عندي سفاري 2009 هل ما يحصل لي عادي أو عندي عيب مصنعي

[فزوع]

السلام عليكم ارجو منكم الافاده هل هي مشكله أم شي عادي
عندي سفاري 2009 حصل معي الموقف الاول في الرمال عندما تغرز السياره واحاول الرجوع للخلف وانا مشغل الدبل تحن السيارة ولا يدور الكفر للخلف والذي اعرفه ويفترض ان الكفر يدور للخلف ولو أن السيارةمغرزه لكن يحن ولا يرجع اعتقد انه شي غريب
والموقف الثاني
كنت في ابها وكنت نازل طريق جبلي وعند نزولي وفي منتصف الطريق وجدت الطريق وعر وتراجعت عن النزول وبدى لي ان ارجع للخلف طبعاً كنت مشغل الدبل وعندما وضعت النمره R للرجوع للخلف لم ترجع السياره واصبحت تحن
سؤالي هل هذا شي عادي ام عندي مشكله في القير طبعاً لايحصل معي الآ في الرويس فقط عندما يكون في تغريز أو نزول قوي , اليوم ذهبت للحمراني اشيك على خمسة عشر الف كيلو وسألت المهندس عن المشكله قال لي عادي التروس ثقيله في الريوس
ارجو من يملك سفاري 2008 أو 2009 يفيدني ولكم جزيل الشكر

[bloodomen]

شي غريب
المفروض يرجع للخلف
ارجع لشركة واطلب مقابلة مدير الصيانة واشرح له الموضوع طالما السياة تحت الضمان
والله يسهل امرك

[ابوناصر426]

دام السيارة تحت الضمان لاتفك الحمراني
ارجع له وانشب لهم

[مدمن فتك]

اول مره اسمع كذا
انا عندي 2009 والحمدلله تمام مافيها اللي قلت
هم يقولون لك كذا الين يخلص الضمان واذا خلص قابلني اذا سووا لك شي

[الوسم]

لا حول ولا قوة إلا بالله

الله يهديك يا أخوي 0000

قل آمين ؟؟

طيب 00 إرجع للحمراني وقل له :-

أنا مسلم لكم دراهم ولا معطيكم قراطيس سميت ؟؟؟

والسيارة هاللي معي 000 نيسان ولا 00 لا ؟؟

وهذي سيارتكم عند بابكم ودفعت لكم قيمت السطحة بعد وجيتكم أنا وعيالي في تكسي وحاسبته لكم بعد 000

وهالحين !! دام الكلام يجي ويروح أبي سياره جديده كرت برقم شاصي ما بعد سجل في مرور السعوديه
وأنا اللي أبا أكفيكم تسجيلها وأدفع التأمين الجديد والله يعينني على مصاريفها من تسجيل ومرور وتأمين

وأبا أسكت عنكم بعد ماتعطوننيها
ولا تراني أبا أروح لوزارة التجاره وأكتب فيكم لو أقعد أراجع شهر ألين أطلع حقي منكم

أجل 000 وشلون تلعبون علي وتعطونني سياره خربانه مايشتغل فيها الريوس ؟؟؟؟؟؟

وإلا غرزت قالت 000 هذا محللي ؟؟؟

ولا تبونني أستهلك أنا وعيالي في ها السيارة

ما عااااااااد إلا هي 0000 إلا أنتم تبون تلعبون على الناس وتعطونهم سيارات خربانه

وإلا تراني أبا آقف قدام هالوكاله بإجازة رسميه من عملي وأتلقف الداخل والطالع وأعلمهم بسالفتكم معي

وإلا أروح لحقوق الإنسان 00000000

والله يعينكم على عيالي إذا قضيت منكم

تراهم ما يخلون حق أبوهم بعد



أهههههههههههه

فطرت تسبدي ألين طلعت اللي فيها

[الأجودي11]

فعلا شي غريب
انا معي سفاري 2008 .
لكن ممتاز جدا .

[~ V T A C ~]

اخوي

ممكن تشرح لي كيف طريقة تغريزك

يعني مثولث او مغرز للدفرنس

::::

اذا كان مثوثلث طبيعي مايدور جميع الكفرات

يبيلك دف لوك

الف شكر لك

بانتظارك

[فارس العمور]

احس ان الموظوع فيه شي غلط !!

للعلم اذا الدبل الثقيل معشق فالسيارة تكون ثقيلللللله ولا تتحرك حتى تعطيها بنزيم زيااااااااده خصوصا اذا تماتيك القير

اما اذا السياره ماتتحرك بتاااااتا ولا تدور اي كفر فهنا مالك غير الوكااااااااااااااااااااااااااااااله سيارتك فيه عيب مصنعي بلا شك

لكن عيب مثل هذا صعب يمررر مرور الكرام 90% فيه شي غلط

[حاب الربع]

السلام عليكم
اخوي الغالي كلام الوكاله غير مقنع
ارجع لهم على الضمان
رح لفرع ثاني شف وش يقولون
قير الفتك معقدوغاالي لاتروح لورش يخربونه عليك
الله يعينك على مطارد الوكاله

[ساحووق]

اعتقد انه عادي اذا كان موترك تمااتيك

الان التماتيك اذا غرز مايدوور الكفر يحن بس


والمعذره

[ALBDRANE]

تحصل في اكثر الفتكات التماتيك وتشعر ان صوت الماكينة عالي والسيارة ماودها ترجع للخلف يعني ثقل في الرجوع .
حاول انك ما ترجع ريوس في النزلات القوية يعني لا تحط نفسك في هذا الموقف .

[فزوع]

جزاكم الله خير يا شباب عشان تكون الصورة واضحه اكثر الريوس يرجع طبيعي ما عندي مشكله وماشي معي مضبوط حتى في النفود بس العله إذا غرزت السيارة وصارت الكفرات تدور ونزلت السيارة وحاولت اطلع قدام الكفرات الخلفيه تدور ما فيه مشكله لكن إذا حطيتها في الريوس يحن الموتر وما يدور وهو نازل في الرمل والي اعرفه حتى إذا كانت السياره مغرزه وغايصه في الرمل عند الرجوع يدور الكفر الخلفي وتنزل السيارة اكثر انا سيارتي تحن وما يدور الكفر تقول الرمل ماسكه .
بالعربي من يملك نفس الموديل هل حصل معه نفس الشي
وبصراحه انا مو مقتنع في كلام المهندس كيف طبيعي التروس في الريوس ثيقيله يعني لو غرزت في النفود في طلوع وشلون اطلع يعني بتكون الكفرات الخلفيه غايصه في الرمل يعني راح اتوهق قدامي طلوع والريوس راح يحن وما راح يطلع .
وبعدين اخوي البدراني انت تقول ( تحصل في الفتك )
وا خوي راعي المعاصير تقول (يعني شي طبيعياعتقد انه عادي اذا كان موترك تمااتيك

الان التماتيك اذا غرز مايدوور الكفر يحن بس)
هل يحصل معك نفس الشي إذا كنت تمتلك فتك
نرجو الافاده قبل ما اخربها مع الحمراني
وبصراحه اخاف يلعبون في القير ويفكونه وهو شي طبيعي

[بو خالد77]

الله يعينك

[أبو طريبة]

أنا أكاد أجزم انه مب طبيعي لأن معي فتك ولا قد صارت لي ..
لكن يا فزوع بعض المرات اذا غرزت ودعست له دعسه خفيفة ما يعاونك الموتر لازم تعطيه الحامي ..
أرجو أن أكون أفدتك وتقبل مروري ..

[ابوحمد666]

اخوي خذ العلم الاكيد
القير ما فيه شي وسليم 100% والسياره سليمه
القير التماتيك شي طبيعي ما يدور الكفرات لانه الدبل انت شابكه على الخفيف وخاصه اذا كانت السياره مغرزه اوالكفرات مليانه هواء او في طلوع شديد وهذا شي طبيعي بالنسبه للقير الاوتماتيك ونا معي نفس السياره ولها سنين كذا وماشي 200 الف وكل اسبوع بالبر
لذا انصحك اذا سوى معك زي كذا استخدم الدبل الثقيل حتى تطلع السياره وبعدين حول على الدبل الخفيف
اكرر مره اخرى السياره سليمه ولا تروح لا وكاله ولاشي لانه يمكن يفكون القير عليك ويدمرون عليك السياره ونفس النتيجه
تحياتي لك

[التعـ King ـديل]

غالبا في القير الاتوماتيك تكون النمره ضعيفه عند التغاريز وصعود المرتفعات تلاقي المكينه تعطي باور بس الدفرنس الخلفي مايستجيب بسهوله

لاتوسوس صارت معي في فيكسار 2010 برقى رصيف بالريوس وحن له شوي ثم عزم ورقى الرصيف .. هذي ميزه القير العادي مافي شي يرده

[فزوع]

اخوي خذ العلم الاكيد
القير ما فيه شي وسليم 100% والسياره سليمه
القير التماتيك شي طبيعي ما يدور الكفرات لانه الدبل انت شابكه على الخفيف وخاصه اذا كانت السياره مغرزه اوالكفرات مليانه هواء او في طلوع شديد وهذا شي طبيعي بالنسبه للقير الاوتماتيك ونا معي نفس السياره ولها سنين كذا وماشي 200 الف وكل اسبوع بالبر
لذا انصحك اذا سوى معك زي كذا استخدم الدبل الثقيل حتى تطلع السياره وبعدين حول على الدبل الخفيف
اكرر مره اخرى السياره سليمه ولا تروح لا وكاله ولاشي لانه يمكن يفكون القير عليك ويدمرون عليك السياره ونفس النتيجه
تحياتي لك
جزاك الله خير يعني نقول الوضع عادي اخوي واتوكل على الله وبس أو انشب فيهم بس بصراحه اول مره اسمع انها عاديه وخاصه أن الاخوان قالو معنا نفس السياره وما فيها مشكله وما شيه معهم تمام وما صار معهم نفس اللي صار معهم

[فارس الرس]

جزاك الله خير يعني نقول الوضع عادي اخوي واتوكل على الله وبس أو انشب فيهم بس بصراحه اول مره اسمع انها عاديه وخاصه أن الاخوان قالو معنا نفس السياره وما فيها مشكله وما شيه معهم تمام وما صار معهم نفس اللي صار معهم



هلابك ياخوي فزوع لاتشيل هم وانا اخوك الموضوع مثل ماقال اخوي ابو حمد . انا معي فتك سفاري 2002 وهذا هو القير التماتيك مايشيل الموتر بالريوس اذا كان مغرز او في منحدر قوي الا بالثقيل .

اخوك ابومحمد

[NOYEB]

افضل شيء تبحث عن سيارة مشابه لسيارتك وتجرب فيها حتى لو تستأجرها لتقتنع.

[عاشق الغضا]

اخوي الحبيب اذا غرزت اوحسيت ان الموتر يبي يغرز حط الموتر على طول بالثقيل ويفز مك على طول وموترك مافيه اي شي بأذن الله لاتوسوس , اما اذا حطيت الدبل بالخفيف فمعروف اكثر الجيوب التماتيك تكون نفس الكلام لكن الباترول اذاكان بالخفيف لزم تدعس نصف الدعسه او اكثر عشان يدور , ونفس الكلام اذاكان بالطلوع , واذا كنت بالبر اوبالنفود عليك بتحويله للعادي من 1 و2 ,,,علماً اني معي نفس الموتر 2009وعاديه الامر وليست مشكلة او خطأ مصنعي ولاتلعب بالموتر او توديه للوكالة يلعبون بالموتر وانصحك تسوق موتر نفس الي افضلك

[TNT 11]

جاك العلم يا طلابه انا معي 2009 ماشي 20000 والحمد لله ...
لا تاخذك الوسوسه ترى الموتر طبيعي وتبي تتاكد ان مستعد اقابلك تسوق موتري بس اكيد موترك توماتيك... وكلام ابو احمد وعاشق الغضا 100%

[ابو احمد 2]

جرب اي موتر مثل موترك قبل لاتنتهي الكفاله وبعدين قرر ويش تسوي والله يعطيك خيره ويكافيك شره ويطرح البركه فيه

[نجدالنجود]

نزل الموضوع في موقع نيسان ارابيا


وان شاءلله يفيدونك

[جهام القصيم]

اخوي خذ العلم الاكيد
القير ما فيه شي وسليم 100% والسياره سليمه
القير التماتيك شي طبيعي ما يدور الكفرات لانه الدبل انت شابكه على الخفيف وخاصه اذا كانت السياره مغرزه اوالكفرات مليانه هواء او في طلوع شديد وهذا شي طبيعي بالنسبه للقير الاوتماتيك ونا معي نفس السياره ولها سنين كذا وماشي 200 الف وكل اسبوع بالبر
لذا انصحك اذا سوى معك زي كذا استخدم الدبل الثقيل حتى تطلع السياره وبعدين حول على الدبل الخفيف
اكرر مره اخرى السياره سليمه ولا تروح لا وكاله ولاشي لانه يمكن يفكون القير عليك ويدمرون عليك السياره ونفس النتيجه
كلام سليم 100%

[ادولف هتلر]

اخوي احسن حل لك المقارنه مع مثل موترك ان كانك بالرياض حياك انا معي سوبر 2008 العداد 16 الف توه جديد قير اوتو اذا حاب نتقابل ونجرب الاثنين الي تبي ارسلي رقمك على الخاص


تحياتي لك

[جهام القصيم]

[quote=ابوحمد666;3811440]اخوي خذ العلم الاكيد
القير ما فيه شي وسليم 100% والسياره سليمه
القير التماتيك شي طبيعي ما يدور الكفرات لانه الدبل انت شابكه على الخفيف وخاصه اذا كانت السياره مغرزه اوالكفرات مليانه هواء او في طلوع شديد وهذا شي طبيعي بالنسبه للقير الاوتماتيك ونا معي نفس السياره ولها سنين كذا وماشي 200 الف وكل اسبوع بالبر
لذا انصحك اذا سوى معك زي كذا استخدم الدبل الثقيل حتى تطلع السياره وبعدين حول على الدبل الخفيف
اكرر مره اخرى السياره سليمه ولا تروح لا وكاله ولاشي لانه يمكن يفكون القير عليك ويدمرون عليك السياره ونفس النتيجه
كلام 100%

[ادولف هتلر]

اخوي جهام انا معي نفس الموتر يمشي بالريوس بالثقيل وبالخفيف على الطلعات وحتى لو مغرز

[hssan]

سبق صارت لفتك م2008
ماشي 40الف فقط
طبعا بالنفود
الموتر يحن بالريوس مايرجع الدبل الخفيف
و السبب ان نمرة الريوس تعادل النمرة الثالثة بالقير العادي
فشي طبيعي ان الموتر مايتحرك
(يعني كانك تحرك بنمرة خفيفة بالثالث)
و هذا تاكيد لكلام فني سعودي تخصص قيور فتك و توضيب
انه لازم تستعمل الدبل الثقيل
اريح و اقوى لكلتشات الريوس
او
يعدم عليك القير بسبب الاستخدام الخاطئ
و هذا شائع عند اصحاب القير التماتيك عموما

الدوس القوي للبنص خصوصا الريوس
يعدم الكلتشات
اذا كان الموتر محمل



موفق

[فزوع]

اخوي التعـ King ـديل
جزاك الله خير
اخوي فارس الرس الله لايهينك
اخوي NOYEB مشكور
اخوي عاشق الغضا الله يعطيك خيرة ويكفيك شره .
هل تواجه نفس المشكله في الغراز في الريوس يحن ومايدور الكفر إذا كانت السيارة مغرزه على الدبل الخفيف وانا داعس اخر شي وهو على الريوس يحن ؟
خوي TNT 11 بيض الله وجهك يا النشمي قول وفعل
اخوي ابو احمد 2 جزك الله خير
اخوي ادولف هتلر جزاك الله خير بعد ما اتأكد راح اتصل عليك
بس انت تقول يمشي على الثقيل والخفيف جزاك الله خير انا يمش ما عندي مشكله المشكله يوم يغرز الموتر قدام يدور الكفر وهو في محله وإا حطيتع على الريوس ودعست الى اعلى شي صار يحن الموتر والكفر مايدور للخلف تقول فيه شي ماسكه ابغاك تجرب في التفود ولا تشغل الدبل ويوم تغرز شغل الدبل على الخفيف وحط الريوس وشف هل الكفر الخلفي يدور أو يحن ولا تنم الكفرات أنا ماعندي مشكله إذا كان قدام يدور الكفر

اخوي نجدالنجود إذا ممكن تحط الرابط اكون لك من اشاكرين
اخوي جهام القصيم جزاك الله وبيض الله وجهك انت تقول طبيعي بس الاشخاص يقول الذين يمنتلكون الفتك من قائمة الردود يقول ما عنده مشكله

اخوي hssan جزاك الله خير فعلآ الحنه وهو على الريوس على اني داعس اخر شي ليست بي القويه كأنه عل نمره 2 واعتقد كما تفضلت لكن راح استخدم الدبل الثقيل اشوف هل ما تزال نفس المشكله بيض الله وجهك
وياليت الشباب الي معه فتك المديلات الجديده يشوف و يجرب التغريز ويحاول يطلع للخلف وياليت ما يكون منسم الكفرات ويشوف
وبصراحه المهندسين في الوكاله ما عندك احد يفك ويلعب في القير ويحوسه والسيارة جديده
وفي النهايه يقول طبيعي
بس ياليت الاخوان يجربون حتى تعم الفائده

[مواسي الطعوس]

الموتر سليم . اول مره انت تجرب موتر تماتيك .

** اذا تبغي القير يخرب مايطول معك لاتستعمل الثقيل . لانك اذا استعلمت الثقيل مارايح يخرب القير ابد خاصه اذا كنت تغير زيته .

** الدبل الثقيل ليش موضوع / والا زينه ؟؟ الدبل الثقيل للسحب والتغريز .


** انتبه اذا غرزت عاى طول عشق الثقيل اذا بغيت القير يعيش معك .

** اعجبني اللي يقول نمرة الريوس طويله كلامه صحيح .يعني مثل القير العادي لو تحركه بنمرة 2 يمكن يفوت الكلتش مع الزمن القصير ((يحترق))

[محمد بن سعيد]

وده الوكالة دامه على الضمان

[مستعد للتضحية]

السلام عليكم
اسمحولي ياشباب اتدخل بالموضوع بقوة
اولا : ابشرك ان موترك سليم 100% ولا فيه شي .
ثانيا :و ابشرك ان هذي مميزة لك مو عليك اشلووون
اقولك اشلون :
اذا كنت مغرز و عشقت الدبل الخفيف و رجفت للخلف R ماراح يتحرك الموتر عادة , فما عليك الا انك تدوس بانزين (البنص) كامل و بعدين تلف السكان (الدركسون) يمين و يسار و يمين و يسار يمين و يسار لفه كاملة على الاقل وراح يطلع الموتر اشوي اشوي باذن الله .
وراح تلاحظ ان : الموتر يرجع اشوي اشوي و التواير الخلفية ما راح تفرك ( تلوس ) و الموتر يرتفع عن الارض وتطلع من الغرازة ان شاء الله وهذي الميزه الي اقول عليها .
و اظن و الله و اعلم ان هذي ميزة بالتماتيك .
ثالثا : مثل ما قال اخونا ابو حمد 666 استخدم الدبل الثقيل حتى تطلع السياره وبعدين حول على الدبل الخفيف . ( فانت باخيار )
قال المثل : ( اسال مجرب ولا تسال طبيب ) و انا موتري سفاري 2006 تماتيك و كل يوم بالبر .
و ماعليك من الوكالة و خرابيطهم .
و تحياتي لكم و آسف على الاطالة .

[مستعد للتضحية]

السلام عليكم
اسمحولي ياشباب اتدخل بالموضوع بقوة
اولا : ابشرك ان موترك سليم 100% ولا فيه شي .
ثانيا :و ابشرك ان هذي مميزة لك مو عليك اشلووون
اقولك اشلون :
اذا كنت مغرز و عشقت الدبل الخفيف و رجفت للخلف R ماراح يتحرك الموتر عادة , فما عليك الا انك تدوس بانزين (البنص) كامل و بعدين تلف السكان (الدركسون) يمين و يسار و يمين و يسار يمين و يسار لفه كاملة على الاقل وراح يطلع الموتر اشوي اشوي باذن الله .
وراح تلاحظ ان : الموتر يرجع اشوي اشوي و التواير الخلفية ما راح تفرك ( تلوس ) و الموتر يرتفع عن الارض وتطلع من الغرازة ان شاء الله وهذي الميزه الي اقول عليها .
و اظن و الله و اعلم ان هذي ميزة بالتماتيك .
ثالثا : مثل ما قال اخونا ابو حمد 666 استخدم الدبل الثقيل حتى تطلع السياره وبعدين حول على الدبل الخفيف . ( فانت باخيار )
قال المثل : ( اسال مجرب ولا تسال طبيب ) و انا موتري سفاري 2006 تماتيك و كل يوم بالبر و اتكلم عن تجربة .
و ماعليك من الوكالة و خرابيطهم .
و تحياتي لكم و آسف على الاطالة .

[سفاري959]

اخوي اعتقد الوضع عادي اعرف واحد معه 2003 اشوفه ثقيل بالريوس خاصه اذا كان الهواء في الكفرات واجد لكن الشباب بيض الله وجيههم قالوا لك جرب مواترهم وهذا هو الحل قبل تستعجل وتوديه الوكاله موفق خير

[RHMN]

أخوي فيه حاجة يمكن تكون هي السبب:

في بعض السيارات ميزة تسمى مانع الانزلاق (ميزة تختلف عن الabs) هذي الميزة تخلي الكفرات ما تحوص أبد (يعني ما تصرخ او تزحلق) قديما كانت تجي على الفياجرا والبي ام فقط، والحين تجي في اليوكن والفكسار واللكزس اذا كانت فل كامل..
وعلامة هالميزة انك تلقى الزر اللي يشغلها مرسوم عليه سيارة تزحلق..

اذا كانت سيارتك فيها هالميزة فهي في الرمل او في الطين تجننك وتحرق اعصابك؛ لانه اول ما يدور الكفر في الرمل يوقفه هالنظام..

بمعنى: اذا كانت هالميزة موجودة افصلها (بكبسة زر) وتلقى سيارتك تمام..

[مقلع الرمث]

اخوي طبيعي لانه لا غرز الموتر مايقدر يرجع ولا يقدم لانه مو قير عادي تمتله متل بالنمره لكن اذا صار تماتيك بس يبي يحن بس لكن اذا بغيته يدورن الكفرات كلها اشبكه على الثقيل وريح الموتر افلضلك وسيارتك مافيها شي وهذ صايره معي كثيررر طبعا اذا غرزت وموترك قير تماتيك انصحك ماتطلعه الا بالثقيل لانه اذا حاولت بالخفيف راح يحن ويطلع ريحت كلتشات لذالك عليك بالثقيل وتوكل على الله

[سوبر VTC]

موترك مابه الا العافية
و الاشخاص اللي يقولون مواترنا تدور الكفرات وضعهم يختلف
من ناحية
هواء الكفرات + نوعية الارض + دعس الابنص يختلف من شخص لاخر

اكبر دليل الجمس او اليوكن او حتى الفكسار
اذا كنت بهيار و شابك الخفيف و داق ريوس
(القير يحن و الكفرات ماتدور)
و السبب الدبل الخفيف + الكفرات مليانة هواء

كلتشات القير ضعيفة جدا جدا اذا غرز الموتر (بهيار)
سواء قدام او رجوع
خصوصا عند شبك الدبل الخفيف
بعكس القير العادي :good::good::good:
يدورن الكفرات غصب

تبي الكفرات الخلفية يدورن
اشبك الدبل الثقيل مع دعس الابنص تقريبا
اكثر من الثلث الى النص الدعسه :good:
و افضل :good:
اذا كان مع الدفلك خصوصا اذا كانت الارض هيار او رباضة

تبي الكفرات تدور و القير يعيش معك
خل الكفرات دائما على 20 او 25 مع الدبل الخفيف
و ايضا شبك الدبل الثقيل => (اذا وقف الموتر بهيار)
اريح للكلتشات و تعيش معك

و اذا بغيت تجر شخص مغرز
حط الدبل بالثقيل + القير على نمرة 1 + تليين الكفرات
و انتبه تحطه بالدي

[الحسن القاضي]

خذ الطريقة هذي وبإذن الله تحطهم أمام الأمر الواقع .
أفحص القير في شركتين معتمدة وعند فنيين محترفين لكن لايفكون القير فحص بالكمبيوتر وفحص بالتجريب
في الطعوس وخذ تقارير ورح لنيسان وكلمهم وإذا قالوا كيني ميني وهذي عادة الحمراني قلهم على ديوان المظالم وعلى وزارة التجارة وعلى إحدى الصحف المحلية ...صدقني بيقومون يتراقصون قدامك.


الباترول سيارة ماعليها كلام لكن وكيلها مخرب سمعتها.

[راعي النياسين]

اخوي انا معي فتك واذا كنت من سكان الرياض اجيك انا واخليك تجرب سيارتي

علشان نشوف هل الي في سيارتك في سيارتي والا بس في سيارتك

واذا شفنا ان الموضوع موب طبيعي رح للوكاله والعب فيهم ويازين التحجير للوكاله اتمتع وانا احجر للمصري

[مستعد للتضحية]

اكرر موترك طبيعي 100% ومافي شي وكل السفاريات التماتيك من 2006 الدفعة الثانية الى 2009 مثل الحالة ( ما ادري عن السابقة )
والمسأله و مافيها نظام الكمبيوتر كذا
ماتشوف ان موترك ما يتفتف
و ما يلوس التاير وانت ماسك بريك و بانزين
ولا تحاتي ولا توسوس .

[aljthab]

اخوي مثل ماقالوا لك الشباب
وانت جرب وخبرنا
دائما اذا كان تحس الغراز مسك الموتر حول على طول على الثقيل
لين يطلع الموتر وبعدة حولة على الخفيف
خذة فايدة
الرباضة والتغريس الجامد وسحب سيارة مغرزة
ماعنك وعن الدبل الثقيل

والاخوان ماقصروو

[فزوع]

جاري التجربه

[هاوي غماره]

تماتسن الوكااالة دامه على الضمان

[kmm-999]

أنا عندي نفس المشكلة ..

حتى لو السيارة ما غرزت.

ما دام إنك ترجع للخلف والدبل شغال ؛ فإنك تشعر إن الكفر ما يدور ، كأنه رابط فرامل

سيارتي سفاري م 99 وكالة

ياليت الإفادة

[صقرالعرب2007]

الظاهر انك ماتدعس على البنص زين يعني بالعربي تدعس عليه بخفيف خايف تجور على الموتر.. وطبيعي انه لاصار مغرز مايتحرك الكفر لأنه ماسك بالتراب والكفر الثاني يتحرك اما لو عندك دف لوك كان تحركت كل الكفرات

[الايام]

نيسااااااااااااااان ولا يدق ريوس حتى وهو على الجبل!!!!

عشان كذا اهل الجبال ما يوادون طاريه ابد