كيف تقود سيارتك على المطانيج

[ابوناصر426]

السلام عليكم

المطانيج وما ادراك مالمطانيج

قبل يومين كنت في التنهات وانا مبطي عنها حصلتها كلها مطانيج من الكشاتة، ثم هزعنا للدهنا، ومن الدهنا للصمان، واكثر ما قابلتني المطانيج في التنهات في المقام الاول ثم الصمان في المقام الثاني.

كيف تقود سيارتك بطريق فيه مطانيج هل تطلع على الخط اذا كان الخط ترابي مثل طرق الصمان، وبعض الطرق اذا مشيت فيه مايمديك تطلع عنه اما لوجود قشع كثيرة على يمين الخط ويساره او لوجود طين او اي سبب يجعلك ماتقدر تخرج من هالطريق.

انا جربت اخفف السرعة مع المطانيج وحصلت انها تنفض السيارة نفض اقشر، وزدت السرعة وخفت بشكل بسيط.

وجربت نزلت هواء السيارة وتحسن الامر في النفود، لكن جربت تخفيف هواء السيارة في الصمان وانشق الكفر.

وش تسوون مع المطانيج يالسواقين.

[القناص المميز]

مافيه حل الا السررعه

[الكرينكوف]

المطانيج عدو المواتر

انصحك تهدي السرعة تماما حتى ماتفقع جنبينات الموتر وحاول انك تداريها وتمشي فوقها بالطول

يعني خلها بالطول قدامك وكانها الخطوط الي على الشوارع

وان اضطريت انك تقطعها بالعرض فلازم تهدي وتروووووووووق للآخر

والله يعينك

[نجدالنجود]

مافيه حل الا السرعه صادق اخوي

[الجندلي]

ركب كفرات بالون ...وتنسى البطناج ...ان شاء الله

[m.m4]

الحل الوحيد السرعة ..

[سوبر مكشات]

بالون وسرعة 80
وامورك زينه


ومشكلة البطناج انه يفكك الموتر

ولا شف لك درب اللحالك بس لاتوطي الربيع

[مقلع الرمث]

بالوووووووووووووووووووووووون ولا تحس لا بطانيج ولا غيره فقط بالون

[طرابيش]

انتبه اتهدي لانه يضر الموتر اكثر من السرعه
وعليك بتوسيط الموتر بوسط المطينه والكفرات خل بهن 20 هواء
وخل عنك البالون وشكرا لك

[أبوعُمر]

بالون و حط رجلك و وكل ربك

[مدمن.]

ياخوي انا بكفرات خط امشي 100

[ابوصالح77]

مثل ما قالوا الأخوان ركب بالون وتنسى شيء اسمه مطب أو بطناج
وأفضلهن ماركة( سيام تاير ) كانك رعي خط
أو حط لك طقمين : بالون مكسس ، وكفراتك العادية
وكانه مايركب للموتر : حط رجلك بين (80) و(100)
وانتبه للطريق وخل عنك التلفت الزايد
وبالتوفيق

[أبو مهند الزهراني]

ما هو البالون ؟

وكم قيمته ؟

[باث 3]

اذا تبي المطناج يخف حط رجلك واحكم القياده أنا عن نفسي احيانا امشي في المطناج 140 وترى غيري وانا اخوك يمشي 200:eek: والله اني ركبت مع واحد يمشي 170 وانتبه من عوايق الطريق رافقتك السلامه

[ابوناصر426]

اشكركم جميعا على اثراء الموضوع

[القناص4800]

يا اخي مالك

الا انك تخفف وتمشي على مهلك

ان حصل خله بالثاني ولا تتعدى 20

لأن السرعه تؤدي لا سمح الله الى انقلاب السياره

[فيصل التميمي]

افضل حل السرعة فقط

[jjjjjjjjjjjjj]

مافيه حل (آآآمن) الا البالوووووون
انا مجربها والله ما تحس بالمطناج ابد فرقتها عن الدنلوب
والي يقول السرعه هو حل بس ممكن تجيب العيد في اي وقت وتصير على اعصابك طول الطريق..

[الستانس]

تبي الراي

لازم تكون كفراتك لينة ولا تكون راديال

مثلا الماكسس >هذا اللي اعرفه

وتنسم الكفر لـ20

وتسرع من 80 -100

وان شاء الله ما تحس بالبطنيج

بس اهم شي كفراتك ما تكون راديال

[غازي المحمادي]

الحل الوحيد السرعه

[sياف]

مشكور يابو ناصر

[sياف]

الحل واحد فقط وهو ان تقول للبطانيج مافيك حيلة
مشكور يابو ناصر

[محمد الصرير]

الله يعطيك يالشايب اللي في بالي الصحة والعافية ، يقول((( إذا مسكت المزفلت صدع راسي ولا أرتاح إلا إذا نزلت وتلاعبت بالمطناج )))
ما فيه حل إلا السرعة وانسى المطناج ولا تصير حنون على الموتر البر يبيله شدة ماهو دلع للسيارة ، والله يبارك لكل منكم في رحوله ويكفيه شر الطريق .




وصل اللهم على سيدنا محمد وعلى آله وصحيه وسلم أجمعين . ودمتم سالمين

[لاتكب البيالة]

السلام عليكم
الحل تلين الكفر شوي وليس تنسمه يعني راي الاخوان 20 ممتاز
اما السرعة فانتبه له انت بالبر وممكن باي وقت تقابل حصاة حطبة تلف الجادة والقلبة ما يبي له شي
واذا ما تبي البطانيج اكشت بالنفود وريح راسك حطب عندك ووناسة اما الربيع اقرب فيضة للسفت تطيح اللي براسك

[ميمون111]

المطانيج اسرع وسيله لتهربد السيار وتكسرها واخراج الاصوات المزعجه فيها
السيارة الجديده تقدر تتحمل ولاكن مع الوقت راح تسمع اصوات عجيبه وغريبه

مافي حل الا تخفيف الهواء 20 والسرعه وحاول تمسك الموتر زين هاذا اذا كنت تعرف للطريق زين اما اذا ماتعرف مالك إلا تهدي او تفتح لنفسك طريق اخر اذا استطعت

[نبض البوسنة]

اذا تبي المطناج يخف حط رجلك واحكم القياده أنا عن نفسي احيانا امشي في المطناج 140 وترى غيري وانا اخوك يمشي 200:eek: والله اني ركبت مع واحد يمشي 170 وانتبه من عوايق الطريق رافقتك السلامه



الله العالم أنه في رالي سيارات


ههههههههههههههههههههههه


انا : اتوقع انك تبعد عنه يمين ويسار

امكن افضل .


والسرعة ....!!!! تخوف

[sameer_1798]

أنت رايح تتمشى ولا أحد يطردك ....
أمسك راسك وهدي وعين من الله خير .... خفف هواء الكفرات شوي والسرعة لاتزيد عن 70 .
أفتح الدرايش وشم الهواء الزين وشغل المحاوره واستانس .

[هويدي]

نقص الكفرات ودووووس الله يحفظك

وعن نفسي بالون والهوا عشرين واسفهها نفسياً :)

[ابوحمد666]

الحل كفرات بالون+هواء 15 واضرب الارض الوعر ضرب
اما اذا كانت سيارتك ما يركب عليها البالون فا نزل الهواء على 20 بس توقع انك تبنشر في اي وقت خصوصا اذا كانت الارض حجريه
تحياتي

[هلي--2007--]

الحل يا طويل العمر نسم للكفرات واسرع شوي

[الكااااااااشف]

الطريقة السائدة عند الاغلبية السرعة

وانسب طريقة الترفق على السيارة ومسايرة الطريق

بعدين حلات البر مطانيجة وتغاريزة ..,.,.,.,

[الفليحاني]

البالون أذا خليت هواه 20 مايضر الكفر اذا كانت الارض صخرية
او وعرة

[جهام القصيم]

ركب كفرات بالون ...وتنسى البطناج ...ان شاء الله
كلام سليم 100% + تنسيم الهواء من 20 الى 22

[قمة افرست]

خفف الهواء 20 ولاتقل السرعة عن 60

[أبو عمار الخالدي]

في البر احد يمشي 180؟

يااااا ساتر


انا 100واحس ان الموتر مهوب في يدي <<< بالنسبه للسفر 160 الى 150 ولاكن يالله يالله تمسك الموتر فما بالكم بالبر الله يستر علي وعليكم

[يوكن 2001]

خفف الهواء والسرعه 100

[عمرولدعلي]

مافيه حل الا السررعه ,,