( يا أهل الشرقية ) وش علوم الحيا عندكم ( النعيرية والسفانية ) عطونا العلم نطلع والا !

[مناسب]

سلام عليكم

عطونا علوم الحيا بالشرقية عندكم ي أهل النعيرية وماجاورها فيه شي يستاهل نروح له والا تو الناس

الله الله بالعلم الزين والاماكن الي شفتوها

خبرونا الله لايهينكم

[كشات]

بسم الله

عليكم السلام يا خوي مناسب

بالنسبه للنعيريه واللي شفته الخميس اللي راح

يبيلها بعد اسبوعين ان شاء الله وتزين الارض
لان الباذر فاز فزه قويه وبكل مكان تقريبا

وبعدين ياخوي
المربعانيه توجع البطن
خل كشتتكم بالشبط اكيد تبي تزين الارض والحياة تبي تبدى بحول اللي ماتنام عينه

[عروان]

هلا بك أخوي مناسب

مثل ما تفضل أخوي أبو علي الباذر في أوله. أما المطر ما شاء الله وافي بزود. واليوم بعد ممطوره.

الخباري حوالين النعيرية كثيرة. الارض تدور الشمس والدفاء.

هذي بعض الصور من هناك أخذت يوم الخميس 4 ذو القعدة:

http://www.mekshat.com/pix/upload/images6/mk657_rain lake12.JPG


http://www.mekshat.com/pix/upload/images6/mk657_rain lake9.JPG


http://www.mekshat.com/pix/upload/images6/mk657_rain lake8.JPG


الربيع الزين أن شاء الله يبا يبين بعد عيد الضحيه أو معه.

أطيب تحية

[طلال الدخنان]

السلام عليكم والرحمه
يالي تسأل عن السفانيه والنعيريه عين خير يارجال وانشالله يجيب الله خير
الديييييييييييره بتربع وخاصه السفانيه مبين فيها الباذرررر
وشكرا

[مناسب]

الشكر للجميع ومن شارك وفتح الموضوع

بشروا فيه شي الان بعدهالدفوه الاسبوع الماضي ...............!!!!!!