أرغب بتغيير خلفية الفكسار .. أصحاب الخبرة الرجاء تشريفنا وإفادتنا ...

[abd-107]

إخوني الكرام مساكم / صبحكم الله بالخير

معي فكسار خلفيته خلفيت لكزز وأرغب بتغييره وتركيب الخلفية اللي يجي الإسبير علاق
السؤال هل أحد من الإخوة جرب وغير الخلفية ؟
واللي غيره كم كلف الشغل كامل مع ذكر إذا كان الشغل وكالة ولا من التشليح ؟
وهل فيه أي سلبيات على عملية التغيير ؟
وهل فعلا يلزم تغيير الرفرف الخلفي يمين علشان يتحمل الإستبنه ؟
وهل يلزم تركيب جسر أو عمود دعامة بالركن بين البدي والديكور ؟

المعذرة على كثرت الأسئلة لكن الشكوى لله ما لنا بعد الله سوى الإخوة الأكارم في هذا المنتدى الشامخ ليفيدونا بتجاربهم وخبراتهم .

[الزين غالي]

هلا وغلا
انا معي جي اكس ار مغير الخلفية اسبير علاق ، تغير الباب السفلي للشنطه فقط وتركب قاعدة الاسبير فقط التكلفة حسب المكان للعلم التشليح اغلي من الوكالة ولا يوجد اي مشكلة
وإذا حاب تستفسر اكثر ارسلي رقمك علي الخاص واتواصل معاك
اخوك ابو مشعل...تحياتي

[abd-107]

مشكور أخوي على التواصل لكن شكله مقبول بدون ما تغير الباب العلوي للشنطة لأن خلفية اللكزز يجي كتبت لاندكروزر بوسط الباب
ولاهنت كم كلفك الشغل كامل

[التعـ King ـديل]

الغالي دق لك مشوار للشارقه ولا العين ب 3000 درهم يغيرون لك الباب الخلفي الى اسبير

بس عاد انت وشطارتك ممكن تدفع ال 3000 وياخذون منك الباب حقك يقولون هذا الفرق وممكن تاخذ الباب معك

[abd-107]

أخوي كنق التعديل مشكور على تواصلك وتشريفك الموضوع
لكن للإرتباط مالأقدر على الذهاب للإمارات ودي أعرف إجابات شافيه عن الأسئله اللي بالموضوع من إناس أصحاب تجربه ولك فائق الإحترام

[الحمادية]

أخوي أنا ماجربت بس أتمنى أقدر أفيدك ..

لو تروح لتشليح الحاير بالرياض وتشتري لك الخلفيه كــامله ، وأهم شي تكون شنطه ولا تكون بـيـبان لأن الغبار يدخل إذا كان بـيـبـان .. وما آظن تحتاج رفرف خلفي ..

و أتوقع قيمتها في حدود 5000 إلى 6000 من غير شغلـها ، وأكيد راعي التشليح بيشتري منك الخلفيه القديمه .

أخوك ( الحماديه )

[ابوابراهيم333]

لا تغير في الرياض

الاسعار مهابيل والتشاليح لاعبين لعبتهم في كل شىء

انا رحت لمهم من فترة والاسعارمن في حوالي 3500 الى 4500 تقريباً والشغلة ما تستاهل

والي تحتاجه بس الباب الي تحت والحديدة

وفي الامارات ازين لك

تقريباً ان طار السعر 1800 ما يتعدى وفي ناس كلفهم 1000ريال

على حسب المحل

واذا بغيت رح لم الامارات في محلات كثيرة متخصصة بهالشغل

في الشارقة في شارع الزينة عندهم اسمه شارع بي ام

(بس اهم شىء لو صملت كسر روسهم )

وفي محلات في الشرقية تسويها

محل اسمه تربل اكس في شارع الزينة مادري الملك سعود محل معروف حق تعديل السيارات عندهم مع الباب حقك 1800شغل صاحي

وفي محل ثاني في الخبر اسمه كرستال (زينة) بنفس السعر تقريباً

بس اهم شىء حاول تكاسرهم

لانهم اذا شافوا عليها طلب بيزيد سعرها

[abd-107]

مشكور أخوي الحمادية على التواصل ويعين الله على تضرب أصحاب التشاليح علينا

[abd-107]

مشكور أخوي أبو إبراهيم على التواصل وصدقت أصحاب التشاليح يتضربون بالواحد إذا جاهم لكن الظاهر مالي قدره على الروحه إلى الإمارات
أجدد شكري لك على التواصل

[ستوك]

لاتغيره نصيحه


مافيه مثل شغل الوكاله


اناموتر الشايب اسبير علاق والباب اللي ورى يصرقع ويقرقع


خله خلفيه لكززس

[VXR.2007]

أستفسار من أهل الخبرة والمشوره (http://www.mekshat.com/vb/showthread.php?t=262294)