المساعد الشخصي الرقمي

مشاهدة النسخة كاملة : الوعد قدام يا راعي عنيزة


الخبير
06/06/2002, 02:25 PM
السلام عليكم
انا يوم سمعت ارسالك ذاك اليوم وانا بالثمامة ، وانا منيب مصدق و للأسف كانت الاشارة ضعيفة بحيث اني ما قدرت اسولف معك ، لكن اني اسمعك هذا انجاز بحد ذاته.
لكن اليوم انشاء الله ابي اركب امبي ، و ابي اراسل استراليا ;) ، كودي القاك اليوم على نفس القناة مع ابو سلمان و إلي يبي من الشباب .
قناة 146050
و الوعد قدام
راعي عنيزة
07/06/2002, 02:03 AM
لا صرت بالثمامه والتلحيط حاديك ***** فركب ستيشن سيار واترك اللارسن :D

هلا والله بخلفهم

هاه عساك اقتنعت ان اللارسن الله بالخير :D
ركب ستيشن سيار وكرر التجربه وتمتع بالفرق يا بعدهم كلهم
الخبير
08/06/2002, 01:29 AM
و برضوا سمعت اشارتك
لكن للاسف ما قدرت اراسلك لان :
1- الجو كان قافل.
2- بطارية السيارة ما تقدر تستحمل سحب الجهاز و الامبي سواء.
3- خايف على امبي ابو سليمان.
4- الصراحة تأخرتوا علي بالحيل ، قاعد مرتز بالثمامة بالحالي من 8:30 إلى 10:20 ، وش حركات المنكباني ذي :mad: .
المهم انا بانتلي إلي على قولك تعبان سمعت إشارتك وانت معك توجيهي 10 دي بي و امبي . وانت ذاك اليوم تحاول تراسل ابو سليمان بانتل الدايموند و بالامبي و توجيهي ابو سليمان ماشاء الله ما يستقبلك إلا بزي.
نصل إلى نتيجي ان إريلي ممتاز ولا احسن منه و لاثبات هذا الشئ استقبلت اشارتك مرتين و في منطقتين مختلفتين.
راعي عنيزة
08/06/2002, 11:05 AM
من ناحية النكباتو انا مالي علاقاتو :D
الصراحه ما قريت الموضوع ذاك اليوم وحتى ما كنت ناوي اطلع بالتوجيهي بس اتصل فيني ابو سليمان وعطاني خبر واخذت العده معاي ولا كان فيه اتفاق على وقت محدد :rolleyes:

والجو ذاك اليوم تراه حليل شوي لدرجة اني راسلت ابوعبدالله بوضوح تام وابراج تطق ال 11 حتى اني اول ما راسلته احسبه من القصيم ويبي مداخله ومن الفسق طفيت الامبي وحطيت الجهاز على الميد وبرضه يسمعني :) وشقران راسل ذاك اليوم بدون امبي وبرضه استقبلته طبعا هم ثابتين ولهم وضع ثاني غير المتحرك مثلك ومثلي وانشالله اننا نكرر التجربه وننجح بس عليك اختيار الموقع المناسب يكون مفتوح المجال باتجاه القصيم ويفضل انك تستعمل الجارمن لقياس ارتفاع المكان الي تراسل فيه (اكثر من 750 متر فوق سطح البحر يعطي نتائج ممتازه)
والجهاز مع الامبي لحالهم يحتاجون 50 امبير واكثر يعني بطاريه 70 او 80 امبير بتكون مناسبه
الخبير
10/06/2002, 02:16 AM
السلام عليكم
الصراحة البطارية إلي عندي 75 امبير و شكلي ابي اطلق 90 امبير ، الان اذا راسلت اسمع حس الموتر يضعف. و الله اعلم لكن عن قريب سينكشف الغبار .
<CENTER><P><IFRAME WIDTH=65% HEIGHT=240 SRC="http://nobody.jeeran.com/movie2.swf"></IFRAME><BR></CENTER>