل هو والا الهايلوكس دنرفنسين 2009

الموسيقار6
13/01/2010, 12:12 AM
الشباب كفوو ووفو والستاندر تراه مثل الددسن يعني داخليه عادي جداً ,
حاول تأخذ نص فل او فل كامل بس الفل كامل يجي غالي وعليك بالنظيف ,,

remazoo
13/01/2010, 01:46 AM
تبي نصيحت اخو يحبلك الخير.... ابعد وانت الكسبان ...
معي واحد رافع ضعطي والله
مره نقص زيت ومره دخان ازرق ومره ابيض وعد واغلط من خراب الحساسات مع العلم اني اشتريته وهو ما مشي الا 91000 كم بس وإلى الان معي اذا تبيه تعال فكني منه مع العلم اني والله ما طبيت البر ولا مره اشتريت شروكي مخليه للبر من كثر خربات الباث وياليت وقفه على السيارة بس ما يجيك الا قطع الغيار اللي تشق الوجه شق اعوذ بالله من غلاها

ابوعلي الحربي
13/01/2010, 04:10 AM
خذه وانا خوك لكن احرص احرص على النظيف موتر الصلاه على النبي هب ريح وراسي بالخط بس هو شوي يناقز بالمطبات ومدري ان كان هالشي من الكفرات لانها قاسيه او لا لكنه موتر يعجبك وقبل كل شي استخير الله مره ومرتين و3 وربي يكتب لك الي فيه الخير

شط العرب
13/01/2010, 10:12 AM
عندي لك بافندر 2004إن كانك تنوي تشتري دق علي

ج/0506418932