الشروكي وش رايكم

[كشات وماشي]

السلام عليكم ::

أخواني أبي أشاوركم في في الجيب الشروكي

أنا سمعت من ناس كثيرين يقولون انه خرابات ومشاكله واجد مع أني أشوف موديلات قديمة 90-91 تكد كد الحمير خاصة أصحاب المراقا التطعيس ..
وش رايكم فيه وتنصحوني في القير التماتيك ولا العادي
ومادخل راسي الا أنه سعره رخيص وحجمه لاهوب كبير ولاصغير ..
وأشوف الناس منكبين عليهن مدري وش الطاري


وش راي الاخوان أعضاء المنتدى الكرام في هالموتر


مع الشكر مقدما لكل المشاركين
:good:

[بن نويشر]

الدبور الدبور ........

مديرنا سلمك الله معه شيروكي موديل 97 يشتكي كثرة تهريب الزويت ومشاكلة واجد وما تخلص . صحيح هو خفيف وقوي . بس الرأي لك .

[ابوتاية]

السلام عليكم

السيارات المستعمله عموما كثير اعطالها
ولكن رغبه الشراء تعود للمستهلك وحسب امكانياته
نصيحه حاول شراء سياره ذات قطع غيار متوفرة ويمكن اصلاحها باي مكان
وتقول السياره رخيصه ويمكن اتغلب على اعطالها ( لو)
مع تمنياتي لك بالتوفيق

[كشات وماشي]

السلام عليكم

شكرا أخوي سنيدي وأبوتاية علىمروركم على الموضوع ..

وودي بتفاصيل أكثر (ولاهوب مهانه فيكم)

وأكرر شكري للأخوين
ولجميع الاعضاء

[عزالخوي]

السلام عليكم جميعا
الاخ العزيز/ كشات وماشي
الشيروكي سيارة رائعه -وهي مناسبه اكثر للوعر خصوصا اذا كانت تأتي بمايسمى نظام التعليق للمناطق الوعرة(Up-country suspension)-من حسناتها انها قصيرة نسبيا 4:26 م مما يعطيها مزيه في المناطق الوعرة حيث ان زاويه دخولها وخروجها ممتازة ولكن هذا القصر له ضريبته حيث انك لاتستطيع تحميل الكثير من الامتعه. كما انها سيارة ليست جيدة الاتزان(الرساوة) مقارنه بغيرها من الجيوب وخصوصا على سرعات عاليه.
من حسناتها ايضا قله صرفها للوقود وتعتبر مثاليه في هذا الموضوع بالذات-وبالتأكيد هي سيارة يعتمد عليها في جميع التضاريس.
عيبها الاكبر والذي يجب الحذر منه: دفرنشها الخلفي-بعد فترة ستسمع صوته بوضوح وخصوصا اذا كنت سائق قاسي -وعاجلا أم اجلا -لابد من تغييرة . عشاق الشيروكي كانوا دائما يقومون بتغيير هذا الدفرنش بدفرنش فورد برونكو(الاجزاء) لانه اقدر على تحمل مشقه الاستعمال.
بالتأكيد انصحك بأستخدام القير العادي-لانه الانسب لاستخدامات البر.
امل ان اكون قد افدتك.
لك وللجميع اطيب تحيه.

[كشات وماشي]

يعطيك ألف عافية أخوي عز الخوي

كفيت ووفيت وجزاك الله خير ...

أبشرك أني شريت شروكي وكنت محتار بين العادي والتماتيك..

لاكن صملت وشريت عااااااادي :good2:

ولو أن سواقته متعبة شوي لكنه يشفيك

واذا ماعليك أمر ودي بتفاصيل هالكارونة ونوعها ووين ألقاها إذا عندك علم فيها

وأكرر شكري لك ولكل أعضاء المنتدى

[السالمي]

8
8
8
8
احسن ماسويت

الشروكي موتر واللي يقول انهم ماهو راسي غلطان والله

انا معي واحد قراند شروكي 94 v6 راسي ومايعرف الحراره

ولايعرف الصرفيه موتر جيد الصراحه وسبق وطلعت فيه طلعات بعيده وقريبه

وبعدين الدفرنس من احسن مايكون ما اشتكيت منه في شي

يمكن مشكلته تصير في الـ v8 وهذا النوع ما انصح فيه

بختصار المواتر ماهي سوى والناس ماهي سوا

والموتر اللي يدوم معكم يمكن مايدوم مع غيرك

[ALODHAIBY]

اذا كنت من اهل الرياض عليك بمحلات باجحزر لقطع الغيار اسعارهم رخيصه جدا ومناسبه وموقعهم شارع الامير سلمان وهاتفهم احول اجيبه لك ان شاء الله مع العلم انهم يرسلون القطع لاي مكان عن طريق الشحن

[العطة]

السلام عليكم ورحمة الله وبركاتة

اهم مشاكل الشيروكي موديل 90-95
الحرارة الكلتش الكرونة
حساس القبر اذا خرب تطفى السيارة
ممكن تحل بعض المشاكل
الحرارة تغير البلف الى ربع الحرارة والمروحة كهرب
الكلتش سمعت انة يركب علية كلتش هايلكس 83 مع شوي ترهيم

المميزات
السيارة رفيعة وقصيرة الماكية ممتازة تعيش وماتصرف بنزين ممكن تستخدمة كسيارة صغيرة داخل المدية
واهم شي رخص قيمة مستعمل موديل 94 قيمة عشرة الاف وحولها, باجحر عندة قطع غيارة امريكية لة رخيصة ممكن تولف لة قطع غيارة امريكية من جي ام و وفور

[مهراس]

الأخ السالمي: السلام عليكم ورحمة الله
ما اعتقد ان الجيوب الشيروكي جات بمحرك V6

http://www.mekshat.com/pix/upload/images6/mk6074_Cherokee family.jpg

عائلــــة الشيروكي

[فتى اللوز]

السلام عليكم

إخواني سار لي مده وأنا أدور لي جيب شروكي بس مالقيت الزين الرخيص وين ألقا الجيوب

الرخيصه ولي يعرف في منطقة تبوك يكون أحسن ولو أعطيه مرسدس مديل 84 حليله لأن العيد أقبل

ودي أني أتمشى فيه وياليتى إلي يعرف يفيدني

[السالمي]

اخوي مهراس


سلامت قلبك

الشروكي يجي 6 سلند ويجي 8 سلندر

هذي انواعه ماعدا النوع الجديد الصغير هذا بالضبط ما ادري عنه لاكن احتمال كبير انه 6 سلندر

انا اللي معي قراند شروكي 6 سلندر

وهذا ميزته ان قطع غياره نفس قطع الكلاسك

عندك الماكينه والقير والدفرنس نفس الكلسك

وعندك الفخامه والراحه نفس الـ 8 سلندر

[سهيل واحد]

الشروكي جيب يبرد قلب راعية .. انا معي شروكي كلاسيك .. من خمس سنين و عز الله انه جيب و سلامتكم