جركل بنزين

[اللاسلكي]

حاولت أكثر من مرة اني اعبي جركل بنزيم واحطه وسط لسياره لكن المشكله الريحه ...
ايش الحل ؟ مع العلم ان السياره باثفايندر..وشكرا

[الخبير]

السلام عليكم
ورى يا طويل العمر ما ترهم له سلة خارجية و تخلي جركلك من العسكريات ( الحديد )
<CENTER><P><IFRAME WIDTH=65% HEIGHT=240 SRC="http://nobody.jeeran.com/movie2.swf"></IFRAME><BR></CENTER>

[القناص]

السلام عليكم

تراني شفت عند العليان اللي في الغرابي بالرياض جراكل حديد وستيل خارجيه وعندهم لها كراسي حديد خارجيه وسعارها زينه..



شوكرن

:redcar:العليان (http://www.olaca.com)

[الشيخ]

السلام عليكم
ما ود ازود عليك لكن مثل ما قالو الشباب الجراكل الحديد او العسكرية افضل للبنزين وانا عندي جيب شيروكي
يعني مسألة تعليق الجركل بالخارج صعبة جدا لان الباب الخلفي فيبرجلاس ماهو حديد ولا يتحمل الوزن
لذلك استعملت جراكل حديد للبنزين واذا كانت قاعدة الجركل دائرية يكون افضل لانه راح يكون ثابت وما تشيل همه وانت تطرد الصيد او انك بوسط طعوس ومطبات راح يكون ثابت ونصيحة ثانية لا يزيد حجمة عن العشرين لتر لسهولة نقلة بحالة الاستعجال او الحريق لا سمح الله
والسلام عليكم

[القناص]

السلام عليكم
وش صار عليك ياللاسلكي
وش رسيت عليه
ركبت جركل؟؟؟

[أيمن]

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8691) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

[MOR300]

هذي مشكله الباث فايندر بانزينه يصرف وتانكيه واحد بس

يضايق مره بس يركب له تانكي ثاني ؟؟؟؟
حتى الجركل مايوكل عيش

[فـ(الجـوف)ـتى]

Originally posted by MOR300
هذي مشكله الباث فايندر بانزينه يصرف وتانكيه واحد بس

يضايق مره بس يركب له تانكي ثاني ؟؟؟؟
حتى الجركل مايوكل عيش

[desprado]

الله يعينك

اسحب معك قلص بالمره يشيل عفشك

[تركي عبدالله]

اخــــــــوي الاسلكي السلام عليكم ورحمة الله وبركاته ابــــــــــي افـــــيــــــــدك انــــــــت والاخــــــــــوان مـــــن اكــــــثـــــر 10 ســـــنـــوات وانا اقـــــنـــص الـــحـــره واني اخــــــــذ البرمـــــيــــــل حـــــــق المــــــوبــــيـــــــد لــونــه ازرق مـــــــدور يشبه حــــــق بترمين بس تـــره صغير يخـــــذ تــقـــــريبن 25 لــتـــر تـــــلاقــاه بالمــزارع لاتـــــخـــــذ الي جـــــيــــتــــــه الشمس ليش لانــــه يـــوجـــــد في الغــطاء ربله وهــــــذي اهـــــــــــم شــــي والله من اكثر 7 سنوات وهــــن عــــــندي وكل اخــــر شــــــهــــر اخرج بهنا ---- تــــــــر اثـــنـــيــــن اقـــــل من الـــفــــل بـــــنـــســــبـــــه للجيب الربع واجدعهن لايمكن ان يخرج منهن اي رايحة بنزين ونا المســـول وشكرآ

[أيمن]

للرفع وزيادة النفع ..

[ابورشيد]

للرفع وزياده المشاركات

[المرنقط]

السلام عليكم ورحمة الله وبركاتة
حبايبنا طيب الصراحة هذي المشكلة أغلبيتنا نعاني منها بس السؤال مافي احد جرب يفصل تانكي حديد هل فية ريحة او مشكلة ؟
أتوقع انة يكون افضل من حيث المقاس وطريقة التفصيل والثبات
لأن واحد من الشباب مفصل تانكي للديزل ووصلة مباشرة الى التانكي الديزل وركبلة بزبوز بحيث اذا نقص الديزل ماعلية الى انة يفك البزبوز ويعبي التانكي والضاهر ما في فرق بين البانزين والديزل واشوف ما فية لا ريحة ولا اي مشاكل على ان الأغراض فوقة
وشكرا

[hamad125282]

السلام عليكم ورحمة الله وبركاتة
حبايبنا طيب الصراحة هذي المشكلة أغلبيتنا نعاني منها بس السؤال مافي احد جرب يفصل تانكي حديد هل فية ريحة او مشكلة ؟
أتوقع انة يكون افضل من حيث المقاس وطريقة التفصيل والثبات
لأن واحد من الشباب مفصل تانكي للديزل ووصلة مباشرة الى التانكي الديزل وركبلة بزبوز بحيث اذا نقص الديزل ماعلية الى انة يفك البزبوز ويعبي التانكي والضاهر ما في فرق بين البانزين والديزل واشوف ما فية لا ريحة ولا اي مشاكل على ان الأغراض فوقة
وشكرا

[عليم العطش]

البنزين مهم جدا للرحلات البريه الطويله البعيده عن المحاط .
حنا رحنا للرمله اربع ايام والسياره سفاري 99ومعنا 4جراكل بنزين وجركل ماء وسعه الجراكل 60لتر ومعنا بالغماره ولايطلع لها ريحه والسبب انا مانعبي الجركل لين يفيض وبعدين نضع مع غطاء الجركل كيس نايلون(باغه) ونربطه بشده وبمفتاح بحيث لايوجد اي تهريب
او تنسيم ولازم يكون للغطاء وجه بلاستيك وهو اهم شيء.
عندك لي شفط البنزين لازم تنظفه زين من بقايا البنزين وذلك بنفخه واخراج بقايا البنزين من اللي .
تحياتي
عليم العطش

[turhob]

السلام عليكم ورحمة الله وبركاته
اذا المشكلة عندك من الريحة يوجد جراكل جيدة واغطيتها محكمة لاريحة ولاتنثير
http://www.mekshat.com/pix/upload/images17/mk6519_ytmm.jpg
السعة 20 لتر حديد الشكل دائري وهذا يخليه ثابت بالموتر الغطاء محكم

http://www.mekshat.com/pix/upload/images17/mk6519_ghjm.jpg

السعة 20 لتر بلاستيك معالج يتحمل المواد الكيميائية يوجد داخله خرطوم الغطاء محكم

http://www.mekshat.com/pix/upload/images17/mk6519_wer.jpg
السعة 20لتر حديد يوجد معه خرطوم الغطاء محكم
اما اذا كان الجركل مايكفيك وتقول ابي شي اكبر فمالك الا تغيير تانكي البلد ووضع تانكي اكبر مثل شفت بعض الشباب مركبين تانكي للربع الباترول من شركة ARB

http://www.mekshat.com/pix/upload/images17/mk6519_longranger_smallpic1.jpg

التانكي لهايلكس ومادري هل عندهم للباث , يوجد ورش في الرياض تصنع توانكي بدال تانكي البلد اكثر سعة لكن ماعندي خلفية عنهن . والشكر للجميع لاتاحة الفرصة للمشاركة

[ابوالجازي]

السلام عليكم
صحيح فيه بالرياض ورش حداده وهي المواهب والمميز يركبون تانكي محل تانكي البلد مثل الباترول تانكي بلاده يسع 95 لتر تقريبا ويبدلونه بتانكي 150 لتر تقريبا وبعد يذكرون بالرس ناس مختصين بالاشياء هذي

[مخاوي الأحزان]

اخوي اللاسلكي السلام عليكم ورحمة الله وبركاته :
بالنسبه لموضوع جركل البنزين ومشكله الريحه اللي تخرج من الجركل فعندي لك حل وانا شخصيا ً مجرب الحل ومعاي جيب ربع مصندق وانت عارف الجيب الربع أقصر شاص من باثفايندر والرغم من ذلك إني إرتحت من مشكلة ريحة البنزين تماما ً
الطريقة هي :
شف الغطاء الأسود البلاستيك الكبير حق الجركل فك الغطاء من الجركل ورح لأقرب محل سباكة وإشتر من عندهم فيه حق المكيف الصحراوي الحديده الصغيرة الخارجيه بالمكيف اللي يركب فيها هوز المويه حق المكيف الصحراوي زين اخوي وبعدين صخن القطعة هذي ونزلها على غطاء الجركل وبعدين من حولها صمغه بصمغ قطري او أي صمغ ممتاز
الهدف من الموضوع هذا إنك تسوي تهوية للجركل وتنسيم للبنزين فياطويل العمر جب لك هوز مكيف صحراوي مترين او على حسب إحتياجك وحطه على قطعة الحديد اويفضل إنك تشتري مع هوز المويه النايلو الشفاف لك ربع مترمن الأهواز القاسيه شوي لتدخيل هوز المويه الشفاف بالهوز الثاني القاسي الأسود حق الغاز والذي يستخدم غالبا ً لشفط البنزين إدخل هوز المويه داخل الهوز القاسي لتقويم الهوز من الإنصفاط من الجركل وبعدين شده في قفيز وشد الغطاء لك بجلمبو وتحت الغطا حط أكياس او أي شي آخر وشده زين وطلع الهوز خارج السياره بحيث يكون مثلا ً على قاعدة الجهاز أو في أي مكان
بهذي الطريقه يكون الجركل له تنسيم خارجي والريحه تروح نهائيا ً وترتاح من الغثا والهم
والبنزين ريحته تتبخر برا وخارج السياره ولاينقص البنزين على ماهو عليه يكون ،،،،
أرجو إني وضحت لك الصورة ولو عندي كاميرا كان صورت الطريقة ونزلتها لكم في المنتدى بس للأسف ماعندي

لاتنسونا من صالح دعائكم
اخوك
مخاوي الأحزان

[HAS123]

السلام عليكم ورحمة الله وبركاته ،،،،،،،،،،،،،،
اخوي اللاسلكي لقد رد عليك اخي وحبيب قلبي الاخ تركي العبدالله بمقال له وفكره جيدة استعمال براميل المبيد الزراعي وهي براميل صغيرة ولاكن شديدة الاحكام بحيث لايمكن ان يصدر منها رائح اوتسرب للبنزين لأنه انتو عارفين كيف الحرص على تسرب المبيد .

حبيت اني اعلق على موضوع الاخ تركي العبدالله وأقول له أين انت ايه الصديق الوفي اين انت اية الرفيق الذي يطيب لي ملاقاته ومخاواته .

[الكاسر23]

محل الماجد القديم اللي كان بالغرابي يرهم توانك كبيرة لسيارات الدفع الرباعي، بحيث ينزل التانكي شد بلده ويركب واحد اكبر يستفيد من المساحات الجانبية والسفلية من السيارة حيث يزيد من حجم التانكس ما يقارب 50 إلى 70 ليتر.
المشكلة ان الماجد نقل من السعودية ورجع لديرته الأمارات، رحت له هناك في صناعية الشارقة، وسألته عن التوانك المتوفرة عنده، لقيت أنه مركز على توانك الباترول ، لانها سيارة البر الأولى في الأمارات، وشفت التوانك حقتها ، كلها المنيوم، وترهيمها بصراحة محترفين.
عاد فيه ورشه ممتازة في الرياض اعتقد انهم يرهمون كل شي، مجرد تعطيهم الفكرة ، وهم يصممون لك اللي تبيه، بس في توانك البنزين ما سألتهم. راح اسألهم وأرد عليكم ان شاء الله.

[النداوي HZ2AF]

محل الماجد القديم اللي كان بالغرابي يرهم توانك كبيرة لسيارات الدفع الرباعي، بحيث ينزل التانكي شد بلده ويركب واحد اكبر يستفيد من المساحات الجانبية والسفلية من السيارة حيث يزيد من حجم التانكس ما يقارب 50 إلى 70 ليتر.
المشكلة ان الماجد نقل من السعودية ورجع لديرته الأمارات، رحت له هناك في صناعية الشارقة، وسألته عن التوانك المتوفرة عنده، لقيت أنه مركز على توانك الباترول ، لانها سيارة البر الأولى في الأمارات، وشفت التوانك حقتها ، كلها المنيوم، وترهيمها بصراحة محترفين.
عاد فيه ورشه ممتازة في الرياض اعتقد انهم يرهمون كل شي، مجرد تعطيهم الفكرة ، وهم يصممون لك اللي تبيه، بس في توانك البنزين ما سألتهم. راح اسألهم وأرد عليكم ان شاء الله

ما احد جربها هل تنفع مع الباثفايندر والا لا ؟

[الكاسر23]

أخوي النداوي
بالنسبة لمحل الماجد انتقل للشارقة، ومتخصص حاليا في الباترول.
أما الورشة اللي ذكرتها راح اسألهم وأبلغكم بإذن الله.

[][الكاشت][]

في جراكل بلاستيك حلوة بالحيل ....


تجدها عند السليماني ... كذلك عند ساسكو .... لونها أحمر وغطاها أسود ومصممة خصيصاً للبنزين

تحياتي ،،،،،،،،،،،،،،،،،،،،،،،،،،،،،،

أخوك الكاشت

[راعي الرجم]

انا اخذ معي عدة جراكل مقاس 10 لتر اعبيهن عدد 3 ولا يطلع لهن ريحه هذي الجراكل حقت ماء زمزم مجربهن انا

[عطارد]

فيه جراكل حمرا بلاستك مصنوعة خصيصاً للوقود وفيها فتحة تنسيم ومحقان وشكلها قطمه يعني ما فيها طول علشان ما تتقلب وصناعتها امريكية يعني ارقد وآمن وتلقاها عند ساكو

[برق تميم]

من افضل الجراكل الي جربتها صناعه كنديه يجمع بين المتانة ( بلاستيك مقوى ) + خفة وزن + روعة تصميم
ومنه مقاسات وتجده عند ساكوا والله العظيم اني احطه جب كيسة الرز والتمر ولا يجي اي ريحه

http://www.mekshat.com/pix/upload/images22/mk21015_20060926168.jpg

http://www.mekshat.com/pix/upload/images22/mk21015_20060926169.jpg




http://www.mekshat.com/pix/upload/images22/mk21015_20060926170.jpg


http://www.mekshat.com/pix/upload/images22/mk21015_20060926171.jpg


http://www.mekshat.com/pix/upload/images22/mk21015_20060926172.jpg


http://www.mekshat.com/pix/upload/images22/mk21015_20060926173.jpg


وفيه داخل الجركل محقان علشان تصب البنزين في التانكي

[برق بن رعد]

يوجد في ساكو انواع من الجركل الحديد

[النوخذة الأحسائي]

للرفع والفائدة ولدي بعض الاستفسارات ..

من افضل الجراكل الي جربتها صناعه كنديه يجمع بين المتانة ( بلاستيك مقوى ) + خفة وزن + روعة تصميم
ومنه مقاسات وتجده عند ساكوا والله العظيم اني احطه جب كيسة الرز والتمر ولا يجي اي ريحه

http://www.mekshat.com/pix/upload/images22/mk21015_20060926168.jpg

http://www.mekshat.com/pix/upload/images22/mk21015_20060926169.jpg




http://www.mekshat.com/pix/upload/images22/mk21015_20060926170.jpg


http://www.mekshat.com/pix/upload/images22/mk21015_20060926171.jpg


http://www.mekshat.com/pix/upload/images22/mk21015_20060926172.jpg


http://www.mekshat.com/pix/upload/images22/mk21015_20060926173.jpg


وفيه داخل الجركل محقان علشان تصب البنزين في التانكي

ما مدرى قوة هذه الجراكل ,, لاني وجدت في ساكو لونها وردي أو احمر صناعة امريكية .. بلاستيك 5 جالون يعني ما يقارب 22 لتر ,, مكتوب عليها حافظة جازولين ,,

أنا ودي آخذ حبتين من هالجراكل يعني 45 لتر ,, ممتاز جدا بالنسبة لي ,,

سعر الجركل 73 ريال تقريبا .. وهو سعر مناسب جدا


بس أحس انها مهب محكمة مثل الحديد .. نصيحتكم ..

هذا اللي لقيته عندنا

[باثفندر]

لقيت هذه الصورة من موقع اجنبي ومكتوب السعة 75 لتر بس ما أدري هل هو بدال الكفر الاحتياطي او مع الكفر .


http://www.bushlore.com/images/accessories/longrangecopy.jpg

[سطام vip]

يا اخواني هالموضوع من عام 2002 وش لكم فيه؟؟

[باثفندر]

الصراحة موضوعك كان جيد ومشرفنا ايمن رفعه بعد سنتين لانه شاف انه مهم وبدال مايطرح موضوع جديد نسويلة تحديث وتحملنا عاد .

[sa13]

يا طويل العمر والسلامه

مر لك مغسلة ملابس, وقل صديق عندك جركل كلوركس فاضي - اكيد عندهم واجد-

أو اشتر لك كم جركل للبيت وكثر من الغسيل علشان يخلصن بسرعه

وخذ من اللي سنتها تجي خارجية أسهل للشد - وتأكد ان الجلده موجوده داخل الغطاء-

وسعة الجركل 30 لتر

وعب الجركل فل وشد زين شد متعافي بس لا تكسر الغطاء - لأن الجركل اذا كان مو مليان, مع الاهتزاز ينتفخ علشان كذا عبه الى حلقه -

وللتاكيد حط كيس للغطاء

وسلامتكم جميعا

[اصيل نجد]

اخوي ابو فهد السعر اللى تقول عنه قديم الان سعر جركل البنزين 84.75 ريال كميته 19 لتر الاحمر الامريكي صحيح كان 73 ريال انا امس اخذته من ساكو تحياتي لك

[اصيل نجد]

كلام غير منطقي ياخوي يا اس اي 13 هذا بانزين يعني لاقدر الله معرض للنفجار في اي لحضه اذا ماكان حصين مشكله وبعدين ماهو مكلف شي الموضوع من الميئه وجاي يعني حياتك اهم بكثير من ميه ريال ارجوك لاتشير علي الشباب مثل هالشور الله يحفضك ويخليك لعين ترجيك والله ماسويت هالمداخله الا علشانك تعز علي انت والاخوان يعني لو كان ماء مافيه مشكله خذه بكيس بس البنزين لا مشكله لاانه يحتاج جراكل من نوع خاص معالجه بلاستك مخصوص للمواد سريعه الاشتعال