(برادو 4 سرندل Txl أو اكسبلور) 2010 محتار

[Yahya8]

الأخوة الأعزاء
السلام عليكم و رحمة الله وبركاته
أود استشارتكم و أخذ رايكم بحكم خبرتكم و تجاربكم

أنا أبي سيارة دفع رباعي عائلية صغيرة و محتار بين البرادو و الاكسبلور
كون أن واحد ياباني و الثاني أمريكي وعايش بالرياض و انا انسان لا أحب البيع و الشراء وأبي سيارة ممتازة و ما أندم عليها بعدين... لأن ما عندي خط رجعة

بس خوفي من البرادو أنه غير مريح فقط ......
أما الاكسبلور ممتاز بس أمريكي و مادري يمسك سعره و إلا لا الأمر الثاني في الاكسبلور عدم التحمل بعد عدة سنوات من الاستخدام (الرجه و الهرقله) و أصوات الديكور . و المكيف هل يخارج بالرياض أو لا .

علماً بأني لم أجرب و لا واحدة منها .......

أشيروا علي جزاكم الله خير

[أبو عمار الخالدي]

البرادو غالي مره مره ولاكن يمسك سعره

الاكسبلورر رخيص ولا يمسك سعره (( ولاكن انت منتب بايع ))

فانا ارشح الاكسبلورر

اما اذا كنت مطفوق والموتر بيتكسر في يدك ابعد عن الامريكي

[رابح999]

انا كنت محتار مثلك عام 1425هـ بين البرادو والاكسبلور
وتوكلت على الله واخذت برادو وكاله موديل 2005 وهو معي الى الان والحمد الله لم اشاهد فيه الا العلوم الطيبه:good2:
وكل يوم تزيد محبتي له:D
هذه تجربتي واسئل الله عزوجل ان يكتب لك الخير

[POWERFUL505]

انا معي برادو 2006 Gx توماتيك


حلووووو جدا

حتى في البر يدااااقش

مب نشيط مره لكن يوفي بالغرض

وعزمه حلو

ومريح

ومكيفين كلها قويه

ولا لاحظت فيه شي شين


زكنت قبل فتره خاق مع الاكسبلورر

بحكم ان معي سياره ثانية غير البرادو (( كروان فكتوريا ))


وشفتها مع واحد من خوياي ومدحها

وسعرها حلوووو جدا

ويكفيك انها فورد


وانا اشور عليك بالبرادو

اذا كنت راعي بر دايم

وتبغى بعد كم سنه تبيع

واذا منت راعس سفريات

ولا انت بايع

فخذ اكسبلورر

[سيف الظفير]

يالغالي اذا بوصل لقيمة البرادو

خذلك سفاري 1

أحسن من الاثنين برأيي ويياباني / وموتر مشهودً له /

[Explorer2007]

السلام عليكم ورحمة الله وبركاته

اخوي

ماتشوف ان قيمة البرادو مبالغ فيها ؟؟

انت انسان تقول انا ماراح ابيع

بس حرام تنحط فلوس في برادو 4 سلندر

اذا انت واصل واصل فوق 160 الف او 140 الف حطها في شي افضل

مثل ما ذكر اخوي سيف الظفير سفاري

لكن قبل هذا كله خذ كل سلعه وشف مميزاتها وعيوبها

اذا انت تبيني ارشح لك فقط بين برادو واكسبلورر

انا اقولك اكسبلورر ويقول اسأل مجرب ولا تسأل طبيب

انا انسان معاي السياره وجربتها

فرق عن اللي يعطيك نصيحه ويقولك هذا وهذاك وهو ماجرب

اول شي الاكسبلورر سعره لايقارن بباقي الجيوب

سياره 3 مراتب واسعه ومريحه حتى اللي في الصف الثالث

القير والدبل ما شا الله من اروع ما يكون

ويكفيك تنزل الشارع وتعد كم اكسبلورر موجود ؟

السياره لها شعبيه كبيره مثل ماهو صاير مع الكراون فيكتوريا

وفوق هذا كله السبب يرجع للقناعه الشخصيه

سيارة تلبي جميع احتياجاتك وبسعر معقول جدا جدا

بر + خط + مدينة

السياره ولله الحمد ماشتكيت منها وماشيه تمام

اضف الى انها اخف من باقي الجيوب بالنفود

طبعا القرار بالاول والاخير راجع لك

طلبت الاستشاره وافدتك وبإمكانك زيارة الرابطه والاستفسار اكثر

لأني لست الوحيد المجرب لكن اعداد كبيره جربت السياره ولازالت معها

المكيف جيد جدا .. وبالنسبه للهرقله .. كل السيارات تتهرقل اذا الواحد

قام يهابد فيها يمين ويسار ولايهتم فيها

الله يكتب لك اللي فيه الخير

[figo_2776]

لا تاخذ براودا 4 اخذ 6 سلندر لي اللة كان عندي توكل علي اللة الفورد عييبة الطرمبة البرادوا شييييك

[الجمــــــــــــــل]

أنا أرشح لك الاكسبلورر مريح في القيادة وفخامه ومنظره حلو وسعرة معقول بعكس البرادو أنا اشوف انه ما يسوى قيمته
توكل على الله وخذ اكسبلورر ولن تندم ان شاءالله


http://images.automobilemag.com/auto_shows/2006_los_angeles/0611_x+2007_ford_explorer_fuel_cell+driving.jpg

http://www.assayyarat.com/myimages/Aug05/AHMED900_5.jpg

[هويدي]

البرادو افضل من وجهة نظري اذا كان 6 سرندل

واذا كنت ملزم على 4 سرندل اشتر هلكوس دفرنسين ازين وارخص

او اكسبلورر شكل وقوه بس عيبه ما يمسك سعره

[ابووليد 333]

اكسبلورر من واقع تجربة والبرادو هو عبارة عن هايلكس مصندقة لا اقل ولا اكثر ..

اكسبلورر من واقع تجربة موديل 2006 ثم الحمدلله 2008 وقريبا سوف اقتني 2011 باذن الله

وفقك الله اخي العزيز

[khaled1417]

اخوي

انا عندي اكسبلورر 2004 وكالة علي يدي ماشي 147 الف

والحمد لله سيارة ممتازة ومريحة وقوية

اطلع فيها بر على خفيف واسافر فيها دايم

ميزتها الضمان 5 سنوات (لبد من الالتوام بالصيانة الدورية) وكذلك صيانة التوكيلات خريص والله ممتازة تصدق حتى البطارية غيروها على الضمان بعد سنتين و8 اشهر

بعدين قارن بين البرادو 4 سلندر اقل نوع يجيبلك فل ابشن اكسبلورر

[Yahya8]

مشكورين إخواني على النصايح الجميلة و ما قصرتوا ....

و أنتظر المزيد من المشاركات و الأراء

[الادعج]

والله يالغالي من خلال الانطباع المبدئي للسيارتين المذكورتين ..ولو كنت مكانك راح اختار البرادو على طول ..من اكثر من ناحيه ..بحكم انه عملي اكثر من الاكسبلور ..والشكل الجديد للبرادو ...وخصوصا انه يندرج تحت شركه سيارات يابانيه *مع انه مهب ياباني اصلي*... وهذا مايقلل من حق الاكسبلور بالعكس موتر مشهود له وانتشاره بالشوارع خير دليل ..لكن فيه مشكله كبيره وكبيره بلحيل بعد بخصوص البرادو ..الا هي *السعرالمبالغ فيه* ..انا الحقيقه مادري كم قيمته بالظبط لكن كان كلام احد الاعضاء انه بحدود150000 ..فانا اشوف انها حرام حرم الدم على البرادو و4 سلندر بعد ..فاذا وصلت القيمه هاذي طال عمرك اطق احلى فتك سفاري 2 2009 ..او لندكروزر G 2009

[التعـ King ـديل]

اللي يقول البرادو هايلكس مصندق احب اقوله شكلك تعرف البرادو بالشكل ماسقته ..

انا عندي برادو 4 سلندر وقير تماتيك مافيه احلا منه سفر وديره مريح وراسي عكس باقي مواتر تويوتا

مع ان ميولي نيسانيه بس عجبني البرادو في التويوتا .. اخوي الكريم البرادو يمسك سعره اي نعم لكن

ماله زبون بالسوق بسهوله وهذا انا شفته بنفسي .. لكن اذا انت صامل على البرادو خذلك سته سلندر

موديل 2010 قير عادي ومكيفين عند ابو جميل ب 130 الف اطلق من الاكسبلورر

[شمالات نجد]

مقدر أقول شي بعد كلام الأخوان الله يعطيهم العافية

أهم شي أبعد عن 4 سلندر وحاول في 6 سلندر أو خذ باترول أو لاند نظيف

بالنسبة للأمريكي زين للراكد واللي ما يجور على الموتر ولا يبعد

الله يوفقك بالموتر الزين

سلام

[صقرالعرب2007]

الاكسبلورر حلو وفخم ومريح ورزه

بس يعيبه قيره داااايم يخبط بتتعب معه مررررره ون بغيته ما يخبط حافظ عليه مررررره ولا تحمل واجد ولا تجر ولا شي

[Yahya8]

البرادو 2010 4 سرندل فل Txl سعره 116500 يعني مناسب تقريبا مع أن الاكسبلور سعر الفئه المتوسطة 101000 إلى 105000 و الفل 117000 غير الرسوم الإدارية .....

إذا جيت تقارن السعر الفرق 15000 تقريبا ........

[gJgJc]

<?xml version="1.0" encoding="windows-1256"?>
<message><![CDATA[بسم الله
ودي اتناقش معكم بالموضوع حتى انا محتار بين البرادو وبين الاكسبلور
امس كنت عند ابو جميل وقالي ان البرادو السته سلندر ب139.500طبعاً قير تماتيك انا مابي الا توماتيك
ان جيت للاكسبلور سعره معقول وامريكي مريح بس تخاف من خراباته وان جيت للبرادو غويلي وشكله من برا ومن جوا لك عليه بس شيك وغير كذا معروف التويوتا خرباته قليله ياعالم محتاااااااااااااااااااااار



]]></message>
]]>

[NissaN 1990]

ماجرت لا أكسبلور ولا برادو بس جيب 4 سلندر ما أعتبره جيب إذا البرادو 6 سلندر مثل الأكسبلور أقولك خذ برادو وإذا 4 سلندر ما أتوقع أنه ينشد فيه الظهر يمكن قوي وعزم بس ما يعني أنه مثل ال 6 سندر

[sami2003]

اخي العزيز
انا مجرب الاتي :
اكسبلورر موديل 2004
اكسبلورر موديل 2005 8 سلندر
مميزات السيارة : قوة + راحة +عزم + رخص قطع الغيار + عملية جدا + صرفية معقولة + كب غمارة السيارة + انظمة الامان.
العيوب : يطيح سعرة بسرعة .

برادو Vx2 موديل 2009
مميزات السيارة : قوة فقط
عيويها : سعر مبالغ فية + عدم رساوة + مطبات قاسية +قطع غالية + ظيق في غمارة السيارة + ليس هنا مميزات كبيرة فية تذكر.
ومن واقع تجربة ان جميع السيارت يطيح سعرها بسرعة فمثلا البرادو شارية بي 132000 ريال كاش من المعارض جديد ، بعد تقريبا اربع شهور جاب لي في السوق 90 الف ريال !!!!! كم الخسارة با لله !!!!
رغم ان سعرة الحقيقي بي 110 او 115 الف ريال رغم ان ممشاة 20 الف كم !!!!.
يعني كلة شغل شريطية بس .
ان اشوف ان الاكسبلورر افضل لك من واقع تجربة .
الخيار لك وتمنى لك التوفيق .

[خشم العرمة]

انا أستغرب من الاخوان اللي يقولون الاكسبلورر يطيح سعره ؟؟
يا اخوان اكسبلورير موديل 2008 اقيامة مابين ال 75 الف وال 80 الف وهو جديد 95 الف

انا اشوف ان الموتر ماسك سعره وله زباين كثير

مقارنة البرادو 4 سلندر مع الاكسبلورير خطاء
لان الاكسبلورير مايجي الا ستة سلندر او ثمانية سلندر

من ناحية الرساوة الاكسبلورر ارسى من البرادو في الخط

من ناحية الامان بعد الله الاكسبلورر المقصورة مدعمه بعوارض فولاذية ومن الداخل فية اريباقات تطلع من جمب المراتب وايرباقات تنزل من فوق من عند المساكات الامامية غير اللي في الدراكسون والدرج حق الراكب
الاكسبلورير اللي مطور انظمة السلامة شركة فولفو

في النفود انا اشهد انه موتر نسم الكفرات وتوكل على الله الحمد لله ماقد خيب ضني لا فية نفود ولا في بطناج ولا في شعيب يكفيك نظام الديفلوك والتراكشين والاي بي اس المطور
ونظام مانع الانقلاب لاسمح الله
ثلاث مراتب واذا سدحت المراتب اللي في المنتصف واللي في الخلفية تتساوى معك بامكانك تفرش فراشك وتنوم

البرادو اشوف الناس تمدحة ولا ادري عنه لكن اللي اعرفة اني لما اجي اشتري سيارة ادور احتياجاتي + السعر المناسب + توفر قطع الغيار
الاكسبلورير قيمتة الحين مع العرض في حدود 95000 او اكثر شوي يابلاش
قطع غيار متوفرة وسعرها معقول وموتر مريح

انا لست متحامل ضد البرادو مع اني متحامل جدا ضد جشع ابو جميل لكن احاول ان اسدي نصيحة

احتياجك+السعر المعقول+توفر قطع الغيار هي المعادلةالحاسمة والاستخارة قبل كل شي
موفق خير