العون العون العون في حيرتي

[ابوحسن العنزي]

السلام عليكم ورحمه الله وبركاتة


عندي استفسار وابي العون منكم


انا اضرب يوميا لايقل عن 250 كيلو يوميا بسبب ظروف عملي


والذي اريدة منكم هو:


اريد سيارة ذات دفع رباعي تتوافق مع ضروفي


مع العلم اني لا اخرج للبر او النفود الا وقت المناسبات


واريد منكم المساعدة في اختيار هذة السيارة


التي تتوافق مع هذة المعطيات التي ذكرت



ولكم مني جزيل الشكر
ابو حسن

[aziz2727]

اول شي اقبل ملاحظتي على طرحك بصدر رحب
العون يطلب من الله سبحانه وتعالى
لو قلت ابي العون من الله ثم منكم كان افضل :)

سيارات الدفع الرباعي كثيرة
بس يحدد اختيارك المبلغ الموجود معك
عند المتوسط فيه اكس بلورل عملي وخفيف ودفع رباعي
فوق المتوسط عندك الالندكروزر والباترول والتاهو
اعلا من المتوسط عند جيب اللكزس

[Avalanche]

يوكن أو تاهو .........

[ابوحسن العنزي]

اول شي اقبل ملاحظتي على طرحك بصدر رحب
العون يطلب من الله سبحانه وتعالى
لو قلت ابي العون من الله ثم منكم كان افضل :)

سيارات الدفع الرباعي كثيرة
بس يحدد اختيارك المبلغ الموجود معك
عند المتوسط فيه اكس بلورل عملي وخفيف ودفع رباعي
فوق المتوسط عندك الالندكروزر والباترول والتاهو
اعلا من المتوسط عند جيب اللكزس


اشكرك على هذة المعلومة

وحدي تقريبا 100 الف لا اكثر

[ابوحسن العنزي]

يوكن أو تاهو .........

بس على حسب ما اسمع ان اليوكن والتاهو
مايتحملن الخطوط اليومية

[عيضه]

ابو حسن مثل ماذكر اخونا لاتعدا اليوكن أو التاهو

[][][زلفاوي][][]

- الغراند شيروكي :good2: شكل + مواصفات + الوان + 8سلندر + اداء وعزم + وقطعه اسعارها اعتقد معقوله .
- التريل بليزر :) نفس ما سبق واحد الزملاء بالعمل ما شاء الله تبارك الله معاه وله اكثر من 4 سنوات ويسافر عليه دايم لديره بالجنوب ولا شكى منه "الله يطعمه خيره ويكفيه شره" .
- الباثفايندر ;) ما شاء الله تبارك الله ما عليه ملاحظات ابد .
هذه الاختيارات من نظرة شخصية والنظرة ارتطبت بتجارب من هم حولي وكان الله بعونك

[هوايتي مكشات]

اتوقع الفورتشنر 6 سرندل تماتيك ممتاز

[ايو فهد]

بااااااااااااترول وبس

[ابوحسن العنزي]

الله لا يهينكم يالربع
ماقصرتووووووووووو

[شوار القلوب]

والله بعطيك كم سيارة من رأي انها تنفع

الباثفيندر نيسان وعليه الكلام

الفورد الاكسبلورر شكل ومنظر وقوة حلوة وينفع خطوط

الشفرولية تريل بلايزر وتحصله رخيص وينفع

واذا انت مو حق بر واجد خذلك من السيارات هذه اتوماتيك

واذا انت حق بر واجد خذلك عادي وبتحصل جديد بحدك طال عمرك

[كاشت وحداني]

اذا مالك في السيارات الكبيره
عندك السوباورو سيدان ودفع رباعي مستمر وسياره جوده ومهبوله من جد
عني انا اسميها مرسيدس اليابان .
او السوبارور بكس
وشكلها جميل
وتتحمل السفريات .

[عاشق الحوض99]

عليك بالبااترول سوبر سفاري او فتك


وكان طلعتك للبر واجد ينفعك
وكان خطوطك ومشاويرك واجد ايضاً بينفعك


ما سمعت احد يذم الباترول لا خطوط ولا بر


ومبروووووك مقدماً

[ابوو زيد]

انصحك اخوي باليوكن والتاهو لعدة اسباب
اول شي الراحه
ثاني شي استهلاك البنزين
ثالث شي المكينه 8 سلندر وماعليها حمل زياده بالخطوط عكس الباترول والاند
وانت تقول طلعاتك قليله للبر فـ ينفعك اليوكن
ومن قال انه اليوكن ما يتحمل في الخط مشاء الله مكينه جباره تعيش معك زمن
يعيب اليوكن والتاهو الرفق عليه ومتابعت صيانته

[ميمون111]

\\السيارة المناسبه لك هي الباجيرو// :good2:



http://img46.imageshack.us/img46/7946/pajeerrrooo.jpg

[N-xterra]

اشكرك على هذة المعلومة

وحدي تقريبا 100 الف لا اكثر

100 ألف خذ لك نيسان إكستيرا - سعرة 2010 بحدود ال 100 ألف

موتر طرب وعلى الخط رجل قوة ونشاط واقتصادي بالبنزين وسعرة بعد البيع حلو أهم شي خذ الأسود يمسك سعرة ........... شييييك

[طير البر 1]

اخوي ابو حسن

السلام عليكم ورحمة الله وبركاته

انصحك بسيارات تايوتا فورشنر أو برادو بشرط ان يكون 6 سلندر واهم شي لا تسرع لأن السيارات المذكوره رفيعه وما تصلح للسرعه الزائده (وجهة نظر) وبنفس الوقت مجرب السياره وخاصة البرادو .
واهم شي عدد افراد الأسره والمبلغ المتوفر لديك وانصحك بسياره جديدة أو نفس موديل السنة .
ومتابعة الصيانة الدورية والكفرات كل سنتين أو عدد الكيلوات من 60000 الى 70000 الف كم تقريباً.
مجرد نصيحه اخويه. والسلام عليكم .

[الجمــــــــــــــل]

أنا أرشح لك فورد اكسبلورر على قد ميزانيتك وقوي ومريح وفخم

http://www.familycar.com/RoadTests/FordExplorer/Images2006/Dash-md.jpghttp://img12.myimg.de/1e6a8d.jpg

[xahmaedx]

باجيرو او برادو

[سوبر مكشات]

الله يوفقك

ثانيا دام الموتر للمكده

حسافه تكد جديد

الا اذ انت ترغبه هذا شي ثاني

اما اذا رغبت بالتوفير

خذ لك باترول قديم او جكس قديم


موديل 94الى97

ونظيف

اسعارهن دون ال50 حسب النظافه


بتقل لي الخرابات

الموديلات هذي

اذا اعتنيت بالاشياء الصغير

تغير الزيت بشكل دوري والسيفون وفلتر الهوا

باذن الله منتب شايف الخربات
دامك ماجرت عالموتر

ولا اسرعت فوق160





او خذ لك جديد بس الجديد فوق 100


ونصيحتي لاتعدا التيوتا او نيسان

غيره صح زين بس ما ادري هل يكد اولا


اذا لقيت فتك 2003 او2004 نظيف فلا يفوتك

واسعارهن من اول السبعين الى اول الثمانين





وواستخر قبل كل شي

[S4500]

اخوي نصيحة من مجرب لا تقرب الامريكي ابد دام انك حق خطوط
صدق راحة لاكن يذبحك قطع غيار انا صلحت سيارتي لومينا قبل شهر
وكلفني 4500 تقريبا مع العلم ان سيارة موديل 2008
ما بالك بيوكن او تاهو قطع غيار نار

[الكااااااااشف]

عليك بالجيب

[راعي طفات]

رايي تاخذلك موتر خطوط : كامري - فورد .... بحدود 60 - 70

وتاخذ جيب بحدود 30 - 40

[بن داود]

باث فندر ولا باجيرو


والله يوفقك

[bader7787]

دام هذا مشوارك يومي وماتدخل البر كثير فكر في سياره ماتصرف بنزيم :d

[مقلع الرمث]

يابو حسن انا لي 6 سنوات وانا اضرب طريق دائما نفسك او اكثر وازيد عليك 250 ذهاب واياب صارت طيرات المجموع500 كيلو

ويقول المثل خذ كلام مجرب ولا تاخذ كلام طبيب

المهم جربت جيووووب لين تعبت وتعبت وتعبت واخرتها شريت سحاحيه يعني سياره صغيره

خذ بشوري دورلك سياره صغير

اهم شي تكون 6 سلندر ولا تقرب الامريكي

خذلك تايوتا افالون ولا اوريون ولا لكزس مستخدم حليو مع الخط ومريح تروح وترجع وانت مرتاح ولا تحس بالخط

وكانك والله واملزم على الجيب دورلك فكس ار 2004 فل كامل يكووون نظيف وبالتوفيق وراح تحصل الفرق

وبالتوووفيق ورحله سعيده كل يوم لي ولك

[سوبر VTC]

انت علمنا
وش يميل اليه قلبك ؟ لاي نوع ؟

الافضل راحة و الاقل صرفية
يوكن او تاهو م2007 و طالع

بعده

باترول فتك م2005 و طالع شكل جديد عن القديم
و الموتر خفيف

لاتنسى الاستخارة بعد الاستشارة

[-عزيز-]

ودي ارشحلك الفرتشنر 6 سرندل لكن مايمدحونه بالخط بالراحه يعني

لكني انصحك بالباث الجديد يمدحونه بالحيل بالخط تقل صغيره راسي ومريح انا اعرف واحد كل اسبوع رايح جاي من الرياض لبريدة ومعه باث 2007 ويمدحه بلحيل بالخط ,,


ونصيحه لا تقرب الامريكي اذا انت تبي تكرف خلك على الياباني كد ومد ياتويوتا ولانيسان

يمسك سعره ومرغوب عند البيع وقطع غياره تلقاها بالبقالات !!


هذا الي عندي قلته وعساي بس افتدك ,,

والشباب مهوب مقصرين ..

تحياتي وبالتوفيق ومبروك مقدماً