من يعرف القصيد التالية

[الهيثم]

الاخ المشرف على خيمة القصص والاشعار الأخوة الأفاضل
السلام عليكم ورحمة الله وبكاته وبعد ,,,,,,,
من منكم يعرف القصيدة التالية كاملة ومن قائلها يزودني بها وله الشكر


ياما حلا ياعبيد في وقت الاسفار ...... جذب الفراش وشب ضو المناره


وتقبلوا تحياتي

[العطيب]

الاستاذالقدير/ الهيثم

تحيه طيبه....................وبعد


قائل القصيده هو الشاعرالكبير/ضيف الله بن تركي بن حميد يرثي اخاه عبيد

واليك القصيده كامله كما في المرجع:-




ياونتي ونة كسير الجباره
اليا وقف ماحتال, وليا قعدون
عليك ياشباب ضو المناره
عليك ترفات الصبايا ينوحن
من مات عقب عبيدقلناوداره
لاباكي عقبه ولاقايل من
تبكيك صفراء لبسوها غياره
تبكيك يوم السبايا يغنن
وتبكيك وضحاء ربعت بالزباره
اليا قزن من خايع مايردن
الخيل عقب عبيدمابه نماره
حتيش لوراحن حتيش لوجن
ياشيخ ماتامرعليهم بغاره
كود الجروح اللي على القلب يبرن
يقطع صبي ما ينادي بثاره
اليا اقبلن ذولي وذوليك قفن
ياهل الرمك كل يعسف مهاره
والمنع مانطريه لاهم ولاحن

[الهيثم]

الأخ الفاضل العطيب أهلا ومسهلا فيك بين أخوانك في المنتدى !
بالنسبة للقصيدة المطلوبه فهي ليست التي ذكرت والخطأ وارد في جيمع الاحيان وحبذا لو تعود إلى البيت أعلاه وسوف تعرف خطأك بالتأكيد .
ولك تحياتي وأشواقي

[المسفهل]

القصيدة
-يا أخي الهيثم-

لتركي بن حميد:


يامحلا ياعبيد في وقت الاسفار= جذب الفراش وشب ضو المنارة
مع دلة تجذاعلى واهج النار= ونجرالى حرك تزايد عباره
النجر دق وجاذب كل مرار= مالفه الملفوف من دون جاره
واخير منها ركعتين بالاسحار=لاطاب نوم اللي حياته خسارة
تلقاه في يوم يضيعن الافكار= يوم على المخلوق ما اطول نهاره
وقم في قصيرالبيت حشمة ومقدار= لوجارفادمح له ولوبه خسارة
ترى النبي وصى على الجار لو جار= خذ الحذر باعبيد عقب النذارة
رافق قوي الدين حفاظ الاسرار= ينفعك في يوم يجي به كرارة
ترى الهوى والغي هن شر الاشرار= ومن داس لعارالناس داسوا لعارة
جنب ردي الكارما فيه تعبار= ما فيه من فعل المناعير شارة
جنب عنه خله لقصاف الاعمار= واحفظ وصاتي يارفيع المنارة
واسلم ودم بالخير يا طير غيمار= وصلواعلى المختار ماغار غارة

[تعرض]

صح السانك يالمسفهل عز الله انك ما قصرت

[الهيثم]

الأخ الفاضل المسفهل شكراً جزيلاً على القصيدة وصح السانك والسان تركي بن حميد وماقصرت , ومثل مايقولون مايجيبها إلا ارجالها .
والمعذره ياأخي العطيب إذا بدى مني مايضيق الخاطر الدعوى مزوح تجي وتروح ولا يجي في خاطرك.
ولكم تحياتي جميعاً

[فتى القصيم]

يا شباب ... والله لو الريل بلير في مكشات شغال كان شاركتكم في تسميعكم القصيدة على لحن أحد الأخوة ...لو تسمعونها ..كان ينزل الواحد ( سطل ) دموع ...