تركيب دبل لفورد إكسبلورر مابه دبل ؟؟؟؟؟؟؟؟؟؟؟

[Mekshaati@]

السلام عليكم ورحمة الله وبركاته

أبدخل بالسالفة على طول

صديقي عنده اكسبلورر 2002 بدون دبل

و خبط القير معه قبل أمس

المهم وداه لورشة متخصص اكسبلورر و قاله راعي الورشة عندي قير مستعمل ابركبه لك و ابركب لك معه الدبل !!!!!!!!!

خوييي طارت عيونة :eek:

قال شلون تركب دبل وموتري اساساً مافيه دبل ؟؟؟؟؟؟؟

قال راعي الورشة يركب زي الحلاوة و انت مالك الا شغل مظبوط

وابعطيك ضمان 3 شهور.

الزبدة نبي أهل الخبرة

وش رايكم بهالكلام وهل تتوقعون فيه مشاكل لو ركبة ؟؟

×

[بدوي جنوبي]

عليكم السلام

اخى ابو موسى

بعض السيارات المزودة بالدبل يصير فيها بعض الاختلافات
فى التصميم عن السيارت الغير مزودة بدبل مثل :-

الدفرنسات (هل يوجد دفرنس امامى اصلا )
المساعدات
واهم قطعه هو كمبيوتر السياره

لان اغلب السيارات من موديل 2000 وطالع
يكون الدفرنس الامامى شابك حتى سرعة 80
هل صاحب الورشه بيهتم لهذه النقطه
وازرا الدبل ،،، بيتكون مبرمجه مع الكمبيوتر
وهذا شغل مصنع مو سهل
والفكره ممتازة لكن لازم ينتبه للنقاط اعلاه

بالتوفيق

[كادر]

السلام عليكم
ماعندي علم زود ولكن
مافي الترهيم خير
سيارات شد بلد دبل وعساها تسلك فما بالك بالترهيم
سيارتي برادو جيت اغير الباون الخلفي لياي لقيت الدفرنس مختلف يعني يتلحيم او تغيير دفرنس
تحياتي

[Mekshaati@]

مرحبا اخوي بدوي جنوبي يعطيك العافية على الإفادة مشكور وما قصرت
راعي الورشة يقول بيظبط الازرار و كل شي علية ضمان على كلامة والله يستر بنعطيكم النتيجة لاحقاً.

[Mekshaati@]

حياك الله اخوي كادر صدقت انحش عن الترهيم لكن فرصة لصديقي لأنه يحتاج الدبل
لكن ننتظر ونشوف النتيجة .

[Mekshaati@]

وين الخبراء معقولة ما حد مر عليه هالموضوع من قبل

[KFC]

حصل مره اني شفت كابرس بوكس موديل -85 مرتفع ويوم ناظرت تحته لقيت فيه دفرنس امامي

كلش جايز

[سؤال كل جواب]

إن شاء الله ربنا ييسرك أخوي
بس الله يبارك فيك لو بتعطيني رقم صاحب الورشة
عندي دبل يبغاله توضيب

[_دربيل_999]

أخوي اذا بيركبه بيلزمه تغيير المقصات الآمامية..
يعني يبي دفرنس أو فليور أمامي..
تحيتي لك..

الروقي