هذا ما عندي اليوم من صور عن الحفنه و غيلانه 12/11/1425هـ

[المستوي 1]

رحله كانت سريعه من روضة نوره البدايه و لا فيها شيء الى الحفنه الى غيلانه الى خريم

ياله لك الحمد مطر خفيف يلطف الجوي

هذي صوره لشعيب الحفنه

http://www.mekshat.com/pix/upload/images6/mk9999_DSCN0048.jpg

وهذي صوره لشعيب غيلانه

http://www.mekshat.com/pix/upload/images6/mk9999_DSCN0054.jpg

وهذا فنجال على احجار الكلس وجدناها في الطريق

http://www.mekshat.com/pix/upload/images6/mk9999_DSCN0051.jpg


وهذي هديه مني لكم لكن قديمه


http://www.mekshat.com/pix/upload/images6/mk9999_DSCN1201.jpg

[عاشق الصفاري]

السلام عليكم..
صور رائعة تسلم اخوي وماتقصر ..

[أبوأحمد98]

الحمد لله على سلمك أخوي ((المستوي)) فعلا صور جميله :)

لكن يالغالي عندي طلب صغير لو سمحت :rolleyes:

ياليت وصف للاماكن التاليه ((روضة نوره شعيب غيلانه والحفنه )) :what:

لو تكرمت يالغالي وشكرا :heart:

[أبو يوسف]

مشكور اخوي المستوي على الصور الرائعة

وياليت توصف لنا شعيب الحفنة
توصيف طريق مهب احداثية

مع التحية

[واثق]

صور جميلة

واظن التأريخ 11/11/1425 هـ أو أنا غلطان ؟

[آل حسين]

السلام عليكم
مشكور اخوي على الصور
والطريق بسيط
شعيب الغيلانه هو اللي يصب في شمال خريم قبل ماتوصل لغيلانه على طريق رماح تشوف الكبري عليه واضح
وروضة نورة تمشي على طريق القصيم حتى يجيك مفرق الحسي الخاتله رح يمين ثم يصير الطريق خطين رح لمفرق الخاتله وتمشي مسافه وتشوف لوحه روضة نورة ادخل يسار طريق بري ممهد وواضح لين تجيك الروضة وهي مفيضة الايام اللي راحت مير البذر ماادري عنه يمكن طلع
والحفنه بعد طريق واضح
طريق الثمامه حتى يجيك مفرق التنهات الحفنه الصمان افرق معه وامش حتى تطلع جبل العرمه ويجيك وادي الطوقي وهو سايل مرتين والغدران مزبره فيه واوله وعر وهو اطول وادي في جبال العرمة وتمشي بعده ثمن يجيك شعيب العمياء وعليه مزلقان واضح وهويفيض في الطوقي (( ولو يدخل الواحد جهة اليمين بيلقى مناظر زينه مرة اذا التقى هو والطوقي وفيه فيضة اسمها فيضة العمياء جيتها العام فيه البابونج والنفل والحقيقة انا ماادخل الطوقي الا منه لان اعلاه وعر اللي يمر به الطريق )) تواصل الطريق ولا تستبعد المسافة وتمشي حتى يجيك على اليسار لوحة الحفنه قبل دوار الصمان التنهاة ادخل يسار والقريه على الوادي والوادي اسمه الطيري من شعبان العرمة الكبار ويفيض في التنهاة

[نفل]

السلام عليكم ورحمة الله وبركاته

هلا اخوي المستوي 1
مشكور على الاخبار الطيبة والصور
وجزاك الله الف خير وانشاءالله تربع الارض بعد هذه الامطار .

[ابو جارد]

جزاك الله خير

على الصور الرائعه


والله يتبعلها بمطر يارب

[المستوي 1]

ما قصرت يا ال حسين

كل ما ذكر صحيح

لكن لي تعقيب على طريق روضة نوره

ما ذكرت كان صحيح لكن هناك طريق افضل و اقرب هو انك تطلع من معبر الجمال بجوار محطة فيحاء العتش (بعد مخرج الحسي ب 18 كيلو تقريبا) هناك طريق ممسوح من البلديه الى روضة نوره حوالي 16-19 كيلو تقريبا

من روضة نوره الى الحفنه ممكن عن طريق رويغب كيف تروح لرويغب؟ اتبع عمد الكهرب في روضة نوره بأتجاه الشرق حوالي 8 كيلو راح توصل الى رويغب

من رويغب شرق فيه طريق جبلي يطلع الى الحفنه حوالي 13-15 كيلو

هذا و الله اعلم

[الكاشت للبر]

بسم الله الرحمن الرحيم
السلام عليكم ورحمة الله وبركاته.

ياهلا اخوي المستوي 1 ومشاء الله علي الصور والحمد الله علي سلامتك من الرحله و الصراحة ما قصرت



اخوك:الكاشت للبر

[عقرب الصحراء]

بسم الله الرحمن الرحيم

مشكور يا اخوي وما قصرت

وما شا الله على الصيد وبالعافية


اخــــــــــــــــــــــــوك (( عقرب الصحراء))