الفزعه يأهل الباترول لخوكم بسؤال محيرني؟

[--ابو سعود--]

السلام عليكم ورحمة الله وبركاته
اخواني استفسار بسيط الله لايهينكم
انا عندي باترول موديل95 تماتيك والصراحه ماني بالخبره.
في زر موجود تحت مفتاح الكبوت والتانكي في اليسار تحت
؟؟(السؤال)؟؟
هل هو الدفلوك ام ماذا؟؟ وكيف استخدام التماتيك بصفه عامه عيوبه ومميزاته في الرمال؟
وجزاكم الله خير جميع,,,,

[--ابو سعود--]

واذا كان الدفلوك هل له سرعه معين وطريقة استخدامه

[kmn]

حياك الله يابو سعود
اذا كنت تقصد الدفلوك فهو ميزة من مميزات السيارات القوية ووظيفتة هي جعل الكفرات تدور مع بعض حتى لو صار حمل على واحد منها ويكون في الباترول راكب في الدفرنس الخلفي وهو مهم في التغاريز والطين والجبال حتى انك اذا شغلته تمشي في النفود من دون دبل ....
اما العيوب لا يوجد به عيوب ابدا
اما استعمالة لابد ان تنتبه له جدا وهذه بعض النصائح عند تشغيله :-
1- لا تمشي عليه في الزفلت ( ينكسر الدفرنس )
2- لا تشغله وانت تمشي ( وقف السيارة تماما وشغل الجهاز )
3- كثر اللعب بالجهاز يعني طف وولع طف وولع ( يخرب الجهاز على طول )

[هويدي]

اللي لقيته شكله فاصل عادي اما للمبه او كشافات

زر الدفلوك خابره يجي فرار وفيه كتابات اوف اون <= يعني حول الدعوه

[ايو فهد]

موفق انشاالله ياالغالي

[عاشق الفتك 20]

مااقصروو الاخوااان

[--ابو سعود--]

السلام عليكم ورحمة الله وبركاته
لاهنت اخوي kmn وماقصرتوا جميع بارك الله فيكم
بس حبيت ارد على اخوي العزيز (هويدي) ان الزر الي لقيته من بلاده ومره شغلته وانا ماشي بسرعة(100) انبير الهواء ارتفع ونظام الزر ماهو بالفرار تضغط عليه يشتغل ترفع يدك يطفي عرفت يالغالي
مع فائق احترامي وتقديري للجميع,,,,

[--ابو سعود--]

بالاضاففه ان الكتابه الموجوده عليه A\t Look

[هويدي]

وعليكم السلام ورحمه الله وبركاته

اغديك تصورلنا هالزر ـ بصراحه انشطب مخي :) ودي اعرف وشو <=اللقافه ثقافه

توي اشوف ردك :

A\t Look

شكله يادفلوك يافرارا تماتيك ( فاصل الدبل )

[--ابو سعود--]

ابحاول اخوي هويدي في الصوره
ومعليش الكتابه ماهي لوك شيك بالنجليزي

[--ابو سعود--]

اخوي الهويدي السياره ماهي موجوده وماقدر اصور بس الكتابه A\t Check والزر تحت في اليسار تحت مفتاح الكبوت.

[الخفاره]

السلام عليكم اخوي هذا الاوفر درايف يعني اذا بغيته يرجع نمره وانت ماشي مثل اللي فالسدرك وامكسيما والسيارات الصوالين بس تجي في عصى القير واي استفسار عن النيسان ابشر بعزك من الى

[--ابو سعود--]

سلمتو جميع وماقصرتوا
بس اخوي (الخفاره)الاوفر ذا يستخدم في الطلوع والتجاوزات اوفي استخدامات غير كذا؟
وكيف مع الرمال؟
وشكراً للجميع,,,,

[الخفاره]

حق التجاوزات

[معدي المرقاب]

انشاء الله افادوك الشباب

[abbadi]

عليكم السلام
هذي صورة الزر

http://www.mekshat.com/pix/upload03/images144/mk126781_19012010(002).jpg

[abbadi]

وهذي صوره من الكتلوج

http://www.mekshat.com/pix/upload03/images144/mk126781_ppp.jpg

[بوسعود70]

عزيزي بوسعود هذا مثل ماقال اخونا الخفاره للاووفر درايف....وانت ماشي على سرعة يرد نمرة.....كان عندي نيسان مثله...وتحياتي

[هويدي]

وصلت المعلومه الله يجزاكم خير جميعا

هالزر هذا اشوفه على الفكتوريا وبعض السيارات

وشفت زيه بسياره اخوي تاهو 2008 حاطين عليه صوره قلص . للسحب او للتجاوز مثل ما تفضلو الاخوان

[هاوي غماره]

وصلت المعلومه الله يجزاكم خير جميعا

هالزر هذا اشوفه على الفكتوريا وبعض السيارات

وشفت زيه بسياره اخوي تاهو 2008 حاطين عليه صوره قلص . للسحب او للتجاوز مثل ما تفضلو الاخوان

لا ياحبيلك انت تقصد اللي يصير بالقير لالا هذا يخلي التغيره تبطي شوي يعني يحن ثمن يغير مب على طول يغير

[شمالات نجد]

يا أخوي أنت حاط صورة الكتلوج ومكتوب لا تستخدمه أثناء القيادة انتبه؟؟؟؟؟!!!!!

الأوفر درايف يستخدم عند سحب قلص أو غيره في الطرق المعبدة بأغلب السيارات وهو يختلف عن الصورة التي وضعت واختصاره يكتب بشكل آخر

بعدين اللي فهمت من الترجمة انه تشييك تلقائي أو تماتيكي

المهم لا تخربش فيه أنسه

والله أعلم

سلام