بعض الأسئلة بخصوص الهايلوكس الجديدة

[الأسير]

السلام عليكم ورحمة الله وبركاته

اسعد الله مساءكم بكل خير

انا معي ددسن وناوي ابيعه واشتري هايلوكس بس عندي بعض الاسئله لأن هذي اول مرة راح استخدم الهايلوكس فيها

النقاط اللي ابي اسال عنها هي

1- هل هي اريح من الددسن والا لا ( ددسني 2003 ذبحتن مطامر مع اني سحبت ريشة من السست )؟

2- هل تصرف بنزين اكثر من الددسن ؟

3- يقولون الهايلوكس اذا ربطت فرامل تزحف هل هذا صحيح ( الددسن ما لاحظت الشي هذا ) ؟

4- هل الهايلوكس اوسع من الددسن من الداخل ( المرتبة اللي ورا ضيقة بالحيل باللدسن )؟

5- هل فيه تنسيم هوا لما تمسك خط والا لا ؟

اعتذر عن الاطاله وكتبت موضوعي هذا لما وجدته فيكم سعة الصدر ودقة الاجابه

[عاشق الحوض99]

1- هل هي اريح من الددسن والا لا ( ددسني 2003 ذبحتن مطامر مع اني سحبت ريشة من السست )؟

والله ما لي علم هل هي اريح اولا؟ بس الظاهر نفس الشي

2- هل تصرف بنزين اكثر من الددسن ؟

لا اقل صرفيه

3- يقولون الهايلوكس اذا ربطت فرامل تزحف هل هذا صحيح ( الددسن ما لاحظت الشي هذا ) ؟

ما فهت وضح اكثر

4- هل الهايلوكس اوسع من الددسن من الداخل ( المرتبة اللي ورا ضيقة بالحيل باللدسن )؟

ايه اوسع من الددسن

5- هل فيه تنسيم هوا لما تمسك خط والا لا ؟

ابداً ما فيه اي تنسيم

[عبدوش]

[quote=الأسير;3801206]السلام عليكم ورحمة الله وبركاته

اسعد الله مساءكم بكل خير

انا معي ددسن وناوي ابيعه واشتري هايلوكس بس عندي بعض الاسئله لأن هذي اول مرة راح استخدم الهايلوكس فيها

النقاط اللي ابي اسال عنها هي

1- هل هي اريح من الددسن والا لا ( ددسني 2003 ذبحتن مطامر مع اني سحبت ريشة من السست )؟
اريح بكثير لاني جربت الاثنين
2- هل تصرف بنزين اكثر من الددسن ؟
اقل صرفيه وملحوظه
3- يقولون الهايلوكس اذا ربطت فرامل تزحف هل هذا صحيح ( الددسن ما لاحظت الشي هذا ) ؟
صح تزحف فيك شوي
4- هل الهايلوكس اوسع من الددسن من الداخل ( المرتبة اللي ورا ضيقة بالحيل باللدسن )؟
ايه اوسع بكثيرر
5- هل فيه تنسيم هوا لما تمسك خط والا لا ؟
لامافيه تنسيم وذا فيه تنسيم الوكاله يغيرون لك الربل اذا كان الضمان ساري
اجاباتي من واقع تجربه

[أبوعلي الجاسر]

الددسن أريح
من ناحية بريك الهايلوكس من 2006 وفوق البريك تمام من 2005 وتحت فيه حذفيه
البنزين للدسن من 2004 وفوق تقريباً نفس الهايلوكس الجديد
من ناحية التنسيم حتى لو كان فيها تنسيم تروح للوكالة يغيرون لك ربل الباب
الضيق والوسع تقريباً الهايلوكس أوسع شوي
لكن وأنا أخوك إذا انت رجال راعي مكاشيت حجرة مب رمل وشيل وحط ترى الهايلوكس ولابريال
لأن الددسن (أم عزيز) تحمل أكثر
وإذا أنت نصب ومكاشيتك كله نفود خذ هايلوكس
أتمنى أفدتك وعذراً على الإطالة

[أبو ماطر]

الددسن أريح من الهيلوكس
التنسيم على حسب جلد الباب (مقطوعه أو أتحرك أو غير ثابته)فيه تنسيم وهذا موبس الددسن حتى الهيلوكس وكل السيارات
صارفية البنزين أنا أشوف كلها واحد
في الخط الددسن أسرع من الهيلوكس
هذا اللي عندي

[التسعه شفر]

الددسن البخاخ لا يعلى عليه
والي يبيع الددسن ويشتري هيلكس بيندم كثيررر

[عقيعقب]

الددسن البخاخ لا يعلى عليه
والي يبيع الددسن ويشتري هيلكس بيندم كثيررر



نفس رأيي

ولو أنا بمكانك ما بدلتها بغير أختها الجديدة (إذا لي نية تبديل)


الهيلكس من 2006 وطالع ما تسوى كفرات الددسن (وجهة نظر)

[ربع 2009]

نفس رأيي

ولو أنا بمكانك ما بدلتها بغير أختها الجديدة (إذا لي نية تبديل)


الهيلكس من 2006 وطالع ما تسوى كفرات الددسن (وجهة نظر)


احترم وجهت نظرك(لو) كانت بمحلها وش دخل الددسن بالهايلكس معليش ,,,,,,,


المقارنه بين الددسن والهايلكس خلااااص انتهت الددسن يقارن بالإسوزو والا الميتسوبيشي

خذ هايلكس للمكده والنفووود غير الهلي ما تقووود


الهايلكس لحااااااااله :good2: ((لن تندم))

[الأسير]

جزاكم الله خير وكثر الله من امثالكم

قرات الردود بدقة واتضحت الرؤية امامي

[نجدالنجود]

اتوقع الددسن من2005 وفوق اريح بكثير

[هوايتي مكشات]

ياخي تايوتا وبس والله اطلق سيارة على الوجود
اذا بغيت بالعزم والقوة والصبر والمكده وقلة الخرابات
تايوتا وبس

[ميمون111]

الهايلكس اوسع
الراحه مافيه راحه اكثر مطامر من الددسن
البنزين الددسن اكثر صرفيه بشئ بسيط جدا
القوة من صالح الددسن حيث ان قوة المكينه 160 حصان
بينما الهايلكس 157

بالنسبه لزحف الفرامل ربما يكون خلل مصنعي في الموديلات القديمه
واكيد انتهت في المودلات الجديدة


وقبل كل شيئ انصحك تجرب السيارة
لأنك اذا بتاخذ فل كامل راح تدفع فوق 70 الف

موفق ان شاء الله

[الأسير]

شكرا لكم على ردودكم

[أب رحي]

وعليكم السلام ورحمة الله وبركاته


1- هل هي اريح من الددسن والا لا ( ددسني 2003 ذبحتن مطامر مع اني سحبت ريشة من السست )؟

نعم اريح في المطبات وفي داخل البلد وفي البر

2- هل تصرف بنزين اكثر من الددسن ؟

صرف الهايلوكس للبنزين انا اشوفه طبيعي على قد مكينته 2700

3- يقولون الهايلوكس اذا ربطت فرامل تزحف هل هذا صحيح ( الددسن ما لاحظت الشي هذا ) ؟

من تجربتي فيها زحف مو كثير وفرامل الهايلوكس طيبه مو مدح ولا ذم كلام من تجربه

4- هل الهايلوكس اوسع من الددسن من الداخل ( المرتبة اللي ورا ضيقة بالحيل باللدسن )؟

أوسع صح

5- هل فيه تنسيم هوا لما تمسك خط والا لا ؟

فيه تنسيم بسيط

وفي الختام أتمنى لك التوفيق بإذن الله سبحانه وتعالى.

[مجروح الروح]

- هل هي اريح من الددسن والا لا ( ددسني 2003 ذبحتن مطامر مع اني سحبت ريشة من السست )؟
حول بعض الهايلكس من وراء شوي مطامر قدام ولا احلى
2- هل تصرف بنزين اكثر من الددسن ؟
هي تشرب بنزين اذا زدت على البنزين وان مشيت بالهون صرف طبيعي
3- يقولون الهايلوكس اذا ربطت فرامل تزحف هل هذا صحيح ( الددسن ما لاحظت الشي هذا ) ؟
اذا مسكت فرامل في لفه او لفه فيها ماء تصير خطره لانها خفيفه بس سيده لا
4- هل الهايلوكس اوسع من الددسن من الداخل ( المرتبة اللي ورا ضيقة بالحيل باللدسن )؟
ولا فيه مقارنه الهايلكس اوسع وافخم وانظر الددسن من وراء قبر
5- هل فيه تنسيم هوا لما تمسك خط والا لا ؟
التنسيم تسمع صوت تصفير من البيبان اذا تعديت 150 والغماره هايلكس تحس انك في صندوق

واتقبل اجمل تحاتي...